Захираи миллат ва ояндаи давлат

Асосгузори сулҳу ваҳдати миллӣ Пешвои миллат Президенти Ҷумҳурии Тоҷикистон  муҳтарам Эмомалӣ Раҳмон таъкид намудаанд, ки:

«Ҷавонон бояд сабақҳои Истиқлолиятро ҳаматарафа  омӯзанд, аз сиёсати имрӯз огоҳ бошанд, таърихи гузаштаву ҳозираихалқи  худро гаштаву баргашта варақ зананд ва аз Ватан, миллат, забон ва фарҳанги   худ ифтихор намоянд”.

Бовар ва эътимод ба ҷавонони кишвар воқеан ба онҳо рӯҳияи нав, ғайрат ва ангезишҳои нави эҷодкориву бунёдкориҳо додааст. Ҷавонон аллакай собит сохтанд, ки онҳо сазовори боварии Пешвои миллат  ҳастанд. Бо дастгирии Пешвои миллат Эмомалӣ Раҳмон саҳифаи тозае дар таърихи навин боз шудааст, ки он соли 2017–ро Соли ҷавонон эълон  намуд. Таҷлили Рӯзи ҷавонони Тоҷикистон на танҳо шодию хурсандӣ ва тарабу фараҳмандист, балки натиҷагирии кору пайкори ҷавонони кишвар дар ҷодаи бунёдкориҳо, ободонии Ватан кӯмаку ҳамдастии гуруҳҳо ва табақаҳои мухталифи насли ҷавон аст.

Аз ин рӯ, мову шумо хуб медонем, соҳае, ки мақоми аввалдараҷа дар ҳадафҳои стратегӣ ва фаъолияти сарварии Пешвои миллати мо доштанд, ин мактаб ва маориф, нақши падару модар ва хонавода аст. Ҷавонон бояд аз ҳама қишрҳои ҷомеа бештар фаъол бошанд, ташаббусҳои созанда пешниҳод намоянд, рамзҳои давлатӣ, муқаддасоти миллӣ ва дастовардҳои истиқлолиятро ҳифз кунанд, дар ҳаёти сиёсиву иҷтимоии Тоҷикистони азиз бо дасту дили гарм ва нерӯи бунёдгарона ширкат варзанд, амнияти давлат ва шарафу номуси ватандориро ҳимоя карда, худро аз ҳама хавфу хатарҳои номатлуби ҷаҳони муосир эмин нигоҳ доранд ва парчамбардори ин сарзамин, марзу бум ва кишвари муқаддасамон бошанд.

Барои баланд бардоштани ҳисси ватандӯстии ҷавонон ҳукумати Ҷумҳурии Тоҷикистон мутобиқи моддаи 16 Қонуни конститутсионии Ҷумҳурии Тоҷикистон “Дар бораи ҳукумати Ҷумҳурии Тоҷикистон” дар самти тарбияи ватандӯстии ҷавонон, “Барномаи давлатии тарбияи ватандӯстии ҷавонони Тоҷикистон барои солҳои 2011-2013” қабул намуд, ки барои тарбияи ватандӯстии ҷавонон аҳамияти зиёд дошт. Зеро, маҳз ҳисси ватандӯстӣ намегузорад, ҳаракат ё падидаи нохуш амнияти миллатро халалдор кунад. Муҳимтарин василаи баланд бардоштани эҳсоси ватандӯстии ҷавонон ташаккули фарҳанги маънавию сиёсӣ, маърифати ҳуқуқӣ ва омӯзиши таърихи пурғановати миллати худ ба ҳисоб меравад.

