15 October 2021

Президенти Ҷумҳурии Тоҷикистон Эмомалӣ Раҳмон дар Ҷаласаи Шӯрои сарони давлатҳои аъзои Иттиҳоди Давлатҳои Мустақил иштирок намуданд

15 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Ҷаласаи Шӯрои сарони давлатҳои аъзои Иттиҳоди Давлатҳои Мустақил иштирок ва суханронӣ намуданд.

Ҷаласаи навбатии Шӯрои сарони давлатҳои аъзои Иттиҳоди Давлатҳои Мустақил ба таври маҷозӣ таҳти раёсати Президенти Ҷумҳурии Беларус Александр Лукашенко баргузор гардид.

Читать далее

ПАЁМИ ШОДБОШИИ Президенти Ҷумҳурии Тоҷикистон, Пешвои миллат Эмомалӣ Раҳмон ба муносибати ҷашни Меҳргон

15 октябри соли 2021

Ҳамватанони азиз!

Ҳамаи шуморо ба муносибати ҷашни бостонии Меҳргон, ки мероси гаронбаҳои маънавии ниёгонамон мебошад, самимона табрик мегӯям.

Ҷашни Меҳргон дар таърихи тамаддуни мардумони ориёитабор аз ҷумлаи ойинҳои бисёр арзишманде мебошад, ки ба туфайли заминаву фазилатҳои муҳимми табиӣ, иҷтимоӣ ва маънавии худ то ба рӯзҳои мо расидааст.

Читать далее

Пешвои миллат Эмомалӣ Раҳмон дар маросими ифтитоҳи Рӯзи фарҳанги Тоҷикистон дар ЮНЕСКО иштирок намуданд

14 октябр дар шаҳри Парижи Ҷумҳурии Фаронса Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маросими ифтитоҳи Рӯзи фарҳанги Тоҷикистон дар ЮНЕСКО иштирок ва суханронӣ карданд.

Дар ин чорабинӣ, ки ба 75 — умин солгарди таъсисёбии ЮНЕСКО рост омад, Мудири кулли ЮНЕСКО хонум Одри Азуле ва шумораи зиёди намояндагони кишварҳои аъзои Созмони Милали Муттаҳид ширкат варзиданд.

Читать далее

Президенти Ҷумҳурии Тоҷикистон Эмомалӣ Раҳмон бо Мудири кулли ЮНЕСКО хонум Одрӣ Азуле мулоқот намуданд

14 октябр Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари расмӣ ба Ҷумҳурии Фаронса бо Мудири кулли ЮНЕСКО хонум Одрӣ Азуле мулоқот карданд.

Дар ҷараёни мулоқот масоили ҳамкории Тоҷикистон бо ин ниҳоди бонуфузи Созмони Милали Муттаҳид дар соҳаҳои фарҳанг, илм ва маориф баррасӣ гардид.

Читать далее

Шиносоӣ бо бунёду муҷаҳҳазсозии кӯдакистони «Дӯстӣ» дар шаҳри Истиқлол

Дар шаҳри Истиқлол бунёду муҷаҳҳазсозии кӯдакистони «Дӯстӣ» ҷараён дорад, ки бо мавриди истифтиода қарор гирифтани он 240 нафар ба таълиму тарбия фаро гирифта мешаванд.

Тавре зимни боздиди Раиси вилояти Суғд Раҷаббой Аҳмадзода иттилоъ дода шуд, кӯдакистони мазкур бо саҳмгузории «Ширкати саноати куҳии Тоҷикистону Хитой» сохта шуда, он дорои шароити муосир хоҳад буд. «Ширкати саноати куҳии Тоҷикистону Хитой» яз калонтарин корхонаҳои муштараки кишвар буда, саҳми он дар ташаккули маҷмуи маҳсулоти саноатӣ назаррас аст. Дар доираи созишномаҳои дуҷониба ширкат уҳдадор гардидааст, ки дар корҳои ободониву созандагӣ ва рушди маҳал саҳм гузошта, иншооти иҷтимоӣ бунёд созад. Бо дастгирии ширкат айни замон мумфаршсозии роҳи Зарнисор–Бӯстон ба масофаи 38 км ва кӯдакистони «Дӯстӣ» ҷараён дошта, интизор меравад, ки иншоот ояндаи наздик ба истифода дода шавад.

Читать далее

Боздиди Раиси вилоят аз корхонаи металлургии шаҳри Истиқлол

Раиси вилояти Суғд Раҷаббой Аҳмадзода аз Корхонаи металлургии «Ширкати саноати куҳии Тоҷикистону Хитой», воқеъ дар шаҳри Истиқлол боздид намуда, бо фаъолияти он шинос гардид.

