26 February 2021

Шиносоии Раиси вилоят Раҷаббой Аҳмадзода бо фаъолияти гармхонаҳо

Раиси вилояти Суғд Раҷаббой Аҳмадзода бо фаъолияти гармхонаҳои “Боғи миллии Ваҳдат” шинос гардид.

Боиси зикр аст, ки масоҳати Муассисаи давлатии “Боғи миллии Ваҳдат” 700 гектарро ташкил медиҳад ва дар он навъҳои гуногуни ниҳолҳои мевадиҳанда парвариш меёбад. Илова бар ин, дар муассиса бо дастуру ҳидоятҳои Пешвои миллат муҳтарам Эмомалӣ Раҳмон гармхонаву ҳавзҳои моҳипарварӣ низ ташкил гардидааст.

Читать далее

Баҳри пешгирии таъсири сардӣ ба боғот бо тавсияи мутахассисон тадбирҳои зарурӣ амалӣ карда мешаванд

Гармиҳои аввалҳои моҳи феврал боиси бедор шудани табиат ва муғчабандии дарахтон дар минтақаҳои нисбатан гармтари вилоят, аз ҷумла Ашт, Конибодом, Бобоҷон Ғафуров ва Ҷаббор Расулову Спитамен гардид. Аммо дар чанд рӯзи охир ҳарорати ҳаво дубора паст шуд ва эҳтимоли зиён дидани дарахтони мевадиҳанда ба вуҷуд омад.

Дар ин замина бо дастури Раиси вилояти Суғд Раҷаббой Аҳмадзода барои пешгирии таъсири ҳавои сард ба дарахтони мевадиҳанда гуруҳи корӣ таъсис ёфта, дар боғоти навоҳӣ корҳои биокимёвӣ ва дудмонӣ анҷом дода шуда истодааст.

Читать далее

Фармони Президенти Ҷумҳурии Тоҷикистон дар бораи зиёд намудани андозаи стипендияи донишҷӯёни муассисаҳои таҳсилоти олии касбӣ ва миёнаи касбии Ҷумҳурии Тоҷикистон, инчунин магистр, аспирант ва докторантҳо

ФАРМОНИ
ПРЕЗИДЕНТИ ҶУМҲУРИИ ТОҶИКИСТОН

Дар бораи зиёд намудани андозаи стипендияи донишҷӯёни
муассисаҳои таҳсилоти олии касбӣ ва миёнаи касбии Ҷумҳурии
Тоҷикистон, инчунин магистр, аспирант ва докторантҳо 

Бо мақсади дастгирии давлатӣ ва тақвияти вазъи иҷтимоии донишҷӯён, мутобиқи моддаи 69 Конститутсияи Ҷумҳурии Тоҷикистон фармон медиҳам:

Читать далее

БАҲРИ БАЛАНД БАРДОШТАНИ МАЪРИФАТИ ИҚТИСОДӢ

Чуноне, сармутахассиси бахши дин, танзими анъана ва ҷашну маросим дар ноҳияи Бобоҷон Ғафуров Улуғбек Темиров ба мухбири рӯзнома маълумот дод, бо мақсади татбиқи қонуни мазкур дар ноҳия як комиссияи доимии ноҳиявӣ, 12 комиссияи доимии ҷамоатҳо ва 142 комиссияи ҷамъиятӣ фаъолият менамоянд. Баҳри дар сатҳи зарурӣ ташкил ва гузаронидани тӯю маъракаҳо дар миқёси ноҳия 32 тӯйхонаву тарабхонаҳо ба мардум хидмат мерасонанд. Дар ҷамоатҳои шаҳрак ва деҳоти ноҳия дар соли 2020-ум 3010 маърака ба қайд гирифта шуда, маблағи умумии хароҷот 20605500 сомонӣ мебошад, ки ба ҳар як маърака 6845 сомонӣ рост меояд.

