Паёми табрикии Раиси вилоят Абдураҳмон Қодирӣ бахшида ба Рўзи кимиёгарон
Ҳамватанони гиромӣ!
Боиси қаноатмандист, ки ҳамасола якшанбеи охири моҳи май таҷлил намудани иди касбии кормандони соҳаи саноати кимиё ба анъанаи нек даромада, кимиёгарони вилоят ин санаро бо дастовардҳои назарраси меҳнатӣ истиқбол мегиранд.
Соли равон Рўзи кимиёгарон дар остонаи ҷашни фархундаи миллат – 20-солагии ба имзо расидани Созишномаи умумии истиқрори сулҳ ва ризоияти миллӣ, Рўзи Ваҳдати миллӣ таҷлил карда мешавад. Аз ин хотир, ҳар кору пайкоре, ки мову шумо дар ин рўзҳо ба анҷом мерасонем, бояд ба пешвози шоиставу сазовори ин санаи тақдирсози миллат амалӣ карда шавад.
Баргузории машварати кории Раиси вилоят дар Қасри Арбоб
Имрӯз Раиси вилоят Абдураҳмон Қодирӣ ба Қасри маданияти Арбоб ташриф овард ва дар инҷо бо ҳузури Раиси вилоят машварати корӣ баргузор шуд.
Зимни машварат ба масъулини соҳаи сохтмону меъморӣ дастур дода шуд, ки ҷиҳати анҷоми корҳои ободонӣ, таъмиру тармими Қасри Арбоб, Чойхонаи миллӣ ва ба ободониву кабудизоркунӣ фаро гирифтани ҳудуди он тадбирҳои зарурӣ андешанд.
Дар Истаравшан боғи истироҳативу фароғатӣ бунёд мешавад
Дар идомаи сафари корӣ ба шаҳри Истаравшан Раиси вилоят бо ҷараёни сохтмони бинои нави Муассисаи давлатии Коллеҷи ҳунарҳои мардумии шаҳр шинос гардид. Сохтмони ин иншоот соли 2011 оғоз ёфта, он барои 320 ҷои нишаст пешбинӣ шудааст.
Фармоишгар Вазорати маориф ва илми Ҷумҳурии Тоҷикистон ва пудратчӣ ҶСНК “МПМК Уротеппа” мебошад. Мувофиқи лоиҳа бунёди бинои асосии муассиса, ошхона, маҷлисгоҳ, толори варзишӣ, устохона ва хобгоҳ барои 150 нафар ба нақша гирифта шуда, то имрӯз бинои асосӣ қомат афрохтааст. Раиси вилоят ҳангоми шиносоӣ бо лоиҳаи иншоот таъкид дошт, ки дар бунёди ин муассисаи таълимиву ҳунаромӯзӣ мақомоти иҷроияи ҳокимияти давлатии вилоят низ саҳмгузорӣ намуда, мабалағҳои зарурӣ равон карда мешавад. Барои ин ба сохтмончиён ва масъулин дастур дода шуд, ки дар марҳилаи аввал сохтмони бинои асосии муассисаро пурра бо сомон расонида, бунёди толори варзишиву маҷлисгоҳ, устохона ва ошхонаро ба роҳ монанд.
Шиносоии Раиси вилоят бо ҷараёни сохтмони иншооти гуногун дар шаҳри Истаравшан
Санаи 24 майи соли 2017 Раиси вилояти Суғд Абдураҳмон Қодирӣ бо мақсади шиносоӣ бо вазъи иқтисодиву иҷтимоӣ ва ҷараёни сохтмони якчанд иншооти гуногунсоҳа ба шаҳри Истаравшан сафари корӣ анҷом дод.
Зимни сафар Раиси вилоят дар маркази шаҳри Истаравшан бо ҷараёни сохтмони дармонгоҳ, ки аз ҷониби соҳибкори маҳаллӣ Ҳанифа Ёқубова бунёд гардида истодааст, шинос шуд. Сохтмони бинои 4 ошёна соли 2014 оғоз ёфта, имсол ба итмом расонида хоҳад шуд. Ҳангоми шиносоӣ бо рафти сохтмон Раиси вилоят ба роҳбарияти мақомоти иҷроияи маҳаллӣ ва соҳибкор тавсия дод, ки дар ин бино хизматрасонии тиббӣ танҳо барои бемориҳои амрози занона ба роҳ монда шавад.
Дар вилояти Суғд Рӯзи ҷавонони Тоҷикистон бо шукӯҳу шаҳомати хоса таҷлил шуд
Санаи 23 майи соли 2017 дар Муассисаи давлатии Маҷмааи таърихӣ – фарҳангии “Истиқлол” маросими тантанавии ҷамъбастии чорабиниҳои Рӯзи ҷавонони Тоҷикистон доир шуд.
Чорабинии идона бо раҳпаймоии ҷавонони касбу кори гуногун, аз ҷумла донишҷӯёну варзишгарон оғоз ёфт. Иштирокчиёни раҳпаймоӣ бо шукрона аз сулҳу ваҳдати пойдор аз се самт – аз гардишгоҳи микроноҳияи 28, аз назди бинои Бозрасии давлатии автомобилии вилояти Суғд ва аз назди Корхонаи воҳиди давлатии “Маҷмааи ҳавзҳои шиноварии “20-солагии Истиқлолияти Тоҷикистон” ҳаракат карда, дар Маҷмааи таърихӣ-фарҳангии “Истиқлол” сарҷамъ шуданд.
Cоли 1896 дар шаҳри Хуҷанд ба дунё омадааст. Иштирокчии мубориза баҳри барқароркунии Ҳокимияти Шӯравӣ дар Тоҷикистон. Аъзои ҲКИШ аз соли 1919.