17 February 2021

Ниҳолшинонӣ дар Майдони «Истиқлол» ва шиносоӣ бо рафти корҳои сохтмонӣ

16 феврал Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо рафти корҳои сохтмонӣ дар Майдони «Истиқлол» шинос шуданд.

Бо иштироки Сарвари давлат ва Раиси шаҳри Душанбе дар маъракаи ниҳолшинонӣ дар як гӯшаи боғ даҳҳо адад ниҳоли дарахти секвойяи калифорниягӣ шинонида шуд.

Читать далее

403 ИНШООТ МАВРИДИ БАҲРАБАРДОРӢ ҚАРОР ГИРИФТ

Дар толори мақомоти иҷроияи ҳокимияти давлатии ноҳияи Айнӣ нишасти матбуотии раиси ноҳия Муродзода Муқим Қаюм баргузор гардид.

Дар нишаст намояндаи Мақомоти иҷроияи ҳокимияти давлатии вилояти Суғд - сардори Раёсати фарҳанги вилоят Бахтиёр Қосимов, мудирони шуъбаю бахшҳои мақомоти иҷроияи ҳокимияти давлатии ноҳия ва роҳбарони ташкилоту муассисаҳои ҳудуди ноҳия ва намояндагони воситаҳои ахбори омма иштирок доштанд. Зимни нишасти матбуотӣ раиси ноҳия дар бораи фаъолияти мақомоти иҷроияи ҳокимияти давлатии ноҳия, рушду бурду бохт дар самти саноат, соҳаи фарҳангу маориф, молияву андоз ва дигар соҳаҳои мухталифи ҷомеа ҳисоботи мухтасар дод.

Аз ҷумла, Муқим Муродзода қайд намуд, ки барои нигоҳдошти роҳи Айнӣ - Кӯҳистони Мастчоҳ мақомоти иҷроияи ҳокимияти давлатии ноҳия тамоми имконоти мавҷударо истифода мекунад ва барои дар сатҳи зарурӣ қарор додани роҳи мазкур ба Вазорати нақлиёти Ҷумҳурии Тоҷикистон дархосту пешниҳодот ирсол гардидаанд, ки дар ояндаи наздик ҳалли худро хоҳад ёфт.

Гуфта шуд, ки соли 2020 сокинони ноҳияи Айнӣ тавассути сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба дастовардҳои арзанда ноил гардида, баҳри татбиқи сиёсати созанда ва амалӣ намудани ҳадафҳои неки Ҳукумати Ҷумҳурии Тоҷикистон, аз ҷумла татбиқи ҳадафҳои стратегии мамлакат ва баҳри ободии сарзамини аҷдодиамон саъйу талош намуда, ба дастовардҳои шоиста ва назаррас ноил гардиданд. Бо мақсади амалӣ намудани нақшаи чорабиниҳо оид ба корҳои ободонию бунёдкорӣ ба муносибати 30 - солагии Истиқлолияти давлатӣ дар ноҳияи Айнӣ дар маҷмуъ бунёди 499 иншооти таъиноти гуногун ба нақша гирифта шудааст.

- То имрӯз 403 иншоот мавриди баҳрабардорӣ қарор гирифтааст, ки 80,7 фоизи нақшаи чорабиниҳоро ташкил медиҳад. Сипас, раиси ноҳия ба саволҳои кормандони воситаҳои ахбори омма оид ба фаъолияти мақомоти иҷроияи ҳокимияти давлатии ноҳия, раванди корҳои созандагиву бунёдкорӣ ва нақшаҳо барои солҳои минбаъда посух дод.

Нодир ТУРСУНЗОДА,
«Ҳақиқати Суғд»

Читать далее

ДУ НАМУДИ АНДОЗ ТАЪМИН НАГАРДИД

 

 

 

Дирӯз дар маҷлисгоҳи Раёсати андоз дар вилояти Суғд бо иштироки васеи намояндагони васоити Суғд бо иштироки васеи намояндагони васоити ахбори омма нишасти матбуотӣ баргузор гардид.

Сараввал сардори Раёсат Абдуқаюм Воҳидов оид ба натиҷаи фаъолияти мақомоти андоз дар вилоят тайи соли 2020-ум маълумоти муфассал дод. Аз ҷумла гуфта шуд, ки нақшаи қисми даромади буҷети давлат дар вилоят барои соли 2020 ба андозаи 100,7 фоиз таъмин гардида, ба ҷойи 2 миллиарду 908 миллион сомонии пешбинишуда ба буҷети давлатӣ бо назардошти андози иҷтимоии ғайрибуҷетӣ 2 миллиарду 928,3 миллион сомонӣ ворид шуд, ин нисбат ба нишондиҳандаи нақшавӣ ва соли 2019 –ум 14,4 миллион сомонӣ зиёд мебошад. Ба истиснои шаҳру ноҳияҳои Хуҷанд ва Ҷаббор Расулов дар ҳамаи дигар минтақаҳои вилоят нақшаи аниқшуда таъмин гардид.

Тибқи маълумот, аз рӯи сифатнокӣ нақшаи пешбинишудаи ду намуди андоз таъмин нагардид, аз ҷумла андоз аз фоида наздик 86 фоиз ва индози иҷтимоии ғайрибуҷетӣ 90,8 фоиз, ки аз ҳисоби ин сарчашмаҳо ба буҷети давлатӣ зиёда аз 135 миллион сомонӣ маблағи андозҳо ворид нагардид. Бақияи қарзи андозҳо дар миқёси вилоят ба ҳолати 1-уми январи соли 2021 маблағи 135,7 миллион сомониро ташкил намуда, нисбат ба аввали соли ҷорӣ ба андозаи 30, 4 миллион сомонӣ зиёд гардидааст.

