Дастаи вилояти Суғд ғолиби озмуни инноватсионии ҷумҳуриявӣ

Дар Китобхонаи миллии Тоҷикистон дар доираи баргузории Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор», 2018-2028, ки рӯзҳои 20-22 июн дар шаҳри Душанбе баргузор гардид, бо ташаббуси Ҳукумати Ҷумҳурии Тоҷикистон ва Бунёди кӯдаконаи СММ (ЮНИСЕФ) Анҷумани кӯдакон оид ба масоили об баргузор гардид.

Ба гуфти Директори маркази таҳсилоти иловагии вилояти Суғд Фирдавс Ашӯрматов аз вилояти Суғд хонандагони муассисаҳои таълимии №10 шаҳри Хуҷанд, Мактаби Президентӣ барои хонандагони болаёқати шаҳри Бӯстон, Литсейи №2 ва Гимназияи №1 ноҳияи Ашт, МТМУ№1 ноҳияи Айнӣ, ҷамъ 7 лоиҳа бо фарогирии 23 хонанда лоиҳаҳои худро пешкаш намуданд.

Дар ҷамъбаст лоиҳаи беҳтарини озмуни ҷумҳуриявии «Наврасон дар ҷустуҷӯйи роҳҳои инноватсионӣ» лоиҳаи хонандагони Литсейи №2 ноҳияи Ашт ҳисобида шуда, соҳиби шоҳҷоиза гардиданд. Ба ин тартиб дастаи вилояти Суғд дар озмуни ҷумҳуриявӣ соҳиби ҷойи аввал гардид.

Абдусабури Абдуваҳҳоб

Add comment


Security code
Refresh