Суғд: Нақшаи даъвати тирамоҳии ҷавонон ба сафи Қувваҳои мусаллаҳ 100 фоиз иҷро шуд

Охири ҳафтаи гузашта нақшаи даъвати тирамоҳии ҷавонон ба сафи Қувваҳои мусаллаҳи Ҷумҳурии Тоҷикистон дар вилояти Суғд 100 фоиз иҷро шуд. Дар ин бора аз Шӯъбаи маъмурию ҳуқуқии дастгоҳи Раиси вилоят хабар доданд.

Бояд гуфт, ки Фармони Президенти Ҷумҳурии Тоҷикистон “Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1990 – 1999 Ҷумҳурии Тоҷикистон ба хизмати ҳарбӣ” ва дар асоси он қарори марбутаи Раиси вилоят ба тасвиб расида буд.

Ҷиҳати иҷрои фармони мазкур давоми моҳҳои октябр-ноябри соли равон сафарбарнамоии муташаккилонаи ҷавонони ихтиёрӣ ба сафи Қувваҳои мусаллаҳи Ҷумҳурии Тоҷикистон сурат гирифта, нақшаи муайянгардида пурра иҷро гардид.

Хадамоти матбуоти
Раиси вилояти Суғд

Add comment


Security code
Refresh