February 2020

25 February 2020

Мақсад: шукуфоии кишвар

Номзадҳо ба вакилии Маҷлиси намояндагони Маҷлиси Олии Ҷумҳурии Тоҷикистон аз Ҳизби Халқии Демократии Тоҷикистон Гулбаҳор Назирӣ, Ҳизби ислоҳоти иқтисодӣ Суҳроб Самадов, худпешбарон Мубина Хоҷаева ва Шӯҳрат Файзуллоев, номзад ба вакилии Маҷлиси вакилони халқи вилоят Саидӣ Дилафрӯз Раббизода, номзад ба вакилии Маҷлиси вакилони халқи шаҳр Моҳира Азимова, Меҳрдод Қаҳҳорзода, Заррина Маннонова ва шахсони боэътимоди онҳо дар мактаб - интернати ёрирасон ва Коллеҷи санъати ба номи Содирхон Ҳофиз ва дар ҳавзаи интихоботии «Дуредгарон», № 6 - и шаҳри Хуҷанд бо интихобкунандагони ҳавзаҳо мулоқот оростанд.

Вакилон ва шахсони боэътимоди онҳо, аз ҷумла Мукаррама Бузурукова ва Абдусабур Абдуваҳҳобов дар бораи фаъолияти меҳнатии номзадон дар риштаи парлумони касбии кишвар ва маҷлисҳои вилоятию шаҳрӣ, номзадии минбаъдаашон ба ҳайси вакил, Барномаҳои пешазинтихоботӣ, рушди соҳаҳои иҷтимоӣ, ваҳдату ҳамдигарфаҳмӣ, такмили қонунгузорӣ ва ҳуқуқу озодии инсон ва дастгирии ҷавонон, мусоидат дар ҳалли мушкилоти мардум маълумоти муфассал доданд.

Раиси Шӯрои Ҳаракати ваҳдати миллӣ ва эҳёи Тоҷикистон Мирзошоҳрух Асрорӣ дар бораи Ҳизби Халқии Демократии Тоҷикистон, мазмун ва моҳияти Барномаи ҳизб, рушди иқтисодию иҷтимоии кишвар, ободиву шукуфоии Тоҷикистон андешаи хешро иброз дошт. Дар ҷамъбаст номзадон ба вакилӣ ва шахсони боэътимод интихобкунандагонро баҳри овоздиҳӣ ба тарафдории номзадҳои арзанда, ки санаи 1 - уми марти соли ҷорӣ баргузор мешавад, даъват намуданд.

Тавҳида ҶӮРАЕВА,
«Ҳақиқати Суғд»

Читать далее

Шиносоии Раиси вилоят бо ҷараёни сохтмони маҷмааи нави истироҳатию сайёҳӣ

Дар доираи корҳои ободониву созандагӣ ба истиқболи 30 – солагии Истиқлолияти давлатии Ҷумҳурии Тоҷикистон дар шаҳри Гулистон сохтмони маҷмааи нави истироҳатию сайёҳӣ идома дорад.

Тавре зимни шиносоии Раиси вилояти Суғд Раҷаббой Аҳмадзода бо ҷараёни корҳои сохтмонии маҷмаа иттилоъ дода шуд, маҷмааи истироҳатию сайёҳӣ бо дарназардошти талабот ба ҷойҳои нави истироҳату табобат дар мавзеъи хеле хушбоду ҳавои соҳили “Баҳри Тоҷик” қомат афрохта, аз панҷ ошёна ва таҳхона иборат мебошад.

Читать далее

24 February 2020

Мулоқоти ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон оид ба делимитатсия ва демаркатсияи сарҳади давлатии Тоҷикистону Қирғизистон

Рӯзҳои 21 ва 22 феврали соли 2020 дар шаҳри Ботканди Ҷумҳурии Қирғизистон ҷаласаи навбатии ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон оид ба делимитатсия ва демаркатсияи сарҳади давлатии Тоҷикистону Қирғизистон баргузор гардид.

Ҷаласа таҳти роҳбарии муовини Сарвазири Ҷумҳурии Тоҷикистон Азим Иброҳим ва муовини Сарвазири Ҷумҳурии Қирғизистон Акрам Мадумаров ва бо ҳузури роҳбарони як қатор идораҳои ҷумҳуриявӣ, сафирони ду давлат, раисони вилоятҳои Суғду Ботканд ва шаҳру ноҳияҳои наздисарҳадӣ, инчунин роҳбарони сохторҳои қудратии ҳар ду тараф ҷараён гирифт.

