February 2020

19 February 2020

Раиси вилоят бо рафти корҳои сохтмонии осоишгоҳ шинос шуд

Дар шаҳри Гулистон бо саҳми соҳибкори маҳаллӣ Турсуной Зокирова сохтмони осоишгоҳ барои 250 нафар бомаром идома дорад. Раиси вилояти Суғд Раҷаббой Аҳмадзода бо ҷараёни корҳои сохтмонӣ аз наздик шинос гардида, таъкид кард, ки дар партави дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳамаи минтақаҳои кишвар беморхонаву марказҳои саломатӣ ва осоишгоҳу истироҳатгоҳҳои замонавӣ бунёд шуда истодаанд, ки ҳамаи онҳо барои ҳифзи солимии ҷомеа хизмат мерасонанд.

Тавре иттилоъ дода шуд, айни замон барои анҷоми корҳои сохтмонӣ 60 нафар сохтмончиён машғули коранд. Бино бо тарҳу намои зебо ва бо дарназардошти талаботи замони муосир бунёд карда хоҳад шуд.

Читать далее

Боздиди Раиси вилоят аз раванди корҳои сохтмонӣ ва амалишавии лоиҳаи “Таҷдиди Неругоҳи барқи обии “Қайроққум”

Дар идомаи боздиди кории худ аз шаҳри Гулистон Раиси вилояти Суғд Раҷаббой Аҳмадзода аз раванди корҳои сохтмонӣ ва амалишавии лоиҳаи “Таҷдиди Неругоҳи барқи обии “Қайроққум” аз наздик шинос шуд.

Тавре иттилоъ доданд, айни замон дар ин неругоҳ сохтмони шаҳраки сохтмончиён, таҷдиди кранҳои борбардор ва дигар корҳо мувофиқи нақша идома дорад. Корҳои “Таҷдиди Неругоҳи барқи обии “Қайроққум” бо ҷалби мутахассисони маҳаллӣ ва хориҷӣ амалӣ карда мешавад. Неругоҳи барқи обии “Қайроққум” иншооти гидроэнергетикии сарбанддори агрегатҳояш дар танаи дарғоти обпарто ҷойгирифта мебошад ва дар соҳили чапи маҷрои Сирдарё воқеъ аст.

Читать далее

Ба сохтмони бинои маъмурии Кумитаи иҷроияи ҲХДТ дар шаҳри Гулистон санги асос гузошта шуд

Дар доираи корҳои созандагӣ ба истиқболи 30 - солагии Истиқлолияти давлатии Ҷумҳурии Тоҷикистон ва дастуру супоришҳои Пешвои миллат, муҳтарам Эмомалӣ Раҳмон дар шаҳри Гулистон бинои Кумитаи иҷроияи Ҳизби Халқии Демократии Тоҷикистон ва маркази таълимию дӯзандагӣ бунёд мегардад.

Қабл аз гузоштани санги асоси ин ду иншооти муҳим зимни суханронии худ Раиси вилояти Суғд Раҷаббой Аҳмадзода таъкид кард, ки бахшида ба 30 - солагии Истиқлолияти давлатӣ танҳо дар вилояти Суғд бунёди беш аз 10 ҳазор иншоот ба нақша гирифта шудааст. Аз маҷмӯи иншооти бунёдшаванда корхонаҳои истеҳсолӣ, марказҳои савдову хизматрасонӣ, роҳу пулҳо, иншооти гидроэнергетикӣ, мактабу кӯдакистонҳо, беморхонаву марказҳои саломатӣ мебошанд.

Читать далее

Шиносоии Раиси вилоят бо фаъолити ҶСК “Қолинҳои Қайроққум”

Санаи 17-уми феврал дар доираи боздиди кории худ ба шаҳри Гулистон Раиси вилояти Суғд Раҷаббой Аҳмадзода нахуст бо фаъолияти ҶСК “Қолинҳои Қайроққум” шинос гардид.

