February 2020

13 February 2020

Бо зуҳуроти номатлуб оштинопазир бошем!

Таҷрибаи кишварҳои мусулмонӣ исбот намуд, ки ба сари қудрат омадани ҳизбҳои динӣ оқибат бо қафомонӣ ва зиддияти равияву мазҳабҳои ҷомеа меанҷомад. Зеро бо роҳи зӯрӣ бор кардани ақида ба мардум ва бо шеваҳои тундгароӣ идора намудани давлат аз ҳар ҷиҳат боиси нобудии низоми сиёсӣ мегардад. Ба сари қудрат омадани «ихвониҳо» дар Миср ва зиддияти мазҳабӣ дар Афғонистон, мисоли равшани ин гуфтаҳо мебошанд.

Маълум аст, ки чунин ҳизбҳои исломӣ аз ҷониби қудратҳои сиёсии махсуси ҷаҳонӣ пуштибонӣ карда мешавад. Набояд он рӯзҳои сахти солҳои аввали истиқлолият, ки кишварро ба ҷанги шаҳрвандӣ кашид, фаромӯш намоем.

Имрӯз низ аз ҷониби созмону ташкилотҳои кӯшишҳо барои ноором кардани вазъи суботу ороми ҷомеа ба назар мерасад. Гарчанде онҳо берун аз кишвар қарор дошта бошанд ҳам, бо роҳҳои гуногун мехоҳанд афкору андешаи мардумро вайрон намоянд. Созмонҳои террористӣ бо истифода аз технологияҳои муосири иттилоотӣ ва бо роҳи тафсири ғаразноки сарчашмаҳои динӣ дар мафкураи ҷавонони камтаҷрибаву ноогоҳ ғояҳои тундгароиро ҷой карда, онҳоро ба барҳам задани амният ва суботу оромӣ дар мамлакатҳои гуногун ташвиқ менамоянд.                                           

Имрӯз ТТЭ ҲНИ мухолифи роҳи интихобнамудаи кишвар мебошад. Бо ҳар восита кӯшиш менамояд, ки низоми сиёсии дунявиро аз байн барад, озодии виҷдонро, ки Конститутсия ба шаҳрвандон кафолат додааст, бекор намояд.

Аз ин рӯ, мо, аҳли ҷомеаро зарур аст, ки дар фикри таҳкими суботу оромии кишвар ва рушди ояндаи Тоҷикистони соҳибистиқлол бошем. Дастаҷамъона муқобили зуҳуротҳои номатлуб, ифротгароиву терроризм мубориза бурда, нагузорем, ки мақсадҳои ғаразноки душманони миллат амалӣ гардад.

 Шӯҳрат САИДЗОДА,
н.и.с., дотсент, мудири кафедраи сиёсатшиносии
Донишгоҳи давлатии ҳуқуқ, бизнес ва сиёсати Тоҷикистон

Читать далее

Ғосиби беамал ва тарғиби ифротгароӣ

Дар замони муосир бисёр мамлакатҳои ҷаҳонро мавҷи нооромиҳои сиёсӣ фаро гирифтааст, ки аксари онҳо мазҳабӣ аст. Бисёр мардуми мусалмон дар замони имрӯза азият кашида истодаанд. Онҳое, ки аз номи дини мубини ислом баромад намуда, мардумро гумроҳ месозанд аз тарафи баъзе мамлакатҳои абарқудрат ҷонибдорӣ мебинанд. Ҳаракатҳои сиёсии онҳо хислати террористию экстремистӣ дошта, ба миллат, забон, урфу одат ва анъанаҳои милливу фарҳангии миллату халқиятҳои ҷаҳон таъсири манфӣ расонида истодааст.

Бархе хоинони кишвари мо низ, ки ба гурӯҳҳои ифротӣ шомил гаштаанд, бо супориши хоҷагони хориҷиашон кӯшиш доранд ба амну субот ва оромии Тоҷикистони биҳиштосоямон халал ворид намоянд. Яке аз чунин шахсон истиқоматкунандаи шаҳри Ваҳдат Шарипов Далер мебошад, ки дар давоми солҳои 2013-2019 зиёда аз 200 асару мақолаҳои хусусияти террористиву экстремистидоштаро ғайриқонунӣ ба чоп расонидааст ва асарҳои нашрнамудаи ӯ дорои хусусияти ифротгароёна мебошанд.

