17 November 2020

СУҒД: НАҚШАИ ДАЪВАТИ ТИРАМОҲӢ ИҶРО ГАРДИД

Бино ба иттилои масъулини Комиссариати ҳарбии вилояти Суғд, ба санаи 16 - уми ноябри соли равон вилояти Суғд нақшаи даъвати тирамоҳии ҷавонон ба сафи Қувваҳои Мусаллаҳи кишварро барзиёд, яъне 100,2 фоиз иҷро намуд.

Масъулин мегӯянд, ки дар таъмини нақшаи пешбинишуда, саҳми комиссариатҳои шаҳру навоҳии Бӯстон, Панҷакент, Айнӣ, Деваштич, Спитамен, Шаҳристон, Зафаробод зиёд ба назар мерасад. Зеро шаҳру навоҳии номбурда нақшаи худро барзиёд таъмин намуданд, ки боиси пеш аз муҳлат иҷро гардидани нақшаи даъвати тирамоҳӣ шуд.

Лозим ба ёдоварист, ки даъвати ҷавонон ба сафи Қувваҳои Мусаллаҳи кишвар соле ду маротиба баргузор гардида, ҷавонони чусту чолокро ба сафи Артиши миллӣ барои ҳимояи марзу буми меҳан ҷалб менамояд.

Истамҷони НАҶМИДДИН,
«Ҳақиқати Суғд»

Читать далее

ВАЗЪИ КУНУНӢ: ДАСТОВАРД ВА МУАММОҲОИ КОРХОНАҲОИ КОРКАРДИ ПАХТА

Соли равон кишоварзони вилоят ҳосили хуб рӯёнида, ба хирмани Ватан ба санаи 11-уми ноябр наздик 125 ҳазор тонна пахта супорида, намуда дар арафаи иҷрои дурнамои имсола қарор доранд. Қайд кардан бамаврид аст, ки чунин нишондоди баланд таи солҳои охир амиқтар ба назар мерасад, ки аз кордониву меҳнати пурмаҳсули масъулину кишоварзон дарак медиҳад.

Мебояд, ки ин миқдор ҳосилро коргоҳҳои пахтатозакунӣ коркард намоянд. Бино ба гуфти Отабек Ҳоҷиев - сармутахассиси Сарраёсати кишоварии вилоят, алҳол дар вилоят 44 корхонаи саноатии коркарди пахта амал мекунад, ки аз ин ҳисоб беш аз 20 адади он бо технологияи муосири хориҷӣ фаъолияти худро ба роҳ мондааст. Фарқияти технологияи ватанӣ аз хориҷиро шарҳ дода, мавсуф иброз дошт, ки технологияи муосири хориҷӣ нерӯи барқ ва қувваи кориро бештар сарфа менамояд. Лекин аз лиҳози сифати нах тавассути технологияи ватанӣ истеҳсолшуда нисбат ба хориҷӣ андаке афзалият дорад.

- То санаи 1-уми ноябр аз ҳосили захирашуда зиёда аз 50 ҳазор тоннааш аз коркард бароварда шудааст,- гуфт Отабек Ҳоҷиев, - дар натиҷа 19 ҳазору 818 тонна нах ва 19 ҳазору 212 тонна чигит ба даст омад. Дар як вақт аз чигити ба даст овардашуда қариб 1700 тонна чигити тухмӣ захира карда шуд.

Воқеан ҳам, барои деҳқоне, ки бо арақи ҷабин аз хок «тиллои сафед» мерӯёнад, дар ин ҷода ду чиз муҳим аст: нархи коркард ва хариди пахтаи хом ва ниҳоят нархи нахе, ки дар бозори ҷаҳонии Ливерпул муқаррар карда мешавад. Тибқи қарордод, соли равон нархи ҳар кило пахтае, ки истеҳсолкунанда ба фурӯш мебарорад, 5 сомониву 80 дирамӣ то 6 сомониву 40 дирамӣ муқаррар шуд.

Мавриди қайд аст, ки чанд соли охир барои рӯёнидани ҳосили дилхоҳи пахта ва бо ин дастгирии кишоварзон корхонаҳои коркард маблағгузории нақдиро аз давраи киштукор то расидани ҳосил ва ҳатто давраи чиниши пахта ба роҳ мондаанд.

- Корхонаҳои коркарди пахта дар мавсими имсола маблағгузории соҳаро ба беш аз 75 миллион сомонӣ расонида, аз ҷумла 1674 тонна чигити тухмӣ, 2715 тонна нуриҳои минералӣ, 80 ҳазор литр сӯзишвориҳои дизелӣ ба хоҷагиҳои деҳқонӣ пешпардохт намудаанд. Дар ин раванд корхонаҳои ҶДММ «Рахшона»-и ноҳияи Ашт, ҶДММ «25-солагии Истиқлолият» -и ноҳияи Спитамен, ҶДММ «Суғд-стандарт-котон», ҶДММ «Органик – Ян», ҶДММ «Тиллои сафед»-и Ҷаббор Расулов, ҶДММ «Конибодом-коттон»-и шаҳри Конибодом, ҶДММ «Музаффар», ҶДММ «Ҳамроҳ-2016», ҶДММ «Ҷаъфар» -и ноҳияи Мастчоҳ, ҶСК «ДСМ-19», Кооперативи тиҷоратии «Мирзошавкат», ҶДММ «Зафариён»-и ноҳияи Зафаробод, ҶДММ «Шамс-777» ва ҶДММ «Хуҷанд-агро-2018» ноҳияи Бобоҷон Ғафуров саҳми назаррас доранд.

