24 June 2020

РАЗОЛАТ БЕМОРИИ ХОСИ ОДАМОНИ НОЧИЗ АСТ

Иқрор мешавам, ки дер боз чунин филми ҳуҷҷатиро, ки дар он солҳои фоҷеабор ватани манро ба ҷанги бародаркӯше, ки наздики панҷ сол идома ёфт ва боиси марги беш аз 150 ҳазор бародарону хоҳарон гардид, надидаам.

Читать далее

THINKING OUT LOUD (outlines for a psychological portrait)

I will tell you without malicious intent i.e. open without embellishment. I don’t know about you, but when I read the publications of “Sh. G” it seems to me that I know the content of what they, our fugitives, wrote about the whole night.

Читать далее

در مدتی که بازنشسته شده ام ، هیچ وقت

سؤال می کنم و جواب می دهم ... در مدتی که بازنشسته شده ام ، هیچ وقت مدادی را در دست خود نگرفتم و فکر نمی کردم که نیازی به آن داشته باشم . من برای لذت خود بسیار مطالعه می کنم ، وجود اینترنت است که هر کتابی را خواسته باشید به راحتی می توانید بارگذاری کنید و بخوانید ...

Читать далее

20 НАФАР ДОНИШҶӮ ШУДАНД

Таъсиси Квотаи Президентӣ иқдоми наҷибона ҷиҳати тарбияи кадрҳои маҳаллӣ ва дастгирии ҷавонони донишманду кордон аз ҷумлаи духтарон буд.

Зеро ҷавонони зиёде дар деҳоту шаҳракҳо зиндагӣ дошта бо вуҷуди дониши кофӣ доштан бинобар мушкилоти иқтисодӣ, қолабҳои шахшудаи маҳал наметавонистанд таҳсили хешро дар муассисаҳои олии таълимии кишвар идома диҳанд.

Квота пайраҳи сабзеро барои онҳо боз кард. Чун анъана дар шаҳру ноҳияҳои дурдаст даври сеюми озмуни қабули довталабон тибқи Квотаи Президенти баргузор гардида истодааст. Аз ҷумла, дар толори варзишии Гимназияи №1-и шаҳри Истаравшан даври сеюми озмун баргузор гардид. Дар он 86 нафар хонанда иштирок ва аз онҳо 20 нафар унвони баланди донишҷӯиро сазовор гардиданд.

Ҷаҳонгир МАХКАМОВ,
омӯзгори МТМУ 40, шаҳри Истаравшан

Читать далее

Сафари кории Президенти Ҷумҳурии Тоҷикистон Эмомалӣ Раҳмон ба шаҳри Москваи Федератсияи Россия

Дирӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати иштирок дар чорабиниҳои тантанавӣ бахшида ба 75-умин солгарди Ғалаба дар Ҷанги Бузурги Ватанӣ ба шаҳри Москваи Федератсияи Россия сафар карданд.

Дар фурудгоҳи байналмилалии Душанбе Президенти Ҷумҳурии Тоҷикистон Эмомалӣ Раҳмонро Раиси Маҷлиси миллии Маҷлиси Олии Ҷумҳурии Тоҷикистон, Раиси Маҷлиси намояндагони Маҷлиси Олии Ҷумҳурии Тоҷикистон, Сарвазири Ҷумҳурии Тоҷикистон, Роҳбари Дастгоҳи иҷроияи Президенти Ҷумҳурии Тоҷикистон ва дигар шахсони расмӣ гусел намуданд.

Читать далее

Боздиди Раиси вилоят аз хоҷагии деҳқонии “Қалъача”-и Ҷамоати деҳоти Овчиқалъача

Раиси вилояти Суғд Раҷаббой Аҳмадзода дар хоҷагии деҳқонии “Қалъача”-и Ҷамоати деҳоти Овчиқалъачаи ноҳияи Бобоҷон Ғафуров бо рафти парваришу ҷамъоварии помидор шинос гардид.