Бино ба иттилои масъулин корхонаи металлургӣ маҳсулоти хомро аз «Ширкати саноати куҳии Тоҷикистону Хитой» дастрас карда, ба истеҳсоли сурб машғул мебошад. Ин корхонаи калони саноатӣ иқтидори бузурги истеҳсолӣ дошта, тибқи лоиҳа он метавонад дар як сол то 50 ҳазор тонна сурб истеҳсол намояд. Дар як моҳи охир дар корхона 1200 тонна сурб истеҳсол шуда, роҳбарияти он барои тавсеаи фаъолият тадбирандешӣ намуда истодааст.

Читать далее

Меҳнати чинакчиёну ҳашарчиён бояд саривақт қадрдонӣ гардад

Инак, 20-рӯзаи аввали маъракаи ҷамъоварии пахта низ ҷамъбаст гардида, вусъати корҳои саҳроӣ дар шаҳру навоҳии пахтакори вилоят бо маром ҷараён дорад. Дар маросими ҷамъбастии он Раиси вилояти Суғд Раҷаббой Аҳмадзода зимни баромади хеш ҷараёни ҳосилғундориро мавриди баррасиву таҳлил қарор дода, вазифаҳои аввалиндараҷаи маъракаро муайян карданд.

Чуноне огаҳӣ дорем, тибқи қарори муштараки Сарраёсати кишоварзӣ ва кумитаи иттифоқи касабаи коркунони комплекси агросаноатии вилоят байни ноҳияҳои пахтакори вилоят кишоварзони шуҳратманди ноҳияи Бобоҷон Ғафуров ҷойи аввалро сазовор гаштанд. Калонтарин хоҷагиҳои пахтакори ноҳия ҶСК ба номи С.Ӯрунхоҷаев, ба номи А.Ҷумъаев ва кооперативи тиҷоратӣ-истеҳсолии ба номи Ҷ.Расулов маҳсуб мешаванд, ки дар ғалабаи ба даст оварда саҳми басо назаррас доранд. ҶСК ба номи А.Ҷумъаев дар 20-рӯзаи якуми маъракаи пахтачинӣ, дар миқёси ноҳия ҷойи аввалро ишғол кард. Чинакчиёни хоҷагӣ дар давраи ҳисоботӣ ба хирмани ноҳияву вилоят 2 ҳазору 635 тонна «тиллоисафед» рехтанд, ки 58,9 фисади дурнаморо ташкил медиҳад.

-Мо соли равон ба майдони 1668 гектар пунбадона кишта, ният дорем 4500 тонна ҳосил ба даст орем. Новобаста аз кам шудани оби полезӣ, ташкили дурусти кор ба мо имкон дод, ки ҳосили фаровон рӯёнем. Раиси вилоят муҳтарам Раҷаббой Аҳмадзода зимни ташрифашон ба хоҷагии мо дастур доданд, ки нишондиҳандаи дурнаморо ба миқдори 500 тонна зиёд намуда, ҳосилнокии ҳар гектарро ба 30 сентнеррӣ расонем, мо албатта, ин дастури Раиси вилоятро иҷро менамоем, - гуфт зимни суҳбат раиси ҶСК ба номи А.Ҷумъаев Ҳомидҷон Усмонӣ.

Бино ба гуфти роҳбарияти ҷамъияти мазкур, имсол кишоварзони хоҷагӣ ҳосилнокии ҳар гектарро ба ҳисоби миёна ба 20 сентнерӣ расонидаанд. Дар густурдани хирмани пахта ба аҳли хоҷагии ҶСК «А.Ҷумъаев» ҳашарчиёни ҳимматбаланд аз ҳисоби занони хонашин, кормандони муассисаҳои тандурустиву маориф ва дигар корхонаҳо дасти мадад дароз мекунанд. То имрӯз беш аз 70 фисади нақшаи пахтасупорӣ иҷро шуда, ба ҳисоби миёна рӯзе то 150- 200 тонна «тиллои сафед» ҷамъоварӣ мешавад.

-Дар ин ғолибият, ки баъди гузашти беш аз даҳ соли охир бори аввал ба он шарафёб гаштем, заҳмату меҳнати кишоварзону чинакчиён назаррас мебошад ва заҳмати ҳар яки ононро бояд саривақт қадр кард,- таъкид дошт Ҳомидҷон Усмонӣ. Бо мақсади аз наздик огаҳ шудан аз рафти ҷамъоварии пахта чун ба чанде аз бригадаҳои ин хоҷагӣ раҳсипор шудем. Дар бригадаи рақами 20-уми ҷамъияти мазкур барои чинакчиёну ҳашарчиён дастархони идона ороста, барномаи фарҳангии ҳунармандони маҳаллӣ табъи ҳамагонро шод намуданд.