Бояд зикр намуд, ки маҳсулоти корхонаи «Қолинҳои Қайроққум» давоми 60 сол мешавад, ки бо сифат, зебоӣ, услуб, рангубор ва нақшу нигоре, ки инъикосгари анъанаҳои халқҳои Шарқ мебошад, дар бозори дохилӣ ва ҷаҳонӣ талабгорони зиёд дорад. Дар замони соҳибистиқлолии мамлакат маҳз, бо дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо технологияи пешрафтаи ҷаҳонӣ муҷаҳҳаз гардонида шуд ва иқтидори истеҳсолӣ низ зиёд гардид.

Читать далее

22 424 315 сомонӣ ба буҷети ҷумҳурӣ рӯёнида шуд

Дар бинои Суди вилояти Суғд бо иштироки рӯзноманигорони ватаниву хориҷӣ нишасти матботӣ баргузор шуд. Дар нишасти матбуотӣ намояндаи Мақомоти иҷроияи ҳокимияти давлатии вилоят, судяҳо ва кормандони масъули дастгоҳи Суди вилоят иштирок намуданд.

Раиси суди вилоят Оқилзода Бахтиёр Даврон оид ба натиҷаи фаъолияти судҳои вилоят ва шаҳру навоҳӣ дар соли 2019 иттилоъ дода, қайд кард, ки дар марҳалаҳои якум, кассатсионӣ ва назоратӣ 41903 парвандаи граҷданӣ, оилавӣ, ҷиноятӣ, маъмурӣ, дархости мақомоти тафтишоти пешакӣ ва пешниҳодҳои муассисаҳои ислоҳӣ баррасӣ шуданд.

Ҳамзамон, дар ин марҳала дар коллегияҳои судии Суди вилоят 550 парвандаи ҷиноятӣ, 318 парвандаи граҷданӣ ва 22 парвандаи маъмурӣ баррасӣ шуданд.

 Оқилзода Бахтиёр Даврон зикр намуд, ки соли 2019 - ум 321 парванда оид ба вайрон кардани талаботи Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» баррасӣ шудааст. Аз рӯи парвандаҳои баррасишуда нисбат ба 261 шаҳрванд ҷазои ҷарима ба маблағи 1 495 125 сомонӣ таъин шудааст.

Судяҳои вилоят дар соли 2019 аз рӯи маблағҳои боҷи давлатӣ, ҷарима, мусодираи амволи давлатӣ ва зарари аз дигар ҷиноятҳо расонидашуда аз рӯи даъвоҳои прокурорҳо ва аз рӯи навиштаҷоти иҷроишии мақомоти гуногуни давлатӣ 22 424 315 сомониро ба буҷети ҷумҳурӣ рӯёнидаанд.

Гуфта шуд, ки роҳбарияти Суди вилоят ҷиҳати иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар рӯзҳои шанбе 376 нафар шаҳрвандро қабул намуда, арзу шикоятҳои онҳоро мавриди баррасӣ қарор додааст.

Дар интиҳои нишасти матбуотӣ рӯзноманигорон ба суолҳои хеш посухҳои мушаххас гирифтанд.

Сурайё ҲАКИМОВА,

«Ҳақиқати Суғд»

Читать далее

ҲАМРАЪЙӢ - БАҲРИ РУШДИ КИШВАР

Чанде пас дар кишвар маъракаи муҳим – интихоботи Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ баргузор мегардад. Тавре дар Паёми навбатии Пешвои муаззами миллат таъкид гардидааст: «Барои дар сатҳи баланд баргузор намудани интихоботи дар пешистода мақомоти иҷроияи маҳаллии ҳокимияти давлатӣ вазифадоранд, ки дар доираи талаботи қонун ба комиссияҳои интихоботӣ шароити мусоиди корӣ муҳайё созанд».

Алҳол дар шаҳру навоҳии вилоят ҳавза ва участкаҳои интихоботӣ, раисон ва котибони комиссияҳои интихоботӣ муайян карда шуда, дар назди муассисаҳои таълимиву табобатӣ ва ташкилоту корхонаҳо шиору овезаҳо гузошта шудаанд.

