01 July 2020

ОБОДКОРИРО ДАР СИРИШТ ПАРВАРЕМ

Давоми солҳои соҳибистиқлолӣ кишвари азизи мо, Тоҷикистон ба дастовардҳои беназир соҳиб гаштааст. Ваҳдати миллӣ бошад, барои мардуми мо ба осонӣ ба даст наомадааст. Ваҳдату Истиқлолият  натиҷаи заҳмату талош ва ҷоннисориҳои Сарвари хирадпешаи тоҷикон аст. Барои мардум ба ёд овардани рӯзҳои гузашта аламовару ғамангез аст.

Маҳз  андешаҳои некбинона нисбат ба ояндаи кишвар доштан мардумро ба он водор сохт ва дар муддати кӯтоҳ ба он муваффақ шуд, ки пояи давлати дар вартамондаро аз нав барқарор созад.  Хушбахтона, дарозои ба даст овардани Истиқлолияти давлатӣ мамлакат хеле обод шуд, мардум имрӯз дар фазои тинҷу осуда ва ҳамдигарфаҳмию сулҳу ваҳдат умр ба сар мебаранд.  Ранҷу заҳмат, ташвишу тараддуд ва талошҳои пайгиронаи Сарвари мамлакат баҳри ба даст овардани Истиқлолияти давлатӣ ва Ваҳдат ҳанӯз аз минбари баргузор гардидани Иҷлосияи шонздаҳуми Шӯрои Олӣ сарчашма гирифта, то ба имрӯз давом дорад.

Маҳз, туфайли ташрифи он кас ба вилоят ва дигар минтақаҳои ҷумҳурӣ  дар кишвар даҳҳо иншооти гуногун дар соҳаҳои мухталиф сохта ба истифода дода шавад, корхонаҳои аз фаъолият бозмонда ба кор шуруъ намоянд, садҳо мардуми бекор бо ҷои кори доимӣ таъмин шаванд. Бобати таъсиси хоҷагиҳои деҳқонӣ, марказҳои ҳунармандӣ ва дигар коргоҳҳои хурд ҳоҷати гап ҳам нест.  Ин ҳама пешравиҳоро нодида гирифтани Муҳаммадиқболи Садриддин, ки дур аз Ватан истода санг бар зодгоҳи хеш мезанад, аламовару нангин аст. Ин нафари ноогоҳ аз худ кай бори охир сафари Ватан кардаву ободиҳои кишварро бо чашми худ дидааст? Ӯ магар намедонад, ки ташрифи Сарвари давлат ба Ватани худ буда, бохабар шудан аз аҳволи мардум ва зисту зиндагонии онон аст. Магар бо  «аз рӯи шунидам…» - у «аз рӯи гуфтаҳо…» метавон фаъолияти чандинсолаи мамлакатро баҳогузорӣ кард?  Магар ба ободкорӣ расидан кори осон аст?

Биёед, ба хотири фардои дурахшони Тоҷикистони соҳибистиқлол ободкор буданро дар сиришти худ, дар ниҳоди худ парварем, ба ҳар гуна туҳмату буҳтонҳои авомфиребон дода нашавем ва барои гул-гулшукуфии кишвар саҳм гузорем.

Ш.Каримӣ,
Ҳақиқати Суғд

Читать далее

Бадгуҳар рӯсиёҳу ноодамаст!

Алҳол тариқи сомонаҳои интернетӣ бархе аз ашхоси ифротгарову худобехабар, ба мисли  Муҳаммадиқболи Садриддин нисбати  роҳбарони ҷумҳуриву вилоят буҳтону туҳмат намуда, мехоҳанд мардумро бо ин раҳгум зананд.  Чанд вақт инҷониб бобати сафарҳои кории Сарвари давлат дар майнаи тиҳиаш чӣ ҳарфе ояд, рӯи чоп овардаву бо даъвои беасос лофзани дорад.

Худ чун гуфтаҳояшро аз шабакаи иҷтимоии «Youtube» шунидам, дар ҳайрат шудам, ки чигуна метавон шахс беғуруру бевиҷдон бошад, ки аз номи мардуми оддӣ инқадар ободониву созандагӣ ва дастовардҳои соҳоти мухталифро нодида  гирифта, бе ҳеҷ арқоми мушаххас ба роҳбарияти кишвар ва  вилоят сангандозӣ мекунад. Беасос будани фикрашро аз он фаҳмидан мумкин аст, ки дар гуфтаҳояш танҳо ибораи «аз рӯи шунидам…» ва ё «аз рӯи гуфтаи баъзеҳо …» меоварад. Оё ин боис шуда метавонад, ки дар ҳаққи як  фарде  тавассути гуфтаҳои дигарон хулосабарорӣ  ва дар ин радиф  дасисабозӣ намояд?!