Читать далее

Дар Боғи Абӯмаҳмуди Хуҷандӣ дарахтони калонҳаҷми каталпа ва магнолия шинонида шуд

22 феврал бо иштироки Раиси вилояти Суғд Раҷаббой Аҳмадзода дар Боғи таҷдидшудаистодаи истироҳатӣ-фарҳангии ба номи Абӯмаҳмуди Хуҷандӣ даҳҳо бех дарахтҳои калонҳаҷми навъи каталпа магнолия шинонида шуд, ки ба ҳусни ин мавзеъи истироҳатӣ ҷилои дигар зам намуд.

Ёдовар бояд шуд, ки боғи мазкур дар масоҳати умумии 6 гектар азнавсозӣ гардида, ба макони истироҳативу фароғатӣ табдил меёбад. Иншооти мазкур дар давоми ду сол бо тарҳи зебову замонавӣ бо ҷалби сохтмончиёни маҳаллӣ бунёд гардида, дар ҳудуди Боғи фарҳангӣ-фароғатӣ  расадхонаи Абӯмаҳмудӣ Хуҷандӣ ва муҷассамаи Абӯмаҳмуди Хуҷандӣ гузошта мешавад.

Читать далее

Нақши МОИ “Суғд” дар иқтисоди миллӣ

Дар соли 2019 – ум 5 истеҳсолоти нав, ҶДММ КМ ТТ «Афранг пластик» - филиали Хантана Канада ИНК дар Ҷумҳурии Тоҷикистон, ҶДММ «Донаи Алмос», ҶДММ «Сомон Кейс» ва филиали ҶДММ «Ал - авн Ал - муттаҳида барои тиҷорати умумӣ» дар Ҷумҳурии Тоҷикистон ба қайд гирифта шудаанд, - гуфт зимни нишасти матбуотӣ сардори маъмурияти Минтақаи озоди иқтисодии “Суғд” Фирдавс Олимзода.

Ҳамзамон ӯ қайд кард, ки самти асосии фаъолияти субъектҳои нав истеҳсоли профилҳои пластикӣ барои дару тирезаҳо, коркард ва бандубасти асал ва меваи хушк барои содирот, истеҳсоли ҷузвгирҳои мактабӣ ва ҳамчунин коргоҳи истеҳсолии кулолгарӣ, дӯзандагӣ ва тайёр кардани мутахассисони соҳаи ҳунармандӣ мебошад. Айни замон дар минтақаи мазкур 29 субъект ба қайд гирифта шуда, 14 - тои онҳо бо фаъолияти истеҳсолӣ машғуланд. Ҳамасола маъмурият мекӯшад, ки ҳаҷми истеҳсоли маҳсулот зиёд гардад. Дар соли 2019 маҷмӯи умумии маҳсулоти саноатӣ, хизматрасонӣ ва амалиёти воридоту содиротӣ ба 167,5 миллион сомонӣ баробар гардид, ки ин нишондиҳанда нисбат ба соли 2018 - ум 51,5 миллион сомонӣ зиёд аст.

Молу маҳсулоти дар минтақа истеҳсолшаванда асосан ба кишварҳои ҳамсоя содир шуда, соли сипарӣ ҳаҷми содирот беш аз 42,5 миллион сомониро ташкил дод. Ҳамзамон Фирдавс Олимзода бобати таъминот бо ҷойҳои нави корӣ ҳарф зада, қайд кард, ки миқдори умумии ҷойҳои корӣ дар МОИ “Суғд” аз оғози фаъолият ба 600 нафар расонида шудааст, ки дар ҳолати ҷалби сармоягузорони хориҷӣ ва таъсиси коргоҳҳои нав ин теъдод зиёд мешавад.

- Минтақаи озоди иқтисодии Суғд аз ҳама минтақаи рушдкарда дар Ҷумҳурии Тоҷикистон ба ҳисоб меравад, вале имрӯз камбудӣ бобати дар сатҳи кофӣ маблағгузорӣ нашудани сохтмони баъзе иншоот мебошад, - гуфт Фирдавс Олимзода. Дар анҷоми нишасти матбуотӣ рӯзноманигорон ба саволҳои хеш доир ба самтҳои гуногуни фаъолияти минтақа посух гирифтанд.

Шаҳбону ОЛИМОВА,
«Ҳақиқати Суғд»

Читать далее

Қарзи андоз – масъалаи нигаронкунанда

Иҷрокунандаи вазифаи раиси ноҳияи Спитамен Темур Нӯъмонзода оид ба ҷамъбасти натиҷаҳои рушди иқтисодию иҷтимоии ноҳия дар соли 2019 бо рӯзноманигорони васоити ахбори омма нишасти матбуотӣ доир намуд.