Тоҷикистони соҳибистиқлол имрӯз он давлате нест, ки амалҳои террористиро нодида гирад. Баръакс, давлати мо дар замони муосир дар арсаи байналхалқӣ яке аз кишварҳои пешсаф дар роҳи мубориза бо терроризм ва эктремизм ба ҳисоб меравад.

Ба Шарипов Далер ва ҷонибдорони ӯ чунин пешниҳод карданием, ки тарғиби ғояҳои ифротгароёна ин баланд бардоштани мақоми ислом нест. Дини ислом дини поку беолоиш буда, ба инсонҳои нохалафу нопок ниёзе надорад. Имрӯз зумраи инсонҳои бесаводу дунёбехабар, ки аз ягон қоидаву қонунҳои шариати ислом хабар надоранд,  аз номи ин дини муқаддас сӯиистифода мекунанд. Сайидюнуси Истаравшанӣ, ки яке аз ҷонибдорони фаъоли ҳаракатҳои террористиву экстремистист, бо якчанд суханҳои худ Далер Шариповро ҳақ ҳисобида, ӯро ҷонибдорӣ намудааст. Имрӯз душманони миллати тоҷик мехоҳанд, бо ҳар гуна суханҳои беарзиш ба кишвари худ бӯҳтон зананд. Аммо мардуми шарафманди мо сафедро аз сиёҳ фарқ карда метавонанд ва медонанд, ки ҳақ ба ҷониби кист. Бинобар ин душманони миллати тоҷик ягон вақт ба мақсадҳои нопоки худ нарасидаанд ва нахоҳанд расид.

М.МУҲАММАДИЗОДА,
омӯзгори кафедраи умумидонишгоҳии
таърихи халқи тоҷики Донишгоҳи давлатии
 Хуҷанд ба номи академик Бобоҷон Ғафуров

Читать далее

Хоинони миллат ё косалесии Саидюнус

Санаи  01.02.2020 маркази матбуоти  Прокуратураи генералии Ҷумҳурии Тоҷикистон ба АМИТ “Ховар”  хабар додааст, ки Шарипов Д. А., шаҳрванди Ҷумҳурии Тоҷикистон ҷавони 32 сола давоми солҳои 2013-2019 матлабу мақолаҳои дорои мазмуну муҳтавои экстремистиро нашр намудааст.  Мақолаҳои мазмуни ифротӣ дошта, ба мақсади ҷудоиандозӣ байни мардум  равона шудаанд, ки онро қонунгузории миллии кишвар манъ менамояд.

Шарипов Д.А. соли 2019  ба амалҳои муғризонаи худ идома дода, рисолаеро бо теъдоди 100 адад ба таври ғайриқонунӣ дар чопхонаи пинҳонӣ интишор сохтааст. Китоби ӯ дар ҳошияи консепсияи ҷараёни «Ихвон-ул-муслимин» («Бародарони мусулмон»), ки дар аксар кишварҳои ҷаҳон, аз ҷумла Тоҷикистон ташкилоти террористӣ эътироф гаштааст, таҳия гардида, мақсади муаллиф вайрон кардани мафкураи мардум, махсусан ҷавонон мебошад.

Дар доираи талаботи қонун Шарипов Д.А., аз ҷониби мақомоти ҳифзи ҳуқуқ боздошт гардида, нисбаташ парвандаи ҷиноятӣ оғоз карда шудааст.

Тибқи муқаррароти Конститутсияи Ҷумҳурии Тоҷикистон ва қонунҳои амалкунандаи кишвари мо шахсе, ки кирдори барои ҷамъият ва давлат хавфнокро содир менамояд, бояд ба ҷавобгарии ҷиноятӣ кашида шавад. Аммо хоини миллат Юнуси Истаравшанӣ дур аз Ватан, дасисагӯӣ намуда, Далер Шарипови экстремистро ҷонибдорӣ намудааст. Ин нохалафон аз оғози фаъолияти хиёнаткоронаи худ дини мубини исломро ҳамчун сипар истифода намуда, дастуру супоришҳои хоҷагони хориҷиашонро иҷро мекунанд, ки боиси роҳгум задани баъзе ҷавонон мегардад.

