19 February 2021

Баҳри таъмини волоияти қонун

Дар нишасти матбуотӣ прокурори вилояти Суғд, мушовири адлияи дараҷаи 1 Хоҷазода Фурқат Файзалӣ оид ба фаъолияти ин мақомоти муҳими давлатӣ дар соли 2020 гузориш дода, изҳор намуд, ки дар сохторҳои гуногуни давлатию ҷамъиятӣ 1558 маротиба санҷиш гузаронида шуда, 25233 қонунвайронкунӣ ошкор гардиданд. Баҳри бартараф сохтани ин қонунвайронкуниҳо ва барқарор намудани ҳуқуқу манфиатҳои поймолгардидаи шаҳрвандон, корхонаҳо ва давлат 4334 амр дода, 2286 пешниҳод бароварда, 2909 эътироз оварда, 891 адад парвандаи ҷиноятӣ оғоз карда шудааст, эътироз оварда, 891 адад парвандаи ҷиноятӣ оғоз карда шудааст, ки аз онҳо 77 адад оид ба ҷиноятҳои коррупсионӣ мебошад.

Дар асоси санадҳои эътиноии мазкур инчунин, 219,9 миллион сомонӣ маблағи зарар, аз ҷумла 115,2 миллион сомонӣ ба фоидаи буҷет, 56,7 миллион сомонӣ ба коргарон ба сифати музди меҳнат, 2,1 миллион сомонӣ маблағи нафақа ба нафақахӯрон ва 45,9 миллион сомонӣ ба манфиати корхонаҳо барқарор карда шудааст. Дар давоми соли 2020 ҳамагӣ 1619 адад парвандаи ҷиноятӣ ба пешбурди муфаттишони мақомоти прокуратура қабул гардида, тафтиши 1016 адади он ба итмом расонида, аз онҳо 959 адад барои моҳиятан баррасӣ намудан ба судҳо фиристода шудааст. Кормандони мақомоти прокуратураи вилоят анҷоми баррасии 2496 адад парвандаи ҷиноятӣ, аз ҷумла, 42 адад оид ба ҷиноятҳои махсусан вазнин ва 498 адад оид ба ҷиноятҳои вазнин дар судҳои марҳалаи якум ба сифати айбдоркунандаи давлатӣ иштирок намуда, барои қабули ҳукмҳои қонунан асосноки судӣ ҳамаҷониба мусоидат намудаанд.

Дар ҳамин давра ба 70 адад ҳукми судҳо то ба қувваи қонунӣ даромадан эътирозҳои кассатсионӣ оварда шуда, то охири сол 59 адади он баррасӣ гардида, 58 адад қонеъ гардонида, бо санадҳои коллегияи судӣ оид ба корҳои ҷиноятии Суди вилоят қонунвайронкуниҳои судҳои марҳалаи якум бартараф карда, ҳукмҳои онҳо ба талаботи қонунҳо мутобиқ гардонида шудаанд. Fайр аз ин, ба 43 адад санадҳои судҳои марҳалаҳои якум ва кассатсионӣ ба президиуми Суди вилоят аз тарафи прокурори вилоят 43 эътирози назоратӣ оварда шуда, то охири сол ҳамаи онҳо баррасӣ гардида, 30 ададашон қонеъ гардонида, қонунвайронкуниҳои судҳои поёнӣ бартараф карда шудааст. Аз ҷумла, дар асоси эътирозҳои кассатсионӣ 7 ҳукм ва бо эътирозҳои назоратӣ 12 ҳукму таъиноти судҳои зинаҳои якуму дуюм бекор карда, 19 адад парвандаҳои ҷиноятӣ ба баррасии нави судӣ фиристода шудаанд. Дар соли ҳисоботӣ кормандони мақомоти прокуратураи вилоят инчунин, ҳангоми баррасии 630 адад парвандҳои граҷданӣ, аз ҷумла 24 адад оид ба барқарор намудан ба ҷойи кор, 82 адад марбут ба кӯчонидан аз манзили истиқоматӣ ва 3 адад вобаста ба ҷуброни зарари ба ҳаёту саломатӣ расонидашуда дар судҳои шаҳру ноҳияҳо ширкат варзида, баҳри тасвиби санадҳои қонунӣ хулосаҳои асоснок додаанд. Аз тарафи мақомоти прокуратураи вилояти Суғд ҳамагӣ 3244 адад муроҷиатҳои шахсони воқеӣ ва ҳуқуқӣ мавриди баррасӣ қарор гирифта, 722 адад ё 22,3 фоизи онҳо қонеъ гардонида, вобаста ба онҳо 302 санадҳои эътиноӣ (эътироз, амр, пешниҳод) бароварда, 287 (299) адад қарори мақомоти таҳқиқу тафтиш бекор карда, 117 адад парвандаҳои ҳуқуқвайронкунии маъмурӣ ва 58 парвандаи ҷиноятӣ оғоз карда шуда, дар як вақт ҳуқуқу манфиатҳои 554 нафар шахсони воқеӣ ва 96 адад шахсони ҳуқуқӣ барқарор карда шудааст. Дар охир рӯзноманигорон оид ба вазъи сарҳади Тоҷикистону Қиғизистон, вазъи ҷинояткорӣ дар тӯли як соли ҳисоботӣ, афзудани таълими ғайриқонунии динӣ ва дигар муаммоҳои дохили кишвар суолҳо дода, ҷавобҳои мушаххас гирифтанд.

