June 2020

01 June 2020

Боздид аз вазъи парвариши помидор ва лимӯ дар қитъаи наздиҳавлигии сокинони деҳаи Заркори ноҳияи Ҷаббор Расулов

Самаранок истифода бурдани замини қитъаҳои наздиҳавлигӣ барои беҳтар гаштани шароити рӯзгори ҳар як хонадон мусоидат менамояд.

Дар партави дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷум-ҳурии Тоҷикистон муҳтарам Эмомалӣ Раҳмон оиди самаранок истифода бурдани ҳар порча замин ва таъмини амнияти озуқавории мамлакат имрӯзҳо сокинони деҳаи Заркори Ҷамоати деҳоти Деҳмой иқдомҳои шоистаро амалӣ менамоянд.

Читать далее

Шиносоӣ аз рафти парвариши сабзавоти барвақтӣ дар ноҳияи Ҷаббор Расулов

Раиси вилояти Суғд Раҷаббой Аҳмадзода дар хоҷагии деҳқонии «Темурҷон»-и Ҷамоати деҳоти Деҳмой бо рафти парвариши сабзавоти барвақтӣ шинос шуд.

Дар хоҷагӣ тибқи дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон амал намуда, ҳар порча заминро самаранок истифода менамоянд. Кишоварзон дар майдони 4.5 гектар замин парвариши сабзавоти барвақтиро ба роҳ монда, ҳама намуди сабзавоти барвақтӣ - карам, картошка, помидор, бодиринг, сирпиёз ва шалғам кишт намудаанд. Дар натиҷаи таҷрибаи солҳои тӯлонӣ ба даст омада, имрӯз деҳқонон кишти сабзавоти барвақтиро аз рӯи агротехникаи муосир ба роҳ монда, парвариши намудҳои гуногуни сабзавотро мувофиқи мақсад роҳандозӣ кардаанд.

Читать далее

Оилаи аз бемории сироятӣ фавтида аёдат карда шуд

 

 

 

Раиси вилояти Суғд Раҷаббой Аҳмадзода тибқи дастуру супориши Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба манзили сокини Ҷамоати деҳоти Деҳмой Юрсиной Ёриқулова омада, ба аҳли оилаи марҳум таъзияи Ҳукумати Ҷумҳурии Тоҷикистон, Мақомоти иҷроияи ҳокимияти давлатии вилояти Суғдро расонида, кӯмаки моддӣ супорид.

Раиси вилоят дар суҳбат ба сокинон изҳор дошт, ки барои пешгирии сироятёбӣ байни аҳоли қоидаҳои гигиенӣ ва меъёрҳои фосилавӣ ҷиддан риоя шуда, аз ниқоби муҳофизатӣ ҳатман истифода бурда шавад. Ҳар як шаҳрванд, бояд пеш аз ҳама, бо тавсияи табибони оилавӣ амал намуда, иммунитети организми худ ва аҳли оиларо бо истеъмоли хӯроки серғизо ва сабзавоту меваҳои баҳорӣ пурқувват намояд. Алҳол бобати пешгирии бемориҳои сироятӣ, аз ҷумла илтиҳоби шуш ва коронавирус тибқи дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вилоят чораҳои зарурӣ роҳандозӣ шудаанд.

Читать далее

Сафари кории Раиси вилоят Раҷаббой Аҳмадзода ба ноҳияи Ҷаббор Расулов

Санаи 30-юми майи соли равон Раиси вилояти Суғд Раҷаббой Аҳмадзода дар доираи сафари корӣ ба ноҳияи Ҷаббор Расулов бо фаъолияти пойгоҳи обкашии «Деҳмой -1» шинос шуд.

Дар партави дастуру ҳидоятҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оиди самаранок истифодабарии замин, рӯёнидини ду - се ҳосил дар як сол ва таъмини амнияти озуқавории мамлакат бо ташаббуси Раиси вилоят Раҷаббой Аҳмадзода ду адад агрегати пуриқтидори пойгоҳи обкашӣ ба ноҳияи Ҷаббор Расулов ворид карда шуд.

Читать далее

Дар ноҳияи Спитамен Ситоди сайёри назди Раиси вилоят оид ба вазъи эпидемиологӣ ва пешгирии паҳншавии бемории COVID-19 баргузор гашт

Ситоди сайёри назди Раиси вилоят оид ба вазъи эпидемиологӣ ва пешгирии паҳншавии бемории COVID-19 баргузор гашт.

Дар машварати корӣ дастуру супоришҳои Асосгузори сулҳу ваҳдати миллӣ - Пешвои миллат, Президенти мамлакат муҳтарам Эмомалӣ Раҳмон оид ба пешгирӣ ва беҳтар кардани вазъи эпидемиологӣ мавриди баррасӣ қарор гирифт. Дар ҷаласаи корӣ роҳбарияти ноҳия ва сохторҳои қудратӣ, раисони ҷамоатҳо, сардухтур ва роҳбарони корхонаҳои саноатии ноҳия иштирок намуданд.

