November 2020

17 November 2020

Мулоқоти Раиси вилоят бо роҳбари намояндагии Созмони умумиҷаҳонии тандурустӣ

Раиси вилояти Суғд Раҷаббой Аҳмадзода роҳбари намояндагии Созмони умумиҷаҳонии тандурустӣ Бахтигул Карриева ва муовини вазири тандурустӣ ва ҳифзи иҷтимоии аҳолии мамлакат Самараддин Ализодаро ба ҳузур пазируфт.

Зимни суҳбат ҷонибҳо перомуни вазъи эпидемиологӣ ва тадбирандешиҳо дар самти пешгирии бемории сироятии коронавируси COVID-19 мубодилаи афкор намуданд.

Читать далее

Раҷаббой Аҳмадзода: Президенти мо – поягузори давлати миллӣ ва сиёсатмадори сатҳи ҷаҳонӣ

Санаи 16 -уми ноябри соли 2020 дар Муассисаи давлатии Кохи фарҳанги ба номи Абӯабдуллоҳи Рӯдакии маркази вилоят чорабинии мутантан бахшида ба Рӯзи Президенти Ҷумҳурии Тоҷикистон баргузор гардид, ки дар он Раиси вилояти Суғд Раҷаббой Аҳмадзода иштирок ва суханронӣ намуд.

Дар чорабинӣ фаъолон, роҳбарони сохторҳои вилоятӣ, намояндагони созмонҳои ҷамъиятӣ, собиқадорони ҷангу меҳнат, олимону аҳли адаб ва ҷавонони фаъоли вилоят ширкат варзиданд. Чорабинӣ бо ворид намудани Парчами давлатии Ҷумҳурии Тоҷикистон ва садо додани Суруди миллии Ҷумҳурии Тоҷикистон оғоз гардид.

Читать далее

Зафармандони шуҳратёри ноҳияи Бобоҷон Ғафуров нақшаи истеҳсоли пахтаро иҷро намуданд

16 ноябри соли 2020 зафармандони шуҳратёри ноҳияи Бобоҷон Ғафуров бо истеҳсоли 18250 тонна пахта нақшаи солонаи истеҳсоли пахтаро иҷро намуданд.

Иҷрокунандаи вазифаи раиси ноҳияи Бобоҷон Ғафуров Зафарбек Давлатзода имрӯз “Муждаи зафар”-ро ба Раиси вилояти Суғд Раҷаббой Аҳмадзода расонид, ки дар он аз ҷумла омадааст:

“Баҳри иҷрои дастуру супоришҳои Ҳукумати Ҷумҳурии Тоҷикистон ва Мақомоти иҷроияи ҳокимияти давлатии вилояти Суғд кишоварзони ноҳия дар соли 2020 ба майдони 8400 гектар пунбадона кишт намуда, уҳдадор гардида буданд, ки ба хирмани Ватани азизамон 18200 тонна пахта супоранд. Деҳқонони хоҷагиҳои кишоварзӣ аз сидқи дил меҳнат карда, тавонистанд, ки нақшаи пахтасупориро бо сари баланд таъмин намоянд.

Читать далее

Маросими ба истифодадиҳии дидбонгоҳи сарҳадии “Санҷидзор”

15 ноябри соли 2020 дар шаҳри Конибодом бо иштироки Вазири корҳои дохилии Ҷумҳурии Тоҷикистон генерал-полковники милитсия Раҳимзода Рамазон Ҳамро ва Раиси вилояти Суғд Раҷаббой Аҳмадзода маросими ифтитоҳи дидбонгоҳи сарҳадии “Санҷидзор” доир гардид.

Чуноне иттилоъ дода шуд, дидбонгоҳи сарҳадии «Санҷидзор» аз бинои асосӣ, анборҳо, ҷойи нигоҳдории техникаи ҳарбӣ, буғхона, ҳаммом, ошхона, майдончаи сафороӣ, майдончаи варзишӣ, манора  ва хонаи афсарон иборат буда, дар он барои сарбозон ва афсарон шароити зарурии маишӣ ва хизматӣ фароҳам оварда шуд.

Читать далее

Бахшида ба Рӯзи Президент мусобиқаи ҷумҳуриявии шиноварӣ баргузор гардид

15 ноябр дар Маҷмаии ҳавзҳои шиноварии “20-солагии Истиқлолияти Тоҷикистон”, воқеъ дар шаҳри Хуҷанд бахшида ба Рӯзи Президенти Ҷумҳурии Тоҷикистон мусобиқаи ҷумҳуриявии шиноварӣ доир шуд.

