November 2021

30 November 2021

Пешвои миллат Эмомалӣ Раҳмон ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2022» имзо гузоштанд

30 ноябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2022» имзо гузоштанд.

Дар Буҷети давлатӣ ба соҳаҳои иҷтимоӣ бартарӣ дода шуда, ба ин бахшҳо қариб нисфи маблағи Буҷети давлатӣ равона шудааст.

Читать далее

Муовини якуми Раиси Маҷлиси миллии Маҷлиси Олии Тоҷикистон бо муовини Раиси Шӯрои Федератсияи Маҷлиси Федералии Русия мулоқот намуд

Бо дастури Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ имрӯз дар бинои Маҷлиси миллии Маҷлиси Олии Ҷумҳурии Тоҷикистон мулоқоти муовини якуми Раиси Маҷлиси миллии Маҷлиси Олии Ҷумҳурии Тоҷикистон Раҷаббой Аҳмадзода ва муовини Раиси Шӯрои Федератсияи Маҷлиси Федералии Федератсияи Русия Николай Журавлев баргузор гардид, иттилоъ медиҳад АМИТ «Ховар» бо истинод ба Маҷлиси миллии Маҷлиси Олии Ҷумҳурии Тоҷикистон.

Зимни мулоқот оид ба масъалаҳои густариши минбаъдаи ҳамкории байнипарламентӣ ва дурнамои рушди робитаҳои байни Маҷлиси миллии Маҷлиси Олии Ҷумҳурии Тоҷикистон ва Шӯрои Федератсияи Маҷлиси Федералии Федератсияи Русия мубодилаи афкор сурат гирифт.

Читать далее

Ҳаёт бе хушунат зебост

Давоми 10 моҳи соли 2021 ба Маркази занон “Гулрухсор” 2848 нафар муроҷиат кардаанд. Ин ҳам дар ҳолест, ки соли гузашта давоми 12 моҳи пурра ҳамагӣ 2407 нафар ба масъулини ин ташкилот муроҷиат намуда буданд. Ҳарчанд то ҷамъбасти сол ҳоло вақт ҳаст, аммо аз омор маълум аст, ки аллакай шумораи муроҷиаткунандагон аз хушунат дар қиёс ба соли гузашта зиёд аст.

Таҳлилҳо нишон медиҳанд, ки дар ҷомеа хушунат торафт зиёд мешавад. Маълумотҳои оморӣ низ афзоиши хушунатро тасдиқ мекунанд.

Ба андешаи ҷомеашиносон, ин ки шикоят аз хушунат сол то сол афзоиш меёбад, маъмулан ду сабаб дорад: фарҳанги оиладорӣ суст шудааст ва ё ҳамакнун мардум аз хушунат бисёртар овоз баланд мекунанд...

Маърифати оиладорӣ суст аст?

Дар бораи гирифторшавии занон ба хушунат коршиносон ва таҳлилгарон як қатор сабабҳоро пеш меоранд. Гуфта мешавад, ки омода набудан ба зиндагии мустақилона, паст будани маърифати оиладорӣ, ноогоҳӣ аз нозукиҳои муносибати хонаводагӣ, камтаҳаммулӣ аз омилҳои маъмулии гирифторшавӣ ба хушунат аст.

Шафоат Ишанова, яке аз масъулони Маркази занон “Гулрухсор”, ки ба муроҷиаткардагон кӯмаки иҷтимоӣ ва равонӣ мерасонад, коста шудани маърифати оиладориро аз омилҳои авҷи ин зуҳурот медонад.

“Якдигарнофаҳмӣ, набудани эҳтиром байни зану шавҳар, дахолати дигар аъзои оила, аз ҷиҳати иқтисодӣ тобеъ будани зан ба шавҳар, бекорӣ ва камбизоатӣ низ сабабҳои асосии пайдоиши зӯроварӣ дар оила мебошад”.

Дар бораи зиёд шудани хушунат таҳлилгарон аз як сабаби дигар низ ном мегиранд. Гуфта мешавад, ки ҳамакнун занон дар қиёс ба солҳои гузашта аз хушунат бештар садо баланд мекунанд.

Дилбар Самадова, журналисти шинохтаи Суғд бар он назар аст, ки зани тоҷик нисбат ба солҳои пеш хеле тағйир ёфтааст: ҳам аз лиҳози дониш ва ҳам фаҳмиш.

Ба назари ӯ, акнун занон бештар ҳуқуқҳои худро ҳимоя мекунанд ва дар муқобили хушунат хомӯш намеистанд.

Мушоҳидаҳо низ нишон медиҳанд, ки воқеан саводи ҳуқуқии занон нисбат ба солҳои пеш баланд шудааст ва акнун намояндагони ин қишри ҷомеа аз ҳуқуқҳои худ бештар дифоъ мекунанд. Агар пештар аксарият муроҷиатро аз хушунат айб медонистанд, ин фаҳмиш торафт аз байн меравад. Ҳамакнун аксарият дарк намудаанд, ки сабр дар муқобили хушунат пайомади хуш надорад...

