12 January 2021

Президенти Ҷумҳурии Тоҷикистон Эмомалӣ Раҳмон ба Президенти тозаинтихоби Ҷумҳурии Қирғизистон Садир Жапаров барқияи табрикӣ ирсол намуданд

Имрӯз Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти тозаинтихоби Ҷумҳурии Қирғизистон муҳтарам Садир Жапаров барқияи табрикӣ ирсол намуданд, ки дар он омадааст:

«Муҳтарам Садир Нургожоевич,

Шуморо ба муносибати пирӯзиатон дар интихоботи Президенти Ҷумҳурии Қирғизистон табрик мегӯям.

Натиҷаҳои ибрози раъйи мардуми Қирғизистон далели ҷонибдории васеи ҷомеа аз роҳи интихобкардаи Шумо мебошад, ки ба таҳкими суботу ризоият дар кишвар ва рушди устувору шукуфоии он нигаронда шудааст.

Читать далее

ИСТИФОДАИ ОҚИЛОНА МУҲИМ АСТ

Кумитаи иҷроияи Ҳизби Халқии Демократии Тоҷикистон дар вилояти Суғд баҳри амалӣ намудани тадбирҳои созандаи Ҳукумати кишвар ҷиҳати рушди соҳоти гуногун корҳои тарғиботиву ташвиқотиро бештар аз пештар вусъат дода истодаанд.

Бино ба иттилои дафтари матбуоти Кумитаи иҷроияи Ҳизби Халқии Демократии Тоҷикистон дар вилояти Суғд, фаъолони ҳизб аз оғози моҳи январи соли 2021 дар самти амалигардонии Муроҷиатномаи ширкати «Барқи тоҷик», пешгирии паҳншавии бемории сироятии “COVID – 19” тарғиботро боз ҳам пурзӯр намуда, бо усули «кӯча ба кӯча» ва «хона ба хона» корҳои фаҳмондадиҳиро ба роҳ мондаанд. Масъулин зимни мулоқоту вохӯриҳо бо сокинони шаҳру навоҳӣ сарфакорона истифодабарии неруи барқ, истифода намудан аз таҷҳизоти каммасраф, истифодаи самараноку оқилонаи заминҳои наздиҳавлигӣ ва президентиро тарғиб намуда, мусоидат ба пешгирии паҳншавии бемориҳои сироятиро таъкид менамоянд.

Силсилаи чунин мулоқот дар шаҳру навоҳии Исфара, Конибодом, Панҷакенту, Ҷаббор Расулов, Бобоҷон Ғафуров, Хуҷанду Гулистон мунтазам баргузор мешавад. Чунин вохӯрӣ, тибқи нақшаи тасдиқгардидаи Кумитаи иҷроияи Ҳизби Халқии Демократии Тоҷикистон дар ноҳияи Ҷаббор Расулов, бо усули «кӯча ба кӯча» ва «хона ба хона» дар Ҷамоати деҳоти «Ҳаёти нав» баргузор гашта, фаъолони ҳизб И. Самадов ва М.Исмоилова бо сокинон сӯҳбат доир намуданд. Тарғиботчиён оид ба пешгирии паҳншавии бемории сироятии “COVID – 19”, дар бораи истифодаи самараноку оқилонаи заминҳои наздиҳавлигӣ ва президентӣ, сарфакорона истифодабарии нерӯи барқ, истифода намудан аз таҷҳизоти каммасраф суханронӣ намуда, хоҳиш намуданд, ки ба қоидаҳои гигиению санитарӣ дар ҷойҳои ҷамъиятӣ, дар корхонаҳо ва дар хона, ба масофаи иҷтимоӣ, бе ниқоб гаштугузор накарданро риоя намоянд. Корҳои тарғиботию ташвиқотӣ бо усули “кӯча ба кӯча” ва “рӯ ба рӯ” дар шаҳри Конибодом низ бомаром ҷараён гирифта, масъулин корҳои тарғиботиро дар самти амалигардонии Муроҷиатномаи ширкати «Барқи тоҷик» вусъат дода, бо ҷалби вакилони маҳаллӣ бо усули “кӯча ба кӯча” корҳои фаҳмондадиҳиро ба роҳ монда истодаанд. Тарғибот дар ин самт аз ҷониби дигар вакилон низ идома дорад.

