16 October 2020

Қаллоб дар кофтукоб

Прокуратураи генералии Ҷумҳурии Тоҷикистон хабар медиҳад, ки шаҳрвандони Ҷумҳурии Тоҷикистон Кабутов Неъматулло Бадриддинович, Холов Сиёвуш Имомқулович ва Қаюмов Носиҳиддин Шарифович бо аризаи шикоятӣ нисбат ба кирдорҳои қаллобии шаҳрванди Ҷумҳурии Тоҷикистон Садуридинов Муҳаммадиқбол Қаландарович, санаи таваллудаш 15-уми майи соли 1978, зодаи шаҳри Бохтари вилояти Хатлон, муроҷиат карданд.

Читать далее

ҚАЛЛОБ ҚИДИРУВДА

Тожикистон Республикаси Бош прокуратураси хабар қилади: Тожикистон Республикаси фуқаролари - Кабутов Неъматулло Бадриддинович, Холов Сиёвуш Имомқулович ва Қаюмов Носиҳиддин Шарифович Тожикистон Республикаси фуқароси, 1978 йилнинг 15 майида Хатлон вилоятининг Бохтар шаҳрида туғилган Садуридинов Муҳаммадиқбол Қаландаровичнинг қаллоблик хатти-ҳаракатлари устидан шикоят аризаси билан мурожаат қилишди.

Читать далее

МОШЕННИК В РОЗЫСКЕ. Генеральная прокуратура Республики Таджикистан сообщает

ДУШАНБЕ, 15.10.2020 /НИАТ «Ховар»/. Мухаммадикбол Садуридинов своими мошенническими действиями, присвоив 430000 долларов США и нанёс гражданам значительный материальный ущерб, сообщает пресс-центр Генеральной прокуратуры Республики Таджикистан.

Читать далее

WANTED. The General Prosecutor’s Office Informs

DUSHANBE, 15.10.2020 (NIAT Khovar) – Muhammadikbol Saduridinov embezzled $430,000 by his fraudulent actions and caused significant economic damage to citizens, reports the Press Center of the General Prosecutor’s Office.

Читать далее

Ба истифода додани 4 бинои нав барои парвариши 80 ҳазор сар мурғ ва корхонаи банду басти маҳсулот дар шаҳри Гулистон бо иштироки Президенти мамлакат Эмомалӣ Раҳмон

16 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари корӣ дар вилояти Суғд дар шаҳри Гулистон ба фаъолияти Ҷамъияти дорои масъулияти маҳдуди “Мурғи аълосифат” оғоз бахшиданд.

Фабрикаи парандапарварии “Мурғи аълосифат” дар асоси дастуру супоришҳои Пешвои муаззами миллат муҳтарам Эмомалӣ Раҳмон аз ҷониби соҳибкори ватанӣ Парвиз Бобоев моҳи апрели соли 2019 таъсис ёфта, биною иншооти махсуси соҳавӣ барои парвариши парандаи гӯштии бройлерӣ, забҳ, коркарду банду баст ва нигоҳдории гӯшти парҳезии паранда муҷаҳҳаз бо хату таҷҳизоти технологии муосир сохта шудааст.

Читать далее

Пешвои миллат Эмомалӣ Раҳмон дар Симпозиуми байналмилалӣ ба ифтихори 700-солагии Камоли Хуҷандӣ иштирок намуданд

16 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар “Кохи Рӯдакӣ”-и шаҳри Хуҷанд дар Симпозиуми байналмилалӣ ба ифтихори 700 — солагии Камоли Хуҷандӣ иштирок ва суханронӣ карданд.

Чорабиниро Президенти Академияи миллии илмҳои Ҷумҳурии Тоҷикистон Фарҳод Раҳимӣ ифтитоҳ карда, ба Президенти Ҷумҳурии Тоҷикистон муҳтарам Эмомалӣ Раҳмон сухан дод.

Читать далее

Суханронии Пешвои миллат Эмомалӣ Раҳмон дар Симпозиуми байналмилалӣ ба ифтихори 700-солагии Камоли Хуҷандӣ

16.10.2020, шаҳри Хуҷанд

Ҳамватанони азиз!