Аз хушунат то ҷудошавии оилаҳо  - як қадам

Давоми шаш моҳи соли 2021 дар Ҷумҳурии Тоҷикистон 6476 ақди никоҳ бекор шудааст. Ин шумора мувофиқ ба ҳамин давраи соли гузашта 5489 ададро ташкил медиҳад, ки дар қиёс 1000 ҳолат зиёд мебошад.

Таҳлилҳо нишон медиҳанд, ки хушунат торафт аз омилҳои маъмулии ҷудошавии оилаҳо мешавад. Омили асосии зиёд ҷудошавии оилаҳоро бар пояи хушунат калонсолон дар суст шудани эҳтиром миёни зану шавҳар ва паст будани фарҳанги оиладорӣ медонад.

Ба назари онҳо, маҳз баланд бардоштани маърифати оиладорӣ метавонад ҷиҳати пешгирӣ аз хушунат ва коҳиш додани сатҳи ҷудошавии оилаҳо мусоидат намояд.

Ин ки хушунат дар рӯйхати омилҳои ҷудошавии оилаҳо торафт “маъмулӣ” мешавад, коршиносон низ ба коста шудани суннати оиладории тоҷикон рабт медиҳанд.

Маҳина 25 сола ва бо як фарзанд аз оилааш ҷудо шудааст. Сабаби пош хӯрдани оилаашро қаҳрамони мо ба хушунат рабт медиҳад.

“Ҳанӯз 18 сола будам, ки маро ба шавҳар доданд. Он замон донишҷӯи соли якум будам ва аз рӯйи ихтисоси омӯзгори забони хориҷӣ таҳсил доштам. Баъд аз оиладоршавӣ маро аз ҳуқуқи идомаи таҳсил маҳрум карданд. Гузашта аз ин, пайваста зери хушунати ҷисмониву равонӣ қарор доштам. Агар хушдоманам бо хурдтарин баҳона маро зери тозиёнаи танқид ва хушунати равонӣ мегирифт, шавҳарам дар пайи бадгӯйиҳо ва шикояти модараш нисбат ба ман зӯроварии ҷисмониро раво медид. Натиҷа кӯдаки ман имрӯз аз асабонияти зиёд азият мекашад, ки духтурон сабабро ба вазъи равонию харобии асаби худам ҳангоми ҳомиладорӣ рабт медиҳанд” – мегӯяд Маҳина.

Мисли қаҳрамони мо садҳо нафар ҷавонзанонро метавон пайдо намуд, ки дар давраи зебои зиндагӣ - ҷавонӣ мавриди хушунат қарор гирифта, аллакай аз оила ҷудо шудаанд...

Собиқадори бахши кор бо занони вилояти Суғд Ҳамрохон Атаева мегӯяд, ки аз хушунат то ҷудошавии оила танҳо як қадам мавҷуд аст. Ба андешаи ӯ, агар хушунат саривақт бартараф нагардад, бо зуҳуроти номатлуб, аз ҷумла пошхӯрии оила анҷом меёбад.

Ба назар мерасад, ки ҷиҳати пешгирӣ аз ин муаммо аз ҷониби масъулин ва ниҳоди дахлдор иқдом ва кӯшишҳое сурат мегирад, аммо маълумоти оморӣ ва факту арқом нишон медиҳад, ки хушунат ҳамоно рӯ ба афзоиш дорад...

Хушунат: Марги 137 нафар зан дар ҷаҳон давоми рӯз

Мирзоахмедов Мансур Мавлонович, соли таваллудаш 1982, истиқоматкунандаи маҳаллаи “Хуррамшаҳр”-и Хуҷанд шаби 1 ба 2 октябр дар натиҷаи як муноқишаи оилавӣ ба ҳамсараш Умеда Мирдадоева, соли таваллудаш 1989 ва духтаронаш Мавзунахон, соли таваллудаш 2013 ва Хумрихон, соли таваллудаш 2012 дарафтода, онҳоро бо корд задааст. Дар ин бора мақомоти ҳифзи ҳуқуқи вилояти Суғд хабар дод.

Иттилоъ дода шуд, ки дар натиҷаи ин ҳодиса фарзанди хурдии оила Хумрхон фавтидааст.

Ин хабар дар фазои иттилотӣ ва маҷозии интернетӣ вокуниши сахт дар пай дошт. Аксарият аз мард, ки падари хонадон буд, интиқод карда, ин кирдори ӯро зери тозиёнаи танқид гирифтанд.

Сабаби даст ба чунин ҷиноят задани гумонбарро мақомот муноқишаи оилавӣ унвон карданд. 

Чунин ҳолат, ки дар натиҷаи муноқишаҳои оилавӣ нисбат ба занон ва ҳатто фарзандон хушунат зоҳир мешавад, кам нест. Мутаассифона, дар баъзе ҳолат чунин ҳодиса ҳатто бо марги занон анҷом меёбад. Ба ин монанд воқеаҳо дар расонаҳои хабарӣ ва шабакаҳои иҷтимоӣ низ зиёд нашр мешавад.