Саидюнуси Истаравшанӣ, ки аз хиёнати зиёд карданаш ба халқу миллат ҳатто, забони модарии худро гум кардааст ва бо як сабки эронии душворфаҳм менависад, мубаллиғи ғояҳои ифротии ТТЭ ҲНИ мебошад. 

Мақомоти қудратии кишвар чанд китобҳои истифодаашон дар Тоҷикистон мамнӯъро дарёфт ва мусодира намудааст, ки ба қалами Саинюнус низ мансуб буданд. Ин шахси бевиҷдон ва ватангадо тану ҷон,  ақлу инсоф ва имону дини худро қурбони хоҷагони тундраву ноинсофи худ кардааст.

Тамоми шаҳрвандони кишвари мо бояд б ин вабои аср терроризм ва экстремизм муборизаи якҷоя ва беамон барем, то ки ягон решаи чунин хоинони миллат дар хоки Ватани мо насабзад.

И.ҶАББОРОВ,
омӯзгори Донишгоҳи давлатии Хуҷанд
ба номи академик Бобоҷон Ғафуров

Читать далее

Насиҳат ё иғво?

Ба туфайли соҳибистиқлол гардидани ҷумҳурии азизамон-Тоҷикистон дар радифи дигар самтҳои ҳаёти ҷомеа ба нашри осори мухталифҷанр шароити мусоид фароҳам оварда шуда, силсилаи калони таълифоти илмӣ, адабӣ, бадеӣ, публитсистӣ манзури мардум гардонида шудаанд. Вале, мутаассифона, дар қатори чунин осори арзишманд навиштаҳое низ зуҳур намудаанд, ки ҳадафи аслӣ аз таълифи онҳо ба шӯр овардани мардум, ба ду сангар ҷудо намудани онҳост.

Ба иллати чунин иғвоҳо мардуми тоҷик солҳои 90-уми асри гузашта чӣ мушкилиҳоро аз сар гузаронид, ҳамагон хуб дар ёд доранд. Имрӯз низ бархе бадхоҳони миллату давлат мехоҳанд бо ҳар роҳ миёни мардуми тоҷик иғво барангезанд, вазъи сулҳу суботи кишварро ноором кунанд.

Бо ин мақсад онҳо «насиҳатнома» -ҳое таълиф мекунанд, ки ҳадафи аслии онҳо вайрон кардани мафкураи мардум аст. Як роҳи чунин иғвобарангезии онҳо нашри китобҳои хусусияти экстремистӣ дошта аст. Чунин ашхос бо вуҷуди он, ки обу ҳавои ин ватанро нафас кашидаву, нону оби онро хӯрдаанд ва ин сарзамин меҳани аҷдодони онҳост, бо ҳар роҳ мехоҳанд, мардумро ба кӯи саргардониҳо баранд, модарро аз фарзанд ҷудо созанд, писарро муқобили падар гузоранд. Дар матлабу мақолоти Шарипов Далер Абдуманноновичҳамин гуна хусумат эҳсос мешавад. 

Шамил НАЗАРЗОДА,
Донишгоҳи давлатии Хуҷанд,
ба номи академик Бобоҷон Ғафуров

Читать далее

Ҳаргиз фирефтаи ақидаҳои ифротиён нагардем!

Таҳдиди рӯзафзуни экстремизми байналмилалӣ, гароиши ҷавонон ба гурӯҳҳои ирфотгаро ҳар фарди ҷомеаро водор месозад, ки дар ин масъала бепарво набошад. Терроризми байналмилалӣ аз ҷониби ҷомеаи ҷаҳонӣ ҳамчун хатари асосии арзишҳои инсонӣ ва амнияти умумиҷаҳонӣ эътироф шудааст. Терроризм ва экстремизм дар тамоми қитъаҳои ҷаҳон зери ниқоби арзишҳои динии бебунёд паҳн гардидааст, ки ин хатари калони иҷтимоӣ дорад.

