06 January 2021

Мусоидат ба таъмини волоияти қонун

Дар Прокуратураи вилояти Суғд ҷаласаи васеи ҳайати мушовараи прокуратураи вилояти Суғд баргузор гардид. Дар ҷаласа муовини якуми Прокурори генералии Ҷумҳурии Тоҷикистон Абдуғаффор Ҳикматуллозода, кормандони дастгоҳи прокуратураи вилоят, прокуророни шаҳру ноҳияҳо, муовинон ва ёрдамчиёни калони онҳо ширкат варзиданд. Прокурори вилояти Суғд, кат варзиданд. Прокурори вилояти Суғд, мушовири адлияи дараҷаи 1 Хоҷазода Фурқат Файзалӣ дар ҷаласаи ҷамъбастӣ маърӯза намуда, фаъолияти ин мақомоти муҳими давлатиро дар соли 2020 мавриди таҳлилу баррасӣ қарор дод.

Зикр гардид, ки Прокуратураи вилояти Суғд дар соли 2020 фаъолияти худро оид ба назорати иҷрои қонунҳо, мубориза бар зидди ҷинояткорӣ, ҳимояи ҳуқуқу озодиҳои инсон ва шаҳрванд дар асоси талаботи Конститутсия ва қонунҳои Ҷумҳурии Тоҷикистон, фармонҳо, дастуру супоришҳои Президенти Ҷумҳурии Тоҷикистон, муҳтарам Эмомалӣ Раҳмон ва Прокурори генералӣ муҳтарам Раҳмон Юсуф Аҳмадзод ба роҳ монда корҳои зиёдро ба сомон расонид.

Дар давоми соли 2020 ҳолати иҷрои қонунҳои Ҷумҳурии Тоҷикистон, Фармонҳои Президенти кишвар ва қарорҳои Ҳукумати Ҷумҳурии Тоҷикистон дар соҳаи иқтисодиёт, маориф, масъулияти падару модар дар таълиму тарбияи фарзанд, ҳифзи саломатӣ, нафақа ва ҳифзи иҷтимоии аҳолӣ, оид ба танзими анъана ва ҷашну маросимҳо, ҳифзи муҳити зист дар фаъолияти мақомоти давлатию иттиҳодияҳои ҷамъиятӣ ва ғайра зиёда аз 1558 маротиба санҷида, 25233 қонунвайронкуниҳо ошкор карда шудаанд.

Баҳри бартараф сохтани ин қонунвайронкуниҳо ва барқарор намудани ҳуқуқу манфиатҳои поймолгардидаи шаҳрвандон, корхонаҳо ва давлат 4334 амр дода, 2286 пешниҳод бароварда, 2909 эътироз оварда, 891 адад парвандаи ҷиноятӣ оғоз карда шудааст, ки аз онҳо 77 адад оид ба ҷиноятҳои коррупсионӣ мебошад.

Дар асоси санадҳои эътиноии мазкур инчунин 219,9 миллион сомонӣ маблағҳои зарар, аз ҷумла 115,2 миллион сомонӣ ба фоидаи буҷет, 56,7 миллион сомонӣ ба коргарон ба сифати музди меҳнат, 2,1 миллион сомонӣ маблағи нафақа ба нафақахӯрон ва 45,9 миллион сомонӣ ба манфиати корхонаҳо барқарор карда шудааст. Дар давоми соли 2020 ҳамагӣ 1619 адад парвандаи ҷиноятӣ ба пешбурди муфаттишони мақомоти прокуратура қабул гардида, тафтиши 1016 адади он ба итмом расонида, аз онҳо 959 адад барои моҳиятан баррасӣ намудан ба судҳо фиристода шудааст.

 Кормандони мақомоти прокуратураи вилоят ҳангоми баррасии 2496 адад парвандаи ҷиноятӣ, аз ҷумла 42 адад оид ба ҷиноятҳои махсусан вазнин ва 498 адад оид ба ҷиноятҳои вазнин дар судҳои марҳилаи якум ба сифати айбдоркунандаи давлатӣ иштирок намуда, барои қабули ҳукмҳои қонунан асосноки судӣ ҳамаҷониба мусоидат намудаанд.

Дар ҳамин давра ба 70 адад ҳукми судҳо то ба қувваи қонунӣ даромадани онҳо эътирозҳои кассатсионӣ оварда шуда, то охири сол 59 адади он баррасӣ гардида, 58 адад қонеъ гардонида, бо санадҳои коллегияи судӣ оид ба корҳои ҷиноятии Суди вилоят қонунвайронкуниҳои судҳои марҳалаи якум бартараф карда, ҳукмҳои онҳо ба талаботи қонунҳо мутобиқ гардонида шудаанд.