Мусобиқаи мазкур бо ташаббуси Федератсияи миллии шиноварии Тоҷикистон ва дастгирии Мақомоти иҷроияи ҳокимияти давлатии вилояти Суғд баргузор гардида, дар маросими кушодашавии он роҳбари Федератсияи миллии шиноварии мамлакат, Вазири корҳои дохилӣ генерал-полковники милитсия Раҳимзода Рамазон Ҳамро ва Раиси вилояти Суғд Раҷаббой Аҳмадзода ширкат варзиданд.

Читать далее

Дар ярмарка-фурӯши маҳсулоти кишоварзӣ 390 тонна маҳсулот пешниҳоди сокинон гардонида шуд

Дар асоси дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рӯзи 14 ноябр дар шаҳрҳои саноатии Хуҷанд, Истиқлол, Гулистон ва Бӯстон ярмарка-фурӯши маҳсулоти кишоварзӣ гузаронида шуд.

Раиси вилояти Суғд Раҷаббой Аҳмадзода рафти баргузории ярмарка-фурӯши маҳсулоти кишоварзӣ дар маркази вилоятро мавриди таваҷҷуҳ қарор дода, барои дар сатҳи зарурӣ гузаронидани он ва бо нархҳои нисбатан арзон пешниҳоди сокинон намудани маҳсулоти ниёзи аввал ба роҳбарони воҳидҳои сохторӣ супоришҳои мушаххас дод.

Читать далее

16 November 2020

ПЕШВОИ МИЛЛАТ-ЭҲЁГАРИ ҲУВИЯТ ВА ФАРҲАНГ

Дар толори “Осорхонаи таърихии вилояти Суғд”-и Муассисаи  давлатии “Маҷмааи фарҳангию таърихии “Қалъаи Хуҷанд” конфронси илмӣ таҳти унвони “Рӯзи Президент – иди миллии мост” барпо гардид.

Дар конфронс кормандони МД “Маҷмааи фарҳангию таърихии “Қалъаи Хуҷанд” ва МД “Маркази илмии Камоли Хуҷандӣ” иштирок намуданд. Омири Осорхонаи таърихии вилояти Суғд Мансур Бойматов иштирокдоронро бо ин санаи таърихӣ шодбош гуфта, аз ҷумла қайд намуд, ки дар бунёди ҷомеаи навини кишвари мо, ки ҳамқадами ҷомеаи ҷаҳонӣ аст, саҳми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамчун шахсияти барҷастаи таърихи миллат беназир аст. Маҳз, бо заҳмату талошҳои пайгиронаи ин сарвари хирадманд давлати Тоҷикистон аз хатари парокандашавӣ эмин монда, истиқлоли худро таҳким бахшид ва имрӯзҳо миллати тоҷик баъд аз ҳазор соли талош дар роҳи эҳёи давлатдории миллӣ соҳиби давлати ободу озод мебошад.

Баҳром Раҳматов - директори Муассисаи давлатии “Маркази илмии Камоли Хуҷандӣ” ҳамчунин зикр дошт, ки Иҷлосияи ҶVI Шӯрои Олии Ҷумҳурии Тоҷикистон ва ҳам Асосгузори сулҳу ваҳдати миллӣ -  Пешвои миллат, Президенти Тоҷикистон муҳтарам Эмомалӣ Раҳмон дар тақдири халқу миллат нақши ҳалкунанда гузоштаанд. Натиҷаи ин иҷлосияи таърихӣ самти муросоро муайян намуда, ба майдони сиёсат омадани Эмомалӣ Раҳмон миллатро аз вартаи нобудӣ раҳонид.

Баъдан М. Хоҷаева  - мудири шуъбаи таърихи давраи муосири МД МФТ “Қалъаи Хуҷанд” таҳти мавзӯи “Пешвои миллат-эҳёгари ҳувият ва фарҳанг” маърӯзаи пурмуҳтаво намуда, доир ба фаъолияти ибратомӯзи Президенти Тоҷикистон, фидокорӣ ва хизматҳои арзандаи Пешвои миллат Эмомалӣ Раҳмонро дар роҳи расидан ба сулҳи тоҷикон, мустаҳкамсозии пояҳои давлатдорӣ ва рушду тараққиёти Тоҷикистон таъкид дошт.

Қайд кардан ба маврид аст, ки санаи 16 –уми  ноябри соли 1994 дар Иҷлосияи Шӯрои олии Ҷумҳурии Тоҷикистон маросими савгандёдкунӣ ва ба вазифа шурӯъ кардани Президенти Ҷумҳурии Тоҷикистон баргузор гардида буд.