Хусусан, онҳое, ки шоҳиди бевоситаи дасисаҳои сиёсӣ ва кинаю қасоси мансабталошу манфиатҷӯён, қавму қабоили мазҳабгаро буданду дар моварои бархӯрдҳои хунини ҷонибҳои ба ҳам мухолиф қарор доштанд, бо дарки арзиши Оштии миллӣ барои имрӯзи осоишта ин рӯзро ниҳоят гиромӣ дошта, хизматҳои Пешвои миллатро арзанда медоранд. ҳар як хонаводаи миллати тоҷик баръало навгониву ободониҳои даврони истиқлолиятро дидаву басо қадршиносӣ менамояд. 

Раиси вилояти Суғд Раҷаббой Аҳмадзода низ воқеан дастгиру ғамхори мардум асту ҳамеша новобаста аз вазъият дар байни халқ буд, дар лаҳзаҳои ҳассос хизмат ба халқу давлатро авлотар дониставу дар ин раванд қарзи шаҳрвандии худро бо масъулияти тому  виҷдони пок ба иҷро расонд.

Имрӯз пас аз расидан ба даврони сулҳу осоишта ва Истиқлолияти давлатӣ ношукрону нотавонбинони миллати тоҷик, носипосони кӯрнамаки давлату миллат, мисоли Муҳаммадиқболи Садриддин ҳанӯз теша ба решаи худ мезананд, ба хотири маблағи ночизе ашхоси содиқи Ватанро бо ҳар баҳона ва восита дар назди мардуми дигар кишварҳо бадном сохтани шуда, ба шаъну эътибори онон рахна мезананд. Чаро ин гуна касон аз таърихи на чандон дури миллати хеш огаҳ нестанду ибрат намегиранд?

Ин сатрҳои боло, худ гувоҳи таърихи гузаштаи тоҷик буда, дар ин хусус борҳо гуфтаву дар асарҳои шоирону нависандагон нигошта шудаанд. Аз ин лиҳоз моро боз ҳам зарур аст, ки ҳушёриву зиракии сиёсиро ҳаргиз аз даст надиҳем ва сулҳи бо қурбониҳову ҷонбозиҳои зиёде ба даст овардаамонро чун гавҳари ноёб эмин дорем. ҳеч гоҳ роҳ надиҳем, ки ашхосе ба мисли М.Садриддин ба мақсадҳои нопоки худ расидаву боз ҳам таърихи қаблан аз саргузаронидаи халқи азиятдидаи тоҷик боз ҳам аз сар гузаронад.

О. МАВЛОНОВА,
Ҳақиқати Суғд

Читать далее

Isloh.net - сомонаи моҷароҷӯёна

Ҳама гуна баҳсу мунозира дар сари нуктаҳои ҳассос дар шароити ҳозира то чӣ ҳадде метавонад ба раванди бебозгашти сулҳу субот дар кишвар, андешаи солими кишвардорӣ ва фикри томравои миллӣ ва миллатсозӣ осебе мерасонад.

Аввалан, мо алҳол набояд ба ҷалби таваҷҷӯҳи мардум ба хараҷу мараҷ ва кашида шудани онон ба моҷарои сиёсӣ роҳ диҳем, ки ҳаргиз салоҳи кор  нест. Тоҷикистон дар зарфи чанд соли ҷангу ошӯбзадагии сиёсиву иҷтимоӣ бо мушкилоти азим ва талафоти зиёди рӯҳиву равонӣ аз ботлоқи хараҷу мараҷи сиёсӣ берун шуд, мардум хеле ба душворӣ ва дар фурсати зиёд, пас аз хастагии бас фарсудакунанда нафаси озод кашид. Дубора чӣ манфиат ва оқибат дорад, ки раванди зисти солим дар кишвар осеб пазирад, дубора халқи заҳматкаш талафоти рӯҳиву равониву ҷисмӣ диҳад, зисти бомароми худро, ки солҳо ба сад хуни ҷигар ба роҳ мондааст, гум кунад.

