June 2020

29 June 2020

Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи Ваҳдати миллӣ

Ҳамватанони азиз!

Ҳамаи шумо ва ҳамватанони бурунмарзиамонро ба ифтихори Рӯзи Ваҳдати миллӣ, ки яке аз ҷашнҳои муҳимми даврони соҳибистиқлолии кишварамон мебошад, самимона табрик мегӯям.

Таъмин намудани сулҳу оромӣ, суботи сиёсӣ ва ваҳдати миллӣ, ки аз Иҷлосияи XVI-уми Шӯрои Олии мамлакат сарчашма мегирад, барои қатъи мухолифати мусаллаҳона ва ҷангу хунрезӣ, сарҷамъии миллати тоҷик, ба Ватан баргардонидани гурезаҳо, бунёди давлати демократӣ, ҳуқуқбунёду дунявӣ ва таъсиси низоми ҳуқуқии адолатпеша асоси мустаҳкам гузошт.

Читать далее

САРЧАШМАИ ШУКУФОИИ КИШВАР

Ба имзо шудани Созишномаи умумии истиқрори сулҳ ва ризояти миллӣ ду даҳсола сипарӣ гардид. Агар ба таърихи давлатдории тоҷикон назар афканем, хоҳем дид, ки барои пешрафту шукуфоии кишварро таъмин намудан бояд, ки дар ҳамон макон сулҳ ҳукмрон бошад. Бале, сулҳи пойдор имкон медиҳад, ки давлат ҳамеша ба пеш қадам занад. Ба сӯи дастовардҳои нек, ба сӯи пешрафту тараққиёти миллӣ ҳадафмандона биравад.

Ба ёд меоварем: солҳои ҷанги шаҳрвандӣ ба солҳои донишҷӯии мо рост омад. Вақеаҳои баҳманмоҳ, гирдиҳамоиҳо дар пеши назарамон сурат мегирифт. Он рӯз Душанбе як шаҳри ғамзадаеро мемонд. Дар кӯчаҳо гаштугузор озод набуд, соати комендантӣ эълон шуда буд. Дар шаҳр на танҳо шаб, балки дар рӯзи равшан низ бо ҳарос роҳ мегаштем. - Худоё, Ватанамонро аз ин бесарусомонӣ наҷот деҳ, гӯён ба Худованд илтиҷо мекардем.

Имрӯз агар ягон нафар аз ин давраи тинҷу амонӣ ва оромию осоиштагӣ шиква намоянд, бечунучаро он рӯзҳои ноамнии кишвар ба ёдам меояд. Ва мегӯям, ки имрӯз ба рӯзгори босаодат, тинҷию оромӣ, осоиштагии кишвар шукр бояд кард. Маҳз, соҳибистиқлол гардидани кишвар ва ҳам имзои Созишномаи сулҳу ваҳдати миллӣ ба ҳаёти мардуми тоҷик дигаргунии куллӣ ворид намуд. Маҳз, бо ташаббуси Асосгузори сулҳу Ваҳдати миллӣ - Пешвои миллат муҳтарам Эмомалӣ Раҳмон гуфтушунид байни намояндагони давлат ва мухолифини тоҷик, ки дар шаҳрҳои Теҳрон, Ашқобод, Алмаато баргузор гардиданд, натиҷа бахшиду 27-уми июни соли 1997 дар шаҳри Москва Созишномаи умумии истиқрори сулҳ ва ризоияти миллӣ имзо гардид.

Бале, баъди ба имзо расидани Созишномаи умумии истиқрори сулҳ ва ризояти миллӣ рӯз ба рӯз зиндагӣ маҷрои худро ба низом овард. Бо ибтикори Сарвари давлат заминро деҳқон соҳиб гардиду аз як замин се ҳосил гирифт, то ки хони худу ҳамсояашро бо анвои гуногуни нону сабзавотҳои хушсифат ороиш диҳад. Деҳқон боғ бунёд кард, аз меваҳои шаҳдбори он на танҳо мардуми кишвар, балки ҷумҳуриҳои дигарро низ бо маҳсулотҳои тару тоза таъмин менамояд.

Маҳз, он сиёсати оқилона, дурандешона, қатъият, садоқат ва сулҳхоҳии Пешвои муаззам боис шуд, моҷароҷӯӣ дар кишварамон хомӯш гардида, суботу амният ва сулҳу ҳамдигарфаҳмӣ таъмин шавад. Ба туфайли сиёсати созандаю бунёдкоронаи Сарвари давлат имрӯз Тоҷикистон рӯз аз рӯз ободу зебо гардида истодааст. Самараи некмаромӣ ва фазои сулҳу дӯстӣ ин аз он иборат буд, ки пеш аз ҳама Тоҷикистон аз парокандагӣ эмин нигоҳ дошта шуд. Аз ҳамон давр 23 сол гузашт. Тӯли 23 сол Тоҷикистон ба як мамлакати пешрафта табдил ёфт. Он дарахте, ки Президенти кишвар Эмомалӣ Раҳмон бо меҳр парварданд, ҳосили пурбор овард. Муносибати нави давлатӣ, сиёсати соҳибистиқлол гардидани Тоҷи- кистон, сохтмони роҳҳои нави дохилию берунӣ ва ба арсаи байналмилалӣ баромадани тоҷиконро ба миён гузошт. Роҳи оҳани Қӯрғонтеппа – Кӯлоб, сохтмони шоҳроҳи Ваҳдат ба мамлакатҳои Осиё, ба сӯи уқёнуси ҷаҳон, роҳҳои калонтарини хушкигард расонид. Ин раванд боиси эҳёи арзишҳои миллии роҳи бузурги Абрешим шуд, ки Бохтару Суғдро ба ҳам пайваст. Ҳамзамон, ободу зебо гардидани шаҳру навоҳии кишвар, бунёди биноҳои баландошёна, иншоотҳои бузурги аср, корхонаву муассисаҳои гуногун ҳамаи ин далели пешрафти иқтисодиёти кишвар аст. Ваҳдати миллӣ дар саҳифаи таърихи кишвар бо хатҳои заррин сабт гардидаст.

Аз ин рӯ, наслҳои ҳозира ва ояндаи тамаддунофари мо инро бояд донанд ва аз он сабақ гиранд. Имрӯз моро зарур аст, ки ба қадри ин неъмати бузург- Ваҳдати миллӣ расему баҳри пешбурди ҷомеа хизмати шоиста намоем.

Гулҷаҳон МАҲКАМОВА,

«Ҳақиқати Суғд»

Читать далее

ВАҲДАТ - ОМИЛИ РУШДИ УСТУВОРИ САЙЁҲӢ

Ба муносибати 23 - солагии Ваҳдати миллӣ дар меҳмонхонаи «Суғдиён» - и маркази вилоят конфронси илмӣ - назариявӣ дар мавзӯи «Ваҳдати миллӣ омили рушди устувори сайёҳӣ» дар ҳамбастагӣ бо Кумитаи рушди сайёҳии назди Ҳукумати Ҷумҳурии Тоҷикистон баргузор гардид.