Коршинос Ҳамрохон Атаева мегӯяд, ки ҷиноят, аз ҷумла куштор ва ба худкушӣ оварда расонидан аз пайомадҳои нохуши хушунат маҳсуб меёбад. Ба андешаи ҳамсӯҳбати мо, бо пайдо шудани нахустин нишонаҳои хушунат бояд роҳҳои ҳалли вазъият ҷустуҷӯ шавад, вагарна ин ҳолат метавонад бо ҷиноятҳои гуногун хотима ёбад.

Созмони Миллали Муттаҳид зимни як таҳқиқоти вижа муайян намуд, ки ҳамарӯза 137 нафар занон дар ҷаҳон аз ҷониби аъзои оилаи худ кушта мешаванд. Бино ба таҳқиқи ин ниҳод, дар Тоҷикистон 50%-и занон бо хушунат мувоҷеҳ мешаванд.

Бар пояи иттилои маъмурони РВКД дар вилояти Суғд тайи нуҳ моҳи соли ҷорӣ 4412 ҷиноят сабт шудааст. Аз ин шумор 1002 маврид ва ё 22,7 дарсад аз маҷмӯи ҷиноятҳо алайҳи занон содир шудааст.

Абдурофеъ Абдуназаров, сардори шуъбаи тартиботи ҳифзи ҷамъиятии РВКД дар вилояти Суғд зимни баргузории як ҷаласа дар Хуҷанд, ки дар он мавзӯи пешгирии хушунат матраҳ буд, бо ироаи ин рақам вазъро ташвишовар арзёбӣ намуд.

“Дар ин давра бар асари одамкушӣ, ба худкушӣ расонидан, таҷовуз ба номус, ғорат, ҷалби одамон ба истисмор, қасдан расонидани зарари вазнин ба саломатӣ, харидуфурӯши одамон, роҳзанӣ, тамаъҷӯи, авбошӣ ва дар дигар намуди ҷиноятҳо ҳуқуқу манфиятҳои занон поймол гардидааст”, - гуфт Абдуназаров.

Масъулони бахши кор бо занон иброз намуданд, ки вақтҳои охир хушунат нисбати занон дар хонаводаҳо рӯ ба афзоиш аст.

Хуршеда Хоҷазода, сардори бахши кор бо занон дар ҳукумати Суғд хушунати хонаводагиро зуҳуроте номид, ки аксари вақт ба вайроншавии муносибати фард, оила ва ҷомеа боис мегардад.

Бино ба иттилои мақомоти умури дохилӣ, дар ин давра 1170 аризаву шикоят дар бораи баҳсу муноқишаҳои оилавӣ ба шуъбаҳои ВКД дар шаҳру навоҳии Суғд ворид шудааст.

Аз ин теъдод 1035 мавриди шикоят ба ҷанҷоли байни зану шавҳар ва 135 муроҷиати дигар дар хусуси муноқишаи байни келину хушдоман будааст, ки дар ин бора бахши тоҷикии оҷонсии иттилоотии Спутник маълумот додааст.

Суннати оиладорӣ суст шудааст?!

“Мардуми мо духтари 18 соларо келин мекунанд, аммо аз ӯ рафтору кирдору гуфтори зани 30-40 соларо интизор ҳастанд” - мегӯяд Мукаррама Неъматова, масъули маркази “Ваҳдати оила”. Ба андешаи ӯ, духтари 18 сола ҳеҷ гоҳ наметавонад фаҳмишу идроки хушдомани 40-45 соларо дошта бошад. Номбурда мегӯяд, ки келинро бояд тарбия кард, барои камбудӣ ва иштибоҳоташ на сарзаниш ва ҷазо, балки насиҳат кардан лозим.

“Мушкилоти асосии ҷомеаи мо ҳамин аст, ки бархе дар симои келин ғулом ва ё хизматгорро мебинанд.  Садои кафкӯбӣ аз ду даст аст. Ягон духтар барои хушдомани хуб келини бад намешавад” –мегӯяд Мукаррама Неъматова.

Хушунат зуҳуроти нав нест. Замони пеш низ занон мавриди хушунат қарор мегирифтанд. Аммо солҳои пеш аз мушкилоти оила даҳон кушодан айб дониста мешуд.

“Пештар занону бонувон гапи хонаро ба кӯча намебароварданд, ин кирдорро барои худ ор медонистанд. Имрӯз, ки акнун аксарият дарк намуданд, ки хомӯш истодан дар муқобили хушунат на ҳама вақт пайомади хуб дорад, шумораи муроҷиатҳо низ афзоиш ёфта истодааст”. 

Дар бораи он ки гӯё зани тоҷик камтаҳаммул шудааст ва дар қиёс ба солҳои пеш дурбин нест, иддао зиёд аст. Аммо коршиносон мегӯянд, ки таҳаммул низ дар баробари хушунат роҳи наҷот набуда, оқибатҳои нек надорад ва ин зуҳурот бояд саривақт пешгирӣ шавад. Ин гурӯҳ дар ин замина шумораи парвандаҳои ҷиноятиро, ки дар натиҷаи сабру таҳаммул дар муқобили хушунат чандин нафар занон аз ҳаёт маҳрум шуда, даҳҳо нафар ба бемориҳои вазнин гирифтор шудаанд, далели муҳим медонанд.