Дар раванди муосири ҷаҳонишавӣ кишвари мо низ истисно нест. Зуҳуроти ифротгароӣ хеле решадор буда, он ҳеҷ гоҳ ҳудуд ё дину миллат надорад ва ҳудуди ягон миллатро эътироф намекунад.

Имрӯзҳо ташкилоту ҳизбҳои ифротие ҳастанд, ки кӯшиш доранд, мақсаду маром, ғояву андеша, афкор ва нақшаҳои худро бо ҳар роҳу васила ва ҳатто бо рафтору кирдори ғайриқонунӣ амалӣ намоянд.

Онҳо фақат бо як фаҳмиши маҳдуду зоҳирӣ буда, аз асли таълимоти исломӣ, аз ҷанбаъҳои маънавию рӯҳонии он умуман баҳраманд нестанд. Онҳо аз арзишҳои хуби инсонӣ - таҳаммул, некиву накукорӣ, раҳму шафқат, озодиву озодагӣ, илму маърифат, фарҳангу маънавият, созандагию ободонӣ ва ғайра, ки ҷавҳари таълимоти исломиро ташкил мекунанд, дур мебошанд, рӯҳия ва амали онҳо бештар ба ҳолати хушунату иғвоангезӣ наздик аст.

Таҳлили вазъияти кишварҳои доғи ҷаҳон нишон медиҳад, ки бетарафӣ дар мубориза бар зидди ифротгароӣ хилофи арзишҳои умумибашарӣ мебошад.

Ҳадафҳои қатлу куштори онҳо, пеш аз ҳама, занону кӯдакон ва намояндагони дину маҳзабҳои ғайр қарор гирифтаанд. Террористон ва ифротгароён манфиатҳои миллию давлатиро ба эътибор намегиранд. Даҳсолаҳои охир таблиғи ақидаҳои дорои характери ифротӣ ва иғвоангезанда дар тамоми дунё торафт зиёд шуда истодааст.

Ҷумҳурии Тоҷикистон тамоми зуҳуроти номатлуби замони муосир, хусусан терроризм ва экстремизми диниро маҳкум менамояд. Имрӯз мебояд бо гурӯҳҳои террористию ифротгаро, ки аз тарафи баъзе аз кишварҳои абадқудрат созмон ва маблағгузорӣ мешаванд, бо истифода аз дини мубини Ислом, ки оини покиву таҳаммулгароист, ба амалҳои иғвоангезӣ ва террористӣ даст мезананд, оромию осоиштагӣ ва суботи ҷомеаи башариро халалдор ва ноором месозанд, бояд муборизаи оштинопазир бурд.

Яке аз сабабҳои ба ин гурӯҳҳои тундрав шомил гаштани мардум, алалхусус ҷаво- нон ин нокифоя будани дониши илмиву дунявӣ, сиёсӣ ва ба пуррагӣ нафаҳмидани дин аст.

Агар шахс дар ҳадди зарурӣ дониши илмиву дунявӣ ва ё фаҳмиши мукаммали динӣ дошта бошад, ҳеҷ гоҳ мутеи фикру ақидаҳои дигарон нахоҳад шуд. Паст будани савияи дониши қисми муайяни ҷавонон аз нигоҳи мафкуравӣ, ҳуқуқӣ, фарҳангӣ ва динӣ тайёр набудани онҳо ба муҳоҷирати меҳнатӣ боиси фирефта шудани онҳо аз тарафи намояндагони ҳизбу ҳаракатҳои ифротгаро ва шомил гардиданашон ба ин гуна равияҳо гардидааст. Яке аз омилҳои муборизаи муваффақона бар зидди ин вабои аср ва боздоштани шомилшавии минбаъдаи ҷавонон ба ин гурӯҳҳо тарбияи ҷавонони воқеан босавод ва бомаърифат мебошад.

Дар муқобили терроризм ва экстремизм аз ватандӯстӣ, инсондӯстӣ дида дигар қувваи бузурге нест. Бояд ҳар як шаҳрванд зиракии сиёсиро аз даст надода, фирефтаи таблиғоту ақидаҳои ифротгароёна нашавад, балки роҳи дурусти зиндагиро интихоб намуда, баҳри пешрафт ва шукуфоии кишвари азизамон саҳмгузор бошад.