Бахши дин, танзими анъана ва ҷашну маросими мақомоти иҷроияи ҳокимияти давлатии ноҳияи Бобоҷон Ғафуров барои амалигардонии Қонунҳои Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон», «Дар бораи озодии виҷдон ва иттиҳодияҳои динӣ» ва дастуру супоришҳои Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон як зумра корҳоро ба сомон расонид. Аз рӯзе, ки Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» ба тавсиб расид, мақомоти иҷроияи ҳокимияти давлатии ноҳия барои амалӣ гардонидани қонуни мазкур, бо қарори раиси ноҳия бахши танзими анъана ва ҷашну маросим таъсис дода шуда, дар ҳамаи ҷамоатҳо сармутахассисони танзими анъана ва ҷашну маросимҳо таъмин гардиданд.

Ҳамчунин, дар соли сипаригардида аз тарафи бахши дин, танзими анъана ва ҷашну маросими ноҳия 54 маротиба рафти баргузории зиёда аз 135 тӯю маъракаҳо мавриди санҷиш қарор гирифт. Чунин рейдҳо аз ҷониби комиссияҳои доимии ҷамоатҳои шаҳрак ва деҳоти ноҳия низ мунтазам амалӣ шуданд. Дар натиҷа, рафти баргузории тӯю маъракаҳо 8 қонуншиканӣ ошкор шуда, чораҳои маъмурӣ андешида шуд. Дар умум аз соли татбиқи қонуни мазкур то имрӯз 146 адад қонуншиканӣ ошкор шуданд. Бо мақсади ташвиқу тарғиби моҳияти Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» дар соли равон 130 вохӯрӣ ташкил ва гузаронида шуд.

Барои боз ҳам беҳтар ба роҳ мондани фаъолияти кории комиссияҳои доимии ҷамоатҳои шаҳрак ва деҳоти ноҳия якҷоя бо имомхатибони ноҳия семинар-машварати дастурдиҳии ноҳиявӣ дар ҷамоати шаҳраки Ғафуров гузаронида шуд. Бахши дин, танзими анъана ва ҷашну маросими мақомоти иҷроияи ҳокимияти давлатии ноҳияи Бобоҷон Ғафуров дар соли 2020-ум ҷиҳати татбиқи Қонуни Ҷумҳурии Тоҷикистон «Дар бораи озодии виҷдон ва иттиҳодияҳои динӣ» ва дигар қарору супоришҳои мақомоти болоӣ оид ба самти дин корҳои мушаххасро ба сомон расонид.

Дар миқёси ноҳия як масҷиди ҷомеи марказӣ, 16 масҷидҳои ҷомеъ, 98 масҷидҳои панҷвақта, як иттиҳодияи динии ғайриисломӣ, 82 оромгоҳ ва 17 зиёратгоҳ мавҷуд мебошанд. Ҳар моҳ як маротиба бо роҳбари бахши дин, танзими анъана ва ҷашну маросими ноҳия барои баланд бардоштани савияи дониши масъулони соҳа семенар - машварат бо сармутахассисони дин, танзим анъана ва ҷашну маросими ҷамоатҳои шаҳрак ва деҳоти ноҳия, имомхатибон дар мавзӯи татбиқи Қонунҳои Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон», «Дар бораи озодии виҷдон ва иттиҳодияҳои динӣ» ва дастуру супоришҳои Ҳукумати Ҷумҳурии Тоҷикистон ташкил ва баргузор шуда истодааст. Баҳри иҷрои татбиқи “Стратегияи миллии Ҷумҳурии Тоҷикистон оид ба муқовимат бо экстремизм ва терроризм барои солҳои 2016-2020” Қарори Ҳукумати Ҷумҳурии Тоҷикистон «Дар бораи Консепсияи сиёсати давлатии Ҷумҳурии Тоҷикистон дар соҳаи дин», пешгирӣ ва мубориза бар зидди терроризм, экстремизм (ифротгароӣ), баргардонидани донишҷӯёне, ки дар Донишкадаҳои динии хориҷи кишвар ғайрирасмӣ таҳсил мекунанд, тоза ва эмин нигоҳ доштани мазҳаби ҳанафӣ, баланд бардоштани ҳисси ватандӯстӣ дар соли равон як зумра корҳо ба анҷом расонида шуд.