Ҳозирини гиромӣ!

Дар оғоз кулли мардуми фарҳангдӯсту маърифатпарвари тоҷик ва ҳамаи шумо — ҳозирини муҳтарамро ба ифтихори ҷашни 700-умин солгарди чеҳраи тобноки Шарқ, шоири озодандеш ва мутафаккири барҷастаи тоҷик — Хоҷа Камолиддини Хуҷандӣ самимона табрик мегӯям.

Ҳукумати мамлакат ҳанӯз аз оғози истиқлоли давлатӣ ба гиромидошти шахсиятҳои барҷастаи илму фарҳанг ва шеъру адаб, ки барои ҳифзи таърих, забон, фарҳанг ва тамаддуни тоҷикон хизматҳои мондагор анҷом дода, дар айни замон, дар рушду пешрафти тамаддуни ҷаҳонӣ саҳми арзишманд гузоштаанд, тавассути баргузории чорабиниву иқдомоти сатҳи баланд эътибори махсус медиҳад.

Читать далее

РИОЯИ ҚОИДАҲОИ БЕҲДОШТӢ МУҲИМ АСТ

Чандест, ки аксар кишвари ҷаҳон бар зидди вируси нав COVID - 19 мубориза бурда, роҳи халосӣ ҷуста истодаанд. Тавре аз расонаҳои хабарӣ иттилоъ дорем, олимони соҳаи тибби кишварҳои абарқудрат, аз ҷумла Федератсияи Россия ваксинаи зиддивирусиро истеҳсол кардаанд. Баробари ин, мубориза бар зидди вируси нав дар Ҷумҳурии Тоҷикистон низ аз ҷониби ниҳодҳои махсус идома дорад.

Дар вилоят низ ҷиҳати пешгирии бемории сироятии коронавируси COVID - 19 аз тарафи масъулин корҳои зиёде ба сомон мерасанд. Кормандони Маркази ташаккули тарзи ҳаёти солим дар вилоят ҳамарӯза байни аҳолӣ корҳои фаҳмондадиҳӣ гузаронида истодаанд.

Аз ҷумла, аз ҷониби мутахассисони марказ тавсияҳо барои пешгирии бемории коронавирус, пӯшидани ниқобҳои муҳофизатӣ, шустушӯйи дастон бо собун, дар масофаи муайян суҳбат намудан дода шуданд.

Баробари ин барои пешгирии роҳҳои сироятёбӣ мулоқоту вохӯриҳо бо донишҷӯён дар хобгоҳҳои Донишгоҳи давлатии Хуҷанд ба номи академик Бобоҷон Ғафуров, Донишгоҳи давлатии ҳуқуқ, бизнес ва сиёсати Тоҷикистон, Донишкадаи политехникии Донишгоҳи техникии Тоҷикистон ба номи М.Осимӣ, Донишгоҳи кӯҳӣ-металлургии Тоҷикистон, Коллеҷи тиббии шаҳри Хуҷанд ва Коллеҷи омӯзгории шаҳр баргузор гардиданд.

Тавре мудири шуъбаи тарғиботиву ташвиқотии марказ Адолат Мадаминова иттилоъ дод, баҳри пешгирӣ аз бемориҳои сироятӣ 60 нафар худихтиёр, 30 нафар фасилитатор (нафаре, ки доир ба як мавзӯъ маълумот медиҳад) ва 36 дастаи саломатии ҷомеавӣ омӯзонида шудаанд, ки айни ҳол дар байни аҳолӣ, алалхусус дар ҷамоатҳо, маҳаллаҳо ва муассисаҳои томактабию таълимӣ дар 18 шаҳру ноҳияи вилоят оид ба пешгирии бемории сироятии коронавирус фаъолият бурда истодаанд.

