05 June 2020

Муаммо бартараф шуд

Сари вақт омода намудан ва ба кор даровардани пойгоҳҳои обкашӣ яке аз масъалаҳои аввалиндараҷа ва муҳими соҳаи кишоварзӣ ба ҳисоб мераванд. Аз ин рӯ, Мақомоти иҷроияи ҳокимияти давлатии вилоят ин масъаларо мадди назар гузошта, марҳала ба марҳала ба пойгоҳҳои обкашии шаҳру ноҳияҳои вилоят кӯмакҳои зарурӣ мерасонад.

Зикр кардан бамаврид аст, ки санаи 18 – уми апрели соли 2020 дар натиҷаи якбора хомӯш гардидани неруи барқ дар пойгоҳҳои обкашии ноҳияи Ашт садама рух дод. Силсилаи насосҳои обкашӣ, ки аз панҷ зина иборат мебошад, дар зинаи якуми АНС – 1 садама рух дода, дар натиҷаи он насосҳо зери об монда, насосҳои обкашӣ аз кор баромад.

Баҳри беҳтар намудани ҳолати обрасонӣ ба заминҳои ноҳия бо дастгирии Раиси вилояти Суғд Раҷаббой Аҳмадзода 300 ҳазор сомонӣ аз ҳисоби буҷети вилоят маблағ ҷудо гардид.

Рафторҷон Муҳаммадиев, сардори раёсати кишоварзии ноҳия гуфт, ки барои сари вақт бартараф намудани оқибатҳои садама ситод ташкил гардида, дар як муддати кӯтоҳ насосҳои шашкуба ва яккубаро пурра омодаи кор намуданд.

Бино ба иттилои масъулини идораи беҳдошти замин ва обёрӣ, имрӯз дар ноҳия 20 пойгоҳи обкашӣ мавҷуд буда, дар якҷоягӣ бо 54 чоҳи амудӣ зиёда аз 16 ҳазор гектар замини ноҳияро шодоб мегардонанд.

Кишоварзони ноҳия барои таъмин гаштан бо оби полезӣ ҳаққи хизмати обрасониро соли 2019 пурра пардохт намуда, барои соли равон зиёда аз 2 миллиону 200 ҳазор сомонӣ пешпардохт кардаанд.

Таъмини фаровонҳосилӣ аз фаъолияти муназзами пойгоҳҳои обкашӣ вобаста буда, кишоварзон имрӯз бо дили гарм ба корҳои саҳроӣ машғул мебошанд.

Кишоварзони ноҳия тибқи дурнамо тасмим гирифтанд, ки соли ҷорӣ дар майдони 6 ҳазору 200 гектар пахта кишт намоянд. То имрӯз зиёда аз 6 ҳазор гектар кишти пахта гузаронида шуда, ният доранд, ки дар рӯзҳои наздиктарин кишти пахтаро ба анҷом расонанд.

Инчунин, дар ҳамаи шаклҳои хоҷагидорӣ дар майдони 839 гектар кишти картошка гузаронида мешавад. Айни замон дар майдони 600 гектар кишти картошка гузаронида шуда, он бомаром идома дорад.

Нодир ТУРСУНЗОДА,

«Ҳақиқати Суғд»

Читать далее

Нашъунамои пахта: вазъ чӣ гуна аст?

Пахтакорӣ яке аз самтҳои муҳиму афзалиятноки соҳаи кишоварзӣ ба ҳисоб рафта, дар пешрафти соҳаи саноати сабуки кишвар нақши асосиро дорост. Бобати амалигардонии дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба шароити иқлим ва имкониятҳои истеҳсолии ҳар як минтақаи мамлакат баҳри мунтазам зиёд намудани масоҳати заминҳои кишти пахта ва баланд бардоштани ҳосилнокии он, инчунин бо ашёи хом таъмин намудани корхонаҳои саноати сабук дар вилоят як силсила тадбирҳо амалӣ гардида истодаанд.

Бино ба иттилои намояндаи Сарраёсати кишоварзии вилоят Абдуҳаким Қаландаров, соли 2020 бояд кишоварзони вилоят тибқи дурнамои пешбинигардида дар майдони 60 ҳазор гектар кишти пунбадона гузаронанд. Ба санаи 4 – уми июни соли равон дар майдони 59600 гектар кишти пунбадона гузаронида шудааст, ки ин 99,3 фоизи дурнамои кишти пахтаро ташкил медиҳад. Кишти пунбадона алҳол дар ноҳияи Зафаробод бомаром ҷараён дорад. Кишоварзони ноҳия то имрӯз дар майдони 14284 гектар кишт гузарониданд, ки 97,2 фоизи нақшаи пешбинигардидаро ташкил медиҳад. Бо номусоид омадани обу ҳавои имсола дар ин ноҳия кишти пунбадона ба таъхир гузошта шуда буд.

Тибқи маълумоти оморӣ, ба ҳамин давраи соли гузашта дар майдони 58815 гектар кишти пунбадона гузаронида шуда буд, ки 98 фоизи нақшаи пешбинамударо дарбар мегирифт. Бино ба маълумоти масъулини соҳа, имсол дар майдони 3330 гектар кишти дубораи пунбадона гузаронида шуд. Аз ҳамин лиҳоз то ҳол дар 2447 гектари киштшуда пахта насабзидааст.

Асосан кишоварзони пахтакори вилоят навъи серҳосили чигити маҳаллию хориҷӣ, ба монанди “Флория”, “Флеш”, “АДН -123”, “Чуансу”, “Синзиян”, “Ориёӣ”, “Неъмат”, “Сорбон”, “Хуҷанд - 67”, “Деҳқонбобо”, “Зуҳал”, “Тезпур” кишт намудаанд.