Сониян, чунин муносибати моҷароҷӯёна метавонад торҳо ва эҳсосоти нозуки мардумро дар роҳи майлонҳои тахрибкорӣ аз нав бедор кунад ва ба ангезиш оварад, ки ин рафтор ҳам моҳиятан аз даст додани ҷилави амну осоиш дар ҷомеа ба шумор меравад.

Саҳифаҳои сомонаи isloh.net ягон матлаб барои  пешрафти зиндагии шоистам мардуми тоҷик нашр накардааст. Аз ин бар меоял, ки тамоми нигоштаҳояш ғаразнок буда, ҳамеша мардуми оддиро бо дасисабозиҳояшон мехоҳанд гумроҳ намоянд. Вале бори каҷ ба манзил намерасад.

Ш.Олимӣ,
шаҳри Хуҷанд

Читать далее

Ободиро дида натавонистан аз кӯрдилист…

Пас аз пош хӯрдани Иттиҳоди Шӯравӣ мулки мо ба бесариҳову бесомониҳо дучор гардид. Ҷанги таҳлилӣ сабаб шуд, ки аксар гурезаи ватани худ гардиданду дар макони бегона ба мушкилиҳо рӯ ба рӯ шуданд. Шояд муҳлатҳои камтарин боқӣ монда буд, ки Тоҷикистон аз харитаи ҷаҳон нопадид гардад. Аммо баргузории Иҷлосияи Шӯрои Олии Ҷумҳурии Тоҷикистон, ки онро «тақдирсоз» меномем, дар ҳақиқат ба қисмати халқи тоҷик дигаргуниҳои ҷиддӣ ворид сохт. Мулки ба хокистар бадалшудаистодаро ба рӯшноию сарсабзӣ баровард.

Ҳоло бошад, шояд мо сер шудаем, аз ҳар нуктае, аз ҳар шабакаҳое сару садоҳое сар мезананд, ки боиси ношукрӣ аст. Чанде пеш дар Ҷамоати деҳоти Хистеварз ба истиқболи 30-солагии Истиқлолияти давлатӣ бо иштироки Пешвои миллат муҳтарам Эмомалӣ Раҳмон чанд бинои нави таъиноташ гуногун ба истифода дода шуд. Масалан, дар ҳамин ҷамоат Муассисаи табобатии «Ваҳдат». Он моликияти шахсӣ буда, бо саҳми соҳибкор М. Самадов ифтитоҳ гардид. Ҳамчунин бинои табобатӣ, Парчами давлатӣ ва Маҷмӯаи хизматрасонӣ таҳти унвони «Гулистон»,  бо ташаббуси соҳибкор С. Раҳмонов ба кор шурӯъ кард. ҳамаи он биноҳои ба истифода додашуда барои хистеварзиён мавқею мақоми хосае дорад. Яъне, Муассисаи табобатии «Ваҳдат» дорои таҷҳизоти замонавӣ мебошад, ки он имкон медиҳад, ки сокинони яке аз деҳаҳои сераҳолии кишвар аз мулки худ берун набаромада, дар ҳамин ҷо табобат гирад. Инчунин табобатгоҳи навбунёди дигар низ ба ҳамин нигаронида шудааст.

Бунёди маҷмӯаи хизматрасонии «Гулистон» бошад, саривақтист. Тавре ёдовар шудем, деҳа аҳолии зиёд дорад. Қаблан агар бозор дар як ҳафта як маротиба сурат гирад, ҳоло ҳар рӯз фаъолият мебараду на танҳо аз ҳудуди вилоят, дар назар дорам, мардуми Истаравшан, Мастчоҳ, Хуҷанд ва дигарон, ки маҳсулоти хешро барои фурӯш мебаранд, инчунин деҳқонон ва соҳибкорони ҳамсоядавлатҳо низ молу маводи хешро ба фурӯш мебаранд ва ё аз ҳамон бозор харидорӣ менамоянд. Магар хуб нест, ки соҳибкорони аз дигар макон омада, то ба охир расидани маҳсулоташон дар ҳамон ҷо маскан гузинанд, зеро шабҳои сард ҳам ҳасту гармояш ҳам.