Ҳама гуна хушунат ҷиноят аст!

Ҷумҳурии Тоҷикистон ҳамчун узви комилҳуқуқи ҷомеаи ҷаҳонӣ як қатор санадҳои меъёрии ҳуқуқии байналмилалӣ, аз ҷумла Эъломия дар бораи ҳуқуқи башар ва Конвенсия оид ба пешгирии ҳамагуна шаклҳои табъиз нисбат ба занонро эътироф намудааст, ки ҷиҳати беҳдошти вазъи занон дар ҷомеа равона гардидааст.

Ҳуқуқшинос Назира Раҳимзода мегӯяд, ки мувофиқи қонун ҳама гуна зӯроварӣ манъ аст. Бино ба маълумоти номбурда, ҳуқуқҳои занони ҷабрдидаи зӯроварӣ бо кодексҳои маъмурӣ, ҷиноятӣ, кодекси Оилаи Ҷумҳурии Тоҷикистон, Кодекси манзил, Қонуни ҶТ «Дар бораи пешгирии зӯроварӣ дар оила» ва дигар санаду меъёрҳои ҳуқуқӣ ҳимоя карда мешавад.    

Бино ба гуфтаи ҳуқуқшинос, яке аз афзалиятҳои қонуни мазкур дар он аст, ки махфиятро кафолат медиҳад.

Барои решакан намудани хушунат аз ҷониби масъулини мақомоти дахлдор, ташкилотҳои иҷтимоӣ ва нерӯҳои сиёсии кишвар ташаббусҳое амалӣ мегардад, ки дар ин замина вохӯриву мулоқот, семинар, конфронсу ҳамоиш,  аксияву мизҳои мудаввар аз зумраи чунин иқдом ба шумор меравад. Дар ин замина, шуъбаи кор бо занони Мақомоти иҷроияи ҳокимияти давлатии шаҳри Хуҷанд пайваста талош дорад, ки баҳри мубориза бо хушунат аз усулҳои муосиру муассир кор гирад.

Аз ҷумла, дар доираи маъракаи иттилоотии «16 рӯзи алайҳи хушунат» бо икдоми шуъбаи кор бо занон ва оилаи Мақомоти иҷроияи ҳокимияти давлатии шаҳри Хуҷанд бахшида ба «Рӯзи байналхалқии мубориза бар зидди зӯроварӣ нисбати занон» ҳамасола аксияи шаҳрӣ таҳти унвони «Мо бар зидди зӯроварӣ» дар майдони «Регистон» - бозори марказии Панҷшанбе гузаронида мешавад.

Дар доираи аксияи мазкур имсол низ барои занон варақаҳои иттилоотӣ ва як донагӣ гули садбарг ба мардони роҳгузар бо мақсади ба ҳамсари худ изҳори муҳаббат намудан, тақдим гардид. 

Ҳадаф аз ин ташаббус мубориза бо хушунат ва тарғиби муҳаббат дар оила гуфта мешавад.

Назари дин

Агар ба таърихи пеш аз ислом назар афканем, маълум мешавад, ки занон зери зулму ситаму шиканҷа қарор доштанд. Агар аз як ҷониб, занон аз мерос маҳрум буданд, аз тарафи дигар, онҳоро дар бозорҳо чун мол иваз мекарданд ва ҳатто агар дар оила духтар ба дунё меомад, ўро зинда ба зинда ба гўр мекарданд. Бо зуҳури ислом ба он ҳама беадолатиҳо хотима гузошта шуд.

Хоҷамир Хоҷамиров, муовини раиси Шўрои уламои дини вилояти Суғд мегӯяд, ки дини Ислом мақому манзалат ва ҳуқуқҳои занонро чунон баланд муайян намудааст, ки назираш дар дигар дини ҷаҳон нест.

“Худованд дар Қуръон сурае бо номи «Нисо» (занҳо) нозил кардааст, ки дар он ҳаққу ҳуқуқи бонувон барои башарият баён ёфтааст. Хушунат нисбат ба зан барои ҷомеаи мо, ки аксарият мусулмон ҳастем, ҳам айб ҳасту ҳам шарм” - мегӯяд Хоҷамир Хоҷамиров.

Пешниҳод

Ҷиҳати пешгирӣ аз хушунат ва пайомадҳои ин зуҳурот аз ҷониби коршиносон, таҳлигарон ва фаъолони шабакаҳои иҷтимоӣ чанд пешниҳод ироа шуд, ки фишурдаашро ин ҷо зикр мекунем:

1. Дар самти баланд бардоштани тарбияи фарзандон дар оила корбарӣ шавад. Моҳияти Қонуни ҶТ “Дар бораи масъулияти падару модар дар таълиму тарбияи фарзанд” ба таври зарурӣ фаҳмонида шуда, оқибати беаҳамиятӣ дар тарбияи фарзандон  ба волидон мавриди тавзеҳ қарор дода шавад.