Ҷ.РАҲИМОВ,
устоди Донишкадаи кӯҳӣ – металлургии
Тоҷикистон дар шаҳри Бӯстон

Читать далее

Ба ҷавонон арзишҳои миллиро бифаҳмонем!

Ҳоло барои пешгирӣ аз амалҳои экстремистӣ – террористӣ тамоми мардуми худогоҳи олам камар бастаанд, вале он хиёнаткорони бераҳм дидаи инсонӣ надоранд.      

Он ашхоси дар ташкилотҳои ифротгаро фаъолиятбаранда мафҳуми сулҳу осоиштагӣ, Ватан, марз, сулҳ ва амсоли инҳоро намефаҳманд ва ҳеҷ гоҳ нахоҳанд фаҳмид ва донист, зеро шуури онҳо бо бераҳмиву бешафқатӣ нисбати инсонияти рӯи замин нигаронида шудааст.

Мардуми тоҷик имтиҳони сангинеро дар солҳои аввали соҳибистиқлолӣ аз сар гузаронидааст, вале падидаҳои номатлуби ҷомеа, аз ҷумла қувваҳои ифротгаро боз кӯшиши ноором намудани сулҳу суботи кишварро доранд. Ҳоло маром ва мақсади мардуми тоҷик ҳифзи сулҳу ваҳдати миллӣ, барои насли оянда онро қавиву пойдор пешкаш намудан мебошад.

Душманони миллат, вақте Тоҷикистон ноором гашт, рӯҳ мегирифтанд. Ҳоло бошад, оромии кишварамон ононро асабонӣ кардааст. Онҳо мақсад доранд, ҳадафҳои нопокашонро дар кишвари мо амалӣ гардонанд.

Онҳо ҳасудхӯрони миллати тоҷик буда, гул - гулшукуфии кишвари мо онҳоро кӯр намудааст, ки ҳатто волидон, бародару хоҳари худро намешиносанд.

Миллати тоҷик барои таҳкими сулҳу ваҳдат натанҳо дар Тоҷикистон, балки дар минтақа камар бастааст. Ба фитнаву бӯҳтонҳои душманони миллат дигар мардуми кишвар фирефта намешаванд. Зеро мафҳумҳои сулҳу ваҳдати миллӣ, ягонагиву иттиҳод ва ваҳдати сартосарӣ шиори асосии ҳаёти мардуми мо гардидааст. Мақсади ҷомеаи мо ин танҳо роҳ надодан ба паҳншавии падидаҳои терроризм ва экстремизм ба ҳисоб меравад.

Мо, омӯзгорон бояд шогирдони худро аз ҳадафҳои бунёдкоронаву созандаи кишвар огоҳ намоем, ба онҳо қимати арзишҳои миллиро фаҳмонем, то ба қадри дастовардҳои Истиқлолият расанд. Нури ваҳдат имрӯз роҳи кишварро рӯшноӣ карда истодааст. Ҷавонони мо насли Ваҳдат мебошанд, ки дар якҷоягиву мустаҳкамшавӣ ваҳдати комили кишварро ташкил менамоянд.

Д.ШОНАЗАРОВА,
саромӯзгори кафедраи умумидонишгоҳии
забонҳои хориҷии Донишгоҳи давлатии Хуҷанд
ба номи академик Бобоҷон Ғафуров

Читать далее

Хиёнат ба миллат гуноҳи нобахшиданист!

Дар олам ҳарчанд вазъ ноором ба назар мерасад, муноқишаҳои мазҳабиву миллӣ рӯ ба афзоиш аст, ифтихори мо, тоҷикон аз дастоварди бузурги таърихиамон - сулҳ ва ваҳдати миллӣ афзунтар мегардад.

Моро мебояд, ки бештар ба қадри сулҳу ваҳдат ва ҳамбастагиву ягонагии ин миллату ин Ватани азизамон бирасем.