Дар 40 ҳавза ва 96 участкаи интихоботии ноҳияи Бобоҷон Ғафуров ҳам дар қатори дигар ҳавзаву участкаҳои шаҳру навоҳии вилоят ба маъракаи муҳими сиёсӣ – интихоботи вакилон ба Маҷлиси Олии кишвар ва ба маҷлисҳои маҳаллӣ омодагӣ дида истодаанд. Раиси комиссияи ноҳиявии интихоботи ноҳияи Бобоҷон Ғафуров Норхоҷа Дадохоҷаев зимни пурсиш дар бобати омодагӣ ба маъракаи интихобот зикр дошт, ки дар ҳамаи ҳавзаву участкаҳои интихоботӣ ҳуҷраҳои корӣ омода буда, ҳуҷҷатгузорӣ ба пуррагӣ таъмин гардида, бақайдгирии вакилон низ ба итмом расид.

Дар ноҳияи Бобоҷон Ғафуров ҳамагӣ 212110 нафар интихобкунанда буда, аз ин 6174 нафар бори аввал овоздиҳанда, 11457 нафар дар муҳоҷирати меҳнатӣ ва 5929 нафар бемор ба рӯйхат гирифта шудаанд. Барои раванди корҳои минбаъда доири маъракаи интихобот, тарзи баргузории он бо раисон ва котибони ҳавзаҳои интихоботӣ ду маротиба семинари дастурдиҳӣ гузаронида шуд.

Дар бораи омодагӣ ба интихобот дар ноҳия раиси комиссияи ноҳиявӣ Норхоҷа Дадохоҷаев изҳор медорад, ки ҳавза ва участкаҳои интихоботӣ бо маводҳои конселярӣ ва ёрирасон таъмин буда, дар пештоқи утоқҳои корӣ шиору овезаҳо доир ба интихобот насб карда шудаанд. Ҳамчунин бо аҳолӣ оид ба тартиб ва тариқи овоздиҳӣ ба ҳизбу интихобшавандагони вакилони Маҷлиси Олӣ ва маҷлисҳои вилоятию маҳаллӣ корҳои фаҳмондадиҳӣ бурда мешавад.

- Тавре ёдовар гардидам, рӯйхати беморон низ омода буда, дар ҳолати дар рӯзи маъракаи сиёсӣ – интихобот ҳозир нашудани онон се нафар намояндагон аз ҳавзаи интихоботӣ тавассути нақлиёт ба хонаҳои онҳо ҳозир мешаванд, то ин ки онҳо овози худро диҳанд, зеро интихобот маъракаи муҳими сиёсӣ буда, ба хотири рушди босуботи кишвар ва осудаҳолии наслҳои оянда ҳар як шаҳрванд бояд масъулият эҳсос намояд,- гуфт дар хотима Норхоҷа Дадохоҷаев.

Тавҳида ҶӮРАЕВА,

«Ҳақиқати Суғд»

Читать далее

18 February 2020

Айби худ аблаҳ набинад дар ҷаҳон.... Ҷавоб ба ruzinew.blogspot.com

Сомонаи ruzinew.blogspot.com бо нашри як мақола, ки он “Шахспарастӣ дар Тоҷикистон аз куҷо сарчашма гирифт ва то кай идома меёбад?”