Хоҷагии деҳқонии “Қалъача” яке аз хоҷагиҳои пешқадам дар самти истеҳсоли помидор маҳсуб ёфта, ҳамасола даҳҳо тона помидорро пешниҳоди харидорон менамояд. Тибқи иттилои Аҳмадҷон Ахмедов – роҳбари хоҷагӣ имсол масоҳати кишти помидор 1 гектарро ташкил дода, ҳосили интизорӣ 50 тонна мебошад. Айни замон чиниши помидор ҷараён дошта, помидорҳои истеҳсолшаванда аз 500 грам то 1,5 кг вазн доранд. Маҳсулоти дар инҷо истеҳсолшаванда дорои шакл ва таъми хос аст, зеро заминҳои ин минтақа аз оби мусаффои куҳҳои барфпӯш обёрӣ карда мешавад.

Читать далее

Ба ваҳдат расидан орзуи ягонаи халқ буд

Ба шарофати саъю кӯшиши пайваста ва ҳаракатҳои пайгиронаи Сарвари мамлакатамон, Пешвои муаззами миллат муҳтарам Эмомалӣ Раҳмон ғояи Ваҳдати миллӣ ба яке аз самтҳои сиёсати доимии давлат ва Ҳукумати Тоҷикистон табдил ёфт. Он баҳри рушди минбаъдаи сиёсати дохиливу хориҷии давлати тозаистиқлоли тоҷикон, интихоби самтҳои дурусти рушди минбаъдаи кишвар, таъмини амнияти дохиливу хориҷӣ ва ниҳоят барои имрӯзу фардои халқу миллати мо заминаҳои мустаҳкам ба вуҷуд овард.

Самараи Ваҳдати миллӣ аст, ки имрӯз Тоҷикистон аз ҳар ҷиҳат рушд ёфта, зиндагии мардум беҳ гардидааст. Дар тамоми шаҳру навоҳии вилояти Суғд низ тӯли 23 соли Ваҳдат тағйироти куллӣ дар ҳама соҳаҳо ба чашм мерасад. Пеш аз ҳама, ин сулҳи халқи тоҷик ва осоиштагии мардум аст.

Яке аз шаҳрҳои қадимаи вилоят Истаравшан аст, ки он низ имрӯз ба яке аз шаҳрҳои сайёҳӣ мубаддал гардидааст. Тӯли ин солҳо иншооти мухталиф дар соҳаи маориф, тандурустӣ ва фарҳанг сохта, ба истифода дода шуданд. Дар арафаи 23 – юмин солгарди Ваҳдати миллӣ дар ҷамоату деҳот ва маҳаллаву шаҳракҳои шаҳри Истаравшан иншооти ҷашнӣ, аз ҷумла бунёди гармхона дар Ҷамоати деҳоти Зарҳалол, маркази саломатӣ дар Ҷамоати деҳоти Нофароҷ, маркази савдо дар ҷамоати деҳоти Сабристон, мағозаи фурӯши масолеҳи сохтмонӣ бо хонаи истиқоматӣ дар хиёбони Истиқлол, пули мошингузар дар Ҷамоати деҳоти Гули Сурх ва чоҳҳои амудӣ ба истифода дода мешавад. Аз Истиқлолияту Ваҳдати миллии тоҷикон имрӯз ҳар фарди худогоҳи кишвар шукрона мекунад ва шод аз он ҳастанд, ки дар фазои орому осуда умр ба сар мебаранд.

Котиби масъули Шӯрои ҳаракати Ваҳдати миллӣ ва эҳёи Тоҷикистон дар шаҳри Истаравшан Мавлуда Умарова аз дастовардҳои халқи тоҷик ёдовар шуда мегӯяд, ки баробари ба Ваҳдат расидан дар кишвар сулҳу оромӣ падид омад, мардум дарк карданд, ки аз як гиребон сар баровардан ба муваффақият соҳиб шудан аст.

- Вақте солҳои 90 - умро ба хотир меорем, бевосита пеши назар нобовариву тарсро дар чашмони халқ дидан мумкин буд. Ҳатто овозаҳое буданд, ки Тоҷикистон ба чанд қисм тақсим мешавад. Ин ҳама мардумро парешонхотир мекард. Мардуми тоҷик интизори сулҳ буданд, зеро маҳз пойдор гардидани сулҳ ҳамаро аз хунрезиву нобасомониҳо эмин медошт. Заҳмату талошҳои Сарвари хирадманд ва фаъолони кишвар буд, ки дар қаламрави вилоят, алалхусус дар шаҳри Истаравшан беморхона, марказҳои саломатӣ, боғчаву мактабҳои хусусӣ, марказҳои савдо, корхонаҳои хурду бузург, хонаҳои истиқоматии баландошёна ва дигар иншооти муҳим сохта, ба истифода дода шуданд. Ин ҳама ба он хотир бунёд гардид, ки мардум ба Сарвари давлат боварӣ ва эътимод пайдо кард, - мегӯяд Мавлуда Умарова.