Мутаассифона, ҳанӯз ҳам кам нестанд афроде, ки ба ин оромӣ чи дар дохил ва чи дар хориҷ бо чашми ҳасад менигаранд. Ҳоло он кӯрнамаку носипосон худро зери боли дигарон гирифтаву аз дур дар паноҳи хоҷагони хориҷии худ бо ҳар як баҳонаҳои ночизе кишварро дубора ба ноамнӣ кашиданианд. Қисмате аз норозиён раванди сулҳу оромии кишварро назар мекунанд. Аммо ин як кӯшиши бесамарест. Халқ хидматҳои таърихии сулҳофаронро медонаду қадр менамояд. Тири муғризонаи он бадхоҳон ҳамеша хок мехӯрад. Вале боз ҳам тӯли ин қадар сол аз ин амали бесамари хеш даст намекашанд.

Қаҳрамонони сулҳу осоиши тоҷикон мардони асили ватандӯсту ҷонфидо бо қимати ҷон ба хатари марг нигоҳ накарда, моро ба имрӯз расонидаанд. Имрӯз мардуми бохиради мо сулҳро нигоҳ хоҳад дошт ва ба осонӣ аз даст нахоҳад дод.

Муттаҳидии мо ин ояндаи мо, бақои миллат, давлат, якпорчагӣ ва он зиндагии пурсаодати имрӯз ва фардои мост. Мутаассифона, бархе аз ҷавонон ба қадри обу хоки Ватан, сулҳу оромӣ нарасида, ба гуруҳҳои тундгаро ва террористӣ шомил мегарданд, обрӯи оила ва миллатро мерезонанд, ки оқибаташ пушаймонист.

Фирӯз ИМОМНАЗАРОВ,
ҷонишини директори МТМУ №87, Ҷамоати
деҳоти Фароб, шаҳри Панҷакент

Читать далее

Мардуми кишвар симои аслии ТТЭ ҲНИ-ро шинохтааст!

ТТЭ ҲНИ имрӯз ҳамчун гурӯҳи ифротгаро ва террористӣ шинохта шудааст. Он чун ҳизби наҳзати ислом 26 - уми октябри соли 1991 таъсис ёфта, моҳи декабри ҳамон сол расман сабти ном гардид. Ин ҳизб бо роҳбарии яке аз намояндагони гурӯҳи мухолифини тоҷик Сайид Абдуллоҳи Нурӣ ва ҳаммаслакони ӯ Муҳаммадҷон Ғуфронов, маъруф ба Қорӣ Муҳаммадҷон, Неъматуллоҳ Эшонзода, Холиди Абдусалом ва Қаландар Садруддинов созмон дода шуда, бо номи «Наҳзати ҷавонон» солҳои шӯравӣ низ ба таври пинҳонӣ фаъолият мебурд.

Он замон пойгоҳҳои аслии ин ҳизб ва неруҳои дигари мухолиф дар Афғонистон воқеъ буд ва онҳо маъмулан дар минтақаи Рашт, дар шарқи кишвар, бо нерӯҳои давлатӣ даргир мешуданд. Онҳо дар давоми фаъолияташон бо ҳизбу ҳаракатҳои террористии Шарқи Наздик ба монанди "Ихвон - ул - муслимин" - и Миср, “Ансоруллоҳ” ва ДИИШ ҳамкориро ба роҳ монда, барои таъмин намудани онҳо бо ҷанговарону муҷоҳидон аз ҳисоби ҷавонони раҳгумзада кӯмак мерасонданд.