Дар ноҳияи Бобоҷон Ғафуров низ аз ҷониби масъулони кумитаи иҷроияи ноҳиявии Ҳизби Халқии Демократии Тоҷикистон ҷиҳати сарфакоронаву мақсаднок истифодабарии нерӯи барқ мулоқоту вохӯриҳо сурат гирифта, корҳои фаҳмондадиҳӣ барои беҳтар намудани шароити зист дар моҳҳои боқимондаи зимистон ҷараён гирифт. Инчунин бо мақсади пешгирии бемории сироятии коронавирус пешниҳодҳо дода шуда, ба мардум маҳлули антисептикӣ тақсим карда шуд. Корҳои тарғиботию ташвиқотӣ дар шаҳри Исфара бомаром идома дорад.

Тибқи нақша-чорабиниҳои Кумитаи иҷроияи Ҳизби Халқӣ-Демократии Тоҷикистон дар шаҳри Исфара дар маркази шаҳр бо усули рӯ ба рӯ ва хона ба хона оид ба сарфакоронаю оқилона истифода бурдани неруи барқ ва пешгирии бемориҳои сироятӣ корҳои тарғиботию ташвиқотӣ баргузор шуда истодааст.

Сурайё ҲАКИМОВА,

«Ҳақиқати Суғд»

Читать далее

ПАРАНДАПАРВАРӢ РУШД МЕЁБАД

Асосгузори сулҳу ваҳдати миллӣ – Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми худ ба Маҷлиси Олӣ барои рушди соҳаи парандапарварӣ ва таъмини бозори истеъмолӣ бо маҳсулоти хушсифПАРАНДАПАРВАРӢ РУШД МЕЁБАДати ватанӣ дастур доданд, воридоти технологияву таҷҳизот ва маводи хӯроки паранда аз боҷи гумрукӣ озод карда шавад.

Соҳибкорзан, директори ҶДММ «Фабрикаи парандапарварии Назар» Каромат Назарова аз ин иқдомҳои пешгирифтаи давлату Ҳукумат илҳом гирифта, дар Минтақаи саноатии Шимолу Шарқии шаҳри Хуҷанд фаъолияташро ба роҳ монд, ки ба парвариш ва забҳи мурғ машғул аст. Дар як шабонарӯз беш аз 1100 сар мурғ дар ин корхона забҳ шуда, бо риояи қоидаҳои беҳдоштӣ бандубаст мегардад. Бояд гуфт, ки маҳсулоти хоми гӯшти парранда бо тамғаи молии “Далерон” ба бозор пешниҳод мешавад. Ҳамчунин, дил, ҷигар ва сангдони мурғ низ бандубаст шуда, дар алоҳидагӣ ба фурӯш бароварда мешавад.

Тибқи иттилои масъулин, иқтидори истеҳсолии корхона дар як сол 1200 тонна маҳсулоти гӯшти мурғ мебошад. Имрӯз сокинон бо маҳсулоти парҳезӣ ва босифат таъмин мебошанд.

Роҳбарияти коргоҳ дар оянда нақша дорад, ки ҳаҷм ва намуди маҳсулотро зиёд намуда, ҷойҳои кориро боз ҳам афзун намояд.

- Имтиёзҳо ба андоз низ ба поинравии арзиши аслии маҳсулот таъсири мусбат мерасонад, - гуфт Каромат Назарова.

Нодир ТУРСУНЗОДА,

«Ҳақиқати Суғд»

Читать далее

АНГИШТ - ИВАЗКУНАНДАИ НЕРУИ БАРҚ

Захираҳои Тоҷикистон қариб тамоми намуди ангишт - аз ангишти қаҳваранги Шӯроб сар карда, то антрасити беназири Назар-Айлоқро дар бар мегиранд. Феълан захираи ангишти кишвар 3,8 миллиард тонна арзёбӣ мешавад. Дар натиҷаи дастгирии пайвастаи Ҳукумати Ҷумҳурии Тоҷикистон ва ҷалби сармоя ба соҳаи ангишти ватанӣ сатҳи маҳсулнокии корхонаҳои ҷумҳурӣ дар солҳои охир хеле афзудааст. Ҳамин тавр, дар соли 2020 истихроҷи ангишт дар кишвар беш аз 1 миллиону 500 ҳазор тоннаро ташкил дод, ки ин нишондод нисбат ба соли 1991 се маротиба зиёд аст.