Имрӯз қисми зиёди ҷавонон аз моҳияту мафҳумҳои “Ватан” ва “ватандӯстӣ” огаҳӣ  пайдо кардаанд. Дар баробари ин як зумра мушкилоте мавҷуд аст, ки бартараф кардани онҳо кори зарур мебошад. Ин мушкили ҷиддӣ майли баъзе ҷавонон ба ҳизбу ҳаракатҳои иртиҷоӣ мебошад. Барои ин мебояд, ки диққати ҷавононро ба омӯзиши таърих, фарҳанг ва арзишҳои маънавии ниёгони худ афзун гардонем. Танҳо худшиносии миллӣ аз таърих огоҳ будан ва ибрат гирифтан ягона роҳе мебошад, ки майли ҷавононро ба сӯйи ҳар гуна ҳаракатҳои иртиҷоӣ коҳиш медиҳад. Мо - ҷавонон, бахусус ҷавонони даврони Истиқлолият ифтихор мекунем, ки дар як  давлати соҳибистиқлол Ватани маҳбубамон умр ба сар мебарем  ва  роҳбари дилсӯзу ғамхор дорем. Мо хушбахт аз он ҳастем, ки дар даврони Истиқлолият ба олами ҳастӣ чашм кушодем. Мо, ҷавонон ва кулли мардуми Тоҷикистон бояд ба қадри ин неъмати бебаҳо ва ба қадри ҳар зарра хок ва ҳар қатра обе, ки Худованди бузург ба мо ато фармудааст, бирасем ва Ватани азизамон Тоҷикистонро дӯст дорем.

Ҷавононе, ки соҳиби донишу саводи баланд ҳастанд, дар кишвар кори арзанда пайдо мекунанд. Бояд гуфт, ки Пешвои милллат Эмомалӣ Раҳмон дар Паёми навбатии хеш бисёр бамаврид таъкид намуданд, ки ҳукумату давлат барои рушди соҳаи маориф чизеро дареғ намедорад. Имруз бо дастгириҳои Пешвои миллат навоварию  ихтироъкориҳо дар тамоми соҳаҳои гуногун, ба монанди: селексионӣ, кимиёвӣ, кӯҳию металлургӣ хеле бисёр мебошанд, ки барои рушди ин соҳаҳо такон мебахшанд. Дар ин масъала агар равшанӣ андозем соли 2016 дар Муассисаи давлатии “Маркази миллӣ патенту иттилоот”-и Вазорати рушди иқтисод ва савдои Ҷумҳурии Тоҷикистон ҷиҳати иҷрои банди 2.2 Нақшаи чорабиниҳои “ Стратегияи миллии рушди моликияти зеҳнии Ҷумҳурии Тоҷикистон барои соли 2014 – 2020” , бандҳои 7 ва 9 Нақшаи кори  Шӯрои милли оид ба ҳамоҳангсозӣ ва рушди моликияти зеҳнии Ҷумҳурии Тоҷикистон барои соли  2016, Озмуни ҷумҳуриявии “Навоварони беҳтарин ва ихтироъкорони наврас ва ҷавон” таҳти  шиори“Қадамбасӯиоянда” ва Озмуни ҷумҳуриявии олимони  ҷавон «Навовари беҳтарин» бахшида ба 25–солагии Истиқлолияти давлтатии Ҷумҳурии  Тоҷикистон баргузор гардида буд, ки   ба ҳар як ғолиби беҳтарин, иштирокчиёни ин озмун туфаҳо ва дипломҳо қадрдонӣ карда шуданд. Инчунин озмуне, ки  аз тарафи Кумитаи ҷавонон, варзиш ва сайёҳии назди ҳукумати Ҷумҳурии Тоҷикистон дар соҳаи адабиёт, рўзноманигорӣ, санъат, барномасозӣ ва меъморӣ гузаронида шуд, ин нишонаи он аст, ки  имруз ҷавонон на танҳо дар соҳаи тахассуси худашон, балки ба корҳои навоварию  ихтироъкорӣ диққати махсус зоҳир менамоянд.

Ҷавонон қувваи бузург ҳастанд ва ҳар миллат дар ҳар давру замон аз ҷавонони худ умеди нек доранд. Ҷавонон  давомдиҳандаи кору фаъолияти насли калонсол, нерӯи созанда ва иқтидори воқеии пешрафти ҷомеа  ва  ояндаи миллат ва давлат мебошанд.

И.АЗИЗХОНОВ,
Р.ХОЛБОЕВ,
устодони донишкадаи куҳӣ – металлургии Тоҷикистон

Add comment


Security code
Refresh