Мулоқоти Раиси вилоят бо кормандони соҳаи тандурустии ноҳияи Шаҳристон

2 июни соли равон Раиси вилояти Суғд Раҷаббой Аҳмадзода ба ноҳияи Шаҳристон ташриф оварда, бо кормандони соҳаи тандурустии ноҳия мулоқот анҷом дод.

Зимни мулоқот таъкид карда шуд, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ баҳри пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд. Аз тарафи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои муассисаҳои соҳаи тандурустӣ миқдори зарурии маводи доруворӣ ва лавозимоти тиббӣ дастрас гардида, табибон бо истифода аз онҳо барои таъмини солимии ҷомеа талош намуда истодаанд.

Зикр гардид, ки корҳои фаҳмондадиҳӣ миёни аҳолӣ бояд пурзӯр карда шуда, табибон бо сокинон дар алоқаи доимӣ бошанд. Дар навбати худ шаҳрвандон бояд барои таъмини солимии худу атрофиён қоидаҳои беҳдоштиро риоя намоянд.

Раиси вилоят Раҷаббой Аҳмадзода барои хизмати содиқона ва шабонарӯзӣ ба табибон изҳори сипос намуда, изҳори боварӣ кард, ки духтурон минбаъд низ барои таъмини солимии ҷомеа бо масъулияти хос фаъолият менамоянд.

Хадамоти матбуоти

Раиси вилояти Суғд

Add comment


Security code
Refresh