Истаравшан
- Информация о материале
- Просмотров: 90
Истаравшан шаҳри кайҳонӣ бувад,
Посдори хулқи раҳмонӣ бувад.
Маскани ҳар илму ирфон бошад он,
Зеби шеъру зеби дастон бошад он.
Толеи фаррух насибаш гаштааст,
Мардуми олам ҳабибаш гаштааст.
Шаҳри мо кони мелоҳат буду ҳаст.
Олами ҳусну тароват буду ҳаст.
Навбат
- Информация о материале
- Просмотров: 82
(ғазал)
Гар сарат аз авҷи нусрат то Суҳо* ҳам мерасад,
Аз тағофул зери по бими бало ҳам мерасад.
Ҳар дақиқа мекунад шайтони малъун васваса,
Хайрият, бар дафъи он фавзи* Худо ҳам мерасад!
Чун бишуд пажмурда гулҳои муаттар аз самум,
Дар гулистони Шумо боди сабо ҳам мерасад!
Офтоби меҳрубониҳост дар рӯзи умед,
Дар шаби қадри висолаш маҳлиқо ҳам мерасад.
Барчашидӣ талхии ҷабру ҷафои бешумор,
Оқибат, ширинии аҳду вафо ҳам мерасад.
Гоҳ арози беасосу гоҳ рашки бесабаб,
Гар ситеза дур шуд, нозу адо ҳам мерасад.
Лаҳзаҳои интизорӣ пучу беҳосил гузашт,
Рӯзгори файзбахшу пурбаҳо ҳам мерасад.
Дар муҳити зиндагӣ раҳгумзанӣ бераҳнамо,
Киштият омода бошад, нохудо ҳам мерасад.
Ин дарахти босамар аз баҳри ҳар кас сархам аст,
Бар чунин шохи сахо дасти гадо ҳам мерасад.
Байни ушшоқаш ту ҳам кардӣ висоли ӯ талаб,
Сабр кун, охир Ҷило, навбат ба мо ҳам мерасад.
Эзоҳ:
Суҳо – ситораи дури дастнорас
Фавз – ғалаба, пирӯзӣ, наҷот
Сайидамин ҶИЛО,
“Ҳақиқати Суғд”
Иқтидори сайёҳӣ ва роҳҳои нав
- Информация о материале
- Просмотров: 103
Суғд аз минтақаҳои дорои иқтидори баланди сайёҳии кишвар ба шумор меравад. Бо табиати нотакрор, кӯҳҳои азимҷусса, кӯлҳои зебоманзар ва мавзеъҳои таърихию фарҳангӣ ин минтақа метавонад таваҷҷуҳи сайёҳони дохилию хориҷиро бештар ба худ ҷалб намояд. Қалъаи Хуҷанд, Саразми бостонӣ, Ҳафткӯл, обанбори Баҳри Тоҷик ва осоишгоҳҳои “Авис-сити”-ву “Баҳористон” аз мавзеъҳое мебошанд, ки метавонанд таваҷҷуҳи меҳмонони дохилию хориҷиро ҷалб намоянд. Ҳар кадоми онҳо хусусият ва ҷозибаи хоси худро доранд: яке аз таърихи чандинҳазорсолаи минтақа қисса мекунад, дигаре бо манзараҳои табиӣ ва имкониятҳои истироҳатӣ маъруф аст. Маҳз ҳамин гуногунрангӣ имкон медиҳад, ки дар вилоят хатсайрҳои таърихӣ, фарҳангӣ, экологӣ ва фароғатӣ рушд ёбанд.
Яке аз мавзеъҳои ҷолиби табиии вилояти Суғд Ҳафткӯл мебошад, ки бо номи кӯлҳои Марғзор низ маъруф аст. Ин силсилакӯлҳо дар кӯҳистони Фон, қаторкӯҳҳои Зарафшон, дар ҳудуди водии дарёи Шинг ҷойгир шудаанд. Манзараҳои кӯҳӣ, обҳои шаффоф ва рангорангии кӯлҳо ба ин мавзеъ ҳусни хос бахшида, онро ба яке аз маконҳои ҷолиби сайёҳӣ табдил додаанд.
Шукўҳи Ватан!
- Информация о материале
- Просмотров: 228
Бинозам зи номи баланди Ватан,
Шукуҳи самоӣ дар ин анҷуман.
“Дигар Кохи санъат наёбад газанд”,
Ки дорад ҳунар эътибори баланд.
Зи субҳи сафои дурахши Ватан,
Забон аз дилу ҷон бигӯяд сухан.
“Ҳар он кас, ки доно, тавоно бувад”,
Ҳунарманд хуршеди фардо бувад.
Страница 1 из 53