- Аз оғози пайдошавии вируси нави COVID – 19 баҳри пешгирии сироятшавии сокинони вилоят аз тарафи Маркази ҷумҳуривии ташаккули тарзи ҳаёти солим маводҳои иттилоотии пешгирикунанда ва дискҳо пешкаш шуда, ба шаҳру ноҳияҳои вилоят барои ташвиқоту тарғибот пешкаш гардиданд. Маводи мазкур дар ҷойҳои сераҳолӣ, амсоли муассисаҳои табобатӣ, бозору марказҳои савдо, муассисаҳои томактабию таълимӣ, нақлиёти мусофиркашонӣ, истгоҳҳо ва ташкилоту корхонаҳо насб карда шуд. Ҳамчунин, дар ҷойҳои ҷамъиятӣ «Дӯкони саломатӣ» ва «Дӯкони саломатии сайёр» ташкил гардидааст, - гуфт А.Мадаминова.

Тавре иттилоъ дода шуд, марказ дар ҳамҷоягӣ бо КИ Ҳизби Халқии Демократии Тоҷикистон дар вилояти Суғд дар шаҳру ноҳияҳои Бобоҷон Ғафуров, Исфара, Конибодом, Ашт, Деваштич, Зафаробод, Панҷакент ва Бӯстон баҳри пешгирии бемории коронавирус аксия таҳти шиори «Пешгирии беморӣ аз табобат осонтар аст» гузаронида, ба аҳолӣ оид ба роҳҳои пешгирии COVID – 19 маълумоти муфассал дода, маводи иттилоотӣ тақсим карда шуд.

Ҳамчунин, бо ҳамкории Ҷамъияти Ҳилоли Аҳмари Тоҷикистон дар вилояти Суғд оид ба пешгирии бемории коронавируси COVID - 19 60 нафар худихтиёр омӯзонида шуданд, ки айни ҳол дар шаҳру ноҳияҳои Бобоҷон Ғафуров, Исфара, Хуҷанд, Ҷаббор Расулов ва Спитамен байни аҳолӣ корҳои фаҳмондадиҳӣ гузаронида истодаанд.

Худихтиёр аз шаҳри Хуҷанд Маҳками Эшон оид ба гузаронидани корҳои фаҳмондадиҳӣ гуфт, ки аз тарафи мутахассисони соҳа бобати вируси нави COVID – 19 курси омӯзиширо азхуд карда, имрӯз ҳамчун худихтиёр фаъолият бурда истодааст.

- Тасмим гирифтам, ки роҳи худихтиёриро пеш гирам, зеро хостам, дар чунин рӯзҳои нохуш саҳми худро баҳри пешгирии ин бемории сироятӣ гузошта бошам.

Агар бо кӯмаки ман як нафар бобати ин вирус маълумот пайдо карда, худро аз беморӣ эмин дорад, бароям боиси ифтихор аст, - гуфт Маҳками Эшон.

Шаҳбону ОЛИМОВА,

«Ҳақиқати Суғд»

Читать далее

ҚАРОРИ РАИСИ ВИЛОЯТИ СУFД аз 13 октябри соли 2020, № 310

ҚАРОРИ РАИСИ ВИЛОЯТИ СУFД аз 13 октябри соли 2020, № 310, шаҳри Хуҷанд

Дар бораи даъвати Иҷлосияи сеюми Маҷлиси вакилони халқи вилояти Суғд, даъвати шашум

Мутобиқи моддаҳои 12, 19 ва 20 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ», қарор мекунам:

Иҷлосияи сеюми Маҷлиси вакилони халқи вилояти Суғд, даъвати шашум 21-уми октябри соли 2020, соати 9:00 дар шаҳри Хуҷанд даъват карда шавад.