Аммо баъзе намояндагони расонаҳо онро ба таври худ шарҳу эзоҳ медиҳанд. Аз ҷумла, маводҳои «Паём. нет» аз воқеият дурр буда. Ғараз эҳсос мешавад. Ин ободиҳо албатта бо иқдоми Президенти мамлакат амалӣ мегардад ва Тоҷикистон сол аз сол ободу зебо мешавад.

Ободию ешрафтро дида натавонистан аз кӯрдилист…   

Т. Ҷӯраева,
Ҳақиқати Суғд

Читать далее

Замони қаҳрамониҳо

Посухе ба хиёнатгарон

Ҷаҳони одамиро заррае, ки тоҷвирус кардаанд унвон,

Чу хасми ноаёне

             аз паси меғи касофат мезанад пайкон,

Ба тири ваҳм аз заҳри касолат мекушад дармон.

Ҳазорон сабзҷонҳоро даравгар мешавад шайтон,

Аҷал ҳам бо ҷадал бераҳм меҷӯяд дили раҳмон.

 

Замони ҷоннисории ҳама оғоз шуд акнун,

Дами андешаи фардо кунад ҳар раҳбари оқил.

Ғами инсонгароӣ мекунад ояндаро фозил,

Ба паҳлуи муҳаббат мекашад бо дард

Гирифтори касолатро табиби дар амал омил...

 

Адӯи ноаёни наҳс

Ба шарёну ба шуши пурҳаво банди мамот овард,

Табиби дил ба меҳри бекарони худ наҷот овард.

Зи ҷони худ гузашт ин ҷонфишони халқ,

Бишуд ҳамшираи шафқат нишони ормони халқ...

 

Ту, эй бебахти дур аз хонаву дар, эй хиёнатгар,

Ба мисли тоҷвирус ноаён тирафканӣ дорӣ!

Ту ҳам парвардае дар шишаҷоми заҳрполое,

Чу мор аз дур дорӣ муҳрабозии талабгоре...

 

Нидоят аз даруни хонаи бегона меояд,

Фиғонат дудпечи оҳҳои рӯсабӣ дорад...

Ба ҳасрат мекунӣ аз маснаду аз нармкурсӣ ёд,

Чу мурғи курк дорӣ аз паси ҳар чӯҷае фарёд.

 

Чӣ гӯям, эй ғамафзои падар,

                                      эй нанги модар,

                                                       эй касофатзо?!

Ба ҷои ту тамоми халқ аз бечорагон маъзур!

Ба боғи мулки ғайр, эй акка, мекӯшӣ,

Ки чун булбул кунӣ чаҳ-чаҳ!

Аҷаб, овозату фикрат чу рӯю қалби ту бенур,

Ҳамон раҳгардият чун зоғаки мағрур...

 

Ҷаҳон имрӯз ҷогардони гӯлахтист,

Барои мисли ту имонфурӯши кӯр

Бувад во ҳамчу бар сайёҳу бар раҳҷӯ,

Кушода бар мусофир ҷодаю дарҳо,

Ба чашми тираақлон менамояд хира манзарҳо.

 

Чунинам нохалафҳоро Урупо мекунад оғӯш,

Хиёнат гавсари лоқайди Амрикро барад аз ҳуш...

Барои ту ҳама ҷо дар кушода,

Лек бояд ҳадди худ донӣ...

Куҷо бошӣ,

Ба худ гӯӣ, ки ҳастӣ тоҷикистонӣ!

 

Ман ин андешаро сад аср парвардам,

Ки то миллат шиносад ҷойгоҳашро,

Ки то дигар кунад бар рӯзгори худ нигоҳашро.

Наҷӯяд то касе нафъи балои нафси худ

                              аз хони ризқи халқи армонӣ,

Ки то ҳаргиз намонад пой бар хамгашти шайтонӣ.

 

Пас аз ин қадр худсӯзию худсозӣ,

Замони қаҳрамониҳои миллат мешавад оғоз,

Ту сӯи хонаи худ санг андозӣ,

Вале медон,

Зи ҳар санги Ватан як кафтари нуре кунад парвоз.

 

Агар сарвар зи ақсо бо мусофирҳои худ баргашт,

Халоиқ Раҳнамояш парниёнпечи дуо овард,

Хиёнатро ба мисли тоҷвирус мекушад бо меҳр,

Садоқатро кунад то ҷовидона пешвопарвард.

 

Аз ин пас Тоҷикистонро

                           зи берун “нағз дидан” чист?!