Дар баробари дастовардҳои соҳа ҳамзамон як қатор мушкилот низ ҷой дорад:  - Солҳои охир нархи нах дар бозори ҷаҳонӣ паст рафта истодааст, ки албатта, ба арзиши аслии ҳосил таъсири манфӣ мерасонад,-мегӯяд ҳамсӯҳбати мо Отабек Ҳоҷиев,- ба санаи 12-уми ноябр ҳар килои нах 1150-1200 доллар муқаррар шудааст. Ин рақам дар ҳолест, ки нархи қувваи барқу сӯзишворӣ ва нуриҳои минераливу заҳрдору ва ниҳоят қувваи корӣ бамаротиб боло рафтаву бинобар ба вуҷуд омадани вазъияти пандемия дастрас шудани аксар маҳсулот, ки асосан аз хориҷи кишвар ворид мешуд, мушкилӣ рӯи кор омад.

Воқеан ҳам ин гуна ҳолат норозигии марди деҳқонро ба миён оварда, кам нестанд, саҳмдороне, ки заминашонро ба дигарон ба иҷора додаанд ё дигар намуди зироатро киштаанд. Ба андешаи сармутахассиси Сарраёсати кишоварзии вилоят Отабек Ҳоҷиев, роҳи ҳалли муаммо ин, пеш аз ҳама, ҳамкориҳои наздику мутақобилаи корхонаҳои коркарду кишоварзон буда, бояд ба онҳо баъзе имтиёзҳо дода шавад.

Аввалан, дар ин раванд хуб мешуд, масъулин қарздории корхонаҳои коркардро дар назди буҷет ба муддати 3 сол тамдид намоянд, то ки аз ҳар ду ҷониб ҳавасмандӣ бештар гардад. Дуюм, ба корхонаҳое, ки ба коркарди нахи пахта машғуланд, қарзҳои дарозмуддати имтиёзнок то 12 фоизи солона бо фоизҳои нисбатан пасттар дода шаванд. Алҳол, бошад, бонкҳо қарзҳоро ба 36 фоизи солона пешниҳод менамоянд, ки ин умуман ба манфиати корхонаву деҳқон мусоидат намекунад. Дар ин росто деҳқон қарзро на аз корхонаҳои коркард, балки бевосита аз бонкҳо мегирифт, дар ин сурат рӯёнидани маблағ ва талаботи риояи тарафайнӣ аз ҷониби бонк осонтару беҳтар мешуд.

Сеюм роҳи раҳоӣ – қатъиян манъ кардани баровардани пахтаву нахи истеҳсолшуда, яъне давлат онро харидорӣ кунад ва дар ҳолатҳои зарурӣ ба корхонаҳои коркард фурӯшад.

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба таври ҳамешагӣ дар баромадҳои хеш дастур медиҳанд, ки ҳосили пахта маҳз дар қаламрави ҷумҳуриамон коркард ва то ба истеҳсоли маҳсулоти ниҳоӣ расонида шавад. Ҳамин тариқ, бо назардошти гуфтаҳои боло соҳаи коркарди пахта дар вилояти Суғд чун дар дигар минтақаҳои кишвар ба худ хос дастовард, муаммову мушкилот ва дурнамо дорад. Бинобар ин бовар дорем, ки дар сурати беҳтар намудани дастгириву ҳамкориҳои мутақобила муаммоҳо ҳал шуда, соҳа боз ҳам афзалиятнок мегардад.

Маъмурахон САМАДОВА,

«Ҳақиқати Суғд»

Читать далее

Мулоқоти Раиси вилоят бо роҳбари намояндагии Созмони умумиҷаҳонии тандурустӣ

Раиси вилояти Суғд Раҷаббой Аҳмадзода роҳбари намояндагии Созмони умумиҷаҳонии тандурустӣ Бахтигул Карриева ва муовини вазири тандурустӣ ва ҳифзи иҷтимоии аҳолии мамлакат Самараддин Ализодаро ба ҳузур пазируфт.

Зимни суҳбат ҷонибҳо перомуни вазъи эпидемиологӣ ва тадбирандешиҳо дар самти пешгирии бемории сироятии коронавируси COVID-19 мубодилаи афкор намуданд.