Боиси қайд аст, ки алҳол дар шаҳр 22 кумитаи маҳалла ва 10 ҷамоат вуҷуд дорад. Ҳоло 42 ҳазору 500 нафар аъзои ҳаракат ҳастанд. Аъзо ва фаъолони ҳаракат дар муассисаҳои таълимӣ, сехҳои дӯзандагӣ, алалхусус барои ҷавонон гурӯҳи фаъолзанҳоро даъват карда, бобати Ваҳдати миллӣ, пояндаву ҷовидон нигоҳ доштани он ва расидан ба қадри арзишҳои миллӣ вохӯриву суҳбат ва конференсияву семинарҳо доир мекунанд.

Имрӯз на танҳо халқи тоҷик, балки кулли ҷомеаи ҷаҳонӣ возеҳ эҳсос менамояд, ки ба Тоҷикистон ин ҳама дастовардҳои беназир ба осонӣ муяссар нашудааст. Муҳимтар аз ҳама он аст, ки тавассути ин ҳама тадбирҳо давлати Тоҷикистон ва миллати тоҷик ба ҷомеаи ҷаҳонӣ аз нуқтаи назари воқеияти таърихии худаш ҳамчун давлати сулҳпарвар ва тараққихоҳ муаррифӣ гардид.

Шаҳбону ОЛИМОВА,

«Ҳақиқати Суғд»

Читать далее

РИЗҚИ ДЕҲҚОН ДАР ЗАМИН

Аҳли оилаи иҷоракор Гулрухсор Обидова соли гузашта дар 2,5 гектар пахтаи навъи «Ориёӣ» кишта, аз ҳар гектар 27-сентнерӣ, қариб ҳафт тонна ҳосили хушсифат рӯёниданд. Соли равон пунбаи навъи «Хуҷанд – 67» кишт намуда, ният доранд, наздик ҳашт тонна «тиллои сафед» ба даст оранд.

Гулрухсор аз соли 1999 дар хонаи саломатии деҳаи Ғалчамулло чун ҳамшираи тибби оилавӣ фаъолият дорад. Аммо муҳаббат ба замин ӯро водор намуд, ки ин шуғлро идома бахшад. Дар оилаи шавҳараш Ҳакимҷон Обидов ҳама луқмаи хеш аз замин мерӯёниданд. Аҳли оила қарор доданд, 2,5 гектар заминро аз ҷамъияти саҳҳомии ба номи Энаҷон Бойматова ба иҷора гирифта, бо кишоварзӣ машғул шаванд.

- Дар 70 садяк замини иловагӣ 55 бех ниҳоли зардолуҳои хушсифат дорем ва ҳамасола зери он барои таъмини рӯзгор маҳсулоти полезӣ низ кишт менамоем. Замин ҳаргиз инсонро бенасиб намемонад. Гандуму мошу лӯбиё, помидору бодиринг ва боимҷони хушсифату лазиз барои захираи зимистон низ кифоят мекунад.

- Аз оилаи мо касе ба муҳоҷират намеравад, рӯзиамонро аз замин меёбем. Дар ҳоле ки бисёре аз атрофиён бекоранд, дарёфти коргарони кироя мавсими ягонакуниву ғунучини ҳосил амри маҳол аст. Бо вуҷуди оне ки музди меҳнаташонро саривақт ба даст мегиранд, майли коркунӣ надоранд, - мегӯяд Гулрухсор.

Чӣ хуб мешуд, он занони хонашин, ки тамоми бори зиндагиро бар дӯши мардон партофтаанд, ин ҳикматро ҳалқаи гӯш мекарданд:

Рӯзӣ насиби кас ба

нишастан намешавад,

Бояд чу осиё зи пайи

обу дона рафт.