Ғайр аз ин, ба 43 адад санадҳои судҳои марҳалаҳои якум ва кассатсионӣ ба президиуми Суди вилоят аз тарафи прокурори вилоят 43 эътирози назоратӣ оварда шуда, то охири сол ҳамаи онҳо баррасӣ гардида, 30 ададашон қонеъ гардонида, қонунвайронкуниҳои судҳои поёнӣ бартараф карда шудааст. Аз ҷумла, дар асоси эътирозҳои кассатсионӣ 7 ҳукм ва бо эътирозҳои назоратӣ 12 ҳукму таъиноти судҳои зинаҳои якуму дуюм бекор карда, 19 адад парвандаҳои ҷиноятӣ ба баррасии нави судӣ фиристода шудаанд.

Дар соли ҳисоботӣ кормандони мақомоти прокуратураи вилоят инчунин, ҳангоми баррасии 630 адад парвандҳои граҷданӣ, аз ҷумла 24 адад оид ба барқарор намудан ба ҷойи кор, 82 адад марбут ба кӯчонидан аз манзили истиқоматӣ ва 3 адад вобаста ба ҷуброни зарари ба ҳаёту саломатӣ расонидашуда дар судҳои шаҳру ноҳияҳо ширкат варзида, баҳри тасвиби санадҳои қонунӣ хулосаҳои асоснок додаанд.

Баробари ин ба судҳои шаҳру ноҳияҳо аз тарафи прокуророни шаҳру ноҳияҳо ва прокурори вилояти Суғд 146 адад аризаи даъвогӣ оид ба рӯёнидани маблағҳои зарар ба маблағи 6,14 миллион сомонӣ оварда шудааст, ки аз онҳо 133 адад ба маблағи 4,04 миллион сомонӣ мавриди баррасӣ қарор гирифта, ҳамаи онҳо қонеъ гардонида, маблағи мазкур барқарор карда шудааст. Ғайр аз ин, дар давоми сол аз тарафи прокурори вилоят ба Суди иқтисодии вилояти Суғд ҳамагӣ 54 аризаи даъвогӣ ба маблағи 70,6 миллион сомонӣ оварда шудааст, ки аз онҳо 52 адад ба маблағи 40,9 миллион сомонӣ дар мурофиаҳои суди иқтисодии вилоят бо иштироки намояндагони прокуратураи вилоят мавриди баррасӣ қарор гирифта, пурра қонеъ гардонида шудааст.

Аз тарафи мақомоти прокуратураи вилояти Суғд ҳамагӣ 3244 адад муроҷиатҳои шахсони воқеӣ ва ҳуқуқӣ мавриди баррасӣ қарор дода шуда, 722 адад ё 22,3 фоизи онҳо қонеъ гардонида, вобаста ба онҳо 302 санадҳои эътиноӣ (эътироз, амр, пешниҳод) бароварда, 287 (299) адад қарори мақомоти таҳқиқу тафтиш бекор карда, 117 адад парвандаҳои ҳуқуқвайронкунии маъмурӣ ва 58 парвандаи ҷиноятӣ оғоз карда шуда, дар як вақт ҳуқуқу манфиатҳои 554 нафар шахсони воқеӣ ва 96 адад шахсони ҳуқуқӣ барқарор карда шудааст.

Фаъолияти прокуратураи вилояти Суғд дар самти ташвиқу тарғиби қонунҳо низ самаранок роҳандозӣ гардида, дар давоми сол дар мақомоту муассисаҳо, корхонаҳо, маҳалли зисти шаҳрвандон тавассути матбуоти даврӣ, радио ва телевизион ҳамагӣ 5438 маротиба баромад, вохӯриву суҳбатҳо баргузор намуда, мақолаву маводҳои иттилотӣ пахш ва нашр гардонида, ба самъи аҳолии вилоят дар бораи вазъи иҷрои қонунҳои ҷумҳурӣ, фармонҳои Президенти Ҷумҳурии Тоҷикистон, қарорҳои Ҳукумати Ҷумҳурии Тоҷикистон, натиҷаи санҷишҳои прокурорӣ, вазъи ҷинояткорӣ ва мубориза бо он маълумотҳои дахлдор расонида, бобати баланд бардоштани маърифати ҳуқуқии шаҳрвандон саҳми муайян гузошта шудааст.