Гулҷаҳон МАҲКАМОВА,

“Ҳақиқати Суғд

Читать далее

COVID – 19 ВА ТАЪСИРИ ОН БА ҚУРБИ АСЪОРИ МИЛЛӢ

- Соли сипарӣ барои иқтисодиёти ҷаҳонӣ соли вазнин буд, зеро бо таъсири бемории коронавирус дар бисёр давлатҳо пастравии маҷмӯи маҳсулоти дохилӣ мушоҳида карда шуд. Ин омилҳо ба кишвари мо - Тоҷикистон, ки қисми таркибии иқтисодиёти ҷаҳонӣ мебошад, албатта, таъсир расонид. Маҷмӯи маҳсулоти Тоҷикистон дар соли сипарӣ 82,5 миллиард сомониро ташкил дод, ки нисбат ба соли 2019 - ум 4,5 фоиз зиёд шудааст, - гуфт зимни нишасти матбуотӣ мудири шуъбаи минтақавии Бонки миллии Тоҷикистон дар шаҳри Хуҷанд Наврӯз Валиев.

Доир ба нишондиҳандаи сатҳи таваррум қайд гардид, ки нишондиҳандаи асосии кишвар сатҳи таваррум мебошад. Сатҳи ҳақиқии таваррум дар соли сипарӣ 9,4 фоиз буд, ки ин нисбат ба нишондиҳандае, ки дар дар як сол муайян карда буданд, 1,4 фоиз зиёд мебошад.

- Новобаста аз омилҳои мавҷуда низоми қарзии вилоят барои дар амал тадбиқ намудани ҳамаи вазифаҳо аз ҷумла, ҷалби сармояи дохилӣ - хориҷӣ, зиёд намудани ҳаҷми қарзӣ ба иқтисодиёт, паст кардани фоизҳои қарзӣ, васеъ истифода бурдани усулҳои кооперативии идоракунии ташкилотҳои қарзӣ, кам кардани ҳаҷми қарзҳои ғайрифаъол, такмили санаду ҳуқуқу меъёрҳое, ки дар ташкилотҳои қарзӣ дар Бонки миллии Тоҷикистон истифода мебаранд ва осон кардани механизми хизматрасонӣ ба мизоҷон як қатор корҳоро ба анҷом расониданд, - гуфт Наврӯз Валиев.

Оид ба нишондиҳандаҳои макроиқтисодии вилоят гуфта шуд, ки маҷмӯи маҳсулоти дохилии вилоят дар соли сипаришуда 21,6 миллиард сомонӣ буда, нисбат ба ҳамин давраи соли гузашта 4,5 фоиз зиёд аст. Сатҳи таваррум дар вилоят 9,3 фоизро ташкил намуд, ки ин 1,4 фоиз зиёд аст. Дар натиҷаи таъсири омилҳо баланд шудани нархҳои маҳсулоти озуқаворӣ, ғайриозуқаворӣ ва хизматрасонӣ ба мушоҳида расид. Ба ҳисоби миёна нархи маҳсулоти озуқаворӣ дар соли сипарӣ 16,1 фоиз зиёд гардид. Маҳсулоти ғайриозуқаворӣ 4,2 фоиз ва нархи хизматрасонӣ 1,2 фоиз зиёд шуд.

