Аъзои Маҷлиси миллии Маҷлиси Олии Ҷумҳурии Тоҷикистон интихоб гардид
17-уми июли соли 2016 дар маҷлисгоҳи калони Мақомоти иҷроияи ҳокимияти давлатии вилояти Суғд ҷаласаи якҷояи мақомотҳои намояндагии шаҳру ноҳияҳои вилоят баргузор гардид. Ҷаласаро Раиси вилояти Суғд, Раиси Маҷлиси вакилони халқи вилоят Абдураҳмон Қодирӣ ифтитоҳ намуда, зикр дошт, ки мутобиқи қарори Комиссияи Марказии интихобот ва раъйпурсии Ҷумҳурии Тоҷикистон аз 17-уми майи соли 2016, №52 дар ҳавзаи интихоботии вилояти Суғд, №2 интихоботи узви Маҷлиси миллии Маҷлиси Олии Ҷумҳурии Тоҷикистон ба ивази узви хориҷшуда баргузор мегардад.
Дар ҷаласаи якҷояи мақомотҳои намояндагии шаҳру ноҳияҳои вилоят аз 717 нафар вакилон 645 нафар иштирок доштанд.
Иҷлосияи ҳафтуми Маҷлиси вакилони халқи вилояти Суғд, даъвати панҷум
13 июли соли 2016 дар маҷлисгоҳи Мақомоти иҷроияи ҳокимияти давлатии вилоят таҳти Раёсати Раиси вилояти Суғд, Раиси Маҷлиси вакилони халқи вилоят Абдураҳмон Қодирӣ иҷлосияи ҳафтуми Маҷлиси вакилони халқи вилояти Суғд, даъвати панҷум доир гардид. Дар кори иҷлосия муовинони Раиси вилоят, раисони шаҳру навоҳии вилоят, роҳбарони ташкилоту идораҳои вилоятӣ, сохторҳои мақомоти ҳифзи ҳуқуқ ва дигар шахсони дахлдор иштирок намуданд.
Иҷлосия бо садо додани Суруди миллӣ ифтитоҳ ёфта, дар кори он аз 65 нафар вакилон 64 нафар ширкат варзиданд. Вакилони иҷлосияи ҳафтуми Маҷлиси вакилони халқи вилоят, даъвати панҷум 12 масъалаи муҳимро мавриди баррасӣ қарор доданд.
Шукӯҳи хоса ва мӯҳтавои тоза
Ба туфайли Истиқлолияти давлатӣ ва рушди босуботи иқтисоди миллӣ сол ба сол шумораи аҳолӣ афзоиш ёфта, дар ин замина шаҳраку марказҳои нави аҳолинишин бунёд гардида истодаанд. Дастур дода мешавад, ки шаҳракҳо мутобиқи тамоми қоидаҳои шаҳрсозӣ босифат бунёд гарданд ва онҳо бояд садсолаҳо ба мардум хизмат расонанд.
Эмомалӣ Раҳмон
Қувваи дастҷамъию созандагӣ
Ташаббус ва иқдом калимаҳоеанд, ки аз ҷиҳати моҳият бе ҳеҷ ваҷҳ тавъаманд. Имрўз дар ин макони бунёдкорӣ ва ободонӣ – ба васфи банноёни шаҳраки Сайҳун сухан гуфтан барои ҳар кас гуворост ва ба мо, журналистон ифтихор ва пайкори касбӣ ҳам ҳаст, зеро он ҳама амалҳои неку обод-гарӣ моро аз мавҷи худ, аз насими ҷонбахши худ бебаҳра намегузорад. Аслан, нишонаҳои онро дар дигар гўшаҳои вилоят низ мушоҳида кардан мумкин аст: дар шаҳракҳои нав бунёдшавандаи Меҳрободи ноҳияи Мастчоҳ, Моҳпарии шаҳри Исфара, Баҳористони шаҳри Истаравшан, Саразми шаҳри Панҷакент. Аммо шиддати пешрафти корҳо, ҷараёни амалисозии нақшаҳои кулли сохтмонҳо ва чунонки гўянд, нақшаҳои дақиқи бунёди шаҳракҳо дар ҳама ҷо як хел нест ва як хел шуда ҳам наметавонад.
Абдураҳмон Қодирӣ: Журналист бояд аз ғаразу тӯҳмат ва тамаъ бипарҳезад…
Санаи 11 июли соли 2016 дар толори конфронсии Муассисаи давлатии вилоятии «Боғи миллии Ваҳдат» нишасти матбуотии Раиси вилояти Суғд Абдураҳмон Қодирӣ оид ба натиҷаҳои соҳаҳои иҷтимоию иқтисодии вилоят дар нимсолаи аввали соли 2016 баргузор гардид, ки дар он муовинони Раиси вилоят, роҳбарону ташкилоту идораҳои давлатӣ ва наздик 70 нафар намояндагони васоити ахбори оммаи ватаниву хориҷӣ ширкат варзиданд.
Дар нишасти матбуотӣ Раиси вилоят Абдураҳмон Қодирӣ сараввал оид ба натиҷаҳои соҳаҳои иҷтимоию иқтисодии вилоят дар нимсолаи аввали соли 2016 маълумоти муфассал дод.
Таҷлили Рӯзи маъюбон дар Чойхонаи миллии Қасри Арбоб
Санаи 8 июл чорабинӣ ба Рӯзи маъюбон дар Чойхонаи миллии Қасри Арбоб бо шаҳомати хоса баргузор карда шуд, ки дар он 350 нафар маъюбону пиронсолон иштирок намуданд.
Чорабинӣ бо доир намудани хатнасури 26 нафар кӯдакон, аз ҷумла 5 нафар кӯдаки маъюб ва 21 нафар тифлакони аз оилаҳои маъюб оғоз ёфт. Тӯйи суннатии кӯдакони имконияташон маҳдуд аз ҳисоби мақомоти иҷроияи ҳокимияти давлатии вилоят баргузор гардида, нишони дастгирии ин табақаи ҷомеа аз ҷониби давлату Ҳукумат мебошад. Ин табақаи эҳтиёҷманди чомеаро ба муносибати ҷашнашон Раиси вилояти Суғд Абдураҳмон Қодирӣ таҳният гуфт. Аз ҷумла таъкид карда шуд, ки таваҷҷӯҳу ғамхорӣ ба маъюбону пиронсолон, шахсони яккаву танҳо ва ба меҳрубонӣ ниёздошта дар маркази сиёсати Президенти мамлакат ва Ҳукумати ҷумҳурӣ қарор дорад ва натиҷаи ҳамин сиёсати инсонгароёна аст, ки имрӯз дар тамоми муассисаҳои соҳа, аз қабили марказҳои хизматрасонии иҷтимоӣ ва мактаб-парваришгоҳҳои ҳудуди вилоят тамоми шароитҳои зарурӣ барои зиндагӣ ва кору истироҳати қишри ниёзманди ҷомеа фароҳам оварда шуда, аёдати онҳо дар арафаи иду айём ба таври мунтазам ба роҳ монда мешавад.
Cоли 1905 дар деҳаи Қистакӯз таваллуд ёфтааст. Дастпарвари курсҳои муаллим-тайёркунии Самарқанд ва Тоҷикинпрос (Тошканд) аз овони донишҷӯӣ бо нашрияҳо ҳамкорӣ дошт.