Пайрав МИРИНОЯТ,

ёрдамчии калони прокурори вилоят, мушовири адлияи дараҷаи 2,

Мухтори АБДУЛЛО,

“Ҳақиқати Суғд”

Читать далее

ШАҲРИ МАҲБУБИ САЙЁҲОН

Мегӯянд, ки сайру саёҳат ҷавҳари ҷаҳонбинӣ ва шиносоӣ бо рӯзгору муносибати одамон сокинони ҳар манзилу макон ва маҳал буда, ин тарзи шуғл аз қадимулайём сарчашма гирифтаасту ҳанӯз ҳам пойбарҷост. Сайру саёҳат ва ҷаҳонгардӣ ба чӣ рабт дорад? Ба ҷойҳои таърихӣ, куҳантамаддун, манзараҳои файзбахши табиат, манзилу маъвоҳои обод, шаҳрҳои азиму меъмориҳои бунёдӣ ва манзараву обу ҳавои рӯҳбахш. Дӯстиву ҳамгироӣ ва муоширати шафиқонаи мардуми маҳал ба сайёҳон аҷаб башорате дорад, ки қиёснопазиранд. Дигар рукни сайёҳиву сайргоҳӣ ин ба иқтисодиёт вобастагии зич дорад. Аксар шаҳру мамолики сайёҳӣ аз иқтисодиёти ин тарзу намуди рукни ҳаёт буҷаи ғанӣ доранду мегиранд.

Гулистон яке аз шаҳрҳои сайёҳии кишвари тозаистиқлоли Тоҷикистон шинохтаву муаррифӣ гардидааст, бо манзараҳои хубу хушнамуд, баҳру обҳои ҷонбахшу ҷойҳои зебову осоишгоҳҳои барҳавову афсунбори худ ба ин ном мушарраф шудааст.

Шаҳри зебонамуд, хуштабиати Гулистон, ки ба номаш басо мувофиқ афтодааст, дар меҳвари сиёсати фарҳангсолоронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар бобати эълон доштани солҳои 2019-2021 “Солҳои рушди деҳот, сайёҳӣ ва ҳунарҳои мардумӣ” шафақу субҳи тоза гирифт ва дар ин самт мавқеъ ва ҷойгоҳи худро устувор намуд. Дар ин раванд қарори Раиси вилояти Суғд “Дар бораи нақшаи чорабиниҳо бахшида ба “Соли рушди сайёҳӣ ва ҳунарҳои мардумӣ” такон ва дурнамои муваффақона бахшид.

Бо мақсади рушди инфрасохтори сайёҳӣ дар шаҳри Гулистон бахшида ба 30-солагии Истиқлолияти давлатии Ҷумҳурии Тоҷикистон чандин тадбирҳои мушаххаси созандагиву бунёдкорӣ ва ободонии рӯҳнавозу дилрабо амалӣ гардидаанд ва ин амал ҷараёни мунтазам дорад. Солҳои сайёҳӣ муваффақона мегузаранд-як гӯшаи кишварамон боз ҳам ободу созгор баҳри сокинону меҳмонони чӣ дохиливу чӣ хориҷӣ гардидаву башорати зиндагии шоиста овардааст.

Шахсони соҳибкору соҳибмаърифату дилогоҳ ва худшинос ҳамеша баҳри ободониву созандагӣ камари ҳиммат баста, дар ҳаёти ҷомеаи муосирамон саҳм, нақш ва амали нек мегузоранд. Ҳамин аст, ки аз саъю талош ва ҳиммату ҳувияти соҳибкори ватанӣ Абдуқодир Ҷабборзода дар шаҳри Гулистон осоишгоҳи муосир бунёд гардид, ки сайёҳоғӯши хуб, ҳаловатбахш, басо дилрабост, ба макони осоишу фароғату солимгардонӣ табдил гардидааст. Осоишгоҳи мазкур дар соҳили Баҳри тоҷик ҷойгир буда, дар оянда ташкили ҳавзҳои моҳипарварӣ низ дар назар дошта шудааст. Мавриди ифтихор аст, ки моҳи марти соли 2020 дар доираи сафари кориашон ба вилояти Суғд муҳтарам Пешвои муаззами миллат, Президенти маҳбубамон Эмомалӣ Раҳмон дар шаҳри Гулистон истироҳатгоҳи нави “Суғдиён”-ро мавриди баҳрабардорӣ қарор доданд. Ҳамчунин осоишгоҳи ҶДММ “Баҳористон” аз зумраи иншооти муҳими соҳаи табобату саёҳат мебошад, ки дар соҳили “Баҳри тоҷик” бунёд гаштааст.