- Яке аз вазифаҳои асосии Бонки миллии Тоҷикистон ин нигоҳ доштани қурби пули миллӣ мебошад. Соли гузашта дар бозори асъор фишороварӣ ба қурби пули миллӣ эҳсос карда шуд ва ин ҳолат ба он оварда расонид, ки қурби пули миллӣ нисбат ба доллар 16,6 фоиз ва эвро 28,1 фоиз коҳиш ёфт, нисбат ба пули русӣ қурби пули миллӣ 3,5 фоиз зиёд гардид. Яке аз омилҳои асосие, ки ба қурби пули миллӣ таъсир мерасонад, ин ҳолати тавозуни савдои вилоят ба ҳисоб меравад. Кам шудани содирот ва воридоти мол низ ба мушоҳида расид, - таъкид кард Наврӯз Валиев.

Дар нишасти матбуотӣ рӯзноманигорон дар бораи фаъолияти шуъбаи минтақавии Бонки миллии Тоҷикистон дар шаҳри Хуҷанд саволу ҷавоб доир намуданд.

Шаҳбону ОЛИМОВА,
«Ҳақиқати Суғд

Читать далее

КИШТИ БАРВАҚТӢ - ТАДБИРИ МУҲИМ

Феврал охирин моҳи зимистон буда, гармшавии ҳаво аз омадани баҳор ва оғози кишту кори баҳорӣ дарак медиҳад. Дар аксарияти шаҳру навоҳии вилоят кишти зироату сабзавот аз охирҳои моҳи феврал шурӯъ мегарданд.

Аз ин рӯ, имрӯз кишоварзон ҷиҳати кишти саривақтии баҳорӣ аз тамоми имкониятҳо истифода намуда, ҳар як ваҷаб замини дар ихтиёрдоштаашонро самаранок истифода менамоянд. Имрӯз оқилона истифода бурдани замин ва аз он гирифтани ду - се ҳосили хуб баҳри таъмини амнияти озуқавории мамлакат мусоидат менамояд.

Алҳол марди деҳқон заминро ба кишт омода менамояд. Имрӯз кишоварзони вилоят майдони 210525 гектарро шудгор намуда, кишти ҳама намуди зироатҳоро ба роҳ монданианд. Тавассути техникаҳои кишоварзӣ, то имрӯз беш аз 186 ҳазор гектар замин шудгор гардидааст. Ҳамчунин, баҳри гирифтани ҳосили хуб деҳқонон аз поруҳои маҳаллӣ низ самаранок истифода мебаранд. То ин дам беш аз 195 ҳазор тонна поруро ба майдони беш аз 30 ҳазор гектар замин барои гирифтани ҳосили баланди зироат ворид намудаанд.

Тибқи дурнамо имсол кишоварзони вилоят дар майдони 178451 гектар замин бояд кишти баҳорӣ гузаронанд. Аз ин рақам майдони беш аз 131 ҳазор гектарашро замини обӣ ташкил медиҳанд, ки дар он кишти зироатҳои серҳосилро ба роҳ хоҳанд монд.

Бино ба иттилои масъулини Сарраёсати кишоварзии вилоят алҳол кишоварзон кишти ғалладонагиҳо ва лӯбиёгиҳоро дар майдони беш аз 8 ҳазор гектар, сабзавот 1702 гектар, зироатҳои равғандеҳ 315 гектар ва зироати хӯроки чорво 413 гектар кишт намуданд. Имсол дурнамои кишти картошкаи баҳорӣ 1786 гектарро дарбар гирифта, алҳол деҳқонон дар майдони 650 гектар замин тухмиҳои хушсифати картошкаро кишт намуданд. Вазъи обу ҳавои имрӯза барои деҳқонони шаҳру ноҳияҳои Истаравшан, Панҷакент, Бобоҷон Ғафуров, Спитамен, Ҷаббор Расулов, Зафаробод имконият медиҳад, ки кишоварзон дар заминҳои ҳосилхези худ кишти зироатҳои барвақтии баҳориро ба роҳ монанд. Ҷамъияти кушоди саҳҳомии ба номи Абдураҳим Ҷумъаеви ноҳияи Бобоҷон Ғафуров низ нақша доранд, дар майдони 150 гектар кишти картошкаи барвақтиро ба роҳ монанд. Бо ҷаҳду талоши саҳмдорони хоҷагии номбурда алҳол дар майдони беш аз 20 гектар кишт гузаронида шуда, барои таъмини нақшаи тасдиқгардида, кӯшиш доранд.