2. Синни никоҳ боло бурда шавад, то ҷавонон ба зиндагии мустақилона пурра омода шаванд.

3. Корҳои идеологӣ дар маҳалла ва намояндагони қишрҳои гуногуни ҷомеа вусъат дода шавад.

4. Барои баланд бардоштани маърифати оиладорӣ бо мулоқоту мизи мудаввар иқтифо накарда, роҳҳои муосири корҳои тарғиботӣ истифода шавад. Таҷрибаи кишварҳое, ки дар онҳо сатҳи дучоршавӣ ба хушунат паст аст, бо назардошти арзишҳои миллӣ мавриди татбиқ қарор гирад.

5. Омӯзиши фанни “Маърифати оиладорӣ” дар барномаи мактаб ва донишгоҳҳо такмил ва таҷдид шавад .

6. Дар самти  баланд бардоштани саводи ҳуқуқӣ ва динии ҷавонон иқдоми зарурӣ роҳандозӣ гардида, ҷиноят ва гуноҳ будани хушунат фаҳмонида шавад.

7. Зимни корбарӣ дар самти мубориза бо хушунат аз хусусияти мавсимӣ даст кашида,  барои пешгирӣ аз хатарҳои ин зуҳурот давоми сол пайваста корбарӣ шавад.

P. S.    Мавзӯи мазкур фарох аст ва дар қолаби як  мақола наметавон омил ва пайомадҳои ин зуҳуротро ба таври зарурӣ баррасӣ намуд. Гузашта аз ин, хушунат намуди зиёд дорад ва танҳо ба намояндагони қишри зан марбут нест, ки мо ин ҷо ба риштаи таҳлил кашидем. Паҳлӯҳои дигари ин мавзӯъро минбаъд низ пайгирӣ ва мавриди таҳлил қарор медиҳем. 

Мафтуна ИСМОИЛОВА,

рӯзноманигор

Читать далее

Президенти Ҷумҳурии Тоҷикистон Эмомалӣ Раҳмон Вазири корҳои хориҷии Ҷумҳурии Корея Чон Ий Ёнро ба ҳузур пазируфтанд

29 ноябр дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Вазири корҳои хориҷии Ҷумҳурии Корея Чон Ий Ёнро, ки бо сафари расмӣ ва ҷиҳати иштирок дар Форуми «Осиёи Марказӣ — Ҷумҳурии Корея» дар Тоҷикистон қарор дорад, ба ҳузур пазируфтанд.

Дар мулоқот вазъи феълии муносибатҳои ҳамкории ду кишвар ва масъалаҳои муҳими рӯзномаи байналмилалию минтақавӣ баррасӣ гардид.

Читать далее

ХУНЁГАРИ САНЪАТИ АСИЛ

Садои марғуб ва дилошӯби Гулнозабону – ин ҷавонзани олами зебоиофар дар толорбудагонро ба ваҷд меовард. Кафкӯбиҳои пурмавҷи тамошобинон ва садоҳои таҳсину офарин иштирокдорони чорабинии фарҳангиро ҳаяҷонзада мекард. Меҳмонон ҳарчанд борҳо аз садои хуши ҳофизони номдор - Абдулазизи Самарқандӣ, Содирхони Ҳофиз, Маъруфхоҷа Баҳодуров, Боймуҳаммад Ниёзов, Ҷӯрабек Муродов, Ҷӯрабек Набиев ва Сабоҳат Наҷмиддинова бархурдор шуда бошанд ҳам, аммо пайрави ин ҳофизони хунёгар шудани ҷавонону наврасони даврони соҳибистиқлолро ба шарофати сулҳу оромӣ ва ваҳдату ҳамдилӣ дар кишвар медонистанд. Суруди “Ҷононае”, ки бар оҳанги Михаил Толмасов ва шеъри Аҳмади Ҷомӣ сароида шуд, аз ҳама бештар тасхиргари қалби тамошобинон гашта буд.

Гулноза андармони андешаҳои худ ҳеҷ бовар надошт, ки Шоҳҷоиза дар озмуни ҷумҳуриявӣ насиби ӯ мегардад. Охир, теъдоди иштирокчиёни озмуни ҷумҳуриявии «Тоҷикистон – Ватани азизи ман» хеле зиёд буданду ҳар яке истеъдоди нотакрор дошт. Гулноза ҳарчанд омодагии ҳамаҷиҳата дида буду бовар дошт, ки мақоми аввал насибаш мегардад, аммо изтиробу ҳаяҷонираднопазире вуҷудашро ба ларза меовард. Яке овози ровии хушсадо эълон дошт, ки «дар номинатсияи сарояндагии анъанавӣ Шоҳҷоиза насиби се ҳунарманд: ҳунарманди ансамбли наврасон ва ҷавонони «Шашмақом»- и назди бахши фарҳанги шаҳри Хуҷанд Гулноза Ғаффорӣ, Салоҳиддинхон Ҷалолиддинхонов аз ноҳияи Спитамен дар номинатсияи композиторӣ ва Иброҳим Бобоев аз шаҳри Душанбе дар номинатсияи навозандагӣ соҳиби Шоҳҷоиза гардиданд».