Айни ҳол бо дастуру ҳидоят ва роҳнамоии Сарвари давлатамон дар ҳудуди осоишгоҳи мазкур боз як иншооти нав барои 100 ҷойи хоб бунёд шуда истодааст. Бинои мазкур бо дарназардошти талабот ба ҷойҳои нави истироҳату табобат бо тарҳи замонавӣ сохта, ба истифода дода мешавад. Қобили қайд аст, ки аз ҷониби соҳибкори маҳаллӣ Турсуной Зокирова сохтмони осоишгоҳи замонавӣ барои 250 ҷойи истироҳат дар давоми соли 2020 бунёд гардида истодааст. Мувофиқи лоиҳа дар осоишгоҳ тамоми шароити зарурӣ барои меҳмонону сайёҳони дохилию хориҷӣ фароҳам оварда мешавад. Мушаххасан, бо мақсади рушди соҳаи сайёҳӣ то соли 2021 зиёда аз ҳашт инфрасохтори муосир бунёд гардида, сифати хизматрасонӣ дар сатҳи байналмилалӣ боз ҳам беҳтар ба роҳ монда мешавад. Ҳамзамон, баҳри рушди сайру саёҳат дар шаҳр се хатсайри нави мавзеъҳои сайёҳӣ дар осоишгоҳи “Баҳористон”, “Шифо” ва осорхонаи шаҳри Гулистон роҳандозӣ гардидааст. Зикри он боиси хурсандист, ки дар шаҳр сол аз сол соҳаи туризм рушд намуда, имкониятҳои мусоид барои истироҳату табобат фароҳам оварда мешавад. Дар як вақт имконияти қабули 2110 истироҳаткунандаю табобаткунанда дар осоишгоҳҳои “Баҳористон”, “Шифо”, урдугоҳи “Шоҳин”, маркази солимгардонии “Усмонҷон”, “Соҳил” ва меҳмонхонаҳо мавҷуданд. Дар ин ҷараён пайваста шумораи истироҳаткунандагони ватанӣ ва сафи сайёҳони хориҷӣ меафзоянд.

Масалан, дар ин марҳалаи соли равон 1183 меҳмони хориҷӣ ва 17623 истироҳаткунандагони дохилӣ ба осоишгоҳу меҳмонхонаҳои шаҳр ташриф оварданд. Албатта, ин раванд ба иқтисодиёт таъсири мусбат мерасонад. Ҳаҷми маблағи овардашуда дар ин марҳала аз ҳисоби хизматрасониҳои сайёҳӣ ва табобатӣ 14 миллиону 962,2 ҳазор сомонӣ буда, аз он 1 миллиону 566,1 ҳазор сомонӣ ба туризми хориҷӣ рост меояд. Дар соҳаи туризм зиёда аз 449 нафар бо кори доимӣ таъмин шуда, музди миёнаи маоши онҳо 1595 сомониро ташкил медиҳад. Дар маҷмӯъ, осоишгоҳҳо ва меҳмонхонаҳои шаҳр 3,2 фоизи ҳиссаи буҷети давлатиро таъмин намуда, ҳиссаи туризм дар ҳаҷми хизматрасониҳои пулакӣ 49,2 фоизро ташкил медиҳад.

Дар самти сайру саёҳат ҶДММ “Баҳористон”, ҶДММ Маркази солимгардонӣ ва меҳмонхонаи “Соҳил”, осоишгоҳи КВД “Шифо”, ҶДММ Маркази солимгардонии “Усмонҷон”, урдугоҳи ҶДММ “Шоҳин-БМТ”, меҳмонхонаи “Фирӯз-плаза” фаъолияти шоиста, ҷойҳои хубу роҳатбахши истироҳатӣ, табобатӣ ва солимгардонии мувофиқ дошта, ҳар кадом аз онҳо муаррифии хоси хешро дорост ва номваранд. Зикри он бамаврид аст, ки дар маркази шаҳр ташкилоти ҷамъиятии “Шамс” бо роҳбарии соҳибкор Ҳакимҷон Бобоев таъсис ёфтааст. Ташкилоти мазкур бо ҷалби сайёҳони хориҷӣ машғулӣ дошта, ҷойҳои сайёҳӣ ва дастовардҳои фарҳангиву таърихии шаҳрро манзур мегардонад.

