13 October 2021

Таджикистан прорубил окно в Европу

Исторически так сложилась, что корифеи мировой науки Авиценна, А.Фараби, З.Рази, О.Хайям, Н.Хисрав под влиянием философии античной Греции, в частности трудов Аристотеля, Евклида, Пифагора, Эпикура и Платона создали школу эллинизма и соответствующие научно выверенные трактаты, которые заложили основу европейского мировоззрения, мирно существовавшего с укладом жизни таджикского населения. Этот подход с течением времени, укрепилось и вылилось в сегодняшнее секулярное общество, поддерживаемое большинством граждан.

Читать далее

ЗЕРИ «СОЯ»-И ХОҶАГОНИ ХОРИҶ

Шукри истиқлол, шукри даврони осоиштаву оромиро мегӯем, ки пас аз гузашти солҳо ба чунин замони тинҷу обод расидем. Шукри онро дорем, ки имрӯз фарзандони насли соҳибистиқлол дар макотибҳои олии дигар мамолик таҳсили илм доранд. Шукри онро мекунем, ки соҳибтахассусони миллати мо бо донишу ақлу хирадашон Тоҷикистонро ба ҷаҳониён муаррифӣ месозанд. Ва дар ҳамаи ин иқдоми шоиста албатта ҷонибдорию роҳнамоии Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон эҳсос мешавад.

Дар миқёси ҷаҳон шинохта гардидани Тоҷикистон буд, ки чорумин пешниҳоди Пешвои муаззами миллат оид ба масъалаи об дар Созмони Милали Муттаҳид оиди солҳои 2018- 2028-ум Барномаи даҳсолаи байналмилалии амал «Об барои рушди устувор” ҷонибдорӣ гардид. Ва дар ин бобат корҳои созандагӣ, барномаҳои мушаххас пешниҳод  гардидааст.

Пешвои муаззами миллат аз зумраи сарварони адолатпешаву раъиятпарвар ҳастанд, ки масъалаи таъмини амнияти мулки хешро яке аз вазифаҳои аввалиндараҷа дониста, дар ободу гул - гулшукуфоии он ҷаҳду талош меварзанд.

 Сад афсӯс, ки чунин пешравиро алҳол ҳаммиллатони мо, ки тавқи гуреза бар гиребон задаанд, дида наметавонанд. Онҳо фардҳое ҳастанд, ки дар дил буғсу адоват доранду ба макони ба воярасидаашон, ба модар, ба халқ дилашон намесӯзад, балки бо суханҳои таҳқиромезу ҳисси бадбинӣ аз дуриҳо дур санги маломат мезананд. Заррае дар вуҷуди худ раҳму шафқат надоранд, сӯиистифода аз дини мубини ислом корҳои ношоистаро анҷом медиҳанд. Дар “соя” – и хоҷагони хориҷии худ бо ҳидояти онон  кору амалашон Тоҷикистони соҳибистиқлолро сиёҳ кардан аст, ки асло ба мақсад нахоҳанд расид, зеро ба гуфтаи халқ “бадхоҳ ҳеҷ ба мақсад нарасад”.  

Солҳои охир яке аз мушкилиҳое, ки тамоми ҷомеаи муосирро фаро гирифтааст, ин экстремизм ва терроризм мебошад. Барои ба ҳадафҳои сиёсии худ расидан аксар ташкилотҳои экстремистӣ ва террористӣ ба эътиқоди динии дигарон таъсир расонида, аҳолии ҷаҳонро бовар кунониданӣ мешаванд, ки сиёсати давлатдорӣ бар зидди ақидаҳои динии онҳост. Эшон дини мубини Исломро барои ба ҳадафҳои нопоки худ ноил шудан истифода мебаранд.

Чунин нафарон албатта нотавонбинон, аъзои ҳизби экстремистии наҳзат ки ҳама пешравии мамлакатеро, ки пас аз нобасомониҳо ҳанӯз умри сисола дорад, чашми дидан надоранду бо лофзаниҳои хеш мисоли сагҳои дайду аккос мезананд, ки он аввалан асос надораду сониян, ба гӯши мардуми сулҳпарвару ватандӯст намефорад, зеро мо, тавре ишорааш рафт, дар мулки ободу биҳиштосо, дар Ватани ободу зебо, дар маконе, ки меваҳои шаҳдбор дорад, умр ба сар мебарем.