Дар ҳамоиш намояндагони сохторҳои вилоятии шаҳру навоҳии ширкати сайёҳӣ, меҳмонхона, осоишгоҳ, осорхона ва мавзеъҳои сайёҳӣ ширкат варзиданд. Сараввал, мудири шуъбаи рушди сайёҳии Мақомоти иҷроияи ҳокимияти давлатии вилоят Абдумаҷид Раҳимов бобати вазъи кунунии соҳаи сайёҳӣ маълумот дод. Ӯ афзуд, ки Тоҷикистон бо табиати мафтункунанда ва мардуми ҳунарманду меҳанпарасташ чи дар дохил ва чи дар беруни ҷумҳурӣ шуҳрати хоса дорад. Эълон шудани «Солҳои 2019 – 2021 Солҳои рушди деҳот, сайёҳӣ ва ҳунарҳои мардумӣ» бори дигар собит сохт, ки кишвари тоҷикон табиати бой, ҳунарҳои қадима, мавзеъҳои таърихӣ дошта, метавонад, худро ба ҷаҳониён муаррифӣ кунад.

- Вобаста ба омодагии иншооти сайёҳии вилоят дар давраи пандемия моҳи апрели соли ҷорӣ бинобар ба қайд гирифтани бемории коронавирус дар кишвар фаъолияти меҳмонхона, мавзеъҳои таърихӣ ва сайёҳӣ ҷиҳати пешгирӣ аз сироятшавии сокинон муваққатан боздошта шуд. Дар шаҳру навоҳии вилоят 27 осоишгоҳу истироҳатгоҳ, 62 меҳмонхона, 37 боғи фарҳангӣ – фароғатӣ, инчунин якчанд минтақаҳои сайёҳӣ, аз ҷумла Искандаркӯл, Кӯли калон, Аловиддин, Ҳафткӯл, Сирдарё мавҷуд буда, корҳои омодагӣ барои қабули меҳмонони дохиливу хориҷӣ ҷараён дорад, - гуфт Абдумаҷид Раҳимов.

Гуфта шуд, ки аз санаи 20 - уми июни соли 2020 дар ҷумҳурӣ барои гузаронидани тӯйи хонадоршавӣ муваққатан дар доираи то 100 нафар, танҳо бо як маърака дар маҳалли истиқомат ё дигар муассисаҳои хизматрасонӣ, тарабхонаю ошхона, тӯйхонаю чойхона бо риояи ҳатмии қоидаҳои санитарию гигиенӣ иҷозат дода шуд.

Намояндаи Кумитаи рушди сайёҳии назди Ҳукумати Ҷумҳурии Тоҷикистон Ҳусния Исоқова дар мавзуи «Ваҳдати миллӣ омили рушди устувори сайёҳӣ» баромад карда, қайд намуд, ки пас аз пош хӯрдани Иттиҳоди Шӯравӣ тамоми ҷумҳуриҳое, ки аъзои он буданд, мустақилияти комил ба даст оварданд ва дар қатори онҳо кишвари мо низ соҳибистиқлолии худро пазируфт. Дар лаҳзаҳои мудҳишу бесарусомониҳо барои миллату давлати мо нафаре лозим буд, ки миллати парешонгаштаро сарҷамъ созад ва нофаҳмиҳоро аз байн барад. Ба бахти мо - фарзанди фарзонаи миллат Эмомалӣ Раҳмон тавонистанд, дар фурсати кӯтоҳ шиддати ҷанги хонумонсӯзро аз байн баранд ва мардумро ба ҳам оранд.

- Вожаҳои Истиқлолияту Ваҳдат бо ҳам тавъаманд ва барои арзи ҳастии ин ҳар ду дар кишвар талошу ҷаҳди зиёд ба харҷ дода шудааст. Вазъи кунунии сиёсӣ ба он далолат дорад, ки мо бояд ба қадри сулҳу субот бирасем ва дар атрофи роҳбарияти Ҳукумати ҷумҳурӣ муттаҳид гардида, нозукиҳои мушкилоти сунъиро эҳсос ва бо дарки амиқи масъулияти шаҳрвандӣ ба ин мушкилот назар андохта, дар ҳифзи Истиқлолият саҳми муносиб гузорем, - гуфт номбурда.

Ҳамчунин, дар конфронс масъалаҳои нақши Ваҳдати миллӣ дар рушди соҳаи сайёҳӣ, омодагии иншоот ба мавсими нави сайёҳӣ, таҳияи хатсайрҳои дохилӣ ва муаррифии дастурамали фаъолият дар сафар дар давраи пандемия баррасӣ гардид.

Шаҳбону ОЛИМОВА,

«Ҳақиқати Суғд»

Читать далее

Раъно Ҳошимзода, раиси шаҳри Бӯстон: Ваҳдат самараи талошҳои Пешвои муаззами миллат аст!

Сулҳу субот, осоиштагиву ваҳдат, тинҷиву осудагӣ ва ҳамдиливу ҳаммаромӣ беҳтарин арзишҳо дар ҷомеаи башарӣ эътироф гардида, месазад, ки ҳамеша аз ин арзишҳо ба таври ҳамешагӣ дифоъ ва ҳифз намуд. Шоистаи таъкид ва мояи ифтихор аст, ки дар Тоҷикистони маҳбуби мо бо роҳи мусолиҳа ва сиёсати дурнигаронаву инсондӯстона Ваҳдати миллӣ ҳамчун дастоварди беназири мардуми шарафманди тоҷик бо талошу кӯшишҳои пайгирона, роҳнамоиву ҳидоятҳои фарзанди фарзонаи кишвар, Асосгузори сулҳу ваҳдати миллӣ-Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ба даст омад.

Ба ҳамагон маълум аст, ки пас аз ба даст овардани Истиқлолияти давлатӣ иддае аз нотавонбинон ва душманони миллати тоҷик нақшаи аз байн бурдани кишвари моро дар ҳам-корӣ ва машваратҳои хоҷагони хориҷиашон тарҳрезӣ намуда, баҳри амалӣ намудани он роҳҳои гуногунро пеш гирифтанд.

Хушбахтона, ба бахти миллати тоҷик ҳамчун ҳадяи яздонӣ зимни баргузории Иҷлосияи шонздаҳуми Шӯрои Олии Ҷумҳурии Тоҷикистон марди дурандеш, фарзанди фарзона ва сарсупурдаи миллат Ҷаноби Олӣ муҳтарам Эмомалӣ Раҳмон бо азму иродати матини ватандориву меҳанпарастӣ дар марҳалаи басо ҳассос зимоми давлатдории навини миллиро ба даст гирифта, давлатро аз нобудӣ ва миллатро аз парокандагӣ наҷот бахшиданд.

Агар дар маҷмӯъ назар афканем, истиқлолият, ваҳдат, осудагиву амният ва тинҷиву осоиштагӣ арзишҳои ниҳоят муҳим ва муқаддас буда, баҳри таҳким, густариш ва ҳифзи ин арзишҳо бояд ҳар як фарди ҷомеа бо эҳсоси масъулияти том ҷаҳду талош намояд.

Воқеан, Ваҳдати миллӣ барои мо, халқи тоҷик ба осонӣ ба даст наомадааст. Агар пас аз пошхӯрии кишвари пуриқтидори Иттиҳоди Шӯравӣ ва соҳибистиқлол гардидан барои бархе аз кишварҳои узви Иттиҳод заминаи мусоид боқӣ монда бошад, аммо кишвари мо бо дасти бархе аз хоинону зархаридони миллат ба коми ҷанги бародаркуш кашида шуда, низоми давлатдории навини миллӣ ва рукнҳои он фалаҷ гардиданд.

