03 April 2020

Раҷаббой Аҳмадзода - Раиси вилояти Суғд: Хизмати Ватан амри фархундаву шоиста аст!

Санаи 3 - юми апрели соли равон дар назди майдони Парчаму Нишони давлатии Ҷумҳурии Тоҷикистон, воқеъ дар хиёбони Раҳмон Набиеви шаҳри Хуҷанд ҷамъомади тантанавӣ ба муносибати гусели наваскарон ба сафҳои Қувваҳои Мусаллаҳи Тоҷикистон баргузор гардид, ки дар он Раиси вилояти Суғд Раҷаббой Аҳмадзода иштирок ва суханронӣ намуд.

Ҳамчунин, дар чорабинӣ афсарону сарбозон, собиқадорону фаъолони соҳаҳои иҷтимоиву иқтисодии вилоят, волидайни наваскарон ва ҷавонону наврасони саодатманд иштирок доштанд.

Читать далее

Боздиди Раиси вилоят аз Ҷамъияти дорои масъулияти маҳдуди “Фаровон-1”

Раиси вилояти Суғд Раҷаббой Аҳмадзода бо мақсади шиносоӣ бо ҷараёни истеҳсолот аз Ҷамъияти дорои масъулияти маҳдуди “Фаровон-1”, ки дар Ҷамоати шаҳраки Чоррухдарони шаҳри Гулистон ҷойгир аст, боздид намуд.

Чуноне иттилоъ дода шуд, ҶДММ “Фаровон-1” аз соли 2015 инҷониб фаъолият дошта, дар корхона регу шағал ва маҳлули бетонӣ истеҳсол карда мешавад.

Читать далее

Пойгоҳҳои обкашӣ ба мавсим омодаанд?

Идораи давлатии беҳдошти замин ва обёрии шаҳри Конибодом баҳри омода намудани иншооти обрасонӣ ба мавсими нави обёрии соли равон тадбирҳои зарурӣ андешидааст, - гуфт дар суҳбат сардори ин ниҳод Асрориддин Шокирӣ. Боиси зикр аст, ки дар мавсими имсола ҷиҳати саривақт ба мавсими обёрӣ омода намудани пойгоҳҳои обкашӣ ва иншооти обрасонӣ аз ҳисоби маблағҳои пардохти оби истифодашуда таъмири пойгоҳҳои обкашӣ баҳри омода намудани шабакаҳои обёрӣ ва дастгоҳҳои обкашӣ мусоидат намуд.

Дар мувозинаи Идораи давлатии беҳдошти замин ва обёрии шаҳр 14 пойгоҳи обкашии иқтидорашон гуногун мавҷуданд, ки калонтарини онҳо «Маҳрам», «Пойменная» ва «Нур» буда, обро аз дарёи Сир мекашанд, ки 40 дарсади замини кишоварзии шаҳр ба воситаи ин пойгоҳҳо обёрӣ мешавад.

Соли ҷорӣ, мувофиқи нақшаи тасдиқгардида, корҳои зиёде барои омода намудани иншооти гидротехникӣ ба мавсими обёрӣ дар муҳлати муайяншуда ба иҷро расонида шуданд, ки он аз қабили тоза намудани шабакаҳои обёрӣ, таъмири новаҳою воситаи ченаки об, иншооти гидротехникӣ, тоза намудани хатти заҳбурҳо, танзими сарбандҳо, таъмири дастгоҳҳои обкашӣ ва трансформаторҳо, инчунин хатҳои барқӣ мебошад.

Идораи давлатии беҳдошти замин ва обёрии шаҳр бо 6 Ассотсиатсияи истифодабарандагони об шартнома бастааст, ки тақсимоти об ва рӯёнидани маблағи хизматрасонӣ тавассути онҳо сурат мегирад. Саривақту пурра пардохт намудани маблағи оби истифодашуда аз имкониятҳои таъмиру омодасозии иншооти ирригатсионӣ ва гузаронидани чорабиниҳои беҳдошти ҳолати мелиоративии заминҳо мебошад.

Дар Идораи давлатии беҳдошти замин ва обёрӣ барои гузаштан ба стандарти байналхалқии ҳисоботи молиявӣ гурӯҳи корӣ аз моҳи ноябри соли 2019 корҳоро оғоз карда, моҳи январи соли ҷорӣ барнома ба фаъолият шурӯъ кард. Тибқи ҳисоботи пешакӣ, зиёда аз 10 ҳазор хоҷагии деҳқонӣ ба ин ҳисобот ворид ва барои пурраву шаффоф гардидани ҳисоби оби истифодашуда ва пардохт мусоидат менамояд.

Бино ба иттилои номбурда, ин барнома имконият медиҳад, ҳамаи ҳисобу китоб бо мизоҷон ба таври шаффоф ва дақиқ ба роҳ монда шавад. Инчунин, рӯихати истифодабарандагону мизоҷон муайян карда шуда, аз рӯи он дар оянда корхона бо ҳар як субъекти истифодабарандаи оби полезӣ бо тарзи алоҳида ҳисобро ба роҳ мемонад.