Зайнура ЗАРИФОВА,

сокини шаҳри Хуҷанд

Читать далее

СУЛҲУ СУББОТУ АМНИЯТ МУҚАДДАМ АСТ!

Баъд аз тантанаи бошукӯҳи ҷашни 30-солагии Истиқлоли давлатии Тоҷикистон, дар шаҳри Хуҷанд Асосгузори сулҳу ваҳдати миллӣ –Пешвои миллат муҳтарам Эмомалӣ Раҳмон  ҷиҳати анҷом додани сафари корӣ ба Аврупо сафар намуданд ва имрӯзҳо бо сафари расмӣ дар пойтахти Фаронса шаҳри ПариЖ  қарор доранд.

Боиси ифтихор ва сарбаландии мардуми  Тоҷикистон аст, ки Сарвари давлат муҳтарам Эмомалӣ Раҳмон бо Президенти Ҷумҳурии Фаронса Эманнуэл Макрон ва роҳбарони воломақоми ин кишвар мулоқоту вохӯрӣ доир намуда, равобити дуҷонибаи сиёсиву иқтисодӣ ва иҷтимоии ду кишвар тавсеъ меёбад.

Рӯз то рӯз боло шудани обрӯву эътибори Пешвои муаззами тоҷикон дар арсаи ҷаҳонӣ аз заҳмату талошҳо ва сиёсати хирадмандонаи Сарвари давлати мо шаҳодат медиҳад.

 Дар доираи сафари кории хеш дар Аврупо Президенти кишвари мо, Эмомалӣ Раҳмон бо шахсиятҳои барӯманди арсаи сиёсати ҷаҳонӣ силсилаи мулоқоту вохӯриҳо анҷом доданд, ки мулоқот бо Президенти Палатаи намояндагони Парлумони Федеролии Белгия хонум Элиан Тилйё, дидор бо Президенти Шӯрои Иттиҳоди Аврупо Шарл Мишел, суҳбати хоса бо  дабири кулли Созмони ҷаҳонии гумрук Кунио Микурия, суҳбати ихтисосӣ  бо Ноиби Президенти Комиссияи Аврупо, Намояндаи олии Иттиҳоди Аврупо оид ба сиёсати хориҷӣ ва амният Ҷозеп Боррелл аз ҷумлаи суҳбату мулоқоти Пешвои муаззами тоҷикони ҷаҳон мебошад.

 Албатта, баъд аз таҷлили бошукӯҳи ҷашни 30-солагии Истиқлолият дар саросари Тоҷикистони азиз ва пазирои гарму пурмуҳаббати мардум аз Президенти худ, ки воқеан самимона дӯст медоранд, силсилаи мулоқоту музокироти Эмомалӣ Раҳмон дар арсаи ҷаҳонӣ ба пӯстини хоинони Ватан, ки дар хориҷи кишвар сарсону саргардонанд кайк даровард.

Ин бухсу ҳасодат ва ғаразҳои фузуни онҳоро имрӯзҳо дар шабакаҳои иҷтимоӣ мушоҳида намуда, ба ин андеша боварам бештар мегардад, ки «Неши ақраб на аз раҳи кин аст. Муқтазои табиаташ ин аст».

Воқеан, барои дидан ва таҳаммул кардани ин ҳама ободиву осоиш  дар Тоҷикистон ин «ақрабакон»-ро заҳмати зиёд мебояд.

Дар паси Пешвои муаззами хеш зиёд 10 миллион Тоҷикисонӣ қарор доранд ва ба сиёсати пешгирифтаи ҳукумати хеш содиқ ҳастанд. Эътирофи созмонҳои ҷаҳонӣ баёнгари он аст, ки миллати сарбаланди тоҷик бо Пешвои муаззами хеш дар роҳи рост ва ба қуллаҳои баланди муваффақиятҳои баланд раҳсипоранд.