Маҳз, бо талош ва кӯшишҳои наҷиби Пешвои маҳбуби халқ муҳтарам Эмомалӣ Раҳмон сулҳу ваҳдат дар кишвари азизамон танинандоз гардида, роҳи рушди ҷомеаи муосири мо равшану мушаххас гардид. Баҳри баланд бардоштани сатҳи некӯаҳволии мардуми сарзамини аҷдодӣ аз тамоми имкониятҳо истифода бурда шуд. Ташаббус ва ибтикороти наҷиби Пешвои маҳбуби кишвар муҳтарам Эмомалӣ Раҳмон дар арсаи ҷаҳонӣ ҷонибдорӣ пайдо намуда, аз минбарҳои баланди Созмони Милали Муттаҳид ва дигар созмонҳои баланд бо забони ноби тоҷикӣ ибрози назар намудани Роҳбари давлат бори дигар аз ташаббусҳои наҷиби кишвари мо дар раванди мусоидат ба ҳалли масъалаҳои сатҳи ҷаҳонӣ маҳсуб меёбад.

Бо ибтикори Ҳукумати Ҷумҳурии Тоҷикистон ва пешниҳоди муҳтарам Ҷаноби Олӣ ва ҳамовозии кишварҳои олам шукӯҳи ҷаҳониро касб намудани ҷашни аҷдодии мо, тоҷикон - Наврӯз, рӯзҳои 6-8 сентябри соли 2007, баргузории конфронси илмии байналмилалӣ бахшида ба 800 - солагии Ҷалолиддини Румӣ, 5-уми октябри соли 2009 симпозиуми байналмилалии «Мероси Абӯҳанифа ва аҳамияти он дар муколамаи тамаддунҳо» бо иштироки зиёда аз 500 нафар олиму мутафаккир ва шахсиятҳои барҷастаи олами сиёсат ва илму маърифат аз 50 кишвари ҷаҳон, 4-уми майи соли 2018 баргузории конфронсҳои сатҳи баланд оид ба муқовимат бо экстремизм ва терроризм ва амсоли инҳо намунаи равшани ташаббусҳои кишвари мо зери роҳбарии Пешвои муаззами миллат муҳтарам Эмомалӣ Раҳмон дар арсаи байналмилалӣ ба ҳисоб меравад.

Дар ин замина бо кӯшиш ва талошҳои Роҳбари давлат соли 2003 “Шашмақом” ҳамчун мусиқии Тоҷикистон ва Ӯзбекистон ба ҳайси шоҳкориҳои шифоҳӣ ва фарҳангии мероси ғайримоддии башарият, “Боғи миллии Тоҷикистон – Кӯҳҳои Помир” ба феҳристи Мероси табиии умумиҷаҳонии ЮНЕСКО ва соли 2010 шаҳраки қадимаи «Саразм» ба феҳристи мероси фарҳангии умумиҷаҳонии ЮНЕСКО шомил гардиданд.

Ташаббус ва кӯшишҳои пайгиронаи Пешвои миллат муҳтарам Эмомалӣ Раҳмон дар амри барқарории сулҳу субот дар Тоҷикистон буд, ки соли 2002 пойтахти Тоҷикистон - шаҳри Душанбе ба ҳайси “Шаҳри сулҳ” сазовори Ҷоизаи ЮНЕСКО гардид. Соли 2013 дар шаҳри Париҷ, дар қароргоҳи ЮНЕСКО муаррифии китоби «Меъмори сулҳ», ки ба саҳми пурарзиши Президенти Тоҷикистон – Эмомалӣ Раҳмон дар роҳи расидан ба сулҳу суботи комил дар кишвар бахшида шуда буд, баргузор гашт.

Дар саросари кишвари маҳбубамон бо ибтикор ва кӯшишу талошҳои Пешвои муаззами миллат муҳтарам Эмомалӣ Раҳмон имрӯзҳо ба истиқболи сазовори 30-солагии Истиқлолияти давлатии Ҷумҳурии Тоҷикистон корҳои ободониву созандагӣ бомаром ҷараён дошта, дар шаҳри Бӯстон низ ин тадбирҳои муҳимро сокинону шахсони саховатпеша ва соҳибкорону тоҷирон ҳамаҷониба ҷонибдорӣ намуда истодаанд.

Тамоми мардуми сайёра ва кулли сокинони кишвар огоҳ аз он ҳастем, ки имрӯз саросари оламро вабои аср, бемории сироятии коронавирус иҳота намуда, ба иқтисодиёти кишварҳо таъсири манфии худро гузошта истодааст. Ҳамагон шоҳид ҳастем, ки кишвари азизи мо бо ҳидоят ва роҳнамоиҳои муҳтарам Ҷаноби Олӣ тавонистем, дар кутоҳтарин фурсат сатҳи фарогирии ин бемориро коҳиш бахшем.

Бо ҷаҳду талошҳои судманду боровари худ Пешвои маҳбуби мо муҳтарам Эмомалӣ Раҳмон дар самти бо роҳи мусолиҳа расидан ба сулҳу Ваҳдати миллӣ дар Тоҷикистон бо медали тиллоии «Барои таҳкими сулҳ ва ризоияти байни халқҳо», унвони олии фарҳангию сиёсии ҷомеаи Аврупо – “Пешвои асри ХХI” ҷоизаи олии ҷамъиятии Бунёди байналмилалии хайрияи "Сарпарастони аср" - Ордени нахустини алмосдори "Ситораи сарпараст", ордени "Қаҳрамони миллии Афғонистон - Аҳмадшоҳи Масъуд", ситораи ёқути сурх «Миротвореӣ» (Сулҳовар) ва дигар мукофоту ҷоизаҳо шарафёб гардиданд.

Ба таъбири Пешвои муаззами миллат муҳтарам Эмомалӣ Раҳмон, имрӯз тамоми шаҳрвандони огоҳу солимфикри мамлакат вазифадоранд, ки шукронаи соҳибдавлативу соҳибватаниро ба ҷо оварда, ҳар як иқдоми ободгаронаву созандаи худро ба номи Ватан ва миллат, ба хотири мустаҳкам намудани пояҳои давлатдории навинамон ва таҳкими нуфузу обрӯи Ватани маҳбубамон дар арсаи байналмилалӣ анҷом диҳанд.

Бо илҳом аз танинандозии сулҳу Ваҳдати миллӣ бояд насли имрӯзи кишвар ва тамоми мардуми шарифи Тоҷикистон рисолати шаҳрвандии хешро бо масъулияти баланд эҳсос намуда, беш аз пеш барои ҳифз ва таҳкими дастовардҳои даврони соҳибистиқлолии кишвар ҳиссаи босазо гузорем. Ба ҳар гуна андешаву омоли ғаразноку нопоки гумроҳон дода нашуда, дар атрофи Пешвои маҳбубу муаззам муҳтарам Эмомалӣ Раҳмон муттаҳид гардида, ваҳдату осоиштагии Тоҷикистони азизу муқаддасро ҳифз ва гиромӣ дорем.