Фирӯзаи АБДУЛАЗИЗ,

шаҳри Конибодом

Читать далее

ПОЙДОРИИ СУБОТИ ҶОМЕА АЗ ВАҲДАТ АСТ!

Бинои кӯҳнаи идораи рӯзномаи «Ҳақиқати Суғд». 27-уми июни соли ҳазору нӯҳсаду наваду ҳафт. Ҳама қаламкашон интизор нишастаем. Мо, кормандони рӯзнома натиҷаи ҷаласаеро, ки дар Маскав бо иштироки Президенти мамлакат муҳтарам Эмомалӣ Раҳмон ва гурӯҳи мухолифин баргузор шуда истодааст, нигаронем. Саҳифаи аввали рӯзномаро низ бо ҳамин мақсад боздоштаем. Он замон як толори на он қадар калоне доштем, ки ба номи яке аз журналистони соҳибқалам Қурбон Баҳлулзода номгузорӣ шуда буд.

Эҷодкорон дар ҳамин толор масъалаи мазкурро муҳокима дорем. Пас аз нисфирӯзии он замон котиби масъули рӯзнома, шодравон Исроилҷон Исмоилов «Ҳой, хушхабар! Ҳой, хушхабар! Шодиёнаро омода созед!» - гӯён вориди толор шуданд ва мо низ баробари он кас хурсандӣ намудем. Зеро ин ҳам аз зумраи мулоқотҳое буданд, ки Сарвари давлат бо гурӯҳи мухолифин дар кишварҳои дигар меоростанд. Мо ҳама натиҷаи онро чашминтизор будем. Инак, он соат фаро расид…

Инак, бисту се сол аст, ки дар фазои сулҳу амонӣ ва ваҳдату ҳамдигарфаҳмӣ умр ба сар мебарем. Тӯли ин солҳо ба бисёр комёбиву дастовардҳо ноил гардидем.

Албатта, ҳамаи ин дастоварду муваффақиятҳо ба осонӣ ба даст наомадааст. Дар ин муддат буданд солҳову моҳҳое, ки мо шабонарӯз дар навбати нон меистодем, ки дар байнамон калонсолону ҳомиладорон низ буданд.

Ҳоло бошад, дар бозорҳо нонҳои болаззату орди навъҳои гуногун фаровонанд ва заводу сехҳои ордбарорӣ соле тоннаҳои зиёди ордро пешкаши мардуми тоҷик мегардонанд.

Мо, кормандони эҷодии нашрияҳои маркази вилоят дар ҳар гӯша манзил гирифта будем. Алҳол аз соли ду ҳазору ёздаҳум инҷониб бо фотеҳаи Пешвои муаззами миллат дар ин Кохи боҳашамат муттаҳид гашта, ба эҷод машғулем.

Ҳамчунин, аксар биноҳои муассисаҳои табобатӣ ва таълимӣ фарсудаву дар баъзе деҳоти ноҳияҳо толибилмон дар хонаҳои истиқоматӣ таҳсил доштанд, яъне хонаҳои истиқоматӣ бинои муассисаҳои таълимиро иваз мекарданд. Бо мурури замон он ҳам бартараф гардид. Алҳол дар ҳудуди вилоят 547 ҳазору 925 толиб-илм дар 929 муассисаҳои таълимии дорои шароити муосир таҳсил доранд.

Чунин иқдоми шоиста дар муассисаҳои табобатӣ низ сурат гирифт. Метавон гуфт, то солҳои дуҳазорум аксар гирифторони бемории вазнин ва ба ҷарроҳӣ ниёздошта ба табобатгоҳҳои бурунмарзӣ муроҷиат менамуданд ва бо сарфи маблағҳои зиёд саломатии хешро барқарор месохтанд. Бо ҷонибдории Ҳукумати Ҷумҳурии Тоҷикистон ва Асосгузори сулҳу ваҳдати миллӣ ин масъала низ то қадри имкон ҳалли худро ёфт.

Аксар биноҳои табобатӣ дар шаҳру навоҳии вилоят навбунёданд ва ё қомат афрохта, бо таҷҳизоти муосири табобатӣ муҷаҳҳаз гардида истодаанд. Имрӯз ҷарроҳиҳои мушкил дар шуъбаҳои беморхонаҳои ҷумҳурӣ сурат гирифта, мутахассисони варзида бо маҳорати хоса амалиётро анҷом медиҳанд.