Бояд ба ин хоинони миллат ҳаводиси Афғонистон дарси ибрат бошад, аз парешонии миллатҳои ин кишвар, ки танҳо маргу кушторро ба бор дорад сабқ бигиранд ва тухми низову кинаро миёни мардум напошанд.

Дар тоҷикон мақоле ҳаст, ки мегӯянд: «Саг аккос мезанад, корвон меравад!»

Корвони сулҳу субботу амнияти мо ҷовидонӣ ба пеш хоҳад рафт, мо ба ин итминон дорем!

 Мадина ҲАКИМОЗОДА,
устоди ДДХ ба номи академик Бобоҷон Ғафуров

Читать далее

ИҒВОАНГЕЗИИ НАВИ ИФРОТГАРОЁН

Ба ҳамаи шаҳрвандони мамлакатамон маълум аст, ки имрӯзҳо сафари Пешвои муаззами миллат, Президенти кишварамон ба шоҳигарии Белгия ва давлати Фаронса идома дорад. Аз тариқи шабакаҳои телевизион пазироии гарму самимонаро аз ҷониби Шоҳи мамлакати Белгия, мулоқотҳои Пешвои миллатро бо сарони мамолики Фаронса ва Иттиҳоди Аврупо тамошо карда истодаем. Ҳамчунин имрӯзҳо дар созмони ҷаҳонии ЮНЕСКО рӯзҳои фарҳанги Тоҷикистон доир гардида истодаасту дар Фаронса устодони санъати мамлакати мо бо барномаҳои мӯҳташами консертӣ баромад доранд. Дар давлати Фаронса Ҷаноби Олӣ бо гурӯҳи шаҳрвандони муқими Тоҷикистон мулоқоти самимӣ оростанд.

Ҳамаи ин, яъне пазироии гарму ҷӯшони давлатҳои Аврупо аз сарвари мамлакати тоҷикон аз болоравии обрӯву нуфузи   Тоҷикистони азизи мо дар арсаи ҷаҳон шаҳодат медиҳад.

Вале дар ин рӯзҳо, ки Сарвари мамлакати тоҷиконро дар ин кишварҳо дар сатҳи баланд меҳмондорӣ мекунанд, як гурӯҳ ифротгароён, аниқтараш ватангадоён, ки дар кишварҳои бегона сарсону саргардонанд ва лаҳзаи муносибро мепоянд, ки ба назари хоҷагони хориҷиашон гарм намоянд, аз ин фурсат истифода бурда, ба дасисабозии нав оғоз кардаанд. Ин ашхос, аз ҷумла Илҳом Ёқубов  тариқи шабакаҳои иҷтимоӣ  боз дар ҳаққи ватани худ  тӯҳмату бӯҳтон зада истодаанд. Ин нотавонбинон  гӯё  ҳама он дастовардҳои мардуми Тоҷикистонро  дар солҳои соҳибистиқлолӣ намедонанд,  аз  торафт дар миқёси олам  афзудани эътибори  давлати мо бехабаранд.  Вале имрӯз сокинони Тоҷикистони соҳибдавлату соҳибихтиёр нағз медонанд, ки  ин  афрод  киҳоанд, чигуна  сиришт доранд.  Тариқи шабакаҳои телевизиони мамлакат намоиш дода шудани  чандин филмҳои мустанад аз  рӯзгори аъмоли ин афрод  симои ҳақиқии ононро  ба мардуми сарзаминамон кушода додааст.

Имрӯз шаҳрвандони диёри офтобии Тоҷикистони азиз  роҳи худро ба  сӯи  пешоравиҳо, рушду такомул  интихоб кардаанд. Бо созандагиву бунёдкориҳо баҳри ободиву  осудагии Ватани муқаддасамон камар бастаанд. Медонанд, ки ин ашхос, гурӯҳи хиёнаткорони Ватан , ки худро тоҷик ном мебаранд, нангу ор надоранд. Вагарна, дар давлатҳои дуродур аз меҳан истода, ба  сӯи кишвари худ сангандозӣ намекарданд.

Солеҳа  КАМОЛОВА,

сокини шаҳри Хуҷанд

Читать далее

Оғози сафари расмии Пешвои миллат Эмомалӣ Раҳмон дар Ҷумҳурии Фаронса

12 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо сафари расмӣ ба шаҳри Парижи Ҷумҳурии Фаронса ташриф оварданд.