- Дар хоҷагӣ ҷамъоварии ҳосил вусъати тоза гирифтааст. Дар ҷамъоварииин хирман ба аҳли хоҷагӣ ҳашарчиёни ҳимматбаланд аз ҳисоби занони хонашин, кормандони муассисаҳои тандурустиву маориф ва дигар корхонаҳо ҳамарӯза ба кӯмаки деҳқон рафта, бо ин шароити иқтисодии хешро боло мебаранд, - мегӯяд сардори ин бригада Мӯъминҷон Неъматов.

Ҳар рӯз беш аз 60-70 нафар чинакчиёни пешқадам, аз ҷумла Хайриҷон Ғаниева, Бадалхон Бобоҷонова, Нурӣ Бобоева, Гулсара Қодирова ва дигарон ба майдони пахтазор баромада, беш аз 100-150 килограмм дурри гаронбаҳо ҷамъоварӣ менамоянд. Бино ба гуфти роҳбарият солҳои пешин аз ноҳияҳои Спитамену Ҷаббор Расулов чинакчиёнро меовардем, ки аз ҳар ҷиҳат бароямон зараровар буд.

Алҳол маблағи чиниши пахтаро, зиёд гардонида, ҳар бегоҳ дар сари тарозу меҳнати чинакчиён саривақт пардохта мешавад, сокинони маҳаллӣ худ ҳавасманданд, ки ба саҳро баромада меҳнати пурсамар намоянд.

-Бояд меҳнати марди деҳқон ва ҳам чинакчиён саривақт қадрдонӣ гардад, агар онҳоро ҳавасманд намуда рӯҳбаланд созем боманфиат хоҳад буд. Чун ҳамагон медонем, иҷрои босифату саривақтии нақша асосан аз меҳнати онҳо вобастагӣ дорад, - баён дошт дар суҳбат роҳбари хоҷагии мазкур Ҳ. Усмонӣ.

Маъмурахон САМАДОВА, 

«Ҳақиқати Суғд»

Читать далее

Чашми дил гардида равшан …

Чун ҳамасола санаи 15-уми октябр бо қарори Созмони Милали Муттаҳид дар ҷаҳон Рӯзи аъмоён, рӯзи Асои сафед гузаронида мешавад. Имрӯз ин табақаҳои ниёзманди ҷомеа бо кӯмакпулӣ таъмин буда, дар арафаи иду ҷашнҳои миллӣ пайваста бо дастгирӣ ва ғамхорӣ аз тарафи давлату Ҳукумат фаро гирифта мешаванд.

Асосгузори сулҳу ваҳдати миллӣ– Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқоту суҳбатҳои худ пайваста аҳли ҷомеаро ба анҷоми амалҳои хайр ва ғамхорӣ ба маъюбон даъват намуда, дар таъмини ҳифзи иҷтимоӣ ва дастгирии онҳо ҳамеша ба иқдомоти хайрхоҳона даъват менамоянд. Дар ҷомеаи мадании Тоҷикистон ҳамаи табақаи кишвар баробар зисту иқомат доранд. Аз ҷумла, маъюбон як ҷузъи ҷудонопазири ҷамъияти мо ба ҳисоб рафта, пайваста таҳти ғамхории давлату Ҳукумат қарор доранд. Мухбири рўзнома бо кору фаъолияти Маркази иҷтимоӣ - тавонбахшии «Иттиҳодияи миллии нобиноёни Тоҷикистон» дар шаҳри Хуҷанд шинос шуд.

Ҳама саргарми кор буданду рӯҳияи болидаву идона доштанду шукргузор аз зиндагии осоишта. Акрам Салимов, раиси филиали Ташкилоти ҷамъиятии нобиноёни Тоҷикистон дар шаҳри Хуҷанд иброз дошт, киаз тарафи мақомоти иҷроияи ҳокимияти давлатии шаҳру вилоят кормандон пайваста бо кўмакҳои яквақтина ва маблағи пулӣ таъмин буда, ҳамеша дар мадди назари Раиси вилоят Раҷаббой Аҳмадзода қарор доранд. Имрўз дар ҷамъияти аъмоён 476 нафар аъзоён аз шаҳру ноҳияҳои Хуҷанд, Истиқлол, Гулистон, Бўстон, Бобоҷон Ғафуров ва Мастчоҳ маъюбони гурўҳи якум ва дуюм аз ҷиҳати нобиноӣ ба қайд гирифта шудаанд, ки ҳар нафар мувофиқи имконият бо кору амал машғуланд. Онҳо, сарфи назар аз ноқисии нобиноӣ, дар ҳаёти ҷамъиятӣ фаъолона ширкат карда, ба манфиати халқу Ватан хизматҳои назаррас доранд. Аз ин шумора 40 нафар дар Маркази иҷтимоӣ - тавонбахшии «Иттиҳодияи миллии нобиноёни Тоҷикистон» дар шаҳри Хуҷанд бо ҷои кор таъминанд.