Кишоварзони ноҳияи Ҷаббор Расулов бошанд, имконияти мавҷударо самаранок истифода бурда, кишти зироатҳои кишоварзиро ба роҳ мондаанд. Бино ба иттилои раёсати кишоварзии ноҳия имсол тибқи дурнамо дар майдони 131065 гектар кишти баҳорӣ гузаронида мешавад. То имрӯз кишоварзон дар заминҳои худ кишти ҳамагуна зироатҳоро ба роҳ мондаанд, ки он 595 гектарро ташкил медиҳад. Аз ҷумла, кишти картошкаи баҳорӣ мувофиқи дурнамо дар ҳама шаклҳои хоҷагидорӣ бояд дар майдони 1090 гектар гузаронида шавад. Деҳқонони ноҳия то имрӯз дар 105 гектар замин кишт гузарониданд, ки 34,9 фоизи нақшаро ташкил медиҳад.

Ҳамчунин, кишоварзон майдони 530 гектарро барои кишти пиёз омода намудаанд, ки алҳол дар 308 гектари он зироат кишт шудааст. Алҳол кишоварзони вилоят кӯшиш доранд, кишти барвақтии ҳама намуди зироатҳоро хуб ба роҳ монда, дар таъмини амнияти озуқавории кишвар бо рӯёнидани ҳосили фаровонсаҳми худро гузоранд.

Истамҷони НАҶМИДДИН,

«Ҳақиқати Суғд»

Читать далее

ФАЪОЛИЯТИ БОСАМАР БАР НАФЪИ ВАТАН

Бо вуҷуди он ки Тоҷикистон кишвари сероб мебошад, дар шароити имрӯза ва бо дарназардошти манфиатҳои наслҳои оянда мо бояд роҳҳои истифодаи самараноку сарфакорона ва муносибати эҳтиёткорона ба захираҳои обро васеъ ҷорӣ намоем, таъкид дошта буданд Асосгузори сулҳу ваҳдати миллӣ-Пешвои муаззами миллат мӯҳтарам Эмомалӣ Раҳмон дар Паёми соли гузашта ба Маҷлиси Олии мамлакат ироанамудаи хеш.

Оре, об неъматест, ки бе он ҳастӣ, ҳаёт нест. Он ҷое об ҳаст, ободонӣ, сарсабзӣ, созандагӣ ва зиндагӣ дар нумӯъ мебошад. Ҳангоме як нафар фарди ҳимматбаланде баҳри мардуми зиёд оби тозаи ошомиданӣ меорад, ин амали накӯи ҷавонмардист. Ҳикмати мардуми заковатманду соҳибтамаддуни тоҷик мегӯяд: молу дороии шахси сарватманд ба оби кӯле шабеҳ аст, ки дар ҷое қарор гирифтааст. Аммо дасти сахои саховатманд бошад, абри гавҳаррезро мемонад, ки куҷое борад, он мавзеъро сарсабзу обод менамояд.

Ҳамин гуна амали ҷавонмардонаро дар як гӯшаи шаҳри Хуҷанд сокини маҳаллаи Раззоқ Маъруфҷон Каримов анҷом дода, сазовори дуои пирони барнодил ва ҳазорон шаҳрвандон гардид. Аз зери замин оби хушсифати ошомиданӣ бароварду аз он чаҳор-панҷ сол инҷониб мардум истифода мебаранд ва аз гӯшаву канори шаҳр, ҳатто тамоми шаҳру навоҳии вилоят сокинон омада, барои нӯшидан дар зарфҳо об гирифта мераванд. Аслан бо иқдоми накӯкоронаи ин ҷавонмард бештар аз даҳ сол инҷониб Ширкати истеҳсолии Ҷамъияти дорои масъулияти маҳдуди «Сирдарё» таъсис дода шудаву бо истеҳсоли нӯшобаҳои дорои тамғаи махсус ва сифатан баланд маъруфият дорад. Вале ин самти фаъолияти онҳо мавзӯи дигар аст.