Фаъолияти он расман то соли 2015 давом карда, баъд аз фош шудани амалҳои номатлуб ва зиддидавлатии онҳо фаъолияташ манъ гардид. Онҳо дар давоми ин марҳалаи таърихӣ аз номи дини мубини Ислом бар зидди ҳукумати кунунӣ иғво барангехта, мехостанд, сулҳу суботи кишварро халалдор кунанд, аммо чунин имконият ба онҳо даст надод. Намояндагони ин ташкилот бо нашри ақидаҳои ифротӣ, баёнияҳои ғаразолуд, носазогӯиҳо мехоҳанд фазои иттилоотиро халалдор ва байни мардум тафриқаандозӣ намоянд. Вале имрӯз мардуми озодандеши мо аз аслу ҳадафҳои ин гурӯҳҳои иртиҷоӣ, ки барои расидан ба ҳадафҳои хеш аз номи дини мубини Ислом истифода мебаранд, хуб огоҳанд ва дигар фирефтаи дасисаҳои онҳо намешаванд. Аксари онҳо аз ҷониби мақомоти ҳифзи ҳуқуқ ва амният дастгир гардида, барояшон чораҳои ислоҳӣ андешида шуданд. Бо вуҷуди он, як қисми онҳо ҳамроҳ бо роҳбари ин ҳизб Муҳиддин Кабирӣ аз ҷумҳурӣ фирор намуда, то кунун нисбат ба сарзамини хеш тӯҳмату буҳтонро раво мебинанд. Вале ҳамаи кӯшишу муборизаҳои онҳо бенатиҷа аст, зеро мардуми тоҷик симои аслии онҳоро дуруст шинохтаву мақсаду мароми онҳоро ба таври амиқ дарк намудааст. Имрӯз мардуми кишвар бо дастгирӣ аз сиёсати давлат баҳри бунёдкорӣ ва созандагӣ, боз ҳам обод намудани Ватани аҷдодии хеш камар бастаанд.

Ш.ҶАББОРӢ

Читать далее

12 February 2020

Хуҷанд: ТАШРИФИ 6,5 ҲАЗОР НАФАР САЙЁҲ ДАР СОЛИ 2019

Соҳаи туризм яке аз самтҳои сердаромади иқтисодиёт эътироф гаштааст. Дар аксар мамолики ҷаҳон ин соҳа дар ташаккули маҷмӯи маҳсулоти дохилӣ, фаъолнокии тавозуни савдои беруна, таъмини шуғли аҳолӣ ва таъсиси ҷойҳои кории иловагӣ нақши муҳим бозида, ба инкишофи соҳаҳои мухталиф, аз қабили нақлиёт ва коммуникатсия, сохтмон, фарҳанг, санъат, истеҳсоли маҳсулоти ниёзи мардум ва дигар бахшҳои иқтисодиёт таъсири мусбат мерасонад.

Тоҷикистони биҳиштосои мо низ дорои мероси ғании таърихиву фарҳангӣ ва захираҳои табиӣ буда, барои ҷалби сайёҳони хориҷӣ ба кишвар иқтидори воқеӣ дорад. Бо дарназардошти омилҳои зикршуда Ҳукумати Ҷумҳурии Тоҷикистон соҳаи туризмро самти афзалиятноки сиёсати иқтисодии кишвар эълон намудааст.

Вилояти Суғд дар самти инкишоф ва пешбурди соҳаи сайёҳӣ дар намоишгоҳҳои калонтарини сатҳи ҷаҳонӣ иштирок ва худро муаррифӣ менамояд. Имрӯз бо боварии том метавон гуфт, ки бинобар ба анҷом расонидани корҳои зиёд ба вилоят аз ҳар гӯшаву канори ҷаҳон сайёҳон баҳри шиносоӣ бо мавзеъҳои таърихӣ ва фарҳангу тамаддуни халқи тоҷик меоянд.

Дар маркази вилоят - шаҳри Хуҷанд, ки яке аз мавзеъҳои сайёҳӣ ба шумор меравад, баҳри рушди соҳа чораҳои мушаххас роҳандозӣ гардида истодааст. Давоми соли 2019 ба Хуҷанд беш аз 6,5 ҳазор нафар сайёҳ ташриф овардаанд, ин далолат медиҳад, ки назар, диққат ва таваҷҷуҳи сайёҳон нисбат ба таъриху тамаддун ва фарҳанги волои халқи тоҷик беш гардидааст.

Кюгер Вебер - сайёҳ аз Олмон:

- Дар кишвари Олмон бо чанд нафар ҷавон аз Ҷумҳурии Тоҷикистон шиносоӣ пайдо кардам ва вақте таърифи табиати зебо ва меваҳои шаҳдбори тоҷиконро шунидам, ҳисси тамошобиниам баланд гардид. Тариқи расонаҳои интернетӣ аз расму русуми тоҷикон маълумоти зиёде пайдо кардам. Ҳамасола ба кишварҳои ҷаҳон сафар мекардам ва ин навбат ба сарзамини тоҷикон ҳамроҳи оилаам омадам. Дарвоқеъ, сарзамини тоҷикон ва мардуми меҳмоннавози ин ҷо бароямон писанд омад...