Бо паси сар шудани беш аз як моҳи фасли зимистон, ки имсол нисбат ба солҳои пешин басо сармои қаҳратуну сербориш омада, дар ин замина як қатор муаммоҳоро ба миён овард. Агарчи баҳри беталафот гузаронидани фасли сармо ҳанӯз хеле барвақт раванди омодагӣ ба фасли тирамоҳу зимистон ба роҳ гузошта шуда бошад ҳам, аммо муроҷиатномаи Ширкати Барқи Тоҷик дар робита бо истифодаи сарфакорона ва оқилонаи неруи барқ аз роҳбарият ва масъулини мақомоту сохторҳо ва мақомотҳои марбута тақозо дорад, то чораҳои фаврии иловагӣ андешида шаванд.

Дар ин раванд аз ҷониби роҳбарияти вилоят имрӯзҳо дар ҳамаи шаҳру навоҳии вилоят баҳри бештар намудани нуқтаҳои фурӯши ангишт дастуру супоришоти зарурӣ дода шудааст. Аз бобати то кадом андоза иҷро гардидани он бо масъулини соҳоти марбута дар тамос шудем.

Бино ба маълумоти масъулини шаҳри Исфара, гурӯҳҳои корӣ бо иқдоми роҳбарияти мақомоти иҷроияи маҳалии ҳокимияти давлатӣ таъсис дода шуда, мунтазам дар корхонаю ташкилот, муассисаҳои маорифу тандурустӣ, савдову хизматрасонӣ ва ҷойҳои ҷамъиятӣ ҷиҳати баландбардории масъулияти шаҳрвандӣ ва маданияти истифодаи неруи барқ корҳои фаҳмонидадиҳӣ мебаранд. Вобаста ба вазъи дар соҳаи энергетика ахиран бамиёномада диққати ҳозирин ба мавзӯи истифода аз намудҳои дигари сӯзишворӣ, аз қабили ангишту ҳезум ва гази моеъ низ ҷалб карда мешавад. Ин аст, ки имрӯзҳо дар қаламрави шаҳр 29 нуқтаи фурӯши гази моеъ, 24 нуқтаи фурӯши доимии ангишт фаъоланду талаботи аҳолиро ба таври бояду шояд.

Аз маълумотҳои ҶСК "Ангишт"- и шаҳраки Шӯроб бармеояд, ки кормадон бо дарки амиқи вазъи баамаломада ва афзоиши талабот истихроҷи ангиштро соли 2020-ум ба таври назаррас афзоиш доданд. Агар соли 2019 дар ин корхона ба миқдори 63 ҳазору 450 тонна ангишт истихроҷ шуда бошад, дар соли 2020 ин нишондод 73 ҳазору 939 тоннаро ташкил додааст.

Дар фасли сармо, ба ҷузъ аз шаҳрҳои калон, ки мардум асосан дар баландошёнаҳо дар мавзеъҳои дигари кишвар қисман маҳдудияти интиқоли неруи барқ ҷорӣ мешавад ва сокиноне, ки дар ҳавлӣ зиндагӣ доранд, барои гарм кардани хонаҳояшон аз маводи сӯхтии алтернативӣ, назири ангиштсанг истифода мекунанд. Дар ин раванд алҳол баъзе ашхоси беаҳамияту худхоҳ аз фурсат истифода бурда, дар аксар мавзеъҳои нуқтаҳои фурӯши ангишт бо таври сунъӣ арзиши чунин навъи маводи сӯзишвориро ба маротиб боло мебаранд. С.Қодиров, - сокини ноҳияи Бобоҷон Ғафуров мегӯяд, бо оғози фасли сармо нархи ангишт ҳам нисбат ба солҳои пеш гарон шудааст. Бино ба гуфтаи ӯ, дар як ҳавлӣ се хоҷагӣ зиндагӣ мекунанд ва то оғози мавсими баҳор хонаҳоро бо ин навъи сӯзишворӣ гарм мекунанд. Дар сурате, ки дар хона пиронсолону кӯдакон низ ҳастанд, доимо хонаҳоро гарм медорем, аз ин лиҳоз барои ниёзи оилаамон ҳамасола беш аз 3 тонна ангишт зарур аст.

- Cоли гузашта ҳар килои ангишт 1 сомонию 40 дирам ва хокаи онро 0,50-0,70 дирами харида будем, ҳоло бошад, арзиши як килограми он аз 1 сомонию 70 дирам то 2 сомонӣ боло рафтааст. Дар ҳоле, ки вазъияти имсолаи бамиёномадаи пандемия ба аҳолӣ бисёр вазниниҳоро ба миён оварду боиси коҳиш ёфтани иқтисодиёти мардум гашт, хуб мешуд масъулин нархҳоро дар ҳамаи самтҳои хоҷагӣ назорат намоянд, -мегӯяд номбурда.