Ҳоло ҳадафи мо баён намудани як амали хайри ин ҷавонмард аст, ки аз чуқурии беш аз сад метр оби тозаи ошомиданӣ бароварда, онро дар сари роҳи сокинон равон карда мондааст. Тавре Маъруфҷон иброз дошт, бо мақсади некӯкорӣ ва амали савоб барои мардум чоҳ канданӣ шуданд. Вале бист, сӣ, шаст, навад метр замин кофта шуду об набаромад. Кормандон бо истодагарӣ чоҳро мекофтанд. Оқибат, аз чуқурии 138 метр об баромад. Вале об лой ва рангаш хира буд.

-Маслиҳати пирони рӯзгордидаву солори маҳалларо пурсидам, - мегӯяд Маъруфҷон.

- Онон маслиҳат доданд, ки оби чоҳро ду-се рӯз ба ҷӯй равон карда монем.

- Ва ҳақиқатан, баъди ду-се рӯз об мусаффову шаффоф ва тоза гашт. Аз он аввалҳо мардуми гирду атрофи мавзеи корхона нӯшида, ба хонаҳояшон мекашондагӣ шуданд. Бо мурури замон мардум ба ошомиданӣ будани об эътимод карда, торафт шумораи истифодабарандагон зиёд шуд. Чоҳ дар саҳни коргоҳ кофта шуда буд. Барои он, ки сокинон аз оби тоза бемалол тамоми шабонарӯз истифода намоянд, дар назди даромадгоҳи корхона ду ҷумаки об насб кардем.

- Ин оби соф ошомиданӣ аст,- мегӯяд Маъруфҷон Каримов. - Инро ҳатто таҳлили ҳамаҷонибаи ташхисгоҳҳои шаҳри Москваи Федератсияи Россия собит намудаанд.

- Ҳоло мавсими сармо асту мардум андак кам ба гирифтани об меоянд. Дар фасли баҳору тобистон тамоми шабонарӯз ин ҷо серодам мешавад,- мегӯяд Маъруфҷон.

- Медонем, ки сифати об баланд, бомазза аст ва дар ҳазми зудтари таом мусоидат мекунад. Аммо хосияти шифоӣ доштани онро гуфта наметавонам. Ҳаминаш аниқ аст, ки аз роҳҳои дуру наздик сокинони зиёд ин обро ҷуста меоянд. Рост мегуфт ин ҷавонмарди кушоддасту савобҷӯ. Ҳамин ду-се рӯз қабл марде аз роҳи дурҶамоати деҳоти Чойрухдаррони шаҳри Гулистон ӯро ҷуста омад. Ва гуфт барои изҳори сипосу миннатдорӣ омадааст. Изҳор дошт, ки ҳамсараш чандин сол инҷониб аз бемории обхура- диабети қанд азият мекашид. Истеъмоли муттасили ин оби шифобахш буд, ки натиҷаи ташхиси навбатии таҳлилҳоро дида, табибон гуфтанд, ки дар ҷисми ҳамсараш аз беморӣ нишоне намондааст.

Дар Паёми имсолаи хеш Президенти кишвар дар бобати амалҳои ҷавонмардонаи чунин соҳибкорон, ба мисли Маъруфҷон Каримов сухан ронда, зикр доштанд, ки бо истифода аз фурсат ба соҳибкорону шахсони саховатманд барои фаъолияти софдилона ба хотири ободиву пешрафти Ватани маҳбубамон миннатдории самимӣ баён менамоям… Оре, ин амалу рафтори нек-таъмин намудани садҳо хонадон бо оби тозаи ошомиданӣ аз як тараф ба беҳ гаштани вазъи саломатии сокинон таъсири ҷиддӣ расонад, аз ҷониби дигар, дар маҷмуъ ба солимии миллат мусоидат хоҳад кард.

Дар ин шароити зудтағйирёбанда ва вазъи шиддатноки ҷаҳони муосир мо бояд қабл аз ҳама ба имкониятҳои дохилии кишвар такя карда, барои рушди устувори иқтисодӣ, ҳифзи амнияти озуқаворӣ ва ҳимояи саломатии шаҳрвандон боз ҳам бештар талош намоем, иброз доштанд Асосгузори сулҳу ваҳдати миллӣ - Пешвои муаззами миллат муҳтарам Эмомалӣ Раҳмон дар Паёми имсолаи хеш. - Ин гуфтаҳои Асосгузори сулҳу ваҳдати миллӣ-Пешвои миллат, Президенти мамлакат муҳтарам Эмомалӣ Раҳмонро сармашқи фаъолияти худ намуда, дар оянда мо ният дорем, бар нафъи Ватани хеш боз бисёр корҳоро ба анҷом расонем - мегӯяд соҳибкор.

