11 February 2020

Сафари кории Раиси вилоят ба ноҳияи Зафаробод

Раиси вилояти Суғд Раҷаббой Аҳмадзода зимни сафари корӣ ба ноҳияи Зафаробод нахуст аз пойгоҳи обкашии “Мирзочӯл – 1” дидан намуд.

Бояд гуфт, ки пойгоҳи мазкур аз зумраи бузургтарин пойгоҳ дар Осиёи Марказӣ мебошад. Ин иншооти пуриқтидор солҳои 60 - уми асри гузашта бунёд гардида, он аз 6 муҳаррик иборат мебошад. Тавоноии пойгоҳи обкашии «Мирзочӯл – 1» 8000 киловат соат мебошад.

Читать далее

Имрӯз 54 нафар шаҳрвандони Тоҷикистон бо ҳавопаймои «Сомон Эйр» ба Ватан баргардонида шуданд

54 нафар шаҳрвандони Тоҷикистон, аз ҷумла 45 нафар донишҷӯён аз шаҳри Вуҳани Ҷумҳурии Мардумии Чин, маркази пайдоиши коронавирус, ба Ватан  баргардонида шуданд. Ҳавопаймои ширкати «Сомон Эйр», ки дирӯз бо ин мақсад ба Чин парвоз карда буд, имрӯз соати 6-и субҳ дар Фурудгоҳи низомии «Айнӣ», воқеъ дар 15-километрии Душанбе, фуруд омад, иттилоъ медиҳад хабарнигори АМИТ «Ховар».

Шаҳрвандони аз Чин баргаштаро кормандони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ҳамроҳӣ намудаанд.

Тавре аз Вазорати тандурустӣ ва ҳифзи иҷтимоии аҳолии ҶТ хабар доданд, шаҳрвандони Тоҷикистонро, ки аз Вуҳан  баргардонида шуданд, ду гуруҳи табибон қабул намуданд. Ин шаҳрвандон  муддати ду ҳафта дар карантин ва ё зери назорати табибон хоҳанд буд. Онҳо ҳар рӯз се маротиба бо хӯроки ройгон таъмин карда, чандин маротиба ҳарорати бандан ва вазъи саломатиашон санҷида мешавад.

Ба эҳтимоли зиёд шаҳрвандони баргашта давраи карантини худро дар осоишгоҳи «Харангон»-и ноҳияи Варзоб сипарӣ хоҳанд намуд.

Тавре АМИТ «Ховар» қаблан бо истинод ба Вазири тандурустӣ ва ҳифзи иҷтимоии аҳолии мамлакат Насим Олимзода хабар дода буд, барои пешгирӣ аз сироят ва паҳншавии коронавирус дар Тоҷикистон Ситоди ҷумҳуриявии доимамалкунанда таъсис дода, дар ҳамаи 27 гузаргоҳи марзӣ навбатдории шабонарӯзии табибон ва мутахассисони идораю муассисаҳои дигари  дахлдор ташкил карда шудааст. То  рӯзи ҷумъаи ҳафтаи гузашта 645 нафар шахсоне, ки  аз Чин ба Тоҷикистон омадаанд, бо карантин фаро гирифта шудаанд. Аксари онҳо донишҷӯён ва соҳибкорон буда, 47 нафарашонро шаҳрвандони Чин ташкил медиҳанд.

Бино ба қавли Насим Олимзода, аз байни шахсони дар карантинбуда то охири ҳафтаи гузашта ягон ҳолати гирифторшавӣ ба коронавирус ба қайд гирифта нашудааст.

Читать далее

Раиси вилоят собиқадорони меҳнатро аёдат намуд

Дар идомаи боздид аз шаҳри Хуҷанд Раиси вилоят Раҷаббой Аҳмадзода як қатор собиқадорони меҳнат, шахсони барӯмандро аёдат намуд. Санавбар Ҳомидоваи 81-сола солҳои тӯлонӣ дар соҳаи маориф ба таълиму тарбияи насли наврас машғул шуда, имрӯз даврони пирӣ меронад.