кӣ будан ва чӣ мақсад доштани худро ифшо намудааст. Ба рости ҷомеа дар ягон давру замон аз одамони бадгӯ, бадбин ва иғвогар холӣ набуд. Соли 2020 дар Тоҷикистон чорабиниҳои муҳими сиёсӣ, интихоботи парлумонӣ ва президентӣ баргузор мешаванд. Яке аз сабабҳое, ки дар кишварамон ҳаргуна хабару садоҳо аз ҳар куҷоҳо баромада истодаанд, маҳз ана ҳамин чорабиниҳои сиёсист. Муаллифи сомонаи болозикр талош намуда, заҳмат кашида чанд саҳфаеро сиёҳу сафед намудааст. Аз шахсиятҳои таърихӣ ба монанди В.И.Ленин ва И.В.Сталин, ки дар таърих ба неки ёд мешаванд, ёдовар шуда, онҳоро низ аз фикри хоми худ гузаронидааст. Инҳо нафароне буданд, ки қаҳрамонҳои майдонҳои набард, бо номи онҳо худро зери тонки фашистони истилогар мепартофтанд ва ё тани худро дар дами тири душман сипар менамуданд. Душман тоқати шунидани ин номҳоро надоштанд. Айни замон душманони Тоҷикистон ва миллати тоҷик бо шунидани номи Президенти кишварамон, муҳтарам Эмомалӣ Раҳмон аз хобу фароғат ва аз хӯрдану нӯшидан мемонанд. Табийист, ки ҳадафи муаллифи иғвогар низ маҳз Президенти кишварамон Э. Раҳмон мебошад. Гӯё муаллифро як эълон аз шабакаҳои иҷтимоии Фейсбук  оид ба эълони курси омӯзишии Ҷавонон пайрави Пешвои миллат маҷбур ба навиштани чанд сатри бадбӯ ба шаъни Президентамон ва аҳли оилаи  эшон намудааст.

Аммо ӯ фаромӯш намудааст, ки халқ, миллат, қаҳрамонони худро доранд ва барои онҳо агар даркор шавад, ҷонфидоӣ мекунанд. Номҳое, ки бо он Президенти кишварамон ёд мешавад ба ӯ арзанда аст, зеро онро халқ номгӯзорӣ намудааст, ки он шаҳодат аз маҳбуб будани эшон аст.

Душманони миллати тоҷик аз қадим як фикр ва як мақсад доштанд. Яъне бо ҳар роҳу восита сарнагун намудани сохти давлатдории тоҷикон аст. Мутаассифона дар гузашта ба онҳо муяссар ҳам шудааст, ки собиқ роҳбарони кишварамон Қ. Маҳкамов ва Р. Набиевро маҷбур намоянд то онҳо аз вазифа даст кашанд. Акнун онҳо дар пайи сарнагун намудани ҳукумати кунунӣ ва роҳбари он  мебошанд. Бинобар ҳамин ҳам ҳар иқдом ва ҳар ташаббусе, ки аз ҷониби Сарвари давлатамон сурат мегирад, барои душманони миллат ғайриқабул мебошад. Дар ин амалҳо онҳо нишонаҳои шахспарастиро мебинанд. Ибораҳои Ҷаноби олӣ, Пешвои миллат, Сарвари давлат, Асосгузори сулҳу ваҳдат, ки ба Президентамон мансуб дониста мешавад, талхаи душманонро кафонидааст. Дар ҳақиқат арзанда ҳаст. Ин шахсиятпарастӣ нест, балки ҳақиқат аст ва аз қалб омадааст. Ҳар касе ношукри аз роҳбарии Э. Раҳмонро дорад, душман аст. Ҳар як кор, амалу гуфтор андоза дорад. Барои чӣ муаллиф дар туҳматноми дуру дарозу дуруғини худ як бор ҳам аз хизматҳои Э. Раҳмон, Президенти кишварамон ёдовар нашудааст. Бовар ҳаст, ки ӯ низ хуб медонад, ин хизматҳоро, аммо супориш чунин будааст, ки ӯ навиштааст. 

 

 

Сафо Каримзод, омӯзгор аз шаҳри Душанбе

 

 

 

Читать далее

Мулоқот бо интихобкунандагон

 

 

 

Дирӯз дар Кохи фарҳанги ба номи Лоиқ Шералии шаҳри Панҷакент мулоқот бо номзад ба вакилии Маҷлиси намояндагони Ҷумҳурии Тоҷикистон аз ҳавзаи якмандатии Панҷакент 21 Шодизода Парвиз Шодибой, ҳафт нафар номзад ба вакилии Маҷлиси вилоятӣ, 40 нафар номзад ба вакилии Маҷлиси шаҳрӣ, ки аз тарафи ҲХДТ пешниҳод гардидаанд, баргузор шуд.

