- Информация о материале
- Просмотров: 354
Замин барои деҳқон танҳо як қитъаи замини кишт нест. Он сарчашмаи рӯзгор, кафили фаровонии дастархон, манбаи даромади оила ва яке аз муҳимтарин воситаҳои таъмини амнияти озуқавории ҷомеа мебошад. Аз ин рӯ, муносибат ба замин бояд муносибати соҳибона бошад: ҳар ваҷаб замин бояд самаранок истифода гардад, ҳар мавсими киштукор бояд ба имкони нави истеҳсол табдил ёбад ва пас аз ҷамъоварии ҳосили аввал замин набояд бекор монад.
Маҳз аз ҳамин нуқтаи назар, кишти такрорӣ дар шароити имрӯзаи вилояти Суғд аҳамияти махсус пайдо мекунад. Зеро иқтидори заминҳои обёришаванда, гармии тобистон, мавсими нисбатан дарози нашъунамои зироатҳо ва таҷрибаи чандинсолаи деҳқонони вилоят имкон медиҳанд, ки аз як қитъаи замин дар давоми як сол на як, балки ду ва дар ҳолатҳои мусоид ҳатто се ҳосил ба даст оварда шавад.
- Информация о материале
- Просмотров: 397
Ҳар дафъае, ки аз баландии роҳи мошингарди Душанбе–Хуҷанд тамошо мекунам, пеш аз ҳама табиати нотакрор, кӯҳҳои сарбаланд, водиҳои сабз, заминҳои кишт ва деҳаҳои ободу хуррами пеши назар мерасанд. Аммо симои имрӯзаи ноҳия танҳо бо манзараҳои зебои табиат маҳдуд намешавад. Дар пасманзари ин ҳама зебоӣ, чеҳраи дигаре низ ҳаст — чеҳраи як ноҳияи ҷавон, ки дар солҳои соҳибистиқлолӣ тадриҷан шакл гирