07 February 2020

Раҷаббой Аҳмадзода: Бо ваҳдату ҳамбастагӣ метавон, коррупсияро решакан намуд…

Санаи 7 – уми феврали соли равон дар маҷлисгоҳи Меҳмонхонаи «Суғдиён» - и маркази вилоят ҷаласаи кории Раиси вилоят Раҷаббой Аҳмадзода вобаста ба таъмини иҷрои Фармони Президенти Ҷумҳурии Тоҷикистон аз 4 - уми январи соли 2013, №1504 “Дар бораи Стратегияи муқовимат ба коррупсия дар Ҷумҳурии Тоҷикистон дар солҳои 2013 - 2020” доир гардид, ки дар он муовинони Раиси вилоят, роҳбари дастгоҳи Раиси вилоят, раисони шаҳру ноҳияҳо ва муовинони онҳо, аъзои комиссияи вилоятӣ оид ба пешгирии коррупсия ширкат доштанд.

Раиси вилоят Раҷаббой Аҳмадзода дар ҷаласа суханронӣ намуда, ҳолати иҷрои фармони зикргардидаи Сарвари давлатро дар вилоят мавриди таҳлилу баррасии амиқ қарор дод.

Читать далее

Президенти Ҷумҳурии Тоҷикистон Эмомалӣ Раҳмон дар мақомоти судӣ тағйироти кадрӣ ба амал оварданд

Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо кадрҳое, ки ба вазифаҳои раисони суд, муовинони раисони суд, судяҳои суди шаҳру ноҳияҳои мамлакат таъйин гардиданд, мулоқот намуданд.

Аз 153 нафаре, ки ба вазифаҳои масъули ин шохаи ҳокимияти давлатӣ таъйин гардиданд, 58 нафарашон баъди таҳсил дар донишгоҳу донишкадаҳои олии мамлакат тариқи озмун ба Маркази таълимии назди Суди Олии Ҷумҳурии Тоҷикистон ҳамчун судя-коромӯз ба таҳсили яксола фаро гирифта шуда, бори нахуст ба вазифаи судя дар судҳои шаҳру ноҳияҳои мамлакат таъйин гардиданд.

Читать далее

ҲАВЗИ ШИНОВАРӢ: ФАЪОЛИЯТИ ПУРСАМАР!

Ҳанӯз соли 2011 Маҷмааи ҳавзҳои шиноварии 20 - солагии Истиқлолияти Ҷумҳурии Тоҷикистон ба фаъолият оғоз кард. Хурду калон барои бо шиноварӣ машғул шудан ва тарзи ҳаёти солимро пеш гирифтан ҳамарӯза ба ин мавзеъ меомаданд. Вале он солҳо маҷмаа ба таври муосир таъмир нашуда буд ва чанд муаммои ҳалталаб дошт.

 Дар суҳбати пешинаи худ директори маҷмаа Муҳайё Сулаймонова аз он изҳори нигаронӣ карда буд, ки ҳавзҳои шиноварӣ ба таъмир ниёз доранду боми маҷмааро аз нав бояд кард. Баробари ин масъалаи таъминот бо об низ нигаронкунанда буд. Барои огаҳӣ ёфтан аз вазъи кунунии ҳавзҳои шиноварӣ ва дар кадом сатҳ қарор доштани ҳолати онҳо ба маҷмаа равон шудем.

Дохили бино гарму равшан, ҳуҷраҳои либосивазкунӣ, толори истироҳату шиноварӣ ба таври замонавӣ таъмир шуда буд. Аз субҳ аллакай мизоҷон дар ҳавзи 50 - метра машғули шиноварӣ буданд. Ҳарорати об низ муътадил буд. - Имрӯз муаммоҳои пешина тамоман аз байн рафтааст, зеро соли 2017 маҷмаа пурра аз таъмири куллӣ баромад, алҳол ба талаботи стандарти ҷаҳонӣ ҷавобгӯ аст. Бо ибтикор ва дастгирии Раиси вилояти Суғд Раҷаббой Аҳмадзода Маҷмааи ҳавзҳои шиноварии 20 - солагии Истиқлолияти Ҷумҳурии Тоҷикистон ба таври замонавӣ таъмир шуда, фаъолияти пурсамар дорад.

Имрӯз баҳри барқарор кардани фаъолият ва ҷалби мизоҷон корҳои зиёдеро ба сомон расонида истодаем. Аз ҷумла, безарар гардонидани оби ҳавзҳо дар мадди назари масъулин қарор дорад ва мутахассисон дараҷаи об ва чораҳои безараргардонии онро меомӯзанд, - гуфт маъмури маҷмаа Мунирахон Ортиқова. Маҷмаа дорои 3 ҳавз аст, ки дарозии яке 50 метр, дуюмӣ 25 метр ва ҳавзи иловагӣ барои кӯдакон амал мекунад. Имрӯз ба маҷмааи мазкур мизоҷони зиёде меоянд, ки аксарият аз синни 7 то 50 - 60 сола ҳастанд. Дар маҷмаа ду ҳуҷраи либосивазкунӣ мавҷуд аст. Дар таҳхона толори бозиҳои шавқовари кӯдакона «Лимпопо» амал мекунад, ки то аз шиноварӣ баромадани падару модар ва ё дигар наздикон кӯдакон дар он ҷо ба бозӣ машғул мешаванд.

Дар толори дуюм толори варзиши сабук мавҷуд буда, барои нафароне, ки варзишро дӯст медоранду вазни изофагӣ доранд, муқаррар шудааст. Рӯзҳои чоршанбею шанбе занон ва дигар рӯзҳо мардон ба шиноварӣ меоянд. Баробари ин дар ин ҷо 4 мусобиқаи ҷумҳуриявӣ, 2 мусобиқаи байналмилалӣ ва чанд мусобиқаи вилоятӣ гузаронида шуданд. Боиси қайд аст, ки имрӯз талаботи сокинон нисбат ба шиноварӣ афзуда, аксарият ҳамроҳи падару модар ва фарзандонашон меоянд. Аслан, шиноварӣ барои инсон фоидаовар буда, дар ин бобат духтури амрози дарунӣ Хайрулло Файзуллоев чунин гуфт: - Шиноварӣ барои табобати бемориҳои асаб, сутунмуҳра, ҷамъшавии намак дар гардан, миён, умуман барои тамоми мушакҳои инсон фоидаи калон дорад.

Ҳамчунин, барои нафароне, ки бемории фишорбаландӣ ва вазни изофагӣ доранд, шиноварӣ тавсия дода мешавад. Мо ба аксар бемороне, ки бо нишонаҳои зикршуда муроҷиат мекунанд, бо шиноварӣ машғул шуданро маслиҳат медиҳем. Бино ба гуфти беморон шиноварӣ барои барқарор кардани солимии тани инсон таъсири хуб мерасонад. - Аз соли аввали фаъолияти ҳавзи шиноварӣ барои обутоби бадан ва барқарор кардани саломатии худ дар маҷмаа бо шиноварӣ машғул ҳастам. Ростӣ, солҳои пеш шароит то ба андозае хуб набуд. Ҳарчанд он вақтҳо низ меомадам, вале имрӯз, пас аз таъмир маҷмаа тамоман ранги дигар гирифтааст. Сабаби ба шиноварӣ омаданам аз бемории асаб раҳо ёфтан аст. Барои кӯдакон низ шароит хуб шудааст ва акнун бе муаммо фарзандонамро ҳамроҳ меорам, то дар фасли сармо низ бо шиноварӣ машғул шаванд, - мегӯяд мизоҷи доимии маҷмаа Шарифа Комилова. - Чанд сол инҷониб аз дарди сутунмуҳра, дил ва меъда азият мекашам.

Табибон тавсия доданд, ки ба шиноварӣ равам. Синнам аз 60 боло аст тариқи шино кардан ба тамоми дардҳоям даво ёфтам. Шароит то таъмир, алалхусус дар фасли сармо ба талабот ҷавобгӯ набуд. Вақте маҷмаа аз таъмири куллӣ баромад, нисбат ба солҳои пешин хеле беҳтар гардидааст. Ҳоло ҳафтае як маротиба ба ин ҷо омада, саломатиамро барқарор мекунам, - мегӯяд Мирзоқодир Амаков. Бояд қайд кард, ки барои маъюбони хурдсолу калонсол маҷмаа хизматрасонии ройгонро пешбинӣ кардааст.

Алҳол се нафар маъюб ба ҳавзи шиноварӣ омада, ройгон саломатиашонро барқарор менамоянд. Барои нафароне, ки шино карда наметавонанд, машғулиятҳои гуногун аз тарафи мураббияҳо Муҳаббат Мамадова, Рафаэл Вахиладзе, Родин Вячеслав ва Музаффар Шодиев гузаронида мешаванд. Шахс метавонад дар давоми якчанд рӯз шиновариро аз худ кунад.

Шаҳбонуи СИДДИҚ,
«Ҳақиқати Суғд»

Читать далее

Амри Президенти Ҷумҳурии Тоҷикистон дар бораи нашри китоби «Тоҷикон»-и Бобоҷон Ғафуров

АМРИ
ПРЕЗИДЕНТИ ҶУМҲУРИИ ТОҶИКИСТОН

1.Бо мақсади омӯзиши амиқи таърихи пурифтихори халқи тоҷик, баланд бардоштани ҳисси худогоҳӣ ва худшиносии миллӣ, то ҷашни 30-солагии Истиқлолияти давлатии Ҷумҳурии Тоҷикистон китоби «Тоҷикон»-и Бобоҷон Ғафуров марҳила ба марҳила нашр гардида, аз номи Президенти Ҷумҳурии Тоҷикистон мувофиқи маълумоти оморӣ ба ҳар як оила туҳфа карда шавад.

2.Дастгоҳи иҷроияи Президенти Ҷумҳурии Тоҷикистон якҷо бо Вазорати молияи Ҷумҳурии Тоҷикистон, Агентии омори назди Президенти Ҷумҳурии Тоҷикистон, Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳои Суғд, Хатлон, шаҳри Душанбе ва шаҳру ноҳияҳо бо тартиби муқарраргардида ҷиҳати иҷрои амри мазкур чораҷӯӣ намояд.

Читать далее

Мулоқот бо номзадҳо

Дар толори мактаби санъати шаҳри Гулистон, тибқи нақша, мулоқоти номзадҳо ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи якмандатаи интихоботии “Мастчоҳ”, №18 баргузор гардид.

Раиси ҳавза Абдураҳмон Сафаров зикр намуд, ки вохӯрии мазкур тибқи талабот ва муқаррароти моддаҳои 14 ва 39 Қонуни конститутсионии Ҷумҳурии Тоҷикистон “Дар бораи интихоботи Маҷлиси Олии Ҷумҳурии Тоҷикистон” баргузор мегардад.

Сипас, номзадҳо ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии “Мастчоҳ”, №18 Ғайрат Азиззода ва Ғайрат Оқилзода доир ба барномаи пешазинтихоботии худ сухан ронданд.

Раиси кумитаи иҷроияи ҲХДТ дар шаҳри Гулистон Муслимахон Ҷамолиён роҷеъ ба Барномаи пешазинтихоботии Ҳизби Халқии Демократии Тоҷикистон барои 5 соли минбаъда иттилоъ дод.

Интихобкунандагон доир ба барномаи номзадҳо саволҳо дода, фикру мулоҳизаҳои худро баён намуданд. Чунин мулоқот дар толори корхонаи муштараки “Апрелевка” дар шаҳраки Консой низ баргузор гардид.

Сурайё ҲАКИМОВА,
“Ҳақиқати Суғд”

Читать далее

173 ҲОЛАТИ РИОЯ НАКАРДАНИ ТАЛАБОТИ ҚОНУНИ ТАНЗИМ

- Аз 715 шаҳрванде, ки дар хориҷа бидуни розигии мақомоти ваколатдори давлатӣ оид ба дин таълими динӣ мегирифтанд, 693 нафар ба Ватан бозпас гардонида шуданд ва 12 нафар барнагаштаанд. Онҳо сокинони шаҳру ноҳияҳои Истаравшан – 3 нафар, Исфара -1, Конибодом - 4, Панҷакент -2 ва Ашт -2 нафар мебошанд, - иттилоъ дод дар нишасти матбуотӣ мудири шуъбаи дин, танзими анъана ва ҷашну маросими Мақомоти иҷроияи ҳокимияти давлатии вилоят Сӯҳроб Рустамзода.