Дар фурудгоҳи Орлии шаҳри Париж Президенти Ҷумҳурии Тоҷикистон муҳтарам Эмомалӣ Раҳмонро намояндагони воломақоми Ҷумҳурии Фаронса самимона истиқбол гирифтанд.

Читать далее

Дар корхонаи “Оби зулол” хатти нави истеҳсолӣ ба истифода дода шуд

Бо мақсади иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва саҳмгузорӣ дар раванди саноатикунонии кишвар дар ҶСП “Оби зулол” хатти нави истеҳсолӣ мавриди истифода қарор гирифт, ки дар натиҷа 25 нафар бо ҷойи корӣ таъмин гардиданд.

Маросими бозкушоии хатти нави истеҳсолӣ бо ширкати Раиси вилояти Суғд Раҷаббой Аҳмадзода доир шуд. Ба иттилои масъулин тавассути хатти нави истеҳсолӣ аз ангур шакар истеҳсол карда шуда, қиёми он ба ҷойи шакари оддӣ барои истеҳсоли омехтаи мева ё худ смузи истифода хоҳад шуд.

Читать далее

Раиси вилоят Раҷаббой Аҳмадзода собиқадорони меҳнатро аёдат кард

Раиси вилояти Суғд Раҷаббой Аҳмадзода зимни сафари корӣ ба шаҳри Истаравшан дар Ҷамоати деҳоти Чорбоғ собиқадорони меҳнат Луъбат Ҷӯраева ва Инобат Улмасоваро аёдат кард.

Зимни суҳбати самимӣ бо собиқадорони меҳнат роҳбари вилоят аз хизматҳои онҳо дар самти тарбияи насли наврас ва кадрҳои ҷавон ёдовар шуда, ба собиқадорон саодату хушбахтиҳои рӯзгорро таманно намуд. Таъкид карда шуд, ки бо сиёсати пешгирифтаи Пешвои миллат муҳтарам Эмомалӣ Раҳмон давлат барои дастгирии собиқадорону калонсолон тадбирҳои заруриро роҳандозӣ сохта, ба пешқадамони соҳаҳои гуногун ва собиқадорони ҷангу меҳнат мунтазам кӯмак мерасонад.

Читать далее

Шиносоӣ бо ҷамъоварии ҳосили картошка дар Ҷамоати деҳоти Чорбоғи шаҳри Истаравшан

Дар доираи сафари корӣ ба шаҳри Истаравшан 12 октябр Раиси вилояти Суғд Раҷаббой Аҳмадзода дар хоҷагии деҳқонии “Абдуҷалилбобо” ҷамъоварии ҳосили картошкаро мавриди таваҷҷуҳ қарор дод.

Тавре маълумот дода шуд, дар ин хоҷагии деҳқонӣ 35 саҳмдор фаъолият дошта, аъзои он дар маҷмуъ 28,34 га замин доранд. Аз он замини киштшаванда 10,18 га, замини обӣ, 6,9 га, боғ 1 га, чарогоҳ 14,52 га, дигар заминҳо 2,64 га буда, кишоварзон соли ҷорӣ дар 5,1 гектар картошка кишт намуда буданд. Ҷамъоварии ҳосили картошка дар хоҷагии деҳқонӣ идома дошта, деҳқонон ният доранд, ки қисме аз ҳосилро захира ва дар фасли зимистон ба фурӯш бароваранд.

Читать далее

Шиносоии Раиси вилоят бо сохтмони маҷмааҳои бузурги хизматрасонӣ дар Истаравшан

12 октябри соли 2021 Раиси вилояти Суғд ҷиҳати шиносоӣ бо ҷараёни корҳои ободониву созандагӣ ва иштирок дар маросими ифтитоҳи иншоот ба шаҳри Истаравшан сафар кард.

Раҷаббой Аҳмадзода нахуст дар маркази шаҳр рафти корҳои ободониву созандагиро мавриди таваҷҷуҳ қарор дод. Чуноне иттилоъ дода шуд, бо дастгирии давлату Ҳукумат ва ташаббуси соҳибкорони шаҳри бостонии Истаравшан бунёди иншооти таъиноташ гуногун ҷараён дошта, бо қомат афрохтани биноҳои баландошёнаи замонавӣ шаҳри куҳан ободу зебо гардида истодааст.

