ПАЁМ – РАҲНАМОИ ИМРӮЗУ ФАРДО

Қувваҳои мусаллаҳи мо ҳимоятгари воқеии Истиқлолияти Ватан, амнияти кишвар ва сулҳу суботи мамлакат мебошад.

Эмомалӣ Раҳмон

Дар асоси нақшаи чорабиниҳои Раёсати кор бо ҷавонон ва варзиши вилоят дар якҷоягӣ бо Комиссариати ҳарбии вилояти Суғд кушодашавии спартакиадаи ҳарбӣ - варзишии "ҳомии Ватан" бахшида ба 25-солагии таъсисёбии Қувваҳои Мусаллаҳи Ҷумҳурии Тоҷикистон дар "Қасри варзиш"-и шаҳри Хуҷанд ташкил ва баргузор гардид.

Ҳамзамон дар кушодашавии спартакиада комиссари ҳарбии вилоят - сардори гарнизони Суғд генерал-майор Н.Назарзода, мутахассиси пешбари Раëсати кор бо ҷавонон ва варзиши вилоят Ф.Салимов, сардоварони мусобиқа, сарбозони қисмҳои низомии вилоят, толибилмону донишҷӯëн иштирок намуданд.

Қобили зикр аст, ки дар кушодашавии спартакиада баҳри болидахотирии меҳмонон, иштирокчиëн, ва сарбозони қисмҳои низомии вилояти Суғд аз тарафи бахши фарҳанги шаҳри Хуҷанд барномаи консертӣ пешкаш карда шуд.

Бояд зикр намуд, ки спартакиадаи мазкур санахои 3 - 22 феврали соли 2018 аз рӯи даҳ намуди мусобиқаи ҳарбӣ - варзишӣ байни қисмҳои низомии гарнизони Суғд дар иншоотҳои варзишии шаҳрҳои Хуҷанд ва Бӯстон бо мақсади тарбия намудани ҷавонон ва сарбозон дар руҳияи ватандӯстию ифтихори миллӣ, ҷалби ҷавонон ба варзиш доир мегардад.

 Шодмон НУРМАТОВ

Add comment


Security code
Refresh