Дар марказ имрўз бо дӯхти халтаи сеқабатаи 50 - килограммӣ ва халтачаҳои қоғазии ҳаҷмашон гуногун машғуланд.Халтачаҳои қоғазӣ, ки нисбат ба полиэтиленӣ барои саломатӣ безарар аст, дар ошхонаҳо талабгорони худро доранд. Ашёи хом аз давлати Федератсияи Россия харидорӣ гардида, маҳсулот бо сифати баланд ва ба талабот ҷавобгў омода мешавад. Маоши кормандон аз рўи ҳаҷми кор аст. Гуфтан ҷоиз аст, ки ҷамъияти мазкур аз даврони шўравӣ барои дўхти чунин халтаҳо машғул буда, қувваи корӣ зиёд аст, вале ба фурўш рафтани он имрўз каме суст мебошад. Бинобар ин, тибқи реҷа се рўзи корӣ гузошта шудаасту халос. Дар ҷамъият баробари халтаҳо истеҳсоли боз дигар лавозимоти рӯзгор ба роҳ монда шудаасту талабот аз тарафи соҳибкорону сокинон нисбат ба солҳои пешин кам ба назар мерасад. Имрўз дар як моҳ тақрибан 25-30 ҳазор халтачаҳо ва халтаҳои ҳаҷман калони 50 - килограммӣ ду ҳазор адад истеҳсол гардида истодааст. Ҳамчунин, кормандон бо нақлиёти хизматӣ таъмин ҳастанду шукргузорӣ аз даврони тинҷиву оромии кишвар доранд.

- Аз номи кулли аъмоён аз таваҷҷуҳ ва ғамхориҳои рӯзафзун изҳори сипос мекунам ва мегӯям, ки мо, аъзои ҳамтақдир баҳри шукуфоии Ватани азизамон то тавонем, саҳмгузор мешавем,- изҳор дошт Акрам Салимов.

Зимни суҳбат бо ҳар як кормандон аз муаммову масъалаҳои пешомада огоҳ шудем ва маълум гардид, ки онҳо нигаронӣ аз набудани гузаргоҳ барои пиёдагардон аз назди бинои ҷамъият то шоҳроҳи асосӣ дошта, гаштугузор барои нобиноён мушкил аст. Бино ба гуфти онҳо, дар ин минтақа роҳгузари аниқ мавҷуд нест. Шоҳиди он гардидем, ки дар ҳақиқат гаштугузори пиёдагардон, хосатан аъмоён, дар минтақаи мазкур мушкил асту ниёз ба тадбирандешӣ дорад. Шукргузор аз қисмати хеш Қаҳрамони навбатии рўзнома Солиҷон Ҷўраев қайд менамояд, ки соли 1997 буд, ба ҷамъият рафтам. Раиси ҳамонвақтина Абдусаттор Ҷалилов маро бо хушнудӣ қабул намуд. Бо мурури замон дар ҷамъият бо зани оқилае шинос гардидам ва оила барпо намудем.Ҳамсарам низ маъюби модарзодии чашм аст, вале ман шод аз онам, ки соҳиби оила ва як фарзанд ҳастам. Дилам дубора ба ҳаёт гарм шуд.Хусусан, барпо сохтани оила ва пайдо намудани дўстони зиёд ба зиндагиам маҷрои нави умедбахш ато кард,-мегӯяд Солиҷон.

 Агар саҳфаҳои умри ин марди шуҷои Ватанро варақгардон кунем, ў соли 1968 дар шаҳри Хуҷанд таваллуд шуда, соли 1975 мактаби миёнаи №14-ум, воқеъ дар шаҳри Хуҷандро то синфи 5-ум хондааст.

Баъдан дар мактаб –интернати хоҷагии ба номи Саидхоҷа Ўрунхоҷаев таҳсилро давом дода, баъди хатми синфи 8-ум Омӯзишгоҳи касбӣ - техникии рақами56-уми шаҳри Хуҷанд (ҳозира Литсейи касбӣ - техникӣ) - ро хатм намудааст. Соҳиби ҳунари дуредгарӣ гашта, аз соли 1983 дар заводи мебелсозӣ кор кардааст. Баъди маҷрўҳ гардиданаш аз соли 1997 тоин ҷониб дар Маркази иҷтимоӣ - тавонбахшии «Иттиҳодияи миллии нобиноёни Тоҷикистон» фаъолият дорад. Солиҷон мегўяд, ки инсон бояд дар ҳама гуна ҳолат рӯҳафтода нагардад. Кам нестанд шахсоне мисли ӯ, вале ҳаёт идома дорад ва баҳри зиндагии шоиста ба сар бурдан доимо дар талош бояд буд.

Шаҳноза ҲОМИДОВА, 

«Ҳақиқати Суғд»

Читать далее