Кафкӯбиҳои пурмавҷи мухлисон, ки ҳидоятгари ба саҳна баромадану соҳиби Ҷоми ғолибияту Диплом гардидани Гулнозаву дигар ғолибони озмун буданд, толори Театри давлатии академии опера ва балети ба номи Садриддин Айниро ба ларза овард. Ашки шодӣ рӯяшро мешусту бори дигар бовар кард, ки халқ дар ҳақиқат санъатдӯст асту ба истеъдоди нотакрору хориқулоддааш баҳои ҳаққонӣ доданд. Гулнозаро ишораи бародараш Абдуқаҳҳор, ки ӯ ҳамсанъаткор буду дар озмун ин духтараки санъатдӯстро ҳамроҳӣ мекард, ба мобайни саҳна овард. Аз дасти Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Эмомалӣ Насриддинзода гирифтани Ҷоизаи Озмуни ҷумҳуриявии «Тоҷикистон – Ватани азизи ман», диплом ва мукофотпулӣ дар ҳаҷми 50 ҳазор сомонӣ барояш боиси ифтихор ва шодмонӣ буд. Аслан Гулноза мехост омӯзгори синфҳои ибтидоӣ шуда ба шогирдон машқу таълим диҳад. Аз овони хурдсолӣ ҳангоми боғчарав буданаш дар чорабиниҳои сатҳи ноҳиявию вилоятӣ иштирок мекард. Айёми мактабхонӣ истеъдоди фавқулоддааш сайқал меёфту худ хабар надошт.

Чун дар сари дастархони оилавӣ сухан дар бораи дар оянда чӣ касбу кореро соҳиб шудани Гулноза рафт, амакаш Абдушукур Ғаффоров гуфт: - Духтараки ширини мо. Ту медонӣ, дар вуҷудат истеъдоди нотакроре нуҳуфтааст, ки онро бояд сайқал диҳӣ. Ту давомдиҳандаи авлоди санъаткорон хоҳӣ гашт. Ҳарчанд суханони пурмеҳри Абдушукур – амак қалби духтараки санъатдӯстро андаке ба ҷунбиш оварда бошанд ҳам, аммо ӯ аз орзуи деринаи худ – муаллимаи синфҳои ибтидоӣ шудан даст кашида наметавонист. Воқеае сабаб шудупайроҳаизиндагии Гулноза муайян гашт.

Дар машварати августии кормандони соҳаи маориф духтараки синфи нуҳуми муассисаи таҳсилоти миёнаи умумии рақами ҳаштуми Ҷамоати деҳоти Овчиқалъачаи ноҳияи Бобоҷон Ғафуров Гулноза Ғаффорӣ сурудҳои машҳури «Хуҷандиям» ва «Бар лаби дарё биё» - ро сароид. Тамошобинон мафтуниҳунари санъати асил шуданд. Баъдан Гулноза дар барномаи консертие, ки дар фарҷоми Фестивали атласу адрас намоиш дода шуд, маҳорати ҳунариашро нишон дод. Ин буд, ки роҳи пурмаҳсулу пурэъҷод, пуршарафу пурмасъулият, аммо ифтихории ҷодаи санъат давомдиҳандаи авлоди санъаткорон гардид.

–Шукри ҳастии волидайни дуогӯю пайвандонам, шукри устодии устодонам, шукри дастгирии давлату Ҳукумат, шукри ободию сарсабзии диёри биҳиштосоям – Тоҷикистон, шукри иқдомҳои некбинонаи Асосгузори сулҳу ваҳдати миллӣ Пешвои миллат муҳтарам Эмомалӣ Раҳмон, ки имрӯз дар саргаҳи санъати волои тоҷик қарор дорам. Тавассути ҳунарам борҳо ба кишварҳои ҳамсоя сафар кардам, дар тамоми манотиқи Тоҷикистони азизам сурудаҳоямро бо хушҳолӣ истиқбол гирифтанд, дар Фестивали ҷавонону наврасони «Мақом», ки дар Ҷумҳурии Озарбойҷон баргузор гардид, сурудиозарӣ хондам, ҳамроҳи санъаткорони кишвари ҳамсояи ба мо дӯсту бародар – Ӯзбекистон будам.

Дастоварди навбатиам – соҳиби Шоҳҷоизаи Озмуни ҷумҳуриявии «Тоҷикистон Ватани азизи ман» - ро бошад, ғолибияти тамоми мардуми кишвар, хоса дӯстдорони санъату ҳунар медонам, зеро бидуни онҳо ман наметавонистам муаррифгару парчамбардори Ватан бошам, - андешаҳояшро иброз дошт Гулноза Ғаффорӣ.