Дар маҷмӯъ, дастовардҳои соҳаи сайёҳӣ иқтидорҳои минтақаҳои истироҳатии шаҳр ҳамаҷониба тавассути шабакаҳои васоити ахбори омма ва сомонаҳои шаҳриву вилоятӣ тарғибу ташвиқ карда, телевизионҳои ҷумҳуриявӣ намоиш дода мешаванд, ки ин шаффофияти фаъолияту корро дар самти дохиливу хориҷӣ бозгӯ мебошад. Маълумоти зарурӣ барои сайёҳон дар шакли саволу ҷавоб ва ё дигар тарзи диққатҷалбкунанда, ки пайдо намуданаш дар сомона ба осонӣ имконпазир мебошад, истифода бурда мешавад.

Роҷеъ ба ин ва дигар масоили вобаста ба сайру саёҳат зикри он ба маврид аст, ки агар дар шаҳр бахши сайёҳӣ ташкил карда шавад, он барои густариши фаъолият дар ин самт ва рушди туризм ва мутобиқсозии фаъолияти иншооти сайёҳӣ мусоидати беҳтару хубтар менамояд.

Улуғбек ХУДОЙБЕРДИЕВ,
рӯзноманигор

Читать далее

Муроҷиатномаи ширкати «Барқи Тоҷик» ба мардуми Тоҷикистон

Ба Агентии миллии иттилоотии Тоҷикистон «Ховар» аз номи Ширкати саҳомии холдингии кушодаи «Барқи Тоҷик» муроҷиатнома расидааст, ки дар он, аз ҷумла омадааст:

«Аз ҳамаи муштариён хоҳиш менамоем, ки дар ин  вазъият дар  ҷои  кор  ва   дар  манзилҳои  истиқоматии  худ аз  барқ сарфакорона истифода баранд ва дар бобати таъмини бештари мамлакат бо неруи барқ саҳм  гузоранд».

Матни пурраи муроҷиатномаи мазкур инҷо манзур мешавад:

-Дар  мамлакати   мо  манбаи  асосии  истеҳсоли неруи  барқ  оби  дарёҳо  ба  ҳисоб  рафта,  ҳамасола ҳаҷми  истеҳсоли  он аз рӯи  захираҳои  об дар  аввали  сол  ба  нақша  гирифта  мешавад.  Ин  дар ҳоле,  ки  захира  кардани  об дар  обанборҳо    дар  фасли баҳор оғоз гардида, дар фасли тобистон ба   анҷом мерасад.  Маҷрои  оби  дарёҳо ва  вобаста  ба  он захира намудани об дар обанборҳо  ба  тағйирёбии  иқлим, шароити  обу  ҳаво  ва  омилҳои  дигари  табиӣ  алоқамандии бевосита  дошта,  пешгӯии  ҳолат ва сатҳи  оби  дарёҳо  хеле душвор мебошад.

Тавре ки  қаблан  ба  шумо   иттилоъ дода  будем, маҳз бо  таъсири  омилҳои зикршуда,  яъне  камшавии  захираҳои об  дар ҳавзаи  ташаккули дарёи  Вахш  соли  сипаришуда  ба  нақшаи   таъмини  соҳаҳои    иқтисодӣ  ва  иҷтимоии   мамлакат бо  неруи барқ  мушкилоти  зиёд   ворид кард. Вобаста ба ин, ҳанӯз 28 июли соли 2020 Ҳукумати Ҷумҳурии Тоҷикистон дар «Муроҷиатнома  ба мардуми Тоҷикистон» сокинони мамлакатро ба яке  аз  роҳҳои  асосии  ҳалли  мушкилоти  баамаломада — сарфакории неруи барқ даъват намуд.

Дар баробари ин, аз тарафи Ҳукумати Ҷумҳурии Тоҷикистон ва Ширкати «Барқи Тоҷик» низ ҷиҳати қонеъ гардонидани  талаботи аҳолӣ ва иқтисодиёти миллӣ ба барқ  як қатор тадбирҳои таъҷилӣ андешида шуданд. Аввалан, пеш аз муҳлатҳои дар шартномаҳои байнидавлатӣ зикршуда  интиқоли неруи барқ ба кишварҳои ҳамсоя қатъ карда шуд.