Читать далее

Спитамен: бунёди мактабҳои нав

Соҳаи маориф ҳамчун таъминкунандаи рушди устувори давлат ва шарти асосии пешрафти ҷомеа маҳсуб ёфта, мактаб макони муқаддасе мебошад, ки фарзандони мо дар он соҳиби саводу маърифат ва илму дониш мегарданд. Мероси гаронбаҳои таърихи халқамонро аз азхуд мекунанду сабақи ватандӯстиву оини ватандорӣ мегиранд, байни кишвар ва ҷомеа мақоми арзанда пайдо менамоянд.

Солҳои ба даст овардани Истиқлолияти давлатӣ маорифчиёни ноҳияи Спитамен дар амалӣ шудани сиёсати пешгирифтаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба натиҷаҳои умедбахш ноил гардидани кормандони соҳа, баланд бардоштани сатҳу сифати таълиму тарбияи фарзандони мардум саъю талош варзиданд. Дар ин замина, имрӯз дар ноҳия 33 муассисаи таҳсилоти миёнаи умумӣ, як литсей, ду муассисаи таҳсилоти умумии ғайридавлатӣ ва 11 муассисаи томактабӣ амал менамояд. Инчунин, интернати наздимактабӣ, маркази технологияи информатсионӣ ва коммуникатсия, маркази дарёфт ва рушди истеъдодҳо, маркази таҳсилоти иловагӣ фаъолият дошта, дар баланд бардоштани тарбияи насли наврас саҳми беандоза доранд. Теъдоди умумии хонандагони муассисаҳои таълимӣ дар соли таҳсили 2020-2021 ба 30839 нафар расидааст, ки нисбат ба солҳои аввали соҳибистиқлолӣ 10 500 нафар зиёд аст.

Дар ноҳия шумораи муаллимони соҳибтаҷриба ва пешқадам афзуда, донишу таҷрибаи хешро барои тарбияи ватандӯстонаишогирдон сарфменамоянд. Давоми солҳои мустақилият дар Ҷамоатҳои деҳоти ноҳия муассисаҳои таҳсилоти миёнаи умумӣ, ҳамчунин, Муассисаи таҳсилоти ғайридавлатӣ барои хонандагони болаёқат, Литсейи № 1, МТУҒ «Мактаби Акрам» сохта, ба истифода дода шуданд. Ҳамчунин, дар муассисаҳои таҳсилоти миёнаи умумӣ синфхонаи иловагӣ бунёд ёфтаанд, ки самари Истиқлолият аст.

Боиси хурсандии маорифчиёни ноҳия аст, ки бо иштироки Президенти Ҷумҳурии Тоҷикистон муҳтарам Эмомалӣ Раҳмон соли 2020 муассисаи таҳсилоти миёнаи умумии 12 - уми Ҷамоати деҳоти Турсун Ӯлҷабоев барои 320 хонанда сохта ба истифода дода шуд, ки дорои тамоми шароити замонавист. Кормандони соҳаи маорифи ноҳия аз ғамхориҳои рӯзафзуни давлату Ҳукумат миннатдор буда, тамоми қувва, дониш ва маҳорату малакаи худро сарфи он менамоянд, ки сифати таълиму тарбия беҳтар гардад, зеро маҳз заҳматҳои аҳли маориф, муносибати ҷиддиву эҷодкоронаи онҳо, робитаи хуб бо падару модарони хонандагони муассисаҳои таҳсилоти миёнаи умумӣ имкон доданд, ки толибилмону устодон ба дастовардҳои хуби меҳнатӣ ноил шуда, дар олимпиадаҳои ноҳиявию вилоятӣ,ҷумҳуриявӣвабайналмилалӣ фаъолона ширкат карда, соҳиби мақом ва ҷоизаҳои ифтихорӣ гарданд.

Баҳодур МАМАДАЛИЗОДА,

мудири шуъбаи маорифи ноҳияи Спитамен

Читать далее