Чун мо - мардуми Тоҷикистони офтобрӯя дар остонаи фарорасии 23-юмин солгарди Рӯзи Ваҳдати миллӣ қарор дорем, таманнои онро дорем, ки ҳамеша дар фазои Тоҷикистони азиз сулҳу оромӣ, осудагиву амният, тинҷиву амонӣ ҳукмфармо бошад ва бигзор офтоби Ваҳдати мо то абад поянда бод!

Читать далее

Аҳдномаи муттаҳидкунандаи миллат

Дар таърихномаи ҳар як миллат саҳифаҳои сабақомӯз ва пурарзише ҳастанд, ки аз иқдоми нек ва хирадмандонаи ба нафъи халқу Ватан равоншуда башорат медиҳад ва барои наслҳои минбаъда ҳамчун чароғи ҳидоят хизмат мекунанд. Яке аз саҳифаҳои дурахшони таърихи сиёсии халқи тоҷик ин ноил гардидан ба Ваҳдати миллӣ, ба имзо расидани Созишномаи истиқрори сулҳ мебошад, ки мо дар арафаи таҷлили ин санаи муҳим қарор дорем. Мухбирамон бо доктори илмҳои таърих, профессор Ваҳҳоб Набиев ҳамсуҳбат шуда, бобати қадру қимати ин санади муҳим суол кард.

- Раванди расидан ба сулҳ дар Тоҷикистон рӯйдоди душвор, вале ногузире буд, ки барои муттаҳид сохтани миллати тоҷик ва аз нобудӣ раҳо намудани давлатдории он нақши муҳим бозид. Лозим ба ёдоварист, ки табақаҳои гуногуни аҳолӣ, ҳизбу ҳаракатҳои сиёсӣ ва иттиҳодияҳои ҷамъиятӣ бо мақомоти сохторҳои давлатӣ баҳри татбиқи сулҳ ва Ваҳдати миллӣ кӯшишҳои арзанда ба харҷ додаанд.

Президенти Ҷумҳурии Тоҷикистон Эмомалӣ Раҳмон 21 - уми феврали соли 1996 ҳангоми суханронӣ дар назди роҳбарону намояндагони иттиҳодияҳои ҷамъиятӣ таъкид карданд, ки муттаҳид шудани ҳамаи қувваҳои сиёсии ҷомеаи Тоҷикистон беҳтарин василаи ваҳдату ягонагии кишвар мебошад. Бо пешниҳоди Президенти мамлакат аз ҷумлаи шахсони соҳибэҳтирому варзида, мушовирони Президенти ҷумҳурӣ, бархе аз роҳбарони иттиҳодияҳои миллӣ гурӯҳи корӣ таъсис ёфт ва дар давоми даҳ рӯз лоиҳаи Аҳдномаи ризоияти ҷомеаи Тоҷикистон ва низомномаи фаъолияти Шӯрои ҷамъиятӣ такмилу таҳрир ва аз назари ҳуқуқшиносон гузарондида шуд. Баъд нусхаи ба тозагӣ таҳияшударо ба Президент пешниҳод намудем. Ва рӯзи пурҳаяҷону хотирмону таърихӣ фаро расид. Боиси зикр аст, ки санаи 1 - уми марти соли 1996 Президенти Ҷумҳурии Тоҷикистон Эмомалӣ Раҳмон зимни мулоқот бо роҳбарони ҳизбҳои сиёсӣ, иттиҳодияҳои ҷамъиятӣ, марказҳои фарҳангии миллӣ, иттиҳодияҳои эҷодию илмӣ ва созмонҳои динӣ ба фаъолияти онҳо дар дигаргунсозиҳои ҳаёти ҷамъиятӣ – сиёсии кишвар баҳои сазовор дода, иброз доштанд: «Президент танҳо ба аҳли ҷамъият такя хоҳад кард. Санаи 9-уми марти соли 1996 роҳбарони қариб 30 ташкилоти ҷамъиятию сиёсии ҷумҳурӣ Аҳдномаи ризоияти ҷомеаи Тоҷикистонро имзо карданд. Бо мақсади татбиқ намудани Аҳдномаи ризоияти ҷомеаи Тоҷикистон дар назди ҳукумати вилояти Ленинобод Шӯрои ҳамраъии мардумӣ бо тарзи ихтиёрӣ аз ҳисоби намояндагони вилоят, ҳизбҳои сиёсӣ, иттифоқҳои касаба, ҳаракатҳои оммавӣ, ташкилоти ветеранӣ, занон ва ҷавонон, иттиҳодияҳои миллӣ, ташкилоти динӣ, ки дар вилоят бо таври қонунӣ амал менамуданд созмон дода шуд.

Вазифаҳои Шӯрои ҷамъиятии Ҷумҳурии Тоҷикистон аз таъмини гуфтушуниди доимии қувваҳои гуногуни ҷамъиятию сиёсӣ барои ба даст овардани тавозуни манфиату ақидаҳо; амалӣ намудани хулосаҳои экспертӣ, таҳлили вазъияти иҷтимоию сиёсии иқтисодии ҷомеа ва тағйироту таҳаввулоте, ки дар он рӯй медиҳад; таҳияи барномаҳо, консепсия ва пешниҳодоте, ки барои ноил шудан ба сулҳу ризоияти ҷомеа дар Тоҷикистон равона шудаанд, ҷустуҷӯ ва барқарор намудани шаклҳои нави ҳамкории иштирокчиёни Аҳднома ва дигар тарафҳои манфиатдор дар татбиқи Аҳдномаи ризоияти ҷомеа иборат буд.

Санаи 27-уми июни соли 1997 дар шаҳри Маскав Президенти Ҷумҳурии Тоҷикистон Эмомалӣ Раҳмон ва роҳбари Иттиҳоди нерӯҳои оппозитсиони тоҷик Саид Абдуллоҳи Нурӣ Созишномаи умумиро дар хусуси барқарор кардани сулҳ ва ризоияти миллӣ дар Тоҷикистон имзо намуданд. Ҳамин тавр марҳалаи тӯлонӣ, душвортарин ва хеле муҳими моҷарои байни тоҷикон анҷом ёфт.

«Баъди мухолифати мусаллаҳона, ки ба таърихи чандинҳазорсолаи халқи мо ҳамчун давраи бисёр фоҷиабор дохил гардид, рӯзи сулҳу оштӣ ва пирӯзии хиради миллати солори тоҷик фаро расид. Бо қабули Созишномаи умумии истиқрори сулҳ ҷаҳониён бори дигар эътимод ҳосил карданд, ки тоҷикон дар ҳақиқат яке аз миллатҳои куҳанбунёди дунё, фарҳангсозу хирадманд ва сулҳхоҳу ботаҳаммул мебошанд.

Корвони Сулҳу Ваҳдат дар Шоҳроҳи Ваҳдат аз ағбаи Қулма ба роҳ баромада, аз Хоруғу Кӯлобу Кофарниҳону Душанбе ва сипас аз Анзобу Истаравшану Хуҷанду Исфара гузашта, тамоми манотиқи Тоҷикистони моро, дилҳои пурумеди мардуми кишварро, риштаҳои гусастаро ба ҳам пайваст. Корвони Сулҳу Ваҳдатро дар ҳар макон мардум бо ризомандӣ истиқбол мекард. Ба Корвон беҳтарин сиёсатмадорон, арбобони давлат, ҳунармандон, пешқадамони истеҳсолот шомил буданд.