Наргисахон  Бузурукова,

китобдори МД МФТ “Қалъаи Хуҷанд”

Читать далее

БУНЁДГУЗОРИ БАХТИ МИЛЛАТИ ТОҶИК

Миллати барӯманди тоҷик шукронаи онро дорад, ки муҳтарам Эмомалӣ Раҳмон бори дигар дар интихоботи Президенти Ҷумҳурии Тоҷикистон бо гирифтани 91 дарсади овозҳо ғолибият ба даст оварданд ва тайи ҳафт соли дигар метавонанд, боз Роҳбар ва Роҳнамои тоҷикону Тоҷикистон бошанд.

Таҷрибаи ин чеҳраи ҷаҳонӣ, сиёсатмадори варзидаи офоқро бисёре аз мамолики дунё шоистаи дастгирӣ медонанд ва аз ин таҷрибаи нодир васеъ истифода бурда истодаанд. Китоби андешаҳои ҷаҳонсози он касро варақ мезанам ва дар ҷое чунин гуфтаанд: «Сарнавишти халқ, ҳамаи илмҳо, ҳикматҳо ва арзишҳоро дар худ ғунҷонида ва ҳифз карда метавонад, танҳо зарур аст, ки ба ин китоби нонавишта инсонвор таваҷҷуҳ ва арҷгузорӣ шавад». Вақте ки муҳтарам Эмомалӣ Раҳмон ба арсаи сиёсат омаданд, азму иродаи халқро писандиданд, мувофиқи хоҳиши онҳо амал намуда, қадам ба қадам ҳамроҳи халқ буданд, гӯш ба садои дили шаҳрвандон дода, дар натиҷа азизу муҳтарами халқ гаштанд. Сарчашмаи ҳамаи муваффақиятҳои ин абармарди ҷаҳонӣ ва сиёсатмадори варзида аз тарбияи дурусти хонаводагӣ, андарзи авастоӣ - «Рафтори нек, пиндори нек ва кирдори нек» буда, ҷавҳари инсонии он касро ташаккул додааст. Олитарин марому мақсадашон нигоҳ доштани Ватан аз порашавӣ, наҷот додани тоҷикон аз парешонӣ, обод намудани Ватани аҷдодӣ ва фароҳам овардани зиндагии шоиста ба мардум аст. Озодӣ ва ободиро дар Тоҷикистон таъмин намуда, кафили пешрафти Тоҷикистон шуданд, ба ҷавҳари ҳастии миллат арҷ гузоштанд, кишвар ва расму оинҳои онро ҷаҳонӣ карда тавонистанд.

Пешвои миллат барои истиқрори сулҳ, таҳкими давлатдорӣ, барои кишварро аз бунбастҳо, муҳосираҳо раҳонидан, ободу зебо намудани Меҳани аҷдодӣ, пешрафти иқтисоди миллӣ, ҷаҳонӣ шудани Тоҷикистони демократӣ, ягона ва дунявӣ хизматҳои арзанда карда истодаанд ва хеле хуб андешаҳои хешро ба таври зайл баён намудаанд: «Халқ довари ҳақгӯву ҳақбин аст. Ман бо он ҳама камбуду нуқсон, душвориву мушкилоти ҳам сиёсӣ, ҳам иқтисодӣ, ҳам иҷтимоиву маънавие, ки одатан хоси замони гузаришҳои бузург ҳастанд, ба ҳувиятшиносӣ ва сарнавиштсозии миллати хирадмандамон бовар ва эътиқоди қавӣ дорам».