Дар мулоқот аъзои Маҷлиси миллии Ҷумҳурии Тоҷикистон, вакили Маҷлиси вилоятии вакилони вилояти Суғд ва вакили Маҷлиси шаҳрии шаҳри Панҷакент Шафеиён Ислом Зиёзода ва раиси кумитаи иҷроияи ҲХДТ дар шаҳри Панҷакент Мурод Шукурзода, корманди кумитаи иҷроияи ҲХДТ дар вилояти Суғд Олимҷон Зоҳидов ва дотсенти Донишгоҳи давлатии Хуҷанд ба номи академик Бобоҷон Ғафуров Боҳирҷон Раҷабов иштирок доштанд.

Шахси боэътимоди номзад ба вакилии Маҷлиси намояндагони Ҷумҳурии Тоҷикистон Исмоил Зарифӣ ва шахси боэътимоди Шафеиён Ислом Зиёзода доктори илмҳои филологӣ Ҷовид Холов ба тарафдории номзадҳои арзанда сухан карданд.

Сардухтури беморхонаи марказии шаҳр Муҳаммадмурод Сафарзода, корманди шуъбаи маорифи шаҳр Маҳбуба Ҳабибӣ ва дигарон низ дар бораи қудрати бузург ва созандаи ҲХДТ ва номзадҳои арзанда андешаҳои хешро баён намуданд. Шафеиён Ислом Зиёзода ва Шодизода Парвиз Шодибой оид ба фаъолияти поягузори ҲХДТ, Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон ва рушди бесобиқаи мамлакат бо факту далел суханҳои шоиста гуфтанд. Қайд шуд, ки сохта шудани беморхонаи марказӣ, бинои иловагии таваллудхонаи шаҳр, сохтмони мактаб ва бунгоҳҳои тиббӣ ва ғайраҳо бозгӯи рушди иқтисодӣ ва иҷтимоии шаҳр мебошад.

Сурайё ҲАКИМОВА,

«Ҳақиқати Суғд»

 

 

 

Читать далее

Сифати хизматрасонӣ беҳтар мегардад

Ҷамъияти саҳҳомии кушодаи «Фурудгоҳи байналмилалии Хуҷанд» дар соли 2019 фаъолияти хешро бо натиҷаи назаррас ҷамъбаст намуд. Шумораи кормандони ҷамъият 856 нафар аст, ки аз он 183 нафар зан мебошанд. Ин нуктаҳоро дар нишасти матбуотӣ Давлатшо Шобутолибов - муовини директори генералии “Фурудгоҳи байналмилалии Хуҷанд” иброз дошт.

Дар рафти нишаст рӯзноманигорон оид ба сабабҳои ба таъхир гузошта шудани парвози ҳавопаймо, ҳамкорӣ бо ширкатҳо ва фаъолияти хатсайр, корҳои ободонӣ, назорати мутахассисони тиб оид ба бемориҳои сироятӣ суолҳо пешниҳод намуда, ҷавобҳои мушаххас гирифтанд.

Зикр гардид, ки парвоз дар фурудгоҳ аз ҷониби 8 ширкати ҳавопаймоӣ, аз ҷумла 5 ширкати мамлакатҳои Иттиҳоди Давлатҳои Мустақил, ба монанди “Сабир”, “Ютэйр”, “Уральские авиалинии” ва “Боди шимолӣ” (Северний ветер), як ширкати ҳавопаймоии “Чайна Саузерн” - и Ҷумҳурии Халқии Чин ва ду ширкати ҳавопаймоии ватании “Сомон Эйр” ва ҶСК “Тоҷик Эйр” ба амал бароварда шудаанд. Тибқи реҷа, имрӯз ҳавопаймоҳо аз “Фурудгоҳи байналмилалии Хуҷанд” ба 13 шаҳри Федератсияи Россия парвоз намуда истодаанд. Миқдори умумии хатсайри доимии ширкатҳои ҳавопаймоии мазкур дар як рӯз 6 маротиба буда, “Фурудгоҳи байналмилалии Хуҷанд” дар соли 2019 - ум ба 663 435 мусофир хизматрасонӣ намудааст, ки нисбат ба соли 2018 - ум 123 203 нафар, яъне 22, 8 фоиз зиёд аст.