Имрӯз майдонҳои пахтазор сабзишу нашъунамои хуб дошта, дар он корҳои агротехникӣ мувофиқи талабот хуб ба роҳ монда шудааст. Дар заминҳое, ки имрӯз пахта пурра сабзидааст, майдони 11090 гектар дар ҳолати аз 1 то 2 - барга, 19380 гектар дар ҳолати аз 3 то 4 - барга, 17635 га дар ҳолати 5-6 - барга ва майдони 8739 гектар дар ҳолати шонабандӣ қарор доранд. Кишоварзон бо риояи корҳои агротехникӣ дар майдони 71963 гектар коркарди байни қаторҳо, 43331 гектар ягонакунӣ ва дар майдони 31893 гектар озуқадиҳӣ гузарониданд.

Пахтакорони вилоят кӯшиш доранд, ки ҳар як ваҷаб заминро самаранок истифода бурда, бо кишти тухмиҳои хушсифати пахта ҳосили дилхоҳ ба даст оранд. Инчунин, аз обу ҳавои муносиб истифода бурда, ҳарчӣ барвақт кишти пунбадонаро ба итмом расонида, ният доранд, ки бо истифода аз усулҳои муосири агротехникӣ ва вазъи мусоид истеҳсоли ашёи саноатиро нисбат ба соли гузашта зиёд намоянд.

Истамҷони НАҶМИДДИН,

“Ҳақиқати Суғд”

Читать далее

Дар ноҳияи Айнӣ ҷаласаи ситоди сайёри назди Раиси вилоят оид ба пурзӯр намудани тадбирҳои зиддиэпидемиявӣ ва пешгирӣ аз паҳншавии сирояти коронавирус COVID-19 доир шуд

4 июни соли 2020 дар ноҳияи Айнӣ таҳти раёсати Раиси вилояти Суғд Раҷаббой Аҳмадзода ҷаласаи ситоди сайёри назди Раиси вилоят оид ба пурзӯр намудани тадбирҳои зиддиэпидемиявӣ ва пешгирӣ аз паҳншавии сирояти коронавирус COVID-19 баргузор гашт.

Дар ҷаласаи ситод, ки бо ҳузури роҳбарияти ноҳия, роҳбарони воҳидҳои сохторӣ, мақомоти ҳифзи ҳуқуқ, сардухтурони беморхонаҳо ва раисони ҷамоатҳо ҷараён гирифт, рафти иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти мамлакат муҳтарам Эмомалӣ Раҳмон оид ба пурзӯр намудани тадбирҳои зиддиэпидемиявӣ ва пешгирӣ аз паҳншавии сирояти коронавирус мавриди баррасӣ қарор гирифт.

Читать далее

Мулоқоти Раиси вилоят бо кормандони соҳаи тандурустии ноҳияи Айнӣ

4 июни соли 2020 Раиси вилояти Суғд Раҷаббой Аҳмадзода дар доираи сафари корӣ ба ноҳияи Айнӣ дар Беморхонаи марказии ноҳия бо кормандони соҳаи тандурустӣ мулоқот кард.

Раиси вилоят дар аснои мулоқот аз дастгириҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти муҳайё намудани шароити мусоид барои фаъолияти табибон ёдовар шуда, иброз дошт, ки табибон имрӯзҳо бо истифода аз таҷрибаву малакаи худ баҳри таъмини солимии ҷомеа ҷиддан талош меварзанд.

Читать далее

Айнӣ. Раиси вилоят ба пайвандони фавтидагон изҳори ҳамдардӣ намуд

4 июни соли 2020 Раиси вилояти Суғд Раҷаббой Аҳмадзода дар асоси супориши Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Айнӣ ба манзили чанде аз оилаҳо рафт ва ба пайвандони фавтидагон изҳори ҳамдардӣ намуд.

Раҷаббой Аҳмадзода аз ҷумла дар Ҷамоати деҳоти Анзоб ба аҳли оилаи Ҳасанов Шаҳром ва Мағзумов Мирзоқул, ки яке аз бемории илтиҳоби шуш ва дигаре дар садамаи нақлиётӣ вафот кардаанд, изҳори ҳамдардӣ карда, ба оилаи номбаршудагон кӯмакҳои моддӣ расонид.

Читать далее

Ба куҳҳои ноҳияи Шаҳристон 23 сар оҳуи муфлони аврупоӣ оварда шуд

Дар асоси дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо мақсади рушди хоҷагии ҷангали ноҳияи Шаҳристон ба мавзеи Кимқули ноҳия 23 сар оҳуи навъи муфлони аврупоӣ оварда шуд.

Ҷонварони куҳӣ бо мусоидати Раиси вилоят Раҷаббой Аҳмадзода ворид карда шуда, барои зиёд намудани саршумор ва парвариши оҳуҳо аз тарафи Хоҷагии ҷангали вилоят мамнуъгоҳ ташкил гардид.

Читать далее

Мулоқоти Раиси вилоят бо кормандони соҳаи тандурустии ноҳияи Шаҳристон

2 июни соли равон Раиси вилояти Суғд Раҷаббой Аҳмадзода ба ноҳияи Шаҳристон ташриф оварда, бо кормандони соҳаи тандурустии ноҳия мулоқот анҷом дод.

Зимни мулоқот таъкид карда шуд, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ баҳри пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд. Аз тарафи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои муассисаҳои соҳаи тандурустӣ миқдори зарурии маводи доруворӣ ва лавозимоти тиббӣ дастрас гардида, табибон бо истифода аз онҳо барои таъмини солимии ҷомеа талош намуда истодаанд.

Читать далее