Читать далее

Боздиди Раиси вилоят аз ҷараёни парвариши помидор ва қаламфури ширин дар Хоҷагии деҳқонии «Дӯстобод-2»

Раиси вилояти Суғд Раҷаббой Аҳмадзода аз вазъи парвариши помидор ва қаламфури ширин дар Хоҷагии деҳқонии «Дӯстобод-2» - и Ҷамоати деҳоти Тағояк дидан намуд.

Гармхонаи замонавӣ дар деҳоти Тағояки ноҳияи Спитамен соли 2019 дар доираи дастуру ҳидоятҳои Сарвари давлат аз ҷониби соҳибкори ватанӣ, муассиси Ҷамъияти дорои масъулияти маҳдуди маркази тақсимоти яклухти «Витаминҳои Тоҷикистон» Саидмурод Давлатов таъсис дода шуда, дар он асосан сабзавот парвариш карда мешавад. Дар гармхона парвариши помидорҳои навъи «Атия», «Аламина» ва «Пинк - Оракул» бо истифода аз технологияи муосир ба роҳ монда шуда, дар он 20 нафар сокини маҳаллӣ бо ҷойи кори доимӣ ва 40 каси дигар мавсимӣ бо шуғл таъмин мебошанд.

Читать далее

Аёдати оилаҳои аз бемории сироятӣ фавтида

 

 

 

Раиси вилояти Суғд Раҷаббой Аҳмадзода тибқи дастуру супориши Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба манзилҳои фавтидагон аз бемории сироятии илтиҳоби шуш омада, ба аҳли оилаи онҳо таъзияи Ҳукумати Ҷумҳурии Тоҷикистон, Мақомоти иҷроияи ҳокимияти давлатии вилояти Суғдро расонида, кӯмаки моддӣ супорид.

Раҷаббой Аҳмадзода аз ҷумла оилаи фавтида аз бемории сироятии илтиҳоби шуш Дилором Нурматова - сокини Ҷамоати шаҳраки Навкат, кӯчаи ба номи Абулқосим Фирдавсӣ, №59 ва оилаи аз ин беморӣ фавтида Илҳом Шерматов, сокини ҳамин ҷамоатро аёдат намуда, ба аҳли хонаводаи ин фавтидагон тасаллият баён дошт ва кӯмаки моддӣ супорид.

Читать далее

Раиси вилоят Раҷаббой Аҳмадзода наврасони маъюбро аёдат намуд

Дар доираи сафари корӣ ба ноҳияи Спитамен Раиси вилояти Суғд Раҷаббой Аҳмадзода се нафар навраси бо амри тақдир маъюб, сокинони ноҳияи Спитаменро аёдат намуда, кӯмаки моддӣ ва туҳфаи хотиравӣ тақдим дошт.

Аз ҷониби Раиси вилоят навраси маъюб Давлатбек Маматқулов - сокини Ҷамоати шаҳраки Навкат аёдат шуд. Лозим ба ёдоварист, ки Давлатбек новобаста аз маъюби гурӯҳи II буданаш, дар бозии шоҳмот ва шашка ба дастовардҳои назаррас ноил гардида, бо ифтихорномаву медалҳо сарфароз гардонида шудааст. Ӯ аз ғамхории пайвастаи Пешвои миллат нисбат ба маъюбон изҳори сипос намуда, баён дошт, ки дар мусобиқаҳои сатҳи ҷаҳонии бозии шоҳмот ширкат варзида, Парчами Тоҷикистонро парафшон менамояд.

Читать далее

Боздиди Раиси вилоят аз рафти корҳои саҳроӣ дар ноҳияи Спитамен

Санаи 29-уми майи соли равон Раиси вилояти Суғд Раҷаббой Аҳмадзода дар доираи сафари корӣ ба ноҳияи Спитамен ба хоҷагии «Уяс» - и Ҷамоати деҳоти Истиқлол ташриф оварда, аз ҷараёни парвариши картошка, карам, помидор ва полезиҳо шинос шуд.

Дар партави дастуру ҳидоятҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба самаранок истифодабарии замин, рӯёнидани ҳосили фаровон ва таъмини амнияти озуқавории мамлакат кишоварзон амал намуда, заминро самаранок истифода мебаранд.

Читать далее

Ташхисгоҳи нави вирусологӣ ба фаъолият оғоз намуд

Дар шаҳри Хуҷанд, дар бинои Маркази назорати давлатии санитарию эпидемиологии вилояти Суғд ташхисгоҳи нави вирусологӣ ба фаъолият оғоз намуд.

Дар маросими оғози ифтиттоҳ Раиси вилояти Суғд Раҷаббой Аҳмадзода иштирок намуд.

Иттилоъ дода шуд, ки ташхисгоҳи мазкур бо мақсади муайян намудани бемории сироятии коронавируси нави COVID-19 дар заминаи Маркази назорати давлатии санитарию эпидемиологии вилояти Суғд таъсис дода шуда, ҷараёни ташхис 3 зинаро фаро гирифта, имкони дар як шабонарӯз гузаронидани 150-200 таҳлилро дорад.

Читать далее