Ҳодисаи ба таъхир гузошта шудани парвози ҳавопаймо 636 адад буда, омилҳои онро масъулин аз обу ҳаво, маҳдудият, вайроншавии техникии ҳавопаймо, дер омадан аз фурудгоҳи макони парвоз, бақайдгирии иловагӣ ва супориши намоянда, тағйирёбии парвозҳо буда, нисбат ба соли 2017 - ум 77 адад кам ба назар мерасад. Кормандон ва масъулини “Фурудгоҳи байналмилалии Хуҷад” баҳри беосеб ба манзил расонидани сокинон ҳамеша саъю талош доранд.

 Қайд кардан бамаврид аст, ки дар доираи эълон гардидани Солҳои 2019 - 2021 - “Солҳои рушди деҳот, сайёҳӣ ва ҳунарҳои мардумӣ дар саҳни “Фурудгоҳи байналмилалии Хуҷанд” як қатор корҳои ободонӣ амалӣ гардида, нишасткурсиҳои замонавӣ, фаввораву чароғакҳои ороишӣ насб шудааст. Сохтмони бинои нави Аэровокзал бо иқтидори мусофиргузаронии тақрибан 500 нафар дар як соат таҷдид ва муҷаҳҳазгардонии бинои меҳмонхона ва сохтмони бинои ошхона ва тарабхона амалӣ шуда истодааст.

Н. Шарифов - мудири дармонгоҳи ҶСК «Фурудгоҳи байналмилалии Хуҷанд» иттилоъ дод, ки мутахассисони соҳаи тиб мусофирони аз хориҷа омадаро аз муоинаи тиббӣ гузаронида истодаанд. Маълум гардид, ки як нафар аз Ҷумҳурии Халқии Чин тавассути Федератсияи Россия ба марзи Ҷумҳурии Тоҷикистон ворид гашта, мусофирони аз давлати Чин дохилгардида дар чораҷӯиҳои маъмурӣ ва тиббию беҳдоштӣ барои пешгирии паҳншавии касалиҳои сироятӣ таҳти назорати мутахассисони соҳаи тиб дар Беморхонаи сироятии вилояти Суғд ва беморхонаи шаҳри Бӯстон қарор доранд. Ҳамаи мусофирон аз назорати мутахассисони тиб бо ёрии таҷҳизоти тиббии ташхискунанда - тепловизор аз муоина мегузаранд, – иброз дошт мавсуф.

Рӯзноманигорон аз боғи ороишӣ ва гармхона барои парвариши гулҳои ороишию помидор дидан намуданд.

Шаҳноза ҲОМИДОВА,

 “Ҳақиқати Суғд”

Читать далее

МУҲОҶИРОН БО ҶОЙИ КОРӢ ТАЪМИН МЕШАВАНД

Давоми соли 2019 аз ҳисоби сокинони вилоят 108702 нафар ба хориҷа сафар карданд, ки ин нишондиҳанда нисбат ба соли 2018 - ум 3754 нафар зиёд аст. Сабаби асосии он ба охир расидани муҳлати манъи воридшавии муваққатии муҳоҷирони меҳнатӣ ва кушода шудани роҳи онҳо ба Федератсияи Россия мебошад, - гуфт зимни нишасти матбуотӣ сардори Раёсати Хадамоти муҳоҷират дар вилояти Суғд Зайнура Шарифӣ.