Бо мақсади таъмини ҳифзи ҳуқуқу озодиҳои динии инсон ва шаҳрванд, ҳамчунин фаҳмонидани мазмун ва моҳияти Консепсияи сиёсати давлатии Ҷумҳурии Тоҷикистон дар соҳаи дин аз тарафи бахши дин, танзими анъана ва ҷашну маросим ва ҷамоатҳои шаҳраку деҳоти ноҳия бо иштироки ҷавонон, ходимони дин ва фаъолони ҷамоатҳо мулоқот баргузор гардида истодааст.

Бахши дин, танзими анъана ва ҷашну маросими ноҳия барои боз ҳам беҳтар намудани фаъолият дар татбиқи Қонунҳои Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон», «Дар бораи озодии виҷдон ва иттиҳодияҳои динӣ», «Дар бораи масъулияти падару модар дар таълиму тарбияи фарзанд», иҷрои фармонҳои Ҳукумати Ҷумҳурии Тоҷикистон ва “Стратегияи миллии Ҷумҳурии Тоҷикистон оид ба муқовимат ба экстремизм ва терроризм барои солҳои 2016-2020” чораандешӣ намуда истодааст.

Шаҳноза ҲОМИДОВА,
“Ҳақиқати Суғд”

Читать далее

ИСТЕҲСОЛИ МАҲСУЛОТИ САНОАТӢ АФЗУН ШУД

 

 

 

- Мувофиқи нақша - чорабиниҳо оид ба таҷлили 30 - солагии Истиқлолияти давлатии Ҷумҳурии Тоҷикистон дар шаҳри Конибодом баҳри ободонӣ, азнавсозӣ ва таъмири иншоот, мумфаршкунии роҳҳо ва чароғонкунӣ дар маҷмӯъ 506 иншоот ба нақша гирифта шуда буд. Аз он 406 иншооти таъиноташон гуногун мавриди истифода қарор дода шудааст, ки ин беш аз 80 фоизи нақша мебошад, - изҳор дошт дар нишасти матбуотӣ раиси шаҳри Конибодом Абдусалом Тӯхтасунзода.

Дар соли 2020 –ум аз 127 иншооти ба нақшагирифташуда ба санаи 1 - уми январи соли равон 134 иншооти ҷашнӣ мавриди баҳрабардорӣ қарор дода шуд, ки ин нишондод 105 фоизи дурнамо мебошад. Ҳамчунин, зимни баромади хеш мавсуф қайд намуд, ки алҳол дар шаҳр 419 корхона кору фаъолият намуда, аз инҳо 234 коргоҳ зиёда аз 5 коргар ва намояндагии иттифоқҳои касабаро дошта, аз ҷониби онҳо шартномаи коллективӣ баста шудааст. Ҳамагӣ 609 нафар аҳолии бешуғли қобили меҳнат чун корҷӯ дар шуъбаи Агентии меҳнат ва шуғли аҳолӣ ба қайд гирифта шуда, аз он 439 нафар бекорони расмӣ мебошанд. Корхонаҳои саноатии шаҳр соли сипарӣ ҳаҷми истеҳсоли маҳсулоти саноатиро ба маблағи беш аз 320 миллион сомонӣ таъмин намуданд, ки 103 фоизро ташкил медиҳад.

Тибқи маълумот ҷиҳати бартараф кардани муассисаҳои садамавӣ бо дастгирии Мақомоти иҷроияи ҳокимияти давлатии вилоят ва шаҳр дар ҳамкорӣ бо кумитаҳои падару модарону соҳибкорони маҳаллӣ тадбирҳои мушаххас андешида мешаванд. Аз ҷумла, дар муассисаҳои таҳсилоти миёнаи умумии садамавии № 7 бунёди бинои нави таълимӣ барои 330 нафар дар як баст ва № 52 барои 240 нафар корҳои сохтмонӣ идома дорад. Дар муассисаҳои таълимии № 1, 19, 46 бо мақсади ба итмом расонидани сохтмони биноҳои таълимӣ ва дар муассисаҳои таълимии № 9, 12, 17, 18, 34 ва кӯдакистони № 8 ҷиҳати таъмиру навсозӣ корбариҳо дар назар дошта шудааст. Роҳбарият оид ба татбиқи лоиҳаҳои инвеститсионӣ дар соли гузашта дар шаҳри Конибодом ҳарф зада, иброз дошт, ки 7 лоиҳаи давлатии сармоягузорӣ шуда истодааст.

