Маросими ба истифода супоридани Нишони давлатии Ҷумҳурии Тоҷикистон дар шаҳри Норак
Дар доираи сафари корӣ дар шаҳри Норак 20 март Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Нишони давлатии Ҷумҳурии Тоҷикистонро ба истифода доданд.
Иншооти мазкур дар майдони 1570 метри мураббаъ бунёд ёфта, дар зарфи камтар аз як сол сохтмони он ба анҷом расонида шуд. Баландии сутунпояи Нишони давлатӣ аз сатҳи сақф 20 метрро ташкил дода, аз масолеҳи хушсифат ва тобовар бунёд ёфтааст. Худи Нишон наздик ба 2 метр буда, дар маҷмӯъ баландии иншоот бо сутунпояаш 22 метрро ташкил медиҳад.
Оғози бунёди боғи суперинтенсивӣ дар Муассисаи давлатии “Боғи миллии Ваҳдат”
19 марти соли 2019 дар Муассисаи давлатии “Боғи миллии Ваҳдат”-и ноҳияи Бобоҷон Ғафуров бо ширкати Раиси вилояти Суғд Раҷаббой Аҳмадзода ба бунёди боғи суперинтенсивӣ оғоз бахшида шуд.
Чуноне иттилоъ дода шуд, масоҳати боғи нав наздик 3 гектарро ташкил медиҳад ва барои бунёди боғи суперинтенсивӣ аз кишварҳои Франсия, Лаҳистон ва Канада чор навъи ниҳолҳои гелосу шафтолу ворид карда шудааст.
Оғози мумфаршкунии роҳҳо дар шаҳрҳои Хуҷанду Бӯстон
Дар идомаи корҳои ободониву бунёдкорӣ ба истиқболи 30-солагии Истиқлолияти давлатии Ҷумҳурии Тоҷикистон нимаи дуюми рӯзи 19 март дар шаҳрҳои Хуҷанд ва Бӯстон мумфаршкунии як қатор кӯчаҳо шуруъ шуд.
Раиси вилояти Суғд Раҷаббой Аҳмадзода бо дуои пирони рӯзгор ба мумфаршсозии роҳи кӯчаҳои Фирдавсӣ, Мақсудҷон Танбурӣ, Ҳаким Карим ва академикон Зариф ва Солеҳ Раҷабовҳои шаҳри Хуҷанд ва кӯчаҳои Душанбе, Гагарин ва Репкинаи шаҳри Бӯстон оғоз бахшид.
Оғози фаъолияти заводи истеҳсоли автобусҳо дар шаҳри Душанбе
Имрӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе Рустами Эмомалӣ дар ноҳияи Фирдавсӣ ба фаъолияти заводи истеҳсоли автобусҳо оғози расмӣ бахшиданд.
Сохтмони корхонаи мазкур дар асоси дастуру супоришҳои Сарвари давлат аз ҷониби Ҷамъияти дорои масъулияти маҳдуди «Акиа Авесто Автоматив Индастри» ба итмом расонида шуд. Ҷамъият ҳамчун ширкати муштарак аз ҷониби ширкати ватании Ҷамъияти дорои масъулияти маҳдуди «Авесто Гурӯҳ» ва ширкати тиҷорати туркии «Улишем» таъсис дода шуда, баҳри расидан ба ҳадафи миллии эълонгардида дар самти саноатикунонии кишвар роҳандозӣ шудааст.
Ифтитоҳи Муассисаи таҳсилоти миёнаи умумии №99 дар шаҳри Душанбе
Имрӯз бо иштироки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе Рустами Эмомалӣ дар кӯчаи Борбади ноҳияи Синои пойтахт муассисаи таҳсилоти миёнаи умумии рақами 99 мавриди истифода қарор гирифт.
Иншооти таълимӣ барои 1260 нафар дар ду баст пешбинӣ шудааст. Арзиши умумии харҷномавии Муассисаи таҳсилоти миёнаи умумии рақами 99 дар маҷмӯъ зиёда аз 14 миллион сомониро ташкил медиҳад.
(Раҷабов) 12-уми январи соли 1938 дар шаҳри Хуҷанд ба дунё омадааст. Нависанда, Корманди шоистаи фарҳанги РСС Тоҷикистон (1988), Аъзои ИН СССР (1982).