Ғолибони мусобиқаи ҷумҳуриявӣ оид ба шиноварӣ муайян гардиданд

Мусобиқаи ҷумҳуриявӣ оид ба шиноварӣ, ки рӯзи 15 ноябр дар Маҷмааи ҳавзҳои шиноварии шаҳри Хуҷанд оғоз ёфта буд, ҷамъбаст гардид.

Мусобиқаи мазкур дар арафаи санаи муҳим - Рӯзи Президенти Ҷумҳурии Тоҷикистон баргузор гардида, дар он беш аз 80 варзишгар аз шаҳри Душабе ва вилоятҳои Суғду Хатлон ширкат варзиданд.

Пас аз талошҳо барои пирӯзӣ ва ба даст овардани медалҳои тиллову нуқра ва биринҷӣ дар ҳисоби даставӣ дастаи Душанбе -1 соҳиби ҷойи аввал, дастаи Душанбе-2 соҳиби ҷойи дуюм ва дастаи Суғд соҳиби ҷойи сеюм шуданд.

Дар маросими ҷамъбастии мусобиқаи ҷумҳуриявӣ Раиси вилояти Суғд Раҷаббой Аҳмадзода иштирок намуда, ба ғолибон Ҷом, Диплом ва дигар туҳфаҳоро тақдим кард.

Хадамоти матбуоти
Раиси вилояти Суғд

Add comment


Security code
Refresh