Тавре аз дафтари матбуоти раиси шаҳри Хуҷанд иттилоъ дода шуд, дар шаҳр ҷиҳати рушди соҳаи сайёҳӣ 9 муассисаи сайёҳӣ, аз ҷумла Ҷамъиятҳои дорои масъулияти маҳдуди “Спутник”, “Саёҳати олӣ”, “Олами саёҳат”, “Ҷаҳонгард”, “Алп Сомон - тур”, филиали ҶДММ “Вояҷпур”, филиали ҶДММ “Шоҳинтур”, Ассотсиатсияи тараққиёти туризми “Зарафшон” ва муассисаи давлатии Маҷмааи фарҳангию таърихии “Қалъаи Хуҷанд” фаъолият бурда истодаанд. Ҳамзамон, бо мақсади ҷалби сайёҳони дохилӣ ва хориҷӣ хатсайрҳои нави “Қалъаи Хуҷанд”, “Душанбе - пойтахти Тоҷикистон”, “Кӯҳистони нишот”, “Водии ҳунармандон”, “Панҷакенти бостонӣ”, “Зебогии кӯҳҳои Шаҳристон”, “Конибодоми таърихӣ”, “Баҳри тоҷик” ва “Хони кушода” фаъолияти пурсамар доранд.

Санъатой Улдошева – сайёҳ аз Ҷумҳурии Ӯзбекистон:

- Ҳанӯз дар даврони кӯдакиам дар бораи хешутабории бобою бибиам бо тоҷикон нақлҳои аҷибе шунида, вале боре ба Тоҷикистон наомада будам. Хушбахтона, пас аз кушода шудани сарҳадҳои ду давлати ба ҳам дӯсту бародар имконияти ба кишварҳо омаданҳо зиёд гардид. Ростӣ, пас аз ба шаҳри Хуҷанд расидан бовариам намеомад, ки то кадом андоза мо бо ҳам монандӣ дорем, зеро расму оинҳои мардуми ӯзбеку тоҷик ба ҳам зич алоқаманд ҳастанд. Аз ҷойҳои таърихиву фарҳангӣ ва фароғатӣ дидан карда, барои худ олами наву рангинеро боз намудам.

Зикр бояд дошт, ки айни ҳол дар шаҳр барои қабули сайёҳон 14 меҳмонхона бо теъдоди 873 ҷойи қабули фаъолият намуда истодаанд. Барои сайёҳон 16 нуқтаи фурӯши маҳсулоти ороишӣ аз сангу металлҳои қимматбаҳо, армуғон, намунаҳои ҳунарҳои дастии ҳунармандон фаъолият менамоянд.

Ҳамчунин, дар шаҳр 36 ёдгории таърихӣ, 5 ёдгории археологӣ, 21 ёдгории шаҳрсозиву меъморӣ ва санъат мавҷуданд.

Шаҳбону ОЛИМОВА,

«Ҳақиқати Суғд»

Читать далее

ЭЪЛОН: 15 феврал ярмарка-фурӯши ниҳол ва кӯчату тухмии гулу зироатҳо доир мешавад

Ба таваҷҷуҳи шаҳрвандон расонида мешавад, ки бо ибтикори Мақомоти иҷроияи ҳокимияти давлатии вилояти Суғд санаи 15 феврали соли 2020 дар майдони назди Театри давлатии мазҳака-мусиқии ба номи Камоли Хуҷандии маркази вилоят ярмарка-фурӯши ниҳол ва кӯчату тухмии гулу зироатҳо гузаронида мешавад.

Иштирокчиёни фаъол бо туҳфаҳои хотиравӣ сарфароз гардонида мешаванд.

Марҳамат ба ярмарка-фурӯши ниҳол ва кӯчату тухмии гулу зироатҳо!

Читать далее