Ин ҳам бошад, лоиҳаҳои «Барқарорсозии системаи обтаъминкунии шаҳрҳои шимолии Тоҷикистон» «Тиҷоратикунии соҳаи кишоварзӣ», «Барномаи мутобиқшавӣ ва тағйирёбии иқлим ва кам кардани таъсири он ба ҳавзаи Арал», «Таҷдиди роҳи автомобилгарди Хуҷанд - Исфара», «Ҷорӣ намудани ҳисобкунии яклухти таҳвили барқ ва беҳтаргардонии низоми интиқоли барқ» ва ғайраҳо. Сипас, намояндагони васоити ахбори омма ба роҳбарият ва масъулини сохторҳо суолҳо дода, посухҳои мушаххас гирифтанд.

Маъмурахон САМАДОВА,
«Ҳақиқати Суғд»

 

 

 

Читать далее

НИГАРОНӢ АЗ СУКУНАТ ДАР МИНТАҚАҲОИ ХАВФНОК

- Давоми соли 2020 аз ҷониби дастаи махсуси зудамали наҷотдиҳии Раёсати Кумитаи ҳолатҳои фавқулода ва мудофиаи гражданӣ дар вилояти Суғд беш аз 30 нафар шаҳрванд аз худкушӣ наҷот дода шуд. Ин дар ҳолест, ки соли гузашта аз 19 ҳолати ғарқшавӣ 22 нафар ҳалок шуд, ки 6 ҳолаташро худкушӣ ташкил медиҳад, - гуфт зимни нишасти матбуотӣ сардори раёсати мазкур полковник Баҳром Додиён.

Ҳамчунин, номбурда ба саволҳои пешниҳоднамудаи намояндагони Васоити ахбори омма ҷавобҳои мушаххас дод. Аз ҷумла, ба саволи мухбири рӯзномаи «Ҳақиқати Суғд», бобати мавзеъҳои хатарноки аҳолинишине, ки ҳангоми боришоти борон фаромадани сел ва ярч таҳдид мекунанд, чӣ кадар ҳастанд, посух дод.

- Азбаски кишвари мо кӯҳсор аст, минтақаҳои хавфнок зиёд ба қайд гирифта шудааст. Пеш аз ҳама, тибқи хулосаи сохторҳои муайянкунандаи ҳолатҳои мавҷуда, дар ҳудуди вилоят 293 адад минтақаи хавфнок мавҷуд аст, ки дар он сокинон сукунат доранд. Аз ин мавзеъҳо 27 адад хавфи зери обмонӣ, 175 адад хавфи омадани сел, чаҳор адад хавфи фаромадани ярч ва тарма, панҷ адад ҳодисаи обхезӣ ва дигар ҳолатҳои фавқулодда ба қайд гирифта шудааст.

Нисбат ба аҳолие, ки дар минтақаҳои хавфнок сукунат мекунанд, тибқи қарори Ҳукумати Ҷумҳурии Тоҷикистон ҳамасола дар ҳамкорӣ бо Вазорати меҳнат, муҳоҷират ва шуғли аҳолӣ ҳамасола беш аз 50 нафар аҳоли кӯчонитда мешаванд. Давоми солҳои 2017 – 2020 41 оила аз минтақаҳои хавфнок кӯчонида шуданд. Мутобиқи комиссияи дохилӣ ва пешниҳоди худи мақомоти иҷроияи ҳокимияти давлатии шахру ноҳияҳо оилаҳое, ки дар чунин минтақаҳо сукунат доранд, албатта бо розигии худи онҳо кӯчонида мешаванд. Комиссияи дахлдор мавзеи сукунати онҳоро муайян мекунад ва аз ҷониби Ҳукумати Ҷумҳурии Тоҷикистон кӯмаки яквақтаина ва ҳамчунин кӯмакҳои бебозгашт дода мешавад.

 И.НАҶМИДДИН,
«Ҳақиқати Суғд»

Читать далее