Бале, Гулнозаи зебоиофару Шашмақомхон ҳамроҳи аҳли оила – Абдусаиду Бахтовар, Абдуқаҳҳору ФирдавсҷонваБиназокат идомадиҳандаи ҳунари волои сарояндагию навозандагиянд. Сарояндаи ҷавон ояндаи худро дар олами мусиқию ҳунар – пешаи аз ҳама душвори сарояндагӣ “Шашмақом” мебинад. Суханони  устоди Шашмақом Боймуҳаммад Ниёзов «дар суруд се чиз бояд мутобиқи ҳам бошад: мусиқӣ, садои ҳофиз ва матнибаланд» - ро сармашқи кори худ қарор дода, дар ин ҷода устуворона қадам заданист. Зиёда аз ин устодонаш Абдураҳим Шерматов, Султоналӣ Худойбердиев, Аҳрор Ботиров ва дигарон ҳамеша ёвару мадагори ӯ ҳастанд.

- Ин муваффақият на танҳо аз они ман, балки ҳамаи онҳое, ки маро ҳамроҳӣ доштанд, мебошад. Агар Салимҷони ғижжакнавозу Беҳзодҷони доиразан, Фарҳодҷони рубобнавозу Шуҳраҷони найнавоз, Дилмурод-акои уднавоз намебуданд, ман дар саҳнаи ҳунар худро муаррифӣ карда наметавонистам, - изтироби ниҳониашро нигоҳ дошта наметавонад Гулнозахон. Ба донишҷӯи соли чаҳоруми факултаи санъати Донишгоҳи давлатии Хуҷанд ба номи академик Бобоҷон Ғафуров, ҷавонзани хушодобу хоксор, модари фарзанди дӯстрӯ бо номи Фариштамоҳ, номбардориоилаиҒаффоровҳо Гулноза Ғаффорӣ барор мехоҳем. Бошад, ки дар фазои гулшукуфти Тоҷикистон сафи чунин дӯстдорони санъати асил афзояд.

Ба қавли академик Бобоҷон Ғафуров «Шашмақом моли халқ аст. Ин ганҷи халқ аст, ки дар эҷоду ҷамъ овардани он беҳтарин зебописандони мо ҳазорон сол ақлу хиради худро сарф карда, бо ҳарорати дили худ онро обутоб дода, ба ин ҳусну ҷамол расонидаанд. Ин ганҷ дар ҳолати нопайдо гаштан буд. Инро одамони ҷоннисор дар мудҳиштарин рӯзҳоикишвари мо ба ин шакли пурҳашамат даровардаанд.

Ин олиҳаи завқи баланди халқ парастишро металабад». Бешак, Гулнозабонуи ҷоннисор сазовори ин боварии устодонаш хоҳад гашт.

Шоира КАРИМЗОДА,

«Ҳақиқати Суғд»

Читать далее

29 November 2021

Маркази матбуоти Ситоди байниидоравии таъмини амният ва тартиботи ҷамъиятӣ дар ВМКБ хабар медиҳад

 

Маркази матбуоти Ситоди байниидоравии таъмини амният ва тартиботи ҷамъиятӣ дар ВМКБ хабар медиҳад

 

https://youtu.be/0_bj0OXyXhM

Читать далее

Public Order in Khorugh Fully Restored

DUSHANBE, 29.11.2021 (NIAT Khovar) – The illegal rally, which began in the afternoon of November 25 in Khorugh by some interest groups, was stopped at 20:00 on November 28, reports the Press Center of the Interdepartmental Commission for Security and Public Order in GBAO.

The issues under consideration will be studied, evaluated and resolved within the authority of the Prosecutor’s Office in collaboration with representatives of civil society in accordance with the legislation of Tajikistan.

Public order in Khorugh has been fully restored.

The movement of the public transport in the central avenue is also established.

Trading and consumer services outlets continue to operate in accordance with the established schedule.

https://eng.khovar.tj/2021/11/public-order-in-khorugh-fully-restored/

Читать далее

Общественный порядок в Хороге полностью восстановлен

 

 

 

 

ДУШАНБЕ, 29.11.2021 /НИАТ «Ховар»/. Незаконный митинг, начатый во второй половине дня 25 ноября в Хороге некоторыми заинтересованными группами, был прекращён в 20:00 часов 28 ноября, сообщает НИАТ «Ховар» со ссылкой на пресс-центр Межведомственного штаба по обеспечению безопасности и общественного порядка в ГБАО.

В заявлении Штаба говорится: Будут проверены, оценены и решены вопросы, находящиеся в компетенции прокуратуры во взаимодействии с представителями гражданского общества, в соответствии с законодательством Республики Таджикистан.

Общественный порядок в Хороге полностью восстановлен.

Также налажено движение общественного транспорта на центральном проспекте.

Торговые точки и бытового обслуживания продолжают работу в соответствии с установленным графиком.

https://khovar.tj/rus/2021/11/obshhestvennyj-poryadok-v-horoge-polnostyu-vosstanovlen/

Читать далее

Тартиботи ҷамъиятӣ дар шаҳри Хоруғ пурра ба эътидол оварда шуд

 

 

 

 

Тартиботи ҷамъиятӣ дар шаҳри Хоруғ пурра ба эътидол оварда шуд

ДУШАНБЕ, 29.11.2021. /АМИТ «Ховар»/. Гирдиҳамоии ғайриқонунӣ, ки баъди нисфирӯзии 25 ноябр дар шаҳри Хоруғ аз тарафи баъзе гурӯҳҳои манфиатдор оғоз шуда буд, соати 20:00-и 28 ноябри соли ҷорӣ қатъ карда шуд, хабар медиҳад АМИТ «Ховар» бо истинод ба маркази матбуоти Ситоди байниидоравии таъмини амният ва тартиботи ҷамъиятӣ дар ВМКБ.

