07 April 2020

Ба истиқболи 700-солагии Камоли Хуҷандӣ. «КАМОЛ ДАР ОИНАИ ТАЗКИРАҲО»

Муассисаи давлатии «Маркази илмии Камоли Хуҷандӣ» ҷилди аввали «Силсилаи китобҳои камолшиносӣ»-ро бо номи «Камол дар оинаи тазкираҳо» тариқи нашриёти «Хуросон» аз нашр баровард.

Китоб аз ҷониби кормандони ҷавони Марказ Шехимов Иззатбек ва Юсуфов Зоҳирҷон таҳия ва тавзеҳ гашта, фарогири матолиби сарчашмаҳои асосии шинохти шахсият ва ҷаҳонбиниву шеъри Шайх Камоли Хуҷандӣ мебошад.

Бино ба иттилои директори Муассисаи давлатии «Маркази илмии Камоли Хуҷандӣ» Баҳром Раҳматзод китоби «Камол дар оинаи тазкираҳо» дар баробари фарогирии муҳимтарин маълумоти тазкираҳои қадиму муосир, ҳамчунин, матолиби китобҳоеро, ки роҷеъ ба нақду баррасии ашъори шоиранд, дар бар гирифтааст.

 Дар китоби мазкур маълумоти сарчашмаҳое, ки дар замони Камоли Хуҷандӣ иншо шудаанд, аз қабили дебочаи девони шоир, китобҳои «Дастуру-л-котиб»-и Муҳаммади Нахҷувонӣ, «Ҷавоҳиру-л-асрор»-и Шайх Озарӣ дар мадди назари аввал қарор гирифтааст.

Баҳром Раҳмадзод гуфт, ки дар ин замина, нукоти норавшане, ки пиромуни ҳаёти шоир то кунун мавҷуд буд, бо баррасии ин сарчашмаҳо равшан хоҳад шуд.

Дар китоб кӯшиш шудааст, маълумоти 77-сарчашма оварда шавад.

Дар назар аст, ки «Силсилаи китобҳои камолшиносӣ» дар даҳ ҷилд таҳия ва нашр шавад.

Сурайё ҲАКИМОВА,

«Ҳақиқати Суғд»

Читать далее

Баргузории Фестивали вилоятии ҳунарҳои мардумӣ таҳти унвони «Ҳунар беҳтар аз зар бувад»

6 апрел дар Боғи фарҳангию фароғатии ба номи Абӯмаҳмуди Хуҷандӣ маросими ҷамъбастии Фестивали вилоятии ҳунарҳои мардумӣ таҳти унвони «Ҳунар беҳтар аз зар бувад» баргузор гардид, ки дар он Раиси вилояти Суғд Раҷаббой Аҳмадзода низ ширкат варзид.

Раисивилоят нахуст дар даромадгоҳи Боғи фарҳангию фароғатии ба номи Абӯмаҳмуди Хуҷандӣ бо дастоварди ҳунармадони шаҳру навоҳии вилоят шинос шуда, ба масъулини дахлдор ва ҳунармандон дастур ва тавсия дод, ки истеҳсоли маҳсулот бо назардошти идҳои таърихии миллати тоҷик ва талаботи бозори дохилию хориҷӣ ба роҳ монда шавад.

Читать далее

Пешвои миллат Эмомалӣ Раҳмон аз боғҳои фарҳангию фароғатии шаҳри Душанбе боздид намуданд

6 апрел Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ бо нашъунамои гулу дарахтон дар боғҳои фарҳангию фароғатии пойтахт шинос шуданд.

Зимни боздид аз боғҳо Сарвари давлат муҳтарам Эмомалӣ Раҳмон бо ҳолати парваришу нигоҳубини гулҳо ва дарахтони нодири ороишӣ шинос шуда, ба масъулини муассисаҳои фароғатӣ барои тозаю озода нигоҳ доштани онҳо дастуру ҳидоятҳо доданд.

Читать далее

Дар ноҳияи Бобоҷон Ғафуров кишти пахта ҷараён дорад

Дирӯз Раиси вилояти Суғд Раҷаббой Аҳмадзода ба ноҳияи Бобоҷон Ғафуров сафар намуда, дар маъракаи оғози кишти пахта дар як қатор хоҷагиҳои кишоварзӣ ширкат варзид.

Раиси вилоят аз ҷумла аз кооперативи тиҷоратии хоҷагии ҷамоавии ба номи Т.Қӯшатов, ҶСШК ба номи Абдураҳим Ҷумъаев, хоҷагии деҳқонии “Бобоҷон Каримов” ва хоҷагии деҳқонии “Зоидбой Каримов” боздид намуда, бо кишоварзону саҳмдорон суҳбатҳо анҷом дод.

Читать далее

Дар Ҷамоати деҳоти ба номи Дадобой Холматови ноҳияи Бобоҷон Ғафуров фабрикаи парандапарварӣ бунёд мешавад

Дар Ҷамоати деҳоти ба номи Дадобой Холматови ноҳияи Бобоҷон Ғафуров сохтмони фабрикаи парандапарварӣ ҷараён дорад, ки бо мавриди истифода қарор гирифтани он наздик 50 нафар бо ҷойи корӣ таъмин мегарданд.

Раиси вилояти Суғд Раҷаббой Аҳмадзода зимни боздиди корӣ аз ноҳияи Бобоҷон Ғафуров бо ҷараёни бунёди фабрика мазкур шинос гардид. Зимни шиносоӣ иттилоъ дода шуд, ки фабрикаи парандапарварӣ аз ҷониби ҶДММ “Насиби ширин” бунёд гардида истодааст. Иншоот дар масоҳати наздик 17 гектар доман паҳн намуда, дорои якчанд бино барои парвариши паранда ва дигар иншооти ёрирасон мебошад.

Читать далее

Паёми табрикии Раиси вилоят бахшида ба Рӯзи иқтисодчиён ​

Ҳар сол 8 апрел дар кишвар Рӯзи иқтисодчиён мутантан таҷлил карда мешавад. Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо назардошти муҳимияти соҳаи иқтисод, барҳақ, зикр намудаанд: «Дар шароити ҳассоси замони муосир ҳадафи асосии давлат, пеш аз ҳама, таъмини рушди босуботи иқтисодӣ ва тадриҷан баланд бардоштани сатҳу сифати зиндагии мардум тавассути амалӣ кардани ислоҳоти низоми идораи давлатӣ, таъмини шаффофияти фаъолияти мақомоти он, фароҳам овардани фазои мусоид барои рушди соҳибкорӣ, ҷалби сармоя ва воридоти технологияҳои пешрафта ва дар ин замина ташкил кардани ҷойҳои нави корӣ мебошад».

Мақомоти иҷроияи ҳокимияти давлатии вилоят рушди соҳаи иқтисодро аз самтҳои муҳими фаъолият арзёбӣ карда, барои таъмини рушди иқтисодӣ ва тавассути он баланд бардоштани сатҳу сифати зиндагии мардум, дар асоси ҳадаф ва афзалиятҳои ҳуҷҷатҳои стратегии кишвар “Стратегияи миллии рушди Ҷумҳурии Тоҷикистон барои давраи то соли 2030”, “Барномаи миёнамўҳлати рушди Ҷумҳурии Тоҷикистон барои солҳои 2016-2020”, “Барномаи миёнамӯҳлати рушди иҷтимоию иқтисодии вилоят барои солҳои 2016-2020” амалӣ менамояд.

Читать далее