Барои ҳар хиёнатгар

Дигар ин Модари бечорапарвар нест!

Маконаш чун муқаддас ҳаст,

Замони қаҳрамониҳои фарзандони бонанг аст!

Зи худ ворастани мо парчами бо ғайр дар ҷанг аст!

 

Бикун бовар,

Дигар ту мондаӣ бе додару хоҳар!

Дигар ту беватан ҳастӣ...

Ба маргат ҳам нагиряд бо алам Модар!

Аҳмадҷон Раҳматзод,

Шоири халқииТоҷикистон

            

Читать далее

Президенти мамлакат аз майдони парвариши картошка дар хоҷагии деҳқонии «Шердил»-и ноҳияи Деваштич дидан карданд

Дар рӯзи дуюми сафари корӣ ба шаҳру ноҳияҳои вилояти Суғд Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳоти Далёни болои ноҳияи Деваштич аз Хоҷагии деҳқонии «Шердил» боздид намуданд.

Сарвари давлат муҳтарам Эмомалӣ Раҳмон нахуст аз намоиши маҳсулоти кишоварзии аҳли заҳмати ин хоҷагӣ дидан карданд.

Читать далее

Дурӯғгӯ шарманда хоҳад шуд!

Дар ҳошияи навиштаҳои ғаразноки "Ислоҳ.нет"

Имрӯз Тоҷикистон ва мардуми сарбаланди он дар фазои сулҳу субот, оромӣ, азму иродаи устувор  бо корҳои ободониву ояндасозӣ барои сарсабзии кишвари хеш талошҳои бесобиқа доранд. Давлатдории дунявӣ интихоби мардуми сарбаланди кишвар буду ҳаст ва мемонад ва ин интихоб аз азму талош ва зиндагии босаодати мардуми кишвар ҳувайдост.

Имрӯз баъди сипарӣ гардидани 28 соли Истиқлолияти давлатӣ маълум мешавад, ки воқеан ҳам   роҳи пешгирифтаи Тоҷикистони азиз кафолатбахши амнияту осоиши кулли халқу миллатҳои кишвари мо мебошад. Асосогузори сулҳу ваҳати миллӣ - Пешвои миллат муҳтарам Эмомалӣ  Раҳмон, раҳнамунсози миллати соҳибтамаддуни тоҷик ҷониби қуллаҳои баланди Истиқлолияти давлатӣ, пешрафту созандагӣ, ваҳдату ҳамбастагӣ ва худшиносию ҳуввияти миллӣ мебошанд.

Ҳамин  ҳамдииву созандагиву ободкориҳо ҳаст, ки имрӯз баъзе  нафаронеро, ки ободиву осоштагии Тоҷикистонро ба хотири манфиатҳои шахсӣ намехоҳанд, ба таҳлука овардааст. Аз ҳар барору комёбиҳои халқи ман ҷонашон ба лаб меояд ва дар талвоса пайи ҷустуҷӯи камбудиву норасоҳо мешаванд ва агар ягон далел наёфтанд боке нест, даррав ба эҷоди дуруғу буҳтону иғво оғоз мекунанд. Ростӣ, аз ин корашон шармашон намеояд? Бо ҳарфҳои беасос чӣ тавр мешавад ин қадар ҳангомаву воҳима сохт.

Айни ҳол дар интернет ва шабакаҳои иҷтимоӣ  мухолифин, аз ҷумла Муҳаммадиқболи Садриддин ба сафарҳои кории Сарвари давлат часпидаанд. Ростӣ нафратовар аст чунин рафтори ноҷавонмардона!  Табли шодии аёми коронавирус ба охир расид магар? Акнун ба Раиси вилояти Суғд Раҷаббой Аҳмадзода мисли магасҳои ифлос часпидаанд. Як чиро мушоҳида кардам, онҳо хамеша ба нафароне «ҳамла» мекунанд, ки барои Ватан хидматҳои шоиста мекунанд ва бо рафторашон дар дили халқ ҷой мегиранд. Раиси вилояти Суғд шабу рӯзҳои вазнинтарин ҳамеша дар миёни халқ буд, як лаҳза ҳам аз мардум ва аз хидмат ба давлаташ дурӣ наҷуст,  тамоми вазифаҳо ва қарзи шаҳрвандиву касбии хешро бо виҷдони пок ба ҷо овард. Мисли шумоён дар хонаҳо аз вирус пинҳон шуда нанишаст. Кам буд ё зиёд, аммо дар паҳлуи халқ буд ва инро ҳар одами солимақл дарк намуд. Беҳуда худ ва дигаронро асабӣ накунед !