Корвон аз 20 шаҳру навоҳӣ гузар кард. Дар манотиқи мухталиф базмҳои дӯстию якдилӣ баргузор гардида, дар Қасри Арбоби ноҳияи Бобоҷон Fафуров муроҷиатнома ба мардуми шарифи Тоҷикистон, аҳзоби сиёсӣ қабул гардид. Аъзои Шӯрои ҷамъиятии Ҷумҳурии Тоҷикистон дар маъракаҳои муҳими сиёсии кишвари соҳибистиқлол бо ҳисси масъулият фаъолона иштирок намуданд. Онҳо яке аз аввалинҳо шуда, ҷонибдории худашонро ба Президенти Ҷумҳурии Тоҷикистон муҳтарам Эмомалӣ Раҳмон иброз намуда буданд.

Умуман, фаъолияти мақсадноки аъзои Шӯрои ҷамъиятии Ҷумҳурии Тоҷикистон баҳри ба даст овардани сулҳу оромӣ дар мамлакат самараи хуб овард. Барои амалиёти минбаъдаи онҳо Фармони Президенти Ҷумҳурии Тоҷикистон «Дар бораи таҳкими ҷараёни демократикунонии ҳаёти ҷамъиятӣ – сиёсӣ дар ҷумҳурӣ» такони нав бахшид. Бо фарорасии сулҳу субот дар кишвар Истиқлолияти давлатӣ боз ҳам устувор гардид. Таърих ба мо имконият додааст, ки барои бунёди давлати ҳуқуқбунёди дунявӣ ва муваффақ шудан ба Ваҳдати миллӣ хирад, қудрат ва тавонии худро истифода барем.

Бо қаноатмандӣ гуфтан мумкин аст, ки имзои матни нави Аҳдномаи ризоияти ҷомеаи Тоҷикистон ва доимӣ намудани муҳлати амали он аз ҳамкории пурсамару боэътимоди байни ҳукумат ва ҳамаи нерӯҳои пешбарандаи кишвар ва инкишофи ҷомеаи шаҳрвандӣ шаҳодат медиҳад. ҳизбу ҳаракатҳои сиёсӣ, иттиҳодияҳои ҷамъиятӣ бояд барномаи амали худро аз нигоҳи таҳкими сулҳи воқеӣ, муқаддас донистани ваҳдату ягонагии миллат бори дигар таҷдиди назар намоянд, ба решакан кардани ҳамаи зуҳуроти номатлуб, пеш аз ҳама, экстремизми сиёсӣ ва динӣ мусоидат кунанд, ба воситаи барномаҳои дурбинона пешрафти мунтазами иҷтимоию иқтисодии ҷумҳуриро таъмин созанд. Фаъолияти Шӯрои ҷамъиятии Тоҷикистон сол то сол самаранок гардида, баҳри амалӣ сохтани ташаккули асосҳои иттиҳоди иҷтимоиву сиёсӣ ва миллии мардуми Тоҷикистон ба хотири ташкили давлати демократӣ, ҳуқуқбунёд, дунявӣ ва эҷоди ҷомеаи шаҳрвандӣ қадамҳои устувор мегузорад.

Ба хотири боз ҳам беҳтар мусоидат намудан ба ташаккули ҷомеаи демократӣ ва шаҳрвандӣ шаклҳои нави ҳамкорӣ ҷустуҷӯ ва истифода карда шаванд.

Шаҳноза ҲОМИДОВА,

"Ҳақиқати Суғд"

Читать далее

26 June 2020

Имрӯз дар Душанбе иҷлосияи дуюми Маҷлиси миллии Маҷлиси Олии Ҷумҳурии Тоҷикистон даъвати шашум баргузор гардид

Имрӯз дар шаҳри Душанбе таҳти раёсати Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ иҷлосияи дуюми Маҷлиси миллии Маҷлиси Олии Ҷумҳурии Тоҷикистон даъвати шашум баргузор гардид.

Тавре АМИТ «Ховар» бо истинод ба дастгоҳи Маҷлиси миллии Маҷлиси Олии Ҷумҳурии Тоҷикистон хабар медиҳад, аъзои Маҷлиси миллӣ бо интихоби котибот ва тасдиқи рӯзномаи иҷлосия 30 масъалаи дар рӯзнома пешбинишударо баррасӣ намуданд.

Тибқи рӯзномаи иҷлосия аъзои Маҷлиси миллӣ бо хулоса аз гузоришҳои раисони кумитаҳои Маҷлиси миллии Маҷлиси Олии Ҷумҳурии Тоҷикистон Дилшод Раҳмон, Маҳмадшоҳ Гулзода, Фарҳод Раҳимӣ ва Шарифҷон Ҷумъазода як қонуни мукаммал — Қонуни Ҷумҳурии Тоҷикистон «Дар бораи ёрии ҳуқуқӣ» ва қонунҳои Ҷумҳурии Тоҷикистон «Дар бораи ворид намудани иловаҳо ба Кодекси мурофиаи ҳуқуқвайронкунии маъмурии Ҷумҳурии Тоҷикистон», «Дар бораи ворид намудани иловаҳо ба Кодекси мурофиавии ҷиноятии Ҷумҳурии Тоҷикистон», «Дар бораи ворид намудани иловаҳо ба Кодекси мурофиавии граждании Ҷумҳурии Тоҷикистон», «Дар бораи ворид намудани тағйиру илова ба Кодекси ҷиноятии Ҷумҳурии Тоҷикистон» ва «Дар бораи ворид намудани тағйир ба Кодекси андози Ҷумҳурии Тоҷикистон»-ро мавриди муҳокимаи амиқ қарор дода, ҷонибдорӣ намуданд.

Инчунин, аз ҷониби аъзои Маҷлиси миллӣ масъалаҳо оид ба ворид намудани тағйиру иловаҳо ба як зумра қонунҳо, аз ҷумла қонунҳои Ҷумҳурии Тоҷикистон «Оид ба ворид намудани тағйироту илова ба Қонуни Ҷумҳурии Тоҷикистон «Дар бораи адвокатура ва фаъолияти адвокатӣ», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи нафақаҳои суғуртавӣ ва давлатӣ», «Оид ба  ворид намудани тағйиру иловаҳо ба Қонуни Ҷумҳурии Тоҷикистон «Дар бораи бақайдгирии давлатии асноди ҳолати шаҳрвандӣ», «Оид ба  ворид намудани тағйироту илова ба Қонуни Ҷумҳурии Тоҷикистон «Дар бораи кино», «Оид ба ворид намудани тағйирот ба Қонуни Ҷумҳурии Тоҷикистон «Дар бораи боҷи давлатӣ», «Оид ба  ворид намудани тағйиру иловаҳо ба Қонуни Ҷумҳурии Тоҷикистон «Дар бораи иҷозатномадиҳӣ ба баъзе намудҳои фаъолият» ва «Оид ба ворид намудани тағйироту иловаҳо ба Қонуни Ҷумҳурии Тоҷикистон «Дар бораи гаравхона (ломбард)», ки бо мақсади такмилу мукаммалгардонӣ ва мутобиқсозии онҳо ба санадҳои меъёрии ҳуқуқии дар Ҷумҳурии Тоҷикистон амалкунанда ба Маҷлиси миллӣ пешниҳод гардиданд, мавриди баррасии ҳамаҷониба қарор гирифта, ҷонибдорӣ ёфтанд.