Бо  сабаби   сардиҳои шадиди оғози фасли  зимистон ва тӯлонӣ  пешбинӣ шудани  сардиҳои имсола  хавфи нарасидани  захираи об то охири зимистон дар обанбори Неругоҳи барқи обии «Норак» пеш  омадааст. Ҳоло  сатҳи обанбори  Неругоҳи барқи обии  «Норак» дар  муқоиса бо ҳамин давраи соли гузашта  чор  метр паст аст.

Дар Тоҷикистон  дар солҳои соҳибистиқлолӣ  иқтидорҳои нави энергетикӣ бунёд ва  як силсила неругоҳҳои мавҷуда  таҷдиду навсозӣ карда шуданд.  Вале захираи об дар кишвари мо  то ҳанӯз фақат  ҳамин обанбори  Неругоҳи  барқи обии «Норак» мебошад. Илова бар ин, Маркази барқу гармидиҳии дуюми шаҳри Душанбе, ки он бо муваффақият фаъолият дорад ва ду агрегати неругоҳи «Роғун» муназзам кор карда истодаанд. Вале дар баробари ин талабот ба барқ дар мамлакат  сол то сол меафзояд.

Ҳамватанони муҳтарам!

Ҳоло вазъият ҷиддист ва эҳтимоли то баҳор нарасидани захираҳои об  ба миён омадааст. Аз ин рӯ, лозим меояд, ки чанд муддат дар   мамлакат —  дар он мавзеъҳое, ки биноҳои баландошёна мавҷуд нестанд ва имкони истифодаи дигар манбаъҳои гармӣ мавҷуд аст, интиқоли барқ маҳдуд карда шавад. Маҳдудият  аз  5 январи соли 2021 асосан шабона ҷорӣ гардида, аз соати 23-00 шаб то соати 06-00 субҳ идома меёбад. Мо бовар дорем, ки ҳамватанони гиромӣ моро дуруст мефаҳманд, ки ин тадбир аз рӯи зарурат мебошад. Мақсад аз он пешгирӣ намудан аз  пурра сарф  шудани захираҳои об  буда, дар сурати гарм омадани моҳҳои минбаъдаи зимистон,  зиёд гардидани сатҳи об дар маҷрои дарёи Вахш ва захираи  оби обанбори  «Норак» имкони бекор кардани  маҳдудият ба назар гирифта шудааст.

Ҳамватанони азиз!

Ширкати «Барқи Тоҷик» ҳеҷ гоҳ хоҳишманди  маҳдуд кардани интиқоли барқ ва бе барқ гузоштани  мардум нест. Вале имрӯз вазъият ҳаминро тақозо менамояд.

 

Читать далее

Шиносоии Раиси вилоят бо рафти бунёди фермаи чорводорӣ дар ноҳияи Айнӣ

Раиси вилояти Суғд Раҷаббой Аҳмадзода дар доираи сафари корӣ ба ноҳияи Айнӣ бо рафти бунёди фермаи чорводорӣ шинос гардид.

Чуноне ба Раиси вилоят иттилоъ дода шуд, бо мақсади саҳмгузорӣ дар иҷрои “Барномаи маҷмӯъавии рушди соҳаи чорводорӣ дар Ҷумҳурии Тоҷикистон барои солҳои 2018-2022” дар ноҳия ферма ташкил гардида, дар он парвариши чорвои калон ба роҳ монда мешавад. Тибқи лоиҳа дар ферма 200 сар чорвои калон парвариш карда шуда, барои афзун намудани саршумору маҳсулнокии чорво, инчунин таъмини бозори истеъмолӣ бо гӯшту шир чораҷӯӣ карда мешавад.

Читать далее

Шиносоии Раиси вилоят бо ҷараёни бунёди иншооти ҷашнӣ дар ноҳияи Айнӣ

4 январ Раиси вилояти Суғд Раҷаббой Аҳмадзода ба ноҳияи Айнӣ сафар карда, бо рафти корҳои ободониву созандагӣ дар ноҳия шинос гардид.

Чуноне зимни сафар ба Раиси вилоят иттилоъ дода шуд, дар ноҳияи Айнӣ ба истиқболи ҷашни таърихии 30-солагии Истиқлолияти давлатии Ҷумҳурии Тоҷикистон бунёду ба истифодадиҳии 499 иншооти гуногун ба нақша гирифта шуда, то имрӯз 414 иншоот мавриди истифода қарор гирифтааст. Дар иншооти боқимонда корҳои сохтмонӣ идома дошта, то ҷашни Истиқлоли давлатӣ боз даҳҳо иншооти иҷтимоӣ ифтитоҳ хоҳад шуд.

Читать далее