Рафоат МӮЪМИНОВА,

 «Ҳақиқати Суғд»

Читать далее

Президенти Ҷумҳурии Тоҷикистон Эмомалӣ Раҳмон бо Вазири корҳои хориҷии Ҷумҳурии Ӯзбекистон Абдулазиз Комилов мулоқот намуданд

18 феврал Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Вазири корҳои хориҷии Ҷумҳурии Ӯзбекистон Абдулазиз Комиловро, ки бо сафари корӣ дар шаҳри Душанбе қарор дорад, ба ҳузур пазируфтанд.

Дар ҷараёни сӯҳбат ҷонибҳо ҳолат ва дурнамои маҷмуи муносибатҳои Тоҷикистону Ӯзбекистон ва роҳҳои тавсеаи минбаъдаи онҳоро баррасӣ карданд.

Читать далее

Президенти Ҷумҳурии Тоҷикистон Эмомалӣ Раҳмон бо Дабири кулли Созмони Аҳдномаи амнияти дастаҷамъӣ Станислав Зас мулоқот намуданд

18 феврал Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дабири кулли Созмони Аҳдномаи амнияти дастаҷамъӣ Станислав Засро, ки бо сафари корӣ дар шаҳри Душанбе қарор дорад, ба ҳузур пазируфтанд.

Зимни суҳбат Президенти мамлакат ба самтҳои афзалиятноки раёсати Ҷумҳурии Тоҷикистон дар СААД таваҷҷӯҳ зоҳир намуда, Нақшаи мувофиқашудаи амалиётро барои давраи оянда тасдиқ карданд.

Читать далее

Президенти Ҷумҳурии Тоҷикистон Эмомалӣ Раҳмон аз 6 сафири нави фавқулодда ва мухтори кишварҳои хориҷ эътимоднома қабул карданд

18 феврал дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз 6 сафири нави фавқулодда ва мухтори кишварҳои хориҷ эътимоднома қабул карданд.

Зимни маросими эътимодномасупорӣ ба Президенти Ҷумҳурии Тоҷикистон муҳтарам Эмомалӣ Раҳмон сафирони фавқулодда ва мухтори Ҷумҳурии Исломии Афғонистон Муҳаммадзоҳир Ағбар, Ҷумҳурии Фаронса Мишел Тарран, Давлати Фаластин Луай  Исса, Ҷумҳурии Италия Агостино Пинна, Маҷористон Михай Матяш Галошфай ва Ҷумҳурии Хорватия Рефик Шабанович, эътимодномаҳоро бо паёму дуруд аз роҳбарияти кишварҳои хеш тақдим карданд.

Читать далее

Раиси Кумитаи давлатии амнияти миллии Ҷумҳурии Тоҷикистон бо Дабири кулли СААД мулоқот намуд

ДУШАНБЕ, 18.02.2021 /АМИТ «Ховар»/. 18-уми феврали соли ҷорӣ Раиси Кумитаи давлатии амнияти миллии Ҷумҳурии Тоҷикистон Саймумин Ятимов бо Дабири кулли Созмони Аҳдномаи амнияти дастаҷамъӣ (СААД) Станислав Зас, ки бо сафари корӣ дар Тоҷикистон қарор дорад, вохӯрӣ анҷом дод, хабар медиҳад АМИТ «Ховар».

Читать далее

Председатель ГКНБ Таджикистана встретился с Генеральным секретарём ОДКБ

ДУШАНБЕ, 18.02.2021 /НИАТ «Ховар»/. 18 февраля Председатель Государственного Комитета национальной безопасности Республики Таджикистан Саймумин Ятимов встретился с Генеральным секретарём Организации Договора о коллективной безопасности Станиславом Засом, находящимся в Таджикистане с рабочим визитом, сообщает НИАТ «Ховар».

Читать далее

Ташиев: В поимке Дженго помогли спецслужбы Таджикистана

Председатель Государственного комитета национальной безопасности Камчыбек Ташиев во время встречи с жителями Баткенской области 18 февраля заявил, что в поимке криминального авторитета Кадыра Досонова по прозвищу Дженго помогли спецслужбы Таджикистана.

Читать далее