 - Масъалаи нигаронкунандае, ки нахуст маро ба ташвиш гузошт, барзиёд будани қарз аз тарафи андозсупорандагон аст. Қарзи андозсупорандагони ноҳия ба ҳолати 1-уми январи соли 2020 дар назди буҷети давлатӣ 2 миллиону 247 ҳазор сомонӣ буда, ҳарчанд нисбат ба ҳамин даври соли гузашта 199,5 ҳазор сомонӣ кам аст, ҳалталаб боқӣ мемонад.

Дар навбати аввал мо бояд ин масъаларо бартараф намуда, қарзи андозро супорем, то дар оянда ба пешравии кори мо халал нарасонад, - иброз дошт Темур Нӯъмонзода.

Қайд карда шуд, ки ҷиҳати сазовор истиқбол гирифтани ҷашни 30 – солагии Истиқлолияти давлатӣ мақомоти иҷроияи ҳокимияти давлатии ноҳия дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон Эмомалӣ Раҳмонро сармашқи кори худ қарор дода, дар ин самт нақшаи чорабиниҳои алоҳидаро тасдиқ намудааст. Дар асоси он соли 2019 - ум сохта ба истифода додан, ҳамчунин таъмиру таҷдиди 162 иншоот ба нақша гирифта, дар давраи ҳисоботӣ бо назардошти иншооти иловагӣ 167 адад ё ин ки 103,6 фисад иҷро гардидааст. Бояд қайд намуд, ки то соли 2021 дар ноҳия сохтмон, таъмир ва таҷдиди 410 иншоот аз тарафи буҷети маҳаллӣ ва ҳам дастгирии соҳибкорони маҳаллӣ ба нақша гирифта шудааст, ки дар натиҷа 475 нафар бо ҷои кор таъмин мегарданд.

Ҳамчунин, гуфта шуд, ки барои расидан ба ҳадафи чоруми миллӣ – саноатикунонии кишвар дар натиҷаи тадбирҳои андешидашуда давоми соли 2019 рушди соҳаи саноати ноҳия таъмин гардида, ҳаҷми истеҳсоли маҳсулоти саноатӣ ба маблағи 490,3 миллион сомонӣ ё 120,8 фисад иҷро гардид, ки нисбат ба ҳамин даври соли 2018 - ум 84,3 миллион сомонӣ зиёд мебошад. Барои фароҳам овардани фазои хуби соҳибкорӣ бошад, дар ноҳия корхонаи хурди равғанбарории ҶДММ «25- солагии Истиқлолият», марҳалаи дуюми ҶСП «Норд Азия Металл» ва сехи коркарди мағзи зардолу ва бандубасти он дар ҶДММ «Зуҳал КО», заводи хиштбарорӣ дар Ҷамоати деҳоти Куруш мавриди истифода ва баҳрабардорӣ қарор дода шуд, ки 96 нафар бо ҷойи кори доимӣ таъмин гардиданд.

Бояд тазаккур дод, ки дар ноҳия давоми соли 2019 - ум 255 ҷиноят ба қайд гирифта шуда, нисбат ба ҳамин давраи соли 2018-ум 4 ҷиноят зиёд аст. Аз ин теъдод агар 16 нафар ҷавон даст ба ҷиноят зада бошанд, ҷиноятсодиркунии як наврас низ боиси таассуф аст. Алҳол дар ҷамоатҳои деҳоти ба номи Турсун Ӯлҷабоев, Навкат, Куруш ва Тағояк, ки сафи ҷиноятсодиркардагон бештар аст, корҳои фаҳмондадиҳӣ мунтазам бурда мешаванд. - Алҳол соҳаи маорифи ноҳия ба 83 нафар мутахассиси фанҳои дақиқ, забонҳои русиву англисӣ эҳтиёҷ дорад.

Ҳамчунин, дар кӯмаки аввалияи тиббии санитарӣ (КАТС) низ духтурони оилавӣ намерасанд. Ҷиҳати бартараф намудани ин норасоӣ тадбирҳо андешида мешаванд, - иброз дошт иҷрокунандаи вазифаи раиси ноҳия. Бояд тазаккур дод, ки алҳол мардуми ноҳияи Спитамен 78 фисад бо оби тозаи нӯшокӣ таъмин ҳастанд. Чанде пеш дар Ҷамоати деҳоти Хуррамзамин, ки аҳолиаш ниёз ба оби тозаи ошомиданӣ доштанд, як чоҳи амудӣ кофта, ба истифода дода шуд. Алҳол корҳои ободонӣ ва баровардани оби нӯшокӣ дар Ҷамоати деҳоти Куруш идома доранд.