Солҳои аввали соҳибистиқлолӣ на танҳо соҳаҳо футур рафта буданд, инчунин аксари биноҳо, новобаста аз мансубият ба соҳаҳо ва ҳавлиҳои истиқоматӣ низ ҳолати садамавӣ доштанд ва ё умуман ба хок яксон гардида буданд. Бо гузашти айём биноҳои замонавии дорои хусусияти гуногун қомат афрохта, ба ин васила тарҳи шаҳру ноҳияҳо ба куллӣ тағйир ёфт. Дар қатори дигар иншоот майдони Парчами давлатӣ дар аксар шаҳру навоҳии вилоят қомат афрохта, бори дигар инсониятро ба сулҳу дӯстӣ, ваҳдату ҳамдигарфаҳмӣ ҳидоят менамояд. Чанде пас сохтмони майдони Парчами давлатӣ дар даромадгоҳи Ҷамоати деҳоти Хистеварзи ноҳияи Бобоҷон Ғафуров ба анҷом хоҳад расид, ки масоҳати он 0,45 гектарро фаро гирифта, баландии пояи Парчам 50 метрро дар бар мегирад. Дар ҳамин мавзеъ инчунин бо ташаббуси соҳибкори маҳаллӣ Абдусамеъ Раҳмонов дар масоҳати 0,30 гектар Маркази хизматрасонӣ ба истифода дода хоҳад шуд, ки он аз чор ошёна иборат аст. Умуман, ба истиқболи ҷашни бузурги тоҷикон - Ваҳдати миллӣ ва 30-солагии Истиқлолияти давлатӣ дар як деҳаи Хистеварзи ноҳияи Бобоҷон Ғафуров беш аз сад иншооти таъиноташ гуногун ба истифода дода хоҳад шуд, ки қисме аз он аз ҷониби соҳибкорони маҳаллӣ ва ё бо қувваи сокинон бунёд мегарданд.

Наздик се даҳсолае, ки даврони соҳибистиқлолии кишварро мо паси сар карда истодаем, ба бисёр дастовардҳо ноил гардида, чанд Барномаҳои миллии бахши гуногун таҳия ва амалӣ шуда, чор ҳадафи стратегии миллӣ нишонрас гардида, аз шаш ду агрегати Неругоҳи барқи обии «Роғун» ба истифода дода шуд, ки «он орзуи чандинсолаи мардуми шарифу заҳматқарини тоҷик» буда, «қадами устувору бузурги кишвари мо дар самти расидан ба ҳадафи якуми стратегии миллӣ – истиқлолияти энергетикӣ» мебошад.

Ҳамаи ин ва дигар дастовардҳо боиси ифтихор ва сарбаландӣ буда, эҳсоси ватандории мо - тоҷиконро бори дигар собит месозад. Чанде пеш масъалае, ки тӯли беш аз ду даҳсола мушкиливу муаммоҳои худро доштанд, ҳалли худро ёфт. Рӯйдоди таърихие, ки барои ҳаёти иҷтимоиву иқтисодӣ ва маънавии мардуми тоҷику ӯзбек муҳим буд, ин ба имзо расидани созишномаи шарикии стратегии байни кишварҳои Тоҷикистону Ӯзбекистон мебошад.

Дар ин радиф оид ба ободонӣ ва сарсабзии диёр, беҳ гардидани вазъи иҷтимоиву иқтисодии давлат мисолҳо зиёданд, ки наметавон ҳамаи онро дар як пора мавод овард. Аммо тавре Пешвои муаззами миллат таъкид медоранд: «Мо ба мақсадҳои олии худ - таҳкими дастовардҳои Истиқлолияти кишвар, таъмини рушду нумӯи давлатдории миллӣ, амнияти давлат ва миллат, пойдории сулҳу субот, пешрафти иқтисодиёту татбиқи ҳадафҳои марҳалаи созандагӣ, беҳбуди зиндагии мардум ва ҳалли даҳҳо масъалаҳои дигари ҳаётӣ танҳо бо роҳи сулҳу ваҳдату дӯстӣ расида метавонем».

Тавҳида ҶӮРАЕВА,

«Ҳақиқати Суғд»

Читать далее