Ҳамчунин, гуфта шуд, ки шумораи умумии ба Ватан баргаштагон 113821 нафар аст, ки нисбат ба соли 2018 - ум 13032 нафар зиёд аст. Боиси қайд аст, ки дар соли 2019 - ум 3 213 нафар муҳоҷир аз вилоят бинобар вайрон ё риоя накардани талабот ва қонунҳои марбутаи дохилии кишвари хориҷии иқоматдошта ҳуқуқи муваққатан воридшавиро аз даст додаанд.

- Боиси таассуф аст, ки соли сипаригардида ҷасади 200 нафар фавтида ба Ватан баргардонида шуд. Аз ин ҷумла, 8 нафар дар ҳодисаи куштор, 128 нафар бинобар беморӣ доштан, 38 нафар дар ҳодисаи нохуш ва 4 нафар бо сабаби даст ба худкушӣ задан оварда шуданд, - қайд кард Зайнура Шарифӣ.

Таъкид гардид, ки ба мақомоти меҳнат ва шуғли аҳолӣ 439 нафар муҳоҷири меҳнатии ба Ватан баргашта муроҷиат карданд, ки аз ин миқдор 61 нафар зан мебошанд. Дар натиҷа 131 нафар бо кори доимӣ, 29 нафар бо кори ҷамъиятии музднок ва 82 нафар ба касбомӯзӣ фаро гирифта шуданд. Ҳамзамон, ба 22 нафар барои машғул шудан ба соҳибкории инфиродӣ қарзи имтиёзнок дода шуд.

- Дар соли 2019 ба мақомоти меҳнат ва шуғли аҳолии шаҳру ноҳияҳо 1489 нафар ашхоси аз муассисаҳои иҷрои ҷазои ҷиноятӣ озодгардида муроҷиат намуданд. Аз ин теъдод 156 нафар бо ҷойи корӣ таъмин ва 10 нафар бо касбомӯзӣ фаро гирифта шуданд. Ба 1124 нафари онҳо кӯмакпулӣ барои бекорӣ дода шуд, - гуфт сардори Раёсати Агентии меҳнат ва шуғли аҳолӣ дар вилояти Суғд Шермуҳаммад Нодирӣ.

Доир ба омӯзонидани ҳунарҳои дастӣ ба занону духтарони хонашин Ш.Нодирӣ гуфт, ки дар ҳамаи шаҳру навоҳии вилоят бо ташаббуси сохторҳои мақомоти давлатии меҳнат ва шуғли аҳолӣ ва дастгирии мақомоти иҷроияи маҳаллии ҳокимияти давлатӣ дар заминаи муассисаи таълимии калонсолон ва дигар муассисаҳо синфхонаҳои қолинбофӣ, адрасбофӣ, сӯзанидӯзӣ, қуроқдӯзӣ, кулолгарӣ, гулдӯзӣ, бофандагӣ, ҷомадӯзӣ ва ғайраҳо ташкил шуда, шаҳрвандон пас аз хатми он метавонанд, соҳиби шаҳодатнома гардида, сатҳи зиндагии худро беҳ намоянд.

- Ба 937 нафар шаҳрванди бекор ба маблағи 2864,2 ҳазор сомонӣ қарзи имтиёзнок пардохт шуд. Маблағи гирифташуда асосан ба самти тиҷорат ва истеҳсолот, аз ҷумла чорводорӣ, паррандапарварӣ, хариду фурӯши либосҳои мактабӣ, занбӯрпарварӣ, кишоварзӣ ва рушди ҳунарҳои мардумӣ равона шудааст, - қайд кард Ш.Нодирӣ.

Дар рафти нишасти матбуотӣ аз ҷониби рӯзноманигорон доир ба ҷабҳаҳои гуногуни фаъолияти ду сохтор саволҳои мухталиф пешниҳод гардид.

Шаҳбону ОЛИМОВА,

«Ҳақиқати Суғд»

Читать далее