Тибқи пешниҳодҳои Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ва бо қарорҳои дахлдори Маҷлиси миллии Маҷлиси Олии Ҷумҳурии Тоҷикистон судяҳои Суди Олии Ҷумҳурии Тоҷикистон Вазирзода Гулнора Насрин, Қуватзода Турон Давлат ва Ҷуразода Насиба Ёрмад аз вазифа бозхонд карда шуда, ба муҳлатҳои нав судяҳои Суди Олии Ҷумҳурии Тоҷикистон интихоб гардиданд.

Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ аз судяҳои навинтихобшуда даъват ба амал оварданд, ки баробари шарафёб гардидан ба боварии Сарвари давлат баҳри таъмини адолати судӣ ва ҳифзи ҳуқуқу озодиҳои инсон ва шаҳрванд содиқона хизмат намоянд.

Ҳамчунин, дар иҷлосия машваратчиёни халқии Суди Олии Ҷумҳурии Тоҷикистон барои солҳои 2020-2025 ва Намояндаи Маҷлиси миллии Маҷлиси Олии Ҷумҳурии Тоҷикистон дар Суди конститутсионии Ҷумҳурии Тоҷикистон интихоб гардиданд.

Сипас, бо тартиби муқарраргардида қарорҳои Маҷлиси миллии Маҷлиси Олии Ҷумҳурии Тоҷикистон «Дар бораи Нақшаи амали Маҷлиси миллӣ барои солҳои 2020-2025 дар партави муроҷиат ва роҳнамоиҳои Президенти Ҷумҳурии Тоҷикистон дар иҷлосияи якуми Маҷлиси миллии Маҷлиси Олии Ҷумҳурии Тоҷикистон даъвати шашум аз 17 апрели соли 2020» ва «Оид ба тасдиқи Низомнома дар бораи шаҳодатнома ва нишони сарисинагии узви Маҷлиси миллии Маҷлиси Олии Ҷумҳурии Тоҷикистон, намуна ва тавсифи онҳо» қабул карда шуданд.

Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ дар маърӯзаи худ дар назди кумитаҳо, комиссия ва Дастгоҳи Маҷлиси миллӣ вазифагузорӣ намуданд.

Таъкид гардид, ки бинобар пандемияи коронавирус дар ҷаҳон, таъсир ва оқибатҳои иҷтимоӣ ва иқтисодии он дар Ҷумҳурии Тоҷикистон низ баръало мушоҳида мегардад. Дар натиҷаи тадбирҳои сари вақт андешидаи Ҳукумати Ҷумҳурии Тоҷикистон вазъи эпидемиологӣ ва табобати беморон тадриҷан рӯ ба беҳбудӣ меорад.

Аз ин рӯ дастур дода шуд, ки санадҳои меъёрии ҳуқуқии соҳаи тандурустӣ, аз ҷумла дар бахшҳои беҳдоштӣ, сироятшиносию вирусологии он такмил дода шаванд.

Барои рушди устувору бемайлони иқтисодиёти кишвар зарурати таҳия ва пешниҳоди лоиҳаи қонунҳо дар самти афзоиши сармоягузорӣ, дастгирии давлатии соҳибкорӣ, фаъолияти зиддиинҳисорӣ, иқтисодиёти рақамӣ, истифодаи оқилонаи замин ва канданиҳои фоиданок таъкид карда шуд.

Таваҷҷуҳи аъзои Маҷлиси миллӣ ба масъалаи такмил додани фаъолияти қонунгузорӣ ба хотири баланд бардоштани сифати қонунҳо ва ба манфиати халқ хизмат намудани онҳо, инчунин таъмини ҳифзи ҳуқуқу манфиатҳои қонунии муҳоҷирони меҳнатӣ равона гардида, дастур дода шуд, ки дар муҳлати кӯтоҳ масъалаи таҳияи Консепсияи рушди муносибатҳои байнипарламентии Маҷлиси миллии Маҷлиси Олӣ, дар назди Маҷлиси миллӣ таъсис додани Шӯрои машваратии коршиносон, таҳлили санадҳои меъёрии ҳуқуқии соҳавии Маҷлиси миллӣ мавриди баррасӣ қарор дода шаванд.

Дар фарҷом, Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ аъзои Маҷлиси миллиро ба вусъати корҳои ободонию бунёдкорӣ ва дар муҳлати пешбинишуда бо сифати баланд ба истифода додани иншоотҳо бахшида ба 30-солагии Истиқлолияти давлатии Ҷумҳурии Тоҷикистон ҳидоят карда, ҳамзамон кулли сокинони кишвар, инчунин ҳамватанони бурунмарзиро бо ҷашни Рӯзи Ваҳдати миллӣ табрик намуданд.

Читать далее

Дирӯз маҷлиси навбатии Ҳукумати Ҷумҳурии Тоҷикистон баргузор гардид

Дирӯз таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор гардид.

Дар кори маҷлис нахуст масъалаи вобаста ба Нақшаи кори Ҳукумати Ҷумҳурии Тоҷикистон барои нимсолаи дуюми соли 2020 мавриди баррасӣ қарор дода шуд.

Оид ба ҷараёни иҷрои қарори Ҳукумати Ҷумҳурии Тоҷикистон аз 26 ноябри соли 2016 «Дар бораи Барномаи давлатии мусоидат ба содирот ва воридотивазкунии Ҷумҳурии Тоҷикистон барои солҳои 2016-2020» вазири рушди иқтисод ва савдо Завқӣ Завқизода ҳисобот дод.

Читать далее

Тақдими стипендия ба донишҷӯён

23-юми июни соли 2020 дар толори Мақомоти иҷроияи ҳокимияти давлатии шаҳри Бӯстон маросими супоридани стипендияи раиси шаҳр сурат гирифт. Дар чорабинӣ, раиси шаҳри Бӯстон Раъно Ҳошимзода, муовинон ва роҳбари дастгоҳи раиси шаҳр, мудирони шуъбаву бахшҳои дахлдори мақомоти иҷроия, ректори Донишкадаи куҳӣ-металлургии Тоҷикистон, директори Мактаби Президентӣ барои хонандагони болаёқат ва сарварони муассисаҳои таълимии шаҳр ширкат намуданд.

Ҷамъомад бо сухани ифтитоҳии мудири бахши кор бо ҷавонон ва варзиши шаҳри Бӯстон Хусравшоҳ Исмоилзода оғоз гардид.

Баъдан, раиси шаҳри Бӯстон Раъно Ҳошимзода оид ба танинандозии сулҳу ваҳдати миллӣ дар мамлакат, дастгирии давлатии ҷавонон дар замони соҳибистиқлолии кишвар зери роҳбарии бевоситаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва муҳайё гардидани имконоти мусоиди кору таҳсил ва зиндагии шоиста ба ин қишри ҷомеа ибрози назар намуд.