Читать далее

Раҷаббой Аҳмадзода: Президенти мо – поягузори давлати миллӣ ва сиёсатмадори сатҳи ҷаҳонӣ

Санаи 16 -уми ноябри соли 2020 дар Муассисаи давлатии Кохи фарҳанги ба номи Абӯабдуллоҳи Рӯдакии маркази вилоят чорабинии мутантан бахшида ба Рӯзи Президенти Ҷумҳурии Тоҷикистон баргузор гардид, ки дар он Раиси вилояти Суғд Раҷаббой Аҳмадзода иштирок ва суханронӣ намуд.

Дар чорабинӣ фаъолон, роҳбарони сохторҳои вилоятӣ, намояндагони созмонҳои ҷамъиятӣ, собиқадорони ҷангу меҳнат, олимону аҳли адаб ва ҷавонони фаъоли вилоят ширкат варзиданд. Чорабинӣ бо ворид намудани Парчами давлатии Ҷумҳурии Тоҷикистон ва садо додани Суруди миллии Ҷумҳурии Тоҷикистон оғоз гардид.

Читать далее

Зафармандони шуҳратёри ноҳияи Бобоҷон Ғафуров нақшаи истеҳсоли пахтаро иҷро намуданд

16 ноябри соли 2020 зафармандони шуҳратёри ноҳияи Бобоҷон Ғафуров бо истеҳсоли 18250 тонна пахта нақшаи солонаи истеҳсоли пахтаро иҷро намуданд.

Иҷрокунандаи вазифаи раиси ноҳияи Бобоҷон Ғафуров Зафарбек Давлатзода имрӯз “Муждаи зафар”-ро ба Раиси вилояти Суғд Раҷаббой Аҳмадзода расонид, ки дар он аз ҷумла омадааст:

“Баҳри иҷрои дастуру супоришҳои Ҳукумати Ҷумҳурии Тоҷикистон ва Мақомоти иҷроияи ҳокимияти давлатии вилояти Суғд кишоварзони ноҳия дар соли 2020 ба майдони 8400 гектар пунбадона кишт намуда, уҳдадор гардида буданд, ки ба хирмани Ватани азизамон 18200 тонна пахта супоранд. Деҳқонони хоҷагиҳои кишоварзӣ аз сидқи дил меҳнат карда, тавонистанд, ки нақшаи пахтасупориро бо сари баланд таъмин намоянд.

Читать далее

Маросими ба истифодадиҳии дидбонгоҳи сарҳадии “Санҷидзор”

15 ноябри соли 2020 дар шаҳри Конибодом бо иштироки Вазири корҳои дохилии Ҷумҳурии Тоҷикистон генерал-полковники милитсия Раҳимзода Рамазон Ҳамро ва Раиси вилояти Суғд Раҷаббой Аҳмадзода маросими ифтитоҳи дидбонгоҳи сарҳадии “Санҷидзор” доир гардид.

Чуноне иттилоъ дода шуд, дидбонгоҳи сарҳадии «Санҷидзор» аз бинои асосӣ, анборҳо, ҷойи нигоҳдории техникаи ҳарбӣ, буғхона, ҳаммом, ошхона, майдончаи сафороӣ, майдончаи варзишӣ, манора  ва хонаи афсарон иборат буда, дар он барои сарбозон ва афсарон шароити зарурии маишӣ ва хизматӣ фароҳам оварда шуд.

Читать далее

Бахшида ба Рӯзи Президент мусобиқаи ҷумҳуриявии шиноварӣ баргузор гардид

15 ноябр дар Маҷмаии ҳавзҳои шиноварии “20-солагии Истиқлолияти Тоҷикистон”, воқеъ дар шаҳри Хуҷанд бахшида ба Рӯзи Президенти Ҷумҳурии Тоҷикистон мусобиқаи ҷумҳуриявии шиноварӣ доир шуд.

Мусобиқаи мазкур бо ташаббуси Федератсияи миллии шиноварии Тоҷикистон ва дастгирии Мақомоти иҷроияи ҳокимияти давлатии вилояти Суғд баргузор гардида, дар маросими кушодашавии он роҳбари Федератсияи миллии шиноварии мамлакат, Вазири корҳои дохилӣ генерал-полковники милитсия Раҳимзода Рамазон Ҳамро ва Раиси вилояти Суғд Раҷаббой Аҳмадзода ширкат варзиданд.

Читать далее

Дар ярмарка-фурӯши маҳсулоти кишоварзӣ 390 тонна маҳсулот пешниҳоди сокинон гардонида шуд

Дар асоси дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рӯзи 14 ноябр дар шаҳрҳои саноатии Хуҷанд, Истиқлол, Гулистон ва Бӯстон ярмарка-фурӯши маҳсулоти кишоварзӣ гузаронида шуд.

Раиси вилояти Суғд Раҷаббой Аҳмадзода рафти баргузории ярмарка-фурӯши маҳсулоти кишоварзӣ дар маркази вилоятро мавриди таваҷҷуҳ қарор дода, барои дар сатҳи зарурӣ гузаронидани он ва бо нархҳои нисбатан арзон пешниҳоди сокинон намудани маҳсулоти ниёзи аввал ба роҳбарони воҳидҳои сохторӣ супоришҳои мушаххас дод.

Читать далее