Дар изҳороти  Ситоди мазкур, ки 28 ноябр пахш гардид, гуфта мешавад:

Масъалаҳои мавриди назар дар доираи салоҳияти мақомоти Прокуратура дар ҳамкорӣ бо намояндагони ҷомеаи шаҳрвандӣ, тибқи қонунгузории ҶТ, санҷиш, арзёбӣ ва ҳаллу фасл карда мешаванд.

Тартиботи ҷамъиятӣ дар шаҳри Хоруғ пурра ба эътидол оварда шуд.

Фаъолияти нақлиёти ҷамъиятӣ дар хиёбони марказӣ ҳам ба низом даромад.

Нуқтаҳои савдо ва хизматрасонии маишӣ тибқи реҷаи муқарраршуда кори худро идома дода истодаанд.

 

https://khovar.tj/2021/11/tartiboti-amiyat-dar-sha-ri-horu-purra-ba-etidol-ovarda-shud/ 

Читать далее

Иҷрокунандаи вазифаи Раиси ВМКБ Алишер Мирзонабот ҷаласаи корӣ доир намуд

ДУШАНБЕ, 29.11.2021. /АМИТ «Ховар»/. Субҳи имрӯз бо иштироки иҷрокунандаи вазифаи Раиси Вилояти Мухтори Кӯҳистони Бадахшон Алишер Мирзонабот ҷаласаи корӣ баргузор гардид. Дар ҷаласа муовини якум ва муовинони Раиси вилоят, роҳбари дастгоҳ, мудирони шуъба ва бахшҳои дастгоҳи Раиси ВМКБ ва роҳбарони идораву муассисаҳои вилоятӣ иштирок намуданд. Дар ин бора ба АМИТ «Ховар» сухангӯи Раиси ВМКБ Ғолибшо Ниятбеков хабар дод.

Иҷрокунандаи вазифаи Раиси Вилояти Мухтори Кӯҳистони Бадахшон Алишер Мирзонабот оиди супоришҳои протоколии ҷаласаи ҳафтаи гузашта аз масъулин пурсон шуда, ҷиҳати сари вақт ва сифатнок иҷро шудани онҳо дастурҳои зарурӣ дод. Ҳамчунин, и.в. Раиси вилоят вобаста ба вазъияти рӯзҳои охир дар шаҳри Хоруғ рухдода сухан намуда, иброз дошт, ки ба ҳар гуна овозаҳои бардурӯғ ва ахбороти беасос набояд бовар кард. Махсусан, хизматчиёни давлатиро зарур аст, ки ба ҳамин гуна иғвоҳо ҷавоби сазовор дода, дар доираи қонунгузории кишвар фаъолияти худро ба роҳ монда, бобати амалӣ намудани нақшаҳои фаъолият, ки ба созандагию бунёдкорӣ нигаронида шудаанд, саъю кӯшиш намоянд.

Инчунин, дар ҷаласа масъалаҳои дигари хоҷагии халқ, аз ҷумла, омода намудани муассисаҳои давлатӣ ва иҷтимоӣ ба зимистони дарпешистода, захира намудани маводи ғизоӣ маҳсулоти кишоварзӣ ва сӯзишворӣ ва дар ҳолати корӣ нигоҳ доштани техникаи роҳтозакунӣ дар роҳҳои вилоят, муътадил нигоҳ доштани нархи маҳсулот дар бозор мавриди таҳлил қарор гирифта, масъулин вазифадор шуданд, ки ба ин масъалаҳо диққати ҷиддӣ равона намоянд.

Иҷрокунандаи вазифаи Раиси вилоят оиди масъалаи зимистонгузаронӣ иброз дошт, ки ҳангоми сафари корӣ ба ноҳияи Мурғоб баъзе камбудиҳои ҷойдошта, аз он ҷумла, дар муассисаҳои таълимӣ, ба назар расиданд. Бинобар ин, ба муовинони Раиси вилоят ва масъулини соҳаи маорифи вилоят супориш дода шуд, ки масъалаи зимистонгузарониро дар муассисаҳои таълимӣ ва дигар биноҳои таъминоти иҷтимоӣ зери назорат гирифта, оиди бартараф намудани норасоиҳо чораандешӣ намуда, аз иҷрои корҳо ба Раиси вилоят гузориш пешниҳод намоянд.

Масъалаҳои дигари мубрами фаъолияти корӣ низ мавриди баррасӣ қарор дода шуда, оиди амалӣ гаштани онҳо супоришҳои қатъӣ дода шуданд.

https://khovar.tj/2021/11/i-rokunandai-vazifai-raisi-vmkb-alisher-mirzonabot-alasai-kor-doir-namud

Читать далее