Гуфта шуд, ки Истиқлолият, Ваҳдат, осудагиву амният ва тинҷиву осоиштагӣ арзишҳои ниҳоят муҳим ва муқаддас буда, баҳри таҳким, густариш ва ҳифзи ин арзишҳо бояд ҳар як фарди ҷомеа бо эҳсоси масъулияти том ҷаҳду талош намояд.

Баъдан роҳбари шаҳр зикр дошт, ки дар шаҳри Бӯстон бо мақсади амалӣ намудани сиёсати ҷавонпарваронаи Президенти Ҷумҳурии Тоҷикистон муҳтарам Эмомалӣ Раҳмон баҳри ҳавасмандгардонии ҷавонони соҳибмаърифату болаёқат иқдомҳои наҷиб роҳандозӣ гардида, пайваста ташаббусҳои неку созандаи онҳо пуштибонӣ меёбад.

Аз ҷумла соли равон шумораи гирандагони стипендияи раиси шаҳр аз 22 ба 30 адад расонида шуда, андозаи маблағи он аз 19 ҳазору 80 сомонӣ ба 27 ҳазор сомонӣ расонида шуд.

Баъдан ба 30 нафар ҷавонони фаъоли шаҳр, донишҷӯёни Донишкадаи куҳӣ-металлургии Тоҷикистон, хонандагони Мактаби Президентӣ барои хонандагони болаёқат ва муассисаҳои таълимӣ стипендия ба ҳар кадоме ба андозаи 900 сомонӣ ва шаҳодатнома тақдим карда шуд.

Дар интиҳо Ҷасур Шуҳратзода хонандаи Мактаби Президентӣ барои хонандагони болаёқат дар шаҳри Бӯстон, Меҳрангез Ҷалолова хонандаи литсеи 1 ва Сабрина Мӯъминова хонандаи Гимназияи 2-юм ба Пешвои муаззами миллат муҳтарам Эмомалӣ Раҳмон ва роҳбари шаҳр изҳори сипосмандии хешро ҷиҳати дастгирии давлатии ҷавонон баён ва изҳор доштанд, ки бо баҳои хубу аъло таҳсил намуда, баҳри шукуфоии Тоҷикистони азиз саҳмгузор хоҳанд шуд.

Мамнур НУРЗОДА,

шаҳри Бӯстон 

Читать далее

Мир Вашему дому…

Завтра - 27 июня таджикистанцы с чувством гордости за страну отмечают всенародный, ставший государственным праздником – День национального единства в Республике Таджикистан, который знаменует окончание братоубийственной войны в стране. 

Читать далее

ВАҲДАТРО ПОЯНДА ДОШТАН ҚАРЗИ МОСТ!

Имрӯз ҳар як сокини кишвари азизро таассуроти гуворо аз тадбирҳои омодагӣ ба истиқболи 23 – юмин солгарди Рӯзи Ваҳдати миллӣ фаро гирифтааст. Ин рӯзи таърихӣ ва ба ҳаёти халқи тоҷик тақдирсозро ҳар нафари бедордилу меҳанпараст хуб медонад ва дар ин ҷода баҳри пойдор мондани Ваҳдати миллӣ ҳамаҷониба кӯшиш ба харҷ медиҳад. Аз рӯзҳои баргузории Иҷлосияи Шӯрои Олӣ ва барпо гардидани Ваҳдати миллӣ шоҳидон ва иштирокчиёни бевоситаи он рӯзҳо бо чашмони пуроб ёдовар мешаванд, зеро баҳри расидан ба Ваҳдату ягонагӣ ва сулҳу осоиштагӣ ҳазорон нафар ҷон бохтаанд.

Дар бобати рӯзҳои мушкили паси сар кардаи халқи тоҷик ва ба даст овардани истиқрори сулҳ ва ризоияти миллӣ раиси Шӯрои куҳансолони ҳаракати ҷамъиятии Ваҳдати миллӣ ва эҳёи Тоҷикистон дар шаҳри Бӯстон Орифҷон Содиқов, собиқ корманди мақомоти амнияти Ҷумҳурии Тоҷикистон як ба як саҳифаи онро варақгардон кард, ки фишурдаи онро манзури Шумо - хонандагон менамоем.

Иҷлосия ниҳоли дарахти Ваҳдат аст…

- Дар бобати сулҳи тоҷикон, Истиқлолият ва Ваҳдат, ки неъмати нотакрор аст, бароям сухан кардан душвор аст, зеро он рӯзҳо фаромӯшношуданист… Ҳамон вақт дар шаҳри Душанбе барои таъмини амнияти ҷомеа масъулият доштам. Хадамоти ҷосусие, ки дар хориҷи кишвар кор мекарданд, ба мақсади худ наздик шуда буданд. Аввалан, барои пош кардани Иттифоқи Советӣ ва, сониян, баҳри несту нобуд кардани миллати тоҷик кӯшиш карданд. Ният доштанд бесарусомониро дар Осиёи Миёна, алахусус дар Тоҷикистон оғоз кунанд. Инак, оҳиста - оҳиста он ҷомеае, ки камтар захмдида буд, мардумро ба гурӯҳ ҷудо кард. Соли 1992 нофаҳмию бесарусомонӣ торафт зиёд шуд. Роҳбарон маҷбур буданд, ки ҳукумати муросоро ташкил кунанд. Теъдоде ҳамроҳ шуда ба ҳукумат омаданд, вале вазъиятро чунон душвор карданд, ки ҷануби Тоҷикистон ғарқи хун гашт. Ғарқи оташ шуд, ин қадар ҷаҳолат дар мардуми тоҷик аз куҷо сар зад, касе фаҳмида наметавонист, - гуфт мавсуф.

Яке аз саркардагон дар китоби худ паҳн карданд, ки Тоҷикистон ва халқи тоҷик «дорулкуфр», яъне кишвари кофирон аст, ки дар он ҷо «худобехабарон» ҳукуматро идора мекунанд ва куштори коммунистону пайравони онҳо, роҳбарону ҳукуматдорон савоб аст. Мусодираи молу мулки онҳо низ савоб аст. Мутаассифона, ин гуфтор аз забони нафаре, ки худро тоҷик меҳисобаду миллаташ ҳам тоҷик аст, гуфта шудааст. Ӯро хоҷагони хориҷиаш аз ҳар ҷиҳат дастгирӣ ва бо аслиҳаву яроқ таъмин мекарданд. Онҳо чизеро, ки фармуданд, инҳо ба иҷро мерасонданд. Чунон пиндоштанд, ки бо яроқу аслиҳа метавон ба мақсади ниҳоии худ расид ва ё молу пули зиёд қодир аст, чизеро ҳал кунад.

Моҳи ноябри соли 1992 Иҷлосияи сарнавиштсоз дар қасри Арбоб ба кор шуруъ намуд. Дар иҷлосия 33 нафар сарвару қумондони боэътимоди яроқбадаст иштирок карданд. Дар ин асно онҳо шоҳид шуданд, ки Тоҷикистон сохти конститутсиониашро барқарор кард. Баробари ин намояндагони дигар давлатҳо ба анҷом расидани кори иҷлосияро назорат мекарданд. Идоракунии давлат парламентӣ шуд. Дар натиҷаи ҷангу ҷидол наздик 180 ҳазор нафар сокинони бегуноҳ дар натиҷаи бесарусомониҳо ҷон доданд. Деҳаю шаҳр, роҳҳои ободро валангору мамлакатро ба харобазор табдил доданд. Иқтисодиёти давлат, ки аллакай коста гашта буд, наздик 10 миллиард доллари амрикоӣ зарар дид. Аз роҳи инсонӣ баромадани афродеро дида, худ фикр мекардам, ки кай ин ба анҷом мерасида бошад, зеро дар шаҳри Душанбе агар соли 1992 наздик 600 ҳазор нафар истиқомат дошта бошанд, пас дар нимаи дуюми сол аллакай шумораи онҳо аз як миллион зиёд шуд, зеро мардум аз навоҳии ҷангзада ба Душанбе гурехта омаданд. Он давра барои сокинон озуқа намерасид.

