Омили хатарзо ба амнияти инсоният

ТТЭ ҲНИ дар ҷомеаи мо танҳо ақидаҳои миллати бегонаро ҷорӣ кард. Ба ин созмон нафароне, ки дар бораи дини Ислом дониши пурра надоштанд ва мақсади нопоки онро намедонистанд, фирефта шуданд. Айни ҳол аксари онҳо аз мақсаду ниятҳои ғаразноки ҲНИ огоҳанд. Мардуми тоҷик эҳтиёҷ ба ин ҳизб надоштанд ва ҳозир ҳам надоранд.

Тавре маълум аст, аксарияти аъзои ТТЭ ҲНИ вобаста буданашонро бо дигар созмонҳои террористӣ инкор мекарданд ва ҳатто, худро ҳомиёни дин мешумориданд, ки дертар парда аз рӯи ин ҳама маълумотҳо бардошта шуд ва чеҳраи воқеии онон ошкор гардид.

Ҳамчунин, ҳамаи маълумотҳои вобаста ба ин созмони террористӣ ва робитаҳояш бо хоҷагони хориҷиро созмонҳои террористӣ ба таври комил ошкор шуд ва соли 2019 барои ин хиёнатпешагон соли шикаст буд. Зеро маҳз дар соли 2019 ҳақиқат ошкор шуд ва ҳама он пинҳонкорие, ки онон анҷом медоданд, ифшо гардид. Далелҳои аниқ ба миллати тоҷик чеҳраи ҳақиқии ин ифротгароёнро ошкор сохт ва чандин созмонҳои байналмилалӣ ҳам ин ташкилотро терористӣ - экстремистӣ эътироф ва фаъолияташро дар давлатҳои аъзо маҳкум намудаанд.

Зеро омилҳои хатарзо барои амнияти башарият ҳамин созмонҳои террористӣ-экстремистӣ ба ҳисоб мераванд, ки имрӯз аксарияти кишварҳо ин созмонҳои террористиро ба рӯйхати гурӯҳу созмонҳои хатарнок ворид сохтаанд ва дар сомонаҳову нашрияҳо роҷеъ ба ин маълумоти зиёде нашр гардидааст.

ТТЭ ҲНИ аз соли 1997 то соли 2016 дар қаламрави кишвар зиёда аз 30 амали террористиро содир намуд, ки ин барои кишвар хеле зиён овардааст. Лек бо вуҷуди ин онон феълан ба нашри матлабҳои бардурӯғ ва иғвобарангез машғуланд.

Инчунин, аз ҷониби ин тоифа, ки худро ҳомии мазҳаб меҳисобанд, поймолкунии шаъну шарафи инсон дида мешавад, ки дар ягон дин ин амал раво нест. Онҳо Исломро танҳо ба хотири гумроҳ сохтан, фирефта намудани мардум истифода менамоянду халос ва рафтору амалашон ҳам ба Ислом ягон рабте надорад.

Ҳамзамон, робитаи ТТЭ ҲНИ бо созмони террористии “Ихвон-ул-муслимин” ба таври ошкоро маълум гардидааст ва чуноне ки медонем, ҳамаи аъзоёни ТТЭ ҲНИ таълимоти худро аз рӯи барномаи ҳамин созмон мегиранд ва ин созмон дар чандин кишвари ҷаҳон террористӣ эътироф шудааст, ва ба садҳо гурӯҳи террористӣ ёрии молиявӣ мерасонад, аз ҷумла ба ТТЭ ҲНИ низ.

Роҳбари ТТЭ ҲНИ М.Кабирӣ М.Мурсиро, ки роҳбари ташкилоти террористии “Ихвон – ул - муслимин” буд, бародари ҳамақида ва ҳамфикри хеш мешуморад, ки ин, албатта, бе далел нест ва далелаш ҳам ҳамон робитаи пинҳонӣ мебошад.

Аз ин лиҳоз, моро зарур меояд, ки бештар ба омӯзиши ҷиддии вазъи ҷомеаи ҷаҳонӣ пардохта, дар шинохти ташкилотҳои террористӣ ба аҳли ҷомеа мусоидат намоем ва шаҳрвандон, алалхусус ҷавонони ноогоҳро аз шомилшавӣ ба гурӯҳҳои ифротгаро эмин дорем.

Дар партави сулҳу суботи комили кишвар ва таъмини рушди устувори он бояд ба эътибор гирифт, ки хусусияти ташвишовар касб намудани терроризм ва экстремизми динӣ барои давлатҳои миллии рушдкунанда хатари ҷиддӣ эҷод менамояд.

Парвиз АБДУРАҲМОНОВ,
иҷрочии Хадамоти иҷро дар Суди
иқтисодии вилояти Суғд

Add comment


Security code
Refresh