Дар соли сипарӣ аз ҷониби мақомоти андози вилоят 7086 субъекти хоҷагидор ба ҷавобгарии маъмурӣ кашида шуда, ба онҳо ба сифати ҷазо ба маблағи умумии 21 миллион сомонӣ ҷаримаҳои маъмурӣ татбиқ гардида, шумораи протоколҳои маъмурӣ нисбат ба соли гузашта 1206 адад ва маблағи ҷаримаи татбиқшуда 208 ҳазор сомонӣ кам мебошад. Аз ҳисоби ҷаримаҳои таъингардида ба буҷети давлатӣ 18,7 миллион сомонӣ ворид шуд, ки 88, 2 фоиз мебошад.

- Нисбат ба андозсупорандагоне, ки дар рафти фаъолияти хоҷагидорӣ ва баҳисобгирии молиявӣ ба қонунвайронкунӣ ва пинҳонкунии андозҳо ба маблағи нисбатан калон роҳ додаанд, тибқи талаботи қонунгузории андоз, барои чораҷӯии минбаъда ва қабули қарорҳои дахлдор ба мақомоти ҳифзи ҳуқуқ 32 маводи санҷишӣ ба маблағи 7,7 миллион сомонӣ ирсол гардида, дар рафти санҷишҳои муштарак беш аз 6 миллион сомонии он ба буҷети давлатӣ рӯёнида шуд, - изҳор дошт сардори Раёсат. Д

ар фарҷоми нишаст рӯзноманигорон ба масъулини Раёсати мазкур суолҳо дода, посухҳои мушаххас гирифтанд.

Маъмурахон САМАДОВА,
«Ҳақиқати Суғд»

 

 

 

Читать далее

70 ҲАЗОР СОМОНӢ МУЗДИ МАОШ ПАРДОХТ НАШУДААСТ

- Вируси нави COVID – 19 ба иқтисодиёти кишварҳои ҷаҳон таъсири худро расонд. Дар соли 2020 бо сабаби баста шудани сарҳаду роҳҳо сокинон натавонистанд ба муҳоҷирати меҳнатӣ сафарбар шаванд. Ин аст, ки қариб 50 фисади муҳоҷирон дар ҳудуди ноҳия фаъолият бурданд. Боиси таъкид аст, аксар нафароне, ки то ин дам дар муҳоҷират буданд, бо саҳми замин таъмин шуда, дар хоҷагиҳои деҳқонӣ бо корҳои саҳроӣ машғул шуданд. Аз ин лиҳоз, нишондиҳандаҳои ҳаҷми маҷмуи маҳсулоти ноҳия нисбат ба соли 2019 зиёд гардид, - гуфт зимни нишасти матбуотӣ раиси ноҳияи Мастчоҳ Тоҳир Азиззода.

Дар соли 2020 нақшаи андоз 100,1 фоиз иҷро гардид. Нақшаи андоз бе назардошти андози иҷтимоӣ бошад, нисбат ба нақшаи пешбинишуда беш аз 2 миллион сомонӣ кам иҷро шудааст. Сабаби кам иҷро гардидани онро раиси ноҳия таъсири бемории сироятии Ковид – 19 ва кам истеҳсол шудани маҳсулот дар ҳафт корхонаи саноатӣ маънидод кард. Дар нишасти матбуотӣ доир ба сазовор пешвоз гирифтани ҷашни 30 - солагии Истиқлолияти давлатии Ҷумҳурии Тоҷикистон иттилоъ дода шуд, ки аз 535 иншоот то ба имрӯз 475 иншооти таъиноти гуногун таъмир ва азнавсозӣ гардиданд.

Аз ҷумла, корхонаҳои саноатии чӯҷапарварии «Суғдиён - Свердловск», фабрикаи маҳсулоти ширии «Нури Сафар», муассисаи таҳсилоти миёнаи умумии рақами 42 дар маҳаллаи навбунёди Ганҷобод, биноҳои маъмурии шуъбаи маориф, маркази адлия, Кумиҷроияи ноҳиявии ҲХДТ, майдони Парчами давлатӣ ва дигар иншооти ҷашнӣ мавриди истифода қарор дода шуд.

Боиси зикр аст, ки имрӯз дар ноҳия аз ҷониби идораи давлатии беҳдошти замин ва обёрӣ қарзи музди меҳнати кормандон ба маблағи 70 ҳазор сомонӣ пардохт нашудааст. Доир ба ин масъала масъулин иброз доштанд, ки маблағи мазкур қарзҳои солҳои пешин буда, дар ин бобат чораҳои зарурӣ андешида шуда истодааст ва тамоми он кормандоне, ки музди меҳнатро нагирифтаанд, дар давоми соли 2021 хоҳанд гирифт.

Дар рафти нишасти матбуотӣ аз ҷониби рӯзноманигорони ватаниву хориҷӣ бобати фаъолияти сохторҳои мухталиф, аз ҷумла норасоӣ дар соҳаи кишоварзӣ, эҳтиёҷ ба омӯзгорони фанҳои дақиқ, таваллуди кӯдак дар хонаҳои истиқоматӣ, зиёдшавии ҷиноятсодиркунӣ, аз гардиши кишоварзӣ мондани замини кишт, ҳолати кунунии шаҳраки Ганҷобод, шомилшавии ҷавонон ба ҳизбу ҳаракатҳои экстремистию террористӣ ва амсоли ин саволҳо пешниҳод гардиданд. Масъулин ба рӯзноманигорон посухҳои мушаххас доданд.

Шаҳбону ОЛИМОВА,

«Ҳақиқати Суғд»

Читать далее