Ба баррасии Иҷлосияи сеюми Маҷлиси вакилони халқи вилоят, даъвати шашум масъалаҳои зерин пешниҳод карда шаванд:

- оид ба ҷараёни иҷрои қарори Ҳукумати Ҷумҳурии Тоҷикистон аз 3 майи соли 2014, №301 «Дар бораи Барномаи беҳтар намудани фазои сармоягузорӣ дар бахши туризм дар Ҷумҳурии Тоҷикистон барои солҳои 2015-2020» дар вилоят;

- ҳисоботи комиссияи доимии Маҷлиси вакилони халқи вилояти Суғд оид ба масъалаҳои ислоҳоти иқтисодӣ ва буҷет;

- ҳисоботи вакили Маҷлиси вакилони халқи вилояти Суғд аз ҳавзаи интихоботии «Унҷӣ», №65 Сатториён Матлубахон Амонзода оид ба иҷрои ваколати вакилӣ;

- дар бораи пеш аз муҳлат қатъ намудани ваколати вакили Маҷлиси вакилони халқи вилояти Суғд дар ҳавзаи интихоботии алоҳида;

- дар бораи таъин намудани интихобот ба ивази вакили хориҷшудаи Маҷлиси вакилони халқи вилояти Суғд, даъвати шашум;

- дар бораи ташкили комиссияи вилоятии интихобот оид ба ивази вакили хориҷшудаи Маҷлиси вакилони халқи вилояти Суғд, даъвати шашум;

- оид ба номгузории объектҳои физикию ҷуғрофӣ;

- дар бораи ворид намудани тағйирот ба буҷети вилоятӣ барои соли 2020;

- тасдиқи қарорҳои Раиси вилояти Суғд.

3. Назорати иҷрои қарори мазкур ба зиммаи муовинони Раиси вилоят Анвар Яъқубӣ, Зайнура Азимӣ ва роҳбари дастгоҳи Раиси вилоят Биволида Самадӣ гузошта шавад.

Раиси вилоят                                             Раҷаббой Аҳмадзода

Читать далее

ҚАРОРИ РАИСИ ВИЛОЯТИ СУFД аз 8 октябри соли 2020, № 304

ҚАРОРИ РАИСИ ВИЛОЯТИ СУFД аз 8 октябри соли 2020, № 304, шаҳри Хуҷанд

Дар бораи таҷлили Рӯзи Асои сафед

Мутобиқи моддаҳои 19 ва 20 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ», моддаи 8 Қонуни Ҷумҳурии Тоҷикистон «Дар бораи ҳифзи иҷтимоии маъюбон», бо мақсади ҳифзи иҷтимоию маънавии нобиноён ва бо назардошти дархости сардори шуъбаи ҳифзи иҷтимоии аҳолии вилоят аз 21 сентябри соли 2020, №555, қарор мекунам:

Санаи 15 октябри соли 2020 дар қаламрави вилоят Рӯзи Асои сафед ҷашн гирифта шавад.

Ҳайати кумитаи тадорукот, нақшаи чорабиниҳо ва харҷномаи таҷлили Рӯзи Асои сафед тасдиқ карда шаванд.

Раисони шаҳру ноҳияҳои вилоят, роҳбарони идораву корхонаҳо ва ташкилоту муассисаҳо, сарфи назар аз шакли моликият ва фаъолияти хоҷагидориашон, бо истифодаи имкониятҳои мавҷуда нобиноёнро бо ғамхории ҳамаҷонибаи моддӣ ва маънавӣ фаро гиранд.

Шуъбаи ҳифзи иҷтимоии аҳолии вилоят бо мақсади аёдати маъюбони гурӯҳи I аз рӯи нобиноӣ аз ҳисоби маблағҳои ба ин мақсад пешбинишудаи шуъба дар соли 2020 барои гузаронидани чорабинии мазкур маблағҳои заруриро ҷудо намояд.

Шуъбаи иттилоотию таҳлилии дастгоҳи Раиси вилоят, идораи телевизион ва радиои вилоят, рӯзномаҳои вилоятии «Ҳақиқати Суғд», «Согдийская правда», «Суғд ҳақиқати» роҷеъ ба ҳаёт ва фаъолияти меҳнатии нобиноён мақолаҳо нашр ва барномаҳо таҳия намоянд.

Назорати иҷрои қарори мазкур ба зиммаи муовини Раиси вилоят Азимӣ З.О. гузошта шавад.

Раиси вилоят                                          Раҷаббой Аҳмадзода

Читать далее