Воқеан чун аз чанд нуқтаҳои фурӯши ангишт бобати арзиши он пурсон шудем, ҳоло арзиши як кило ангишти истеҳсоли худии навъи хокааш 0,70 дирам, ангиштсанг аз 1,6 сомонӣ то 2 сомонӣ аст. Сокинон мегӯянд, арзиши ин навъи маводи сӯхт нисбат ба як соли пеш аз 50 то 80 дирам боло рафтааст. Масъулини соҳа сабаби болоравии арзиши ин навъи сӯзишвориро аз чанд омилҳо медонанд, аз ҷумла арзиши аслии ангишти истихроҷшаванда дар корхонаҳои соҳа асосан ба болоравии қимати воситаҳои истеҳсолӣ, аз ҷумла қисмҳои эҳтиётӣ, сӯзишворӣ, равғанҳои техникӣ ва маводҳои тарфӣ вобастагӣ дорад.

Зимни суҳбат бархе аз фурӯшандагон сабаби гарон шудани нархи ангишти ватаниро ба бештар шудани талабот дар корхонаҳои калони истеҳсолӣ медонанд. Бояд ёдовар шуд, ки дар ҷумҳурӣ талабот ба истифодаи ангишт рӯз аз рӯз афзуда, асосан корхонаҳои калонтарини саноатии кишвар, «Шабакаҳои барқу гармидиҳии Душанбе», ҶДММ «Хуаксин Ғаюр Семент», инчунин корхонаҳои “Суғд - Семент” ва «Тоҷ - Семент» - и шаҳри Хуҷанд фаъолияти худро бо истифода аз ангишти КФ «Шахтаи Фон - Яғноб» ба роҳ мондаанд. Инчунин, чандин корхонаҳои хиштбарории ҷумҳурӣ, ҶСК «Корхонаи кимёвии Исфара», корхонаҳои оҳангудозӣ, муассисоти маорифу тандурустии кишвар низ аз ангишти КФ «Шахтаи Фон – Яғноб» истифода мебаранд.

Тибқи маълумоти расмӣ, захираи ангишт ба санаи 1 – уми январи соли 2021-ум наздик 40 ҳазор тонна мебошад. Вале коршиносон мегӯянд, ки дар самти дарёфти роҳи таъмини аҳолӣ ба ангишт бо нархҳои дастрас Ҷамъияти "Тоҷикматлубот"- и шаҳру навоҳии вилоят метавонад ташаббус нишон дода, аз имконоти мавҷуда истифода бурда, ҳамлу нақли онро дар маҳалҳову минтақаҳои вилоят мағозаву нуқтаҳои фурӯши сӯзишвориро бо арзиши нисбатан арзонтар пешниҳод намоянд. Зимни суҳбат бо сокинон бароямон аён шуд, ки ғолибан онҳо аз муҳтавои Муроҷиатномаи ширкати «Барқи Тоҷик» огаҳӣ доранд ва омилҳои мушкилоти кунун бамиёномадаро дуруст дарк мекунанд. Аз ин рӯ, тасмим гирифтаанд барқро асосан барои рӯшноӣ истифода бурда, дар омода намудани таом ва гармкунии иқоматгоҳашон аз ангишту ҳезум ва газ кор бигиранд.

Сокинон боварӣ доранд, ки мушкилоти имрӯза муваққатӣ буда, сарфакорона ва мақсаднок истифода бурдани ҳар киловатт-соати барқ ҳам ба манфиати онҳо ва ҳам ҷамъият аст. Танҳо истифодаи оқилонаи неруи барқ, сари вақт пардохт намудани маблағи истифодаи қувваи барқ, истифодаи таҷҳизоти каммасрафи барқӣ ва масъулияти шаҳрвандӣ метавонад, дар таъмини кори муназзами энергетикии мамлакат мусоидат намояд.

Маъмурахон САМАДОВА,

«Ҳақиқати Суғд»

Читать далее

ҲАДАФ: ДАСТГИРИИ НИЁЗМАНДОН

Дар бинои бахши Ҷамъияти Ҳилоли Аҳмари Тоҷикистон дар вилояти Суғд маҷлиси ҷамъбастии солона бо иштироки аъзои бахш доир гардид. Инчунин, намояндагони ҳамаи бахшҳои шаҳру навоҳии вилоят низ тариқи онлайн дар ин ҷаласа ширкат доштанд. Ҷаласаро узви раёсати бахш Саидумрон Саидов ифтитоҳ намуда, бо рӯзномаи маҷлис иштирокдоронро шинос намуд.