Боиси хурсандист, ки мардуми Ҷамоати деҳоти Навкат 98 фисад бо оби нӯшокӣ таъминанд. Иҷрокунандаи вазифаи раиси ноҳия Темур Нӯъмонзода ҳамчунин дар мавриди робитаҳо бо Ҷумҳурии Ӯзбекистон, ташрифи сайёҳони ватаниву хориҷӣ, вазъи экологии ноҳия, нигаронкунанда будани ҳолати беморхонаи Ҷамоати деҳоти Куруш, омодагӣ ба маъракаи сиёсӣ - интихобот сухан кард.

Шоира САЛИМОВА,
«Ҳақиқати Суғд»

Читать далее

Пешвои миллат Эмомалӣ Раҳмон дар ҷамъомади тантанавӣ ба ифтихори 27-солагии таъсисёбии Қувваҳои Мусаллаҳи Ҷумҳурии Тоҷикистон иштирок намуданд

22 феврал дар Кохи Борбад Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷамъомади тантанавӣ ба ифтихори 27 — солагии таъсисёбии Қувваҳои Мусаллаҳи Ҷумҳурии Тоҷикистон иштирок ва суханронӣ карданд.

Президенти мамлакат муҳтарам Эмомалӣ Раҳмон нахуст тамоми ҳайати шахсии ҷузъу томҳои ҳарбӣ ва кулли шаҳрвандони кишварро бо санаи муҳими таърихӣ 27 — солагии таъсисёбии Қувваҳои мусаллаҳи Ҷумҳурии Тоҷикистон табрику таҳният гуфтанд.

Читать далее

21 February 2020

Пешвои миллат Эмомалӣ Раҳмон дар паради ҳарбӣ ба ифтихори 27-солагии таъсиси Қувваҳои Мусаллаҳи Ҷумҳурии Тоҷикистон иштирок намуданд

21 феврал дар пойгоҳи Гвардияи миллӣ бо иштироки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ ба муносибати таҷлил аз 27-умин солгарди таъсиси Қувваҳои Мусаллаҳи Ҷумҳурии Тоҷикистон намоиши силоҳу муҳимоти ҷангӣ ва гузашти низомии ҳашт ҳазор нафар хизматчиёни ҳарбии ҷузъу томҳои сохторҳои қудратии гарнизони Душанбе доир гардид.

Президенти мамлакат муҳтарам Эмомалӣ Раҳмон нахуст бо маҷмӯи мухталифи техникаҳои гуногуни ҳарбӣ ва силоҳу муҳимоти ҷангӣ шинос шуданд.

Читать далее

Раҷаббой Аҳмадзода: Қувваҳои Мусаллаҳ - нерӯи тавоно ва сипари боэътимод!

Чорабинии идона бахшида ба Рӯзи таъсисёбии Қувваҳои Мусаллаҳи Ҷумҳурии Тоҷикистон

Санаи 20 - уми феврали соли 2019 дар толори бошукӯҳи Кохи фарҳанги ба номи Абӯабдуллоҳи Рӯдакии маркази вилоят ба ифтихори солгарди таъсисёбии Қувваҳои Мусаллаҳи Ҷумҳурии Тоҷикистон чорабинии мутантан баргузор гардид, ки дар он роҳбарияти Мақомоти иҷроияи ҳокимияти давлатии вилоят, намояндагони комиссариатҳои ҳарбии гарнизони Суғд, афсарон ва сарбозони қисмҳои низомӣ ва собиқадорони ҷангу меҳнат, муҳофизони сохти конститутсионӣ иштирок намуданд.

Қабл аз баргузории чорабинӣ аҳли толор навори ҳуҷҷатиро дар бораи таърихи Артиши миллӣ, дастовардҳои ҳайати шахсии Қувваҳои Мусаллаҳи Ҷумҳурии Тоҷикистон, ҳаёти сарбозону афсарон тамошо намуданд.

Читать далее

Президенти Ҷумҳурии Тоҷикистон Эмомалӣ Раҳмон Ноиби Президенти Корпоратсияи байналмилалии молиявӣ хонум Георгина Бейкерро ба ҳузур пазируфтанд

20 феврал дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Ноиби Президенти Корпоратсияи байналмилалии молиявӣ хонум Георгина Бейкерро ба ҳузур пазируфтанд.

Дар ҷараёни мулоқот таҳкими ҳамкорӣ байни Ҷумҳурии Тоҷикистон ва Корпоратсияи байналмилалии молиявии Гурӯҳи Бонки Ҷаҳонӣ мавриди баррасӣ қарор дода шуд.

Президенти Ҷумҳурии Тоҷикистон муҳтарам Эмомалӣ Раҳмон таъкид доштанд, ки мо фаъолияти намояндагии Корпоратсияро дар Тоҷикистон қаноатбахш арзёбӣ мекунем ва манфиатдори рушди минбаъдаи шарикӣ бо он ҳастем.

Читать далее