- Информация о материале
- Просмотров: 200
Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар суханрониҳои хеш таъкид менамоянд, ки саноат яке аз соҳаҳои муҳими иқтисодиёти миллӣ буда, маҳз тавассути рушди он мо метавонем барои кишвар ҷойҳои нави корӣ муҳайё созем ва некӯаҳволии мардумро баланд бардорем. Пешвои миллат саноатикунонии босуръатро ҳамчун ҳадафи чоруми стратегӣ муайян намудаанд, ки ин дастур дар вилояти Суғд бо масъулияти баланд амалӣ мегардад. Шуъбаи энергетика ва саноати Мақомоти иҷроияи ҳокимияти давлатии вилоят дар ҳамбастагӣ бо сохторҳои дахлдор ва мақомоти иҷроияи ҳокимияти давлатии шаҳру ноҳияҳо давоми моҳҳои январ-декабри соли 2025 баҳри иҷрои ин дастурҳо як силсила тадбирҳои судманд андешиданд.
Дар доираи ин тадбирҳо 146 корхонаву коргоҳи нави саноатӣ бо 1497 ҷойи нави корӣ таъсис дода шуд. Ин корхонаҳо асосан дар соҳаҳои саноати сабук ва масолеҳи бинокориву хӯрокворӣ фаъолият намуда, дар таъмини бозори дохилӣ бо маҳсулоти истеҳсоли ватанӣ саҳми босазо мегузоранд. Давоми моҳҳои январ-декабри соли 2025 ҳаҷми истеҳсоли маҳсулоти саноатӣ ба маблағи наздик ба 39,1 миллиард сомонӣ расонида шуд, ки нисбат ба ҳамин давраи соли 2024 бо нархҳои муқоисавӣ 8,8 миллиард сомонӣ зиёд мебошад.
- Информация о материале
- Просмотров: 360
Вилояти Суғд яке аз минтақаҳои калидии кишоварзии Ҷумҳурии Тоҷикистон ба ҳисоб рафта, бо иқтидору имкониятҳои фаровони худ дар самти парвариш, коркард ва содироти меваю сабзавот мавқеи хосса дорад. Шароити мусоиди табиӣ, иқлими мувофиқ, заминҳои ҳосилхез, мавҷудияти захираҳои меҳнатӣ ва таҷрибаи ғании деҳқонон имкон фароҳам овардааст, ки вилоят дар таъмини амнияти озуқавории кишвар ва густариши содироти маҳсулоти кишоварзӣ саҳми назаррас гузорад.
Суғд аз қадимулайём ҳамчун минтақаи боғдориву сабзавотпарварӣ маъруф буда, маҳсулоти он натанҳо дар бозорҳои дохилӣ, балки дар кишварҳои хориҷи дуру наздик низ шуҳрат дорад. Имрӯз, дар шароити иқтисоди бозорӣ, рушди коркарди саноатии маҳсулоти кишоварзӣ ба яке аз самтҳои муҳими сиёсати иқтисодии вилоят табдил ёфтааст. Зеро коркарди ашёи хом, истеҳсоли маҳсулоти тайёр ва банду басти муосир арзиши иловагии маҳсулотро баланд бардошта, имкониятҳои содиротиро васеъ менамояд.
- Информация о материале
- Просмотров: 143
- Дар давраи ҳисоботӣ аз ҳамаи сарчашмаҳои маблағгузорӣ ба маблағи 95 миллиону 609,1 ҳазор сомонӣ корҳо иҷро шуданд, ки нисбат ба нақшаи пешбинишуда ба 121,2 фоиз баробар аст. Аз ин маблағ 48 миллиону 420,6 ҳазор сомонӣ аз ҳисоби буҷет, 4 миллиону 582 ҳазор сомонӣ аз ҳисоби соҳибкорону аҳолӣ ва 42 миллиону 606,5 ҳазор сомонӣ бо дастгирии шарикони рушд ҷалб гардид, - гуфт раиси ноҳия Хайрулло Бобозода дар нишасти матбуотӣ.
Қайд шуд, ки нақшаи қисми даромади буҷети давлатӣ дар соли равон бе дарназардошти андози иҷтимоӣ 12 миллиону 558 ҳазор сомонӣ пешбинӣ гардида, иҷроиши он ба 16 миллиону 732,7 ҳазор сомонӣ расид.
- Информация о материале
- Просмотров: 270
Дар мақомоти иҷроияи ҳокимияти давлатии ноҳияи Зафаробод нишасти матбуотии раиси ноҳия Муқим Муродзода бо иштироки намояндагони воситаҳои ахбори омма баргузор гардид. Зимни нишаст натиҷаҳои фаъолияти иҷтимоию иқтисодии ноҳия дар соли 2025 ҷамъбаст гардида, дурнамои рушди минбаъда баррасӣ шуд.
Гуфта шуд, ки соли 2025 қисми даромади буҷети ноҳия бо назардошти андози иҷтимоии ғайрибуҷетӣ 102,3 фоиз иҷро гардида, ба буҷет беш аз 78,7 миллион сомонӣ ворид шуд, ки нисбат ба нақша 1,7 миллион сомонӣ зиёд мебошад. Ҳамзамон, аз буҷети вилоят ба ноҳия 49 миллион сомонӣ маблағҳои мақсаднок ҷудо гардид.