Сипас Қ. Мирзоева - Раиси бахши ҶҲАТ дар вилоят суханронӣ намуда, доир ба фаъолияти бахш дар давоми соли сипаригардида маълумот дод. Аз ҷумла, қайд намуд, ки дар давоми пандемияи коронавирус фаъолияти бахш ҷонноктар гардида, ҷиҳати огоҳонидани мардум аз пешгирии ин беморӣ кормандон саҳми бориз гузоштанд.

Дар идомаи ҷаласа котиби иҷроияи бахш Парвиз Ҷабборзода маълумоти муфассал дод. Аз ҷумла, қайд гардид, ки Ҷамъияти Ҳилоли Аҳмари Тоҷикистон дар вилоят ҷиҳати пешгирӣ аз паҳншавии бемории сироятии коронавирус COVID - 19 аз рӯзҳои нахустин чораву тадбирҳои саривақтӣ ва зарурӣ андешид. Дар ин рӯзҳо аз ҷониби волонтёрон бо нақлиёти хизматии БДА ба ҳар як маҳаллаву ҷамоат, кӯчаву хиёбонҳо, бозору ҷойҳои серодами шаҳру ноҳияҳои вилоят рафта, бо ҳадафи пешгирӣ аз сирояти бемории коронавирус корҳои ташвиқотиву тарғиботиро ба роҳ монданд. Ҳамчунин, тавассути баландгӯяки нақлиёти БДА ба шаҳрвандон муроҷиатномаи ҶҲАТ оид ба риояи ҳатмии қоидаҳои гигиенаи шахсӣ, бе зарурат набаромадан аз хона, риояи масофа ҳангоми суҳбат бо дигарон, ба кӯча ҳатман бо ниқоби тиббӣ баромадан, дар ҳолати пайдо шудани нишонаҳо ва ё аломатҳои беморӣ зуд ба табибони оилавӣ ва ё ҳамшираҳои тибби оилавии маркази саломатии ҷои зист муроҷиат намудан маълумоти муҳиму саривақтӣ расонида шуд.

Дар ҷаласа иттилоъ дода шуд, ки Ҷамъияти мазкур бо ҳамкори доимии худ – Салиби Сурхи Олмон бо ҳадафи дастгирии оилаҳои ниёзманд, ашхоси яккаву танҳо, маъюбону бепарасторон ва беморон дар чунин рӯзҳои ҳассос, яъне паҳншавии бемории сироятии коронавирус – COVID-19 дар намуди маводи хӯрока ва гигиенӣ кӯмаки башардӯстона расонида шуд.

Ҷиҳати тақсимоти маводи зикршуда ба таври ошкоро, шаффоф ва мақсаднок бо фармоиши махсус аз ҳисоби кормандони Бахши ҶҲАТ дар вилоят комиссияи босалоҳият таъсис дода шуда, дар рӯзҳои тақсимот аъзои комиссия бевосита иштирок ва рафти тақсимотро назорат намуданд. Ҳамзамон, бо дастгирии молиявии Ташкилоти байналмилалии ЮНИСЕФ ва Дастгоҳи иҷроияи Кумитаи марказии ҶҲАТ дар мувофиқа бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон маводи тиббии аввалиндараҷа дар намуди ниқобҳо, респираторҳо ва либосҳои муҳофизатии тиббӣ ба муассисаҳои тиббии ҳамаи шаҳру ноҳияҳои вилоят тақсим карда шуд.

Кӯмаки башардӯстона ба Беморхонаҳои марказии шаҳру ноҳияҳо ба монанди маҳлули безараргардонӣ, дастпӯшаки тиббӣ, собунҳои моеъ ва ҷомашӯӣ, хокаи либосшӯӣ, коғази ташноб ва хлорамини 65 фоиза дастрас гардиданд.

Дар охири ҷаласаи ҳисоботӣ ба кормандон ва ҳайати аъзои башхи мазкур дар ҳамаи шаҳру ноҳияҳо вазифагузорӣ шуда, ҳозиринро барои дар сатҳи баланд хизмат намудан ба ашхоси ниёзманд ва маъюбон даъват намуданд.

Истамҷони НАҶМИДДИН,

“Ҳақиқати Суғд”

Читать далее