Ҳадафи асосии мо бо роҳи дурусту созанда ва дар сатҳи арзандаи касбӣ пеш бурдани фаъолият аст, зеро муқаддастарин, волотарин рисолати инсонӣ  ин ба ояндагон  гузоштани як давлати ободу осоишта бо дастовардҳои бузурги фарҳангию маънавист. Ва мо муваффақ хоҳем шуд!

Мадина Султонзода,
«Ҳақиқати Суғд»

Читать далее

Сарвари давлат Эмомалӣ Раҳмон дар ноҳияи Деваштич Беморхонаи ноҳиявии №5-ро ифтитоҳ намуданд

Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар рӯзи дуюми сафари кории худ ба шаҳру ноҳияҳои вилояти Суғд дар деҳаи Далёни поёни ноҳияи Деваштич бо бардоштани парда аз рӯйи лавҳи рамзӣ Беморхонаи ноҳиявии №5-ро ифтитоҳ намуданд.

Ба Пешвои миллат иттилоъ дода шуд, ки корҳои бунёдӣ дар бинои беморхона моҳи марти соли 2018 аз ҷониби соҳибкори ватанӣ Садрӣ Файзиев оғоз гардида, он дар муҳлати муайяншуда бо тарҳу намои зебо мавриди истифода қарор гирифт ва барои 60 нафар шароити корӣ фароҳам орварда шуд.

Читать далее

Пешвои миллат Эмомалӣ Раҳмон дар шаҳри Истаравшан ду хати нави технологияи истеҳсолиро дар ҶСП «Оби Зулол» мавриди истифода қарор доданд

Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳоти Нофароҷи шаҳри Истаравшан ду хати нави технологии истеҳсоли нӯшокиҳои ташнашикан, афшураву шарбат ва ғизои кӯдакона бо шаҳду шарбатҳо ва мураббои мевагӣ дар Ҷамъияти саҳомии пӯшидаи «Оби Зулол»-ро мавриди истифода қарор доданд.

Бояд тазаккур дод, ки хати муосири технологӣ дар ин корхонаи пуриқтидори истеҳсолӣ дар заминаи татбиқи ҳадафи чоруми миллӣ — саноатикунонии босуръати мамлакат, ба истиқболи сазовори 30-солагии Истиқлолияти давлатии Ҷумҳурии Тоҷикистон аз ширкатҳои бонуфузи хориҷи мамлакат дастрас ва васлу насб гардидааст, ки ин технологияи муосир дар Осиёи Марказӣ беназир аст.

Читать далее

СУҒД: Дастовардҳо - самараи Истиқлолият ва талошҳои Пешвои миллат!

 Ба истиқболи 30-солагии Истиқлолияти давлатии Ҷумҳурии Тоҷикистон

Ба тавсиб расидани силсилаи фармонҳои тақдирсози Асосгузори сулҳуваҳдатимиллӣ –Пешвоимиллат, Президенти ҶумҳурииТоҷикистон муҳтарам Эмомалӣ Раҳмон, қарорҳои Ҳукумати Ҷумҳурии Тоҷикистон, қабули қонунҳои нави Ҷумҳурии Тоҷикистон, таҳия ва мавриди амал қарор гирифтани Стратегияи миллии рушд, силсилаи барномаҳои соҳавии умумидавлатӣ, сафарҳои пайвастаи Асосгузори сулҳу ваҳдати миллӣ - Пешвоимиллат, Президенти ҶумҳурииТоҷикистон, муҳтарам Эмомалӣ Раҳмон ба шаҳру ноҳияҳои вилоят, супориш, дастур, дастгириҳои ҳамаҷонибаи Сарвари хирадпешаамон ва андешидани тадбирҳои судманду саривақтӣ аз тарафи роҳбарияти вилоят барои амалисозии ҳадафҳои пешбинишуда заминаи мусоид гузошт.

Дар ин раванд талошҳо ва тадбирҳои ба рушд ва пешрафт мусоидаткунандаи Раиси вилояти Суғд Раҷаббой Аҳмадзода самараи нек ва дилхоҳ ба бор меоваранд.

Читать далее