Аз шумораи умумии донишҷӯён, ки баргашта буданд, то имрӯз бидуни иҷозат ва огоҳии мақомоти дахлдор, такроран барои идома додани таҳсили динӣ ва ё бо баҳонаи муҳоҷирати меҳнатӣ ё табобат 14 нафар ба хориҷи кишвар сафар карданд. Онҳо асосан сокинони шаҳру ноҳияҳои Хуҷанд, Бӯстон, Истаравшан, Исфара, Конибодом, Ашт, Бобоҷон Ғафуров, Мастчоҳ, Панҷакент мебошанд.

Бояд тазаккур дод, барои муайян намудани теъдоди ҷавононе, ки дар муҳоҷирати меҳнатӣ ё кофтукови ҷиноӣ қарор доранд ва айни замон дар Феҳрасти донишҷӯён ба инобат гирифта шудаанд, барои муайян намудани фаъолияти онҳо бо Вазорати корҳои хориҷӣ ва хадамоти муҳоҷирати меҳнатӣ аз ҷониби мақомотҳои дахлдор корбарӣ ба роҳ монда шудааст.

Ҳамзамон, Сӯҳроб Рустамзода иброз дошт, ки соли гузашта дар маҷмӯъ 909 санҷиши фаъолияти комиссияҳои доимӣ ва ҷамъиятӣ дар шаҳру ноҳияҳои вилоят аз ҷониби шуъбаи вилоятӣ, бахшҳо, сармутахассисони ҷамоатҳои деҳот гузаронида шуд, ки назар ба соли 2018-ум 61 санҷиш зиёд аст. Дар даври ҳисоботӣ беш аз 4 ҳазору 600 рейди муштараки аъзои комиссия, масъулини шуъбаи вилоятӣ ва бахши дин, танзими анъана ва ҷашну маросими мақомоти иҷроияи ҳокимияти давлатии шаҳру ноҳияҳо гузаронида, 173 ҳолати риоя накардани талаботи Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” ба қайд гирифта шуд.

Мавсуф оид ба фазои динии вилоят ҳарф зада, онро мусоид ба сиёсати давлатӣ арзёбӣ намуд. Қайд гардид, ки айни ҳол дар қаламрави вилоят 13 масҷиди ҷомеи марказӣ, 91 масҷиди ҷомеъ ва 803 масҷиди панҷвақта ва 17 иттиҳодияи динии ғайриисломӣ, дар маҷмӯъ 924 иттиҳодияи динӣ дар асоси талаботи қонунгузории соҳа фаъолият доранд.

- Бояд тазаккур дод, ки дар қаламрави вилоят масҷидҳои ғайрирасмӣ вуҷуд надоранд ва ҳамаи он масҷидҳое, ки то соли 2014 аз қайди давлатӣ нагузашта буданд, дар давоми солҳои 2014-2019 ба ҷойҳои ҷамъиятӣ, асосан ба утоқи кории раисони маҳаллаҳо, осорхона, сартарошхона, майдончаи волейбол, китобхона, бунгоҳи тиббӣ, дорухона, коргоҳи ҳунарҳои мардумӣ, синфхонаҳои иловагӣ, маҷлисгоҳи маҳалла, анбори маҳалла, чойхона, нонвойхона ва ғайраҳо табдил дода шудаанд, - таъкид дошт мудири шуъбаи мазкур Сӯҳроб Рустамзода.

Дар фарҷом рӯзноманигорон бобати масъалаҳои ҳизбҳои фаъолияташон мамнӯъ, маъракаи Ҳаҷ, татбиқи қарорҳо, ободонии қабристонҳову гирду атрофи онҳо суолҳо дода, посухҳои мушаххас гирифтанд.

Маъмурахон САМАДОВА,
“Ҳақиқати Суғд”

Читать далее