Ба қарибӣ Маҷлиси навбатии Ҳукумати Ҷумҳурии Тоҷикистон таҳти раёсати Пешвои миллат шуда гузашт ва дар он қайд карда шуд, ки даромади умумии буҷети давлат барои соли 2021 дар ҳаҷми 27,6 миллиард сомонӣ ба нақша гирифта шудааст, ки нисбат ба буҷаи соли 2020 ба маблағи 1,6 миллиард сомонӣ ё 6,1 фоиз зиёд мебошад. Бо назардошти дурнамои рушди соҳаҳои иқтисодии кишвар даромади ҷории буҷети давлатӣ дар ҳаҷми 20,6 миллиард сомонӣ пешбинӣ гардидааст. Дар сиёсати буҷети давлатӣ таъмин намудани уҳдадории давлат оид ба ҳифзи иҷтимоии аҳолӣ ва баланд бардоштани сатҳу сифати зиндагӣ самти афзалиятнок ба ҳисоб меравад. Аз ҷумла, барои маблағгузории соҳаҳои маориф дар ҳаҷми беш аз 5,6 миллиард сомонӣ бо афзоиши 592 миллион сомонӣ, тандурустӣ 2,4 миллиард сомонӣ бо афзоиши 509 миллион сомонӣ, ҳифзи иҷтимоии аҳолӣ 4,2 миллиард сомонӣ бо барзиёдии 262,7 миллион сомонӣ, фарҳанг ва варзиш 1 миллиард сомонӣ бо афзоиши 68,8 миллион сомонӣ пешбинӣ гардидааст. Барномаҳои давлатӣ ба он далолат мекунанд, ки ҳаёти иҷтимоӣ, иқтисодӣ ва фарҳангии мамлакат ба сатҳу сифати баланд баромада истодааст. Инак, Тоҷикистони соҳибистиқлол 30 сол боз бо роҳбарии ин шахсияти баргузида қадам мезанад ва 30 сол боз халқ ҳаёти осоишта ба сар мебарад.

Тоҷикистон ба як мамлакати транзитӣ табдил ёфт. Барномаҳои давлатӣ амалӣ шуда истодаанд, ташаббусҳои ҷаҳонии Пешвои миллат дастгирӣ ёфта истодааст. Тоҷикистон ба як мамлакати тараққиёфта табдил ёфт. «Даҳсолаи байналмилалии Об барои ҳаёт» аз ҷониби 141 кишвари ҷаҳон пазируфта шуд ва ин ташаббус аз тарафи Созмони Милали Муттаҳид ба қатори 20 пешниҳоди арзишмандтарини қабул шуд. «Ман моҳияти умумиҷаҳонӣ ва ҳаллу фасл шудани масоили доғу ҳассоси инсониятро дар ҳамин гуна иқдомҳо мебинам, ки бештар ба андеша ва маниши нек, яъне ба хиради инсонгароӣ ва ҷаҳонсози вобастагӣ доранд» - гуфтаанд Пешвои миллат.

Оламшиносиҳои муҳтарам Эмомалӣ Раҳмон он касро мушфиқу меҳрубони аҳли сайёра намудааст ва миллати тоҷик Президенти кишварро ҳамчун бунёдгузори бахти миллат эътироф кардааст.

Бобоҷони НУРЗОД,
адиб ва рӯзноманигор,
ноҳияи Айнӣ

Читать далее

Исмоилзода Зуфар Муртазохон раиси Кумитаи иҷроияи ҲХДТ дар вилояти Суғд интихоб гардид

13 ноябр дар толори Кумитаи иҷроияи ҲХДТ дар вилояти Суғд бо иштироки Раиси вилояти Суғд Раҷаббой Аҳмадзода, муовини якуми Раиси ҲХДТ Абдуҷаббор Азизӣ ва аъзои ҳизб ҷаласаи Кумитаи иҷроияи ҲХДТ дар вилояти Суғд баргузор шуд.

Дар ҷаласа бо пешниҳоди Асосгузори сулҳу ваҳдати миллӣ — Пешвои миллат, Президенти кишвар, Раиси муаззами ҲХДТ муҳтарам Эмомалӣ Раҳмон ва ҷонибдории аъзои кумиҷроия Исмоилзода Зуфар Муртазохон раиси Кумитаи иҷроияи ҲХДТ дар вилояти Суғд интихоб гардид.

Читать далее

Паёми табрикии Раиси вилоят ба муносибати Рӯзи Президенти Ҷумҳурии Тоҷикистон

Бо камоли ихлосу эҳтироми бепоён ва шукру сипосгузорӣ аз сиёсати хирадмандона ва бунёдкоронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон фарорасии Рӯзи Президенти Ҷумҳурии Тоҷикистонро, ки яке аз санаҳои фирӯз ва мубораки тақвими миллати сарбаланди тоҷик ба ҳисоб меравад, аз номи худ ва сокинони сарбаланди вилояти Суғд ба кулли ҳамватанони гиромӣ сидқан табрику муборакбод менамоям.

Боиси ифтихор аст, ки Пешвои муаззами миллат ҳамчун сиёсатмадори сатҳи ҷаҳонӣ бо мавқеи устувор ва матонати беназир, посдории таърих ва тамаддуну фарҳанги куҳанбунёди дирӯзу имрӯзи миллатамон на танҳо халқи тоҷикро ба оромию осоиштагӣ расониданд, балки дар суботи тамоми минтақа низ саҳми бузург гузоштанд.

Читать далее