Иҷлосия қонуну қарорҳои дахлдорро қабул кард, пас дарк кардам, ки ниҳоли дарахти Ваҳдат зери гуфтори Раиси Шӯрои Маҷлиси Олии тозаинтихоби тоҷикон Эмомалӣ Раҳмон «То ба Ватанам сулҳ наорам, ором намешавам ва агар лозим шавад, дар ин роҳ ҷони худро нисор мекунам» буд. Он 33 нафар саркарда дарк карданд, ки давлати қонунӣ барқарор шуд, сохти парламентӣ гирифт ва он намояндагоне, ки дар он ҷо буданд, пазируфтанд. Мебоист ором мешуданд, лекин пас аз якуним моҳи ба анҷом расидани кори Иҷлосия мухолифин ва саркардагон ба таҳлука афтоданд. Қариб 1500 километр сарҳади Тоҷикистон бе ҳимоя монда буд, қувваҳоро ҷамъ карданд, шаҳраки Ғарм (ҳозира Рашт) - ро пойтахти давлати исломӣ эълон карда, ба болои боми маъмурии ҳукумати қонунӣ байрақи исломиро гузошта, бо шиддати баланд ҷангро оғоз карданд. Барои ором кардани ҷанги бародаркуш давлатҳои дӯсту бародар Тоҷикистонро дастгирӣ карданд. Аввал гуфтушунид дар шаҳри Табошар (ҳозира Истиқлол) ва Қайроққум (ҳозира Гулистон) баргузор шуд.

Дар он давра Тоҷикистон имконияти саркӯб кардани хоинони миллатро дошт. Он вақт метавонистем, яроқро гирифта, мубориза барем ва саркардагонро бо хоки сияҳ яксон созем, лекин агар ба осори ниёгон назар андозем, аён мешавад, ки сулҳ аз ҷанг беҳтар аст.

Саъдии Шерозӣ дар бораи ҷангу сулҳ навиштааст:

Ҳарчанд ки интиқом зи душман ҳаром нест,

Дар авф лаззатест, ки дар интиқом нест.

Сарвари давлат ба суханони «Ман сулҳ меоварам» вафодору содиқ монданд ва барои саркӯб кардани душмани миллат нагузоштанд.

 Ҷонбозиҳои содиқони Ватан бенатиҷа намонд…

Комиссияи давлатӣ оид ба тайёр кардани ҳуҷҷатҳои ризоияти миллӣ ба кор сар кард. Олими шинохтаи тоҷик Муҳаммад Осимӣ комиссияро роҳбарӣ мекарданд. Мутаассифона, дар муҳорибаҳои ҷангӣ тиру тӯп он касро захмӣ сохт, зеро 60 фоизи танашон сӯхт. Шаш моҳ дар беморхона табобат гирифта, боз ба кори худ шуруъ карданд. Вале ҷоҳилон он касро ором нагузошта, дар шаҳри Душанбе ба қатл расониданд. Мавлон Олимов - депутати Шӯрои Олӣ, ки он вақт муовини сардори гумруки Тоҷикистон буда, ваҳшиёна кушта шуд. Нурулло Ҳувайдуллоев - Прокурори генералиро хостанд, ки ба зону шинонанд, вале ӯ рад кард. Ба тани ӯ 30 тир заданд, ки 27 - тои он ба ҳадаф расид. Ваҳдат ба осонӣ ба даст наомад.

Моҳи декабри соли 1994 дар шаҳри Москва барои гуфтушунид роҳбарони давлатҳои мустақил сарҷамъ шуданд. Онҳо тақдири минбаъдаи Тоҷикистонро муҳокима намуданд. Чунин гуфтушунидҳои тақдирсоз 8 маротиба дар хориҷи кишвар баргузор шуд. Натиҷаи гуфтушунид буд, ки санаи 27 - уми июн созишнома ба имзо расид. Бояд таъкид кард, ки 1171 рӯз гуфтушуниди байни тоҷикону мухолифон дар дохил баргузор шуд.

Миллати азиятдида ба сулҳ расид…

Мардуми тоҷик, ки ташнаи тинҷию оромӣ буд, аз оби ҷонбахш нӯшида, ташнагиашро шикаст. Ҳамон ниҳоли дарахти Ваҳдат, ки дар Қасри таърихии Арбоб шинонида шуда буд, самар дод. Оромиву осудагӣ, фурӯ нишонидани алангаи ҷанги бародаркуш сарзамини тоҷиконро фаро гирифт. Вақте Ваҳдати тоҷикон ба даст омад, Кофи Анан - собиқ Дабири кулли СММ дар баромадаш дар Ансамблеяи генералӣ гуфт, ки «Президенти Ҷумҳурии Тоҷикистон дар байни мо ягона сарвар аст, зеро барои оромӣ бахшидан ба мардумаш, таъмин кардани сулҳу салоҳ мухолифини яроқдорро бо яроқу аслиҳааш ба назди худ хонд ва ба мансабҳои баландпояи ҳукуматӣ таъин кард. Ин таҷрибаро омӯхтан лозим аст. Касе, ки наомӯхт, миллату давлаташро бой медиҳад.

- Агар толеи мо баланд намешуд, агар Сарвари давлат сари мизи гуфтушунид намешуданд, шояд мо ба ин рӯз намерасидем, мо давлатро бой дода, аллакай Ҷумҳурии Тоҷикистон аз харита рафтанаш аз имкон дур набуд. Вале бояд ба қадри ин неъмат расид, тарбияи ҷавононро хуб ба роҳ монда, аз таъриху тамаддуни халқи тоҷик огоҳ созем. Беҳуда нест, ки Пешвои муаззами миллат муҳтарам Эмомалӣ Раҳмон солҳои 2019 – 2021-ро «Солҳои рушди деҳот, сайёҳӣ ва ҳунарҳои мардумӣ» эълон доштанд, зеро нафаре, ки соҳиби илму ҳунар аст, метавонад, дар рушди минбаъдаи кишвар саҳмгузор бошаду барои поянда нигоҳ доштани Ваҳдати миллӣ кӯшиш намояд.

Имрӯз бо боварии том метавон гуфт, ки барои тамоми қишрҳои ҷомеа шароити хуб муҳайё аст, зеро сохтмони иншооти азим, бунёди мактабу кӯдакистонҳо, беморхонаву марказҳои саломатӣ ва фаъолияти коллеҷу донишкада ва донишгоҳҳои олӣ ҳама самараи Ваҳдат аст.

Шаҳбону ОЛИМОВА,

«Ҳақиқати Суғд»

 

 

 

Читать далее