Яке аз тадбирҳои калонҳаҷми ирригатсионӣ тоза кардани Канали калони обпартои мавзеи Патар дар шафати болооби обанбори Қайроққум мебошад, ки Идораи беҳдошти замин ва обёрии шаҳр онро тоза ва барқарор намуд. Ин иншооти обпарто ҳамчунин омили беҳдошти ҳолати мелиоративии беш аз 600 гектар замини кишоварзии мавзеи Тӯқай мебошад. Ҳамчунин дар ҷамоатҳои деҳоти Пӯлотон, Патар, ба номи Ғафурҷон Ортиқов, Эргаш Шарифов, Раҷаб Ҳамробоев заҳбурҳо тоза шуда, барои обрасонии боэътимоду кам кардани талафоти он тоза кардани Канали Калони Фарғона аз тадбирҳои асосӣ маҳсуб меёбад.

Истифодаи пурсамари оби полезии мавҷуда дар Канали Калони Фарғона ва дарёи Исфара имкон медиҳад, ки тадбири муҳими мелиоративӣ, додани оби захиравию шӯршӯии заминҳо дар ҳаҷми зиёд иҷро ва боздеҳи баланди заминҳои кишту боғот таъмин гардад. Бояд гуфт, ки корҳои таъмиру тармим дар пойгоҳҳои обкашӣ ба итмом расида, алҳол ба кор омодаанд.

Оре, омили асосии фаровонҳосилии майдонҳои кишоварзӣ аз меҳнати масъулини обрасониву обёрӣ вобастагӣ дорад.

Нодир ТУРСУНЗОДА,

«Ҳақиқати Суғд»

Читать далее

Боздиди Раиси вилоят Раҷаббой Аҳмадзода аз ҶДММ “Атласи Хуҷанд”

Дар се моҳи аввали соли 2020 дар ҶДММ “Атласи Хуҷанд” 12 ҳазор метри тулонӣ атлас ва 2 ҳазор метри тулонӣ адрас истеҳсол гардидааст. Дар ин бора зимни боздиди Раиси вилояти Суғд Раҷаббой Аҳмадзода аз корхонаи мазкур иттилоъ дода шуд.

Ҷоизи зикр аст, ки дар вилояти Суғд ба эҳёву рушди ҳунарҳои миллӣ таваҷҷуҳи хоса зоҳир гардида, либосҳои миллию замонавие, ки аз матоҳои рангину пурҷилои атласу адраси тоҷик омода шудааст, харидорони сершумори худро дорад. Атласу адраси корхонаи “Атласи Хуҷанд” бо ороишҳои хоси худ фарқкунанда буда, маҳсулоти корхона дар чандин фестивалҳо ба намоиш гузошта шудааст. Аз ҷумла, дар фестивали «Атлас ва адраси тоҷик-2020», ки чанде пеш дар Қасри Арбоб баргузор гардид, 120 навъи атласи корхона ба маъраз гузошта шуд, ки аз он 51 намудаш атлас бо ороиши нав буд.

Читать далее

Дар ҶДММ “Нассоҷи Хуҷанд” ва ҶДММ “Ҷавонӣ” ниқобҳои тиббӣ истеҳсол карда мешавад

1 апрели соли 2020 Раиси вилояти Суғд Раҷаббой Аҳмадзода аз ҶДММ “Нассоҷи Хуҷанд” ва ҶДММ “Ҷавонӣ” боздид намуда, бо ҷараёни истеҳсолот дар ин корхонаҳо шинос гардид.

Тавре зимни шиносоӣ иттилоъ дода шуд, дар корхонаҳои “Нассоҷи Хуҷанд” ва “Ҷавонӣ” бо назардошти зиёд гардидани ҳолати сироятёбии сокинони кишварҳои хориҷи дуру наздик ба коронавируси COVID-19 ва бо мақсади  таъмини амнияти санитарию эпидемиологии аҳолии мамлакат истеҳсоли ниқобҳои тиббӣ ба роҳ монда шудааст. Хушбахтона то имрӯз дар Ҷумҳурии Тоҷикистон ягон ҳолати сироятёбӣ аз коронавирус ба қайд гирифта нашудааст ва тадбирандешиҳо ҷиҳати пешгирии сироятёбӣ амалӣ карда мешавад.

Читать далее

ЯҒМОГАРЕ, КИ ДАЪВОИ МАРДУМПАРВАРӢ ДОРАД (Ё чи тавр «дилсӯзи миллат» Кабирӣ, бинои сохташавандаи беморхонаи сироятии ҷумҳуриявиро қисм-қисм карда фурӯхт)

 

 

 

Муддатест, ки аз дурдасти як марғзори хушобу алаф аз ҳанҷараи дарозгӯше пайваста садои гӯшхарош баланд мешавад. Дарозгӯш мафтун аз манзараи чарогоҳ ва маст аз бонгҳои паёпаю рӯзафзуни хеш дигар гумон карда, ки рисолати зиндагии ӯ фақат чаридану бонг сар додан аст.

Читать далее