Раиси вилоят ҳини шиносоӣ бо Санавбар Ҳомидова ва фаъолияти пурмашаққати ӯ дар соҳаи таълиму тарбия таваҷҷуҳи Ҳукумати Ҷумҳурии Тоҷикистон, бахусус Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмонро ёдовар шуда, иброз дошт, ки ин шахсони фидоӣ ҳамеша дар мадди назари давлату Ҳукумат қарор доранд. Санавбар Ҳомидова ба Раиси вилоят Раҷаббой Аҳмадзода барои таваҷҷуҳ ва ғамхорӣ сипос гуфта,  масъулонро бовар кунонд, ки ҳарчанд дар нафаа аст, дар оянда низ барои тарбияи насли навин ҳиссагузор хоҳад шуд.

Читать далее

Машварати кории Раиси вилоят дар доираи корҳои ободонӣ ва таҷлили ҷашнҳо

Ҷашни ҷумҳуриявии Наврӯзи аҷам соли ҷорӣ дар маркази вилоят-шаҳри Хуҷанд бо шукуҳу шаҳомати хоса таҷлил гардида, дар доираи омодагиҳо ба ин ҷашн корҳои ободонӣ дар мамлакат босуръат идома дорад.

Боиси кайд аст, ки дар қатори чорабиниҳои наврӯзӣ Фестивали «Сайри гули лола», Иди асал, намоиши нон ва маҳсулоти нонӣ кишоварзони вилоят бори аввал Иди картошка-яке аз маҳсулоти ниёзи аввалро гузарониданианд. Вобаста ба ин дар боғи Камоли Хуҷандӣ, ки  маркази баргузории чорабиниҳост, бо иштироки Раиси вилоят Раҷаббой Аҳмадзода ва масъулони соҳаҳои мухталиф машварати корӣ баргузор гардид.

Читать далее

Хуҷанд: мулоқоти нахустини номзадҳо

Дар шаҳри Хуҷанд мулоқоти номзадҳо ба вакилии маҷлисҳои шаҳрӣ, вилоятӣ ва парлумони касбӣ оғоз гардид. Нахустин мулоқот дар Комиссияи ҳавзавии «Раззоқ», №1 оид ба интихоботи маҷлиси вакилони халқи шаҳри Хуҷанд, ки дар МТМУ №27 ҷойгир аст, баргузор шуд.

Дар ин муассисаи таълимӣ ҳамзамон, участкаи интихоботии №2-и ҳавзаи интихоботии «Масҷиди Сурх», № 5 оид ба интихоботи вакилон ба Маҷлиси вакилони халқи вилояти Суғд низ воқеъ мебошад.

Наим Маликисломӣ, раиси Ҳизби Халқии Демократии Тоҷикистон дар шаҳри Хуҷанд чорабиниро ифтитоҳ намуда, аз ҷумла таъкид дошт, ки мутобиқи Фармони Президенти Ҷумҳурии Тоҷикистон муҳтарам Эмомалӣ Раҳмон интихоботи вакилони даъвати нав ба Маҷлиси намояндагони Маҷлиси Олии Ҷумҳурии Тоҷикистон ва ба маҷлисҳои вакилони халқи Вилояти Мухтори Кӯҳистони Бадахшон, вилоятҳо, шаҳри Душанбе, шаҳрҳо, вилоятҳо ва интихоботи вакилон ба ҷамоатҳои деҳот ва шаҳракҳо 1 марти соли 2020 ба нақша гирифта шудааст. Ин шашумин интихоботи парлумонӣ дар таърихи Тоҷикистони соҳибистиқлол мебошад.


Дар мулоқот номзад ба вакили Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатии Хуҷанд, №13 Гулбаҳор Назирӣ, шахси боэътимоди номзад ба Маҷлиси вакилони халқи вилояти Суғд Дилафрӯз Саидӣ – Анвар Ҳоҷиев, номзад ба вакили Маҷлиси вакилони халқи вилояти Суғд Замира Ҳомидова, номзадҳо ба вакилии Маҷлиси вакилони халқи шаҳри Хуҷанд Хуршед Ғафуров ва Зебо Аминова барномаи пешазинтихоботии худро муаррифӣ намуданд.

Дар мулоқот аз интихобкунандагон даъват ба амал оварда шуд, ки рӯзи интихобот фаъолона ширкат варзида, ба номзадони арзанда раъйи худро диҳанд.

Бояд қайд намуд, ки баргузории чунин мулоқоти номзадҳо ба маҷлиси вакилони халқ дар участкаҳои интихоботӣ бо интихобкунандагон то санаи 28-уми феврали соли 2020 тибқи нақша пешбинӣ гардидааст.

Хабарнигори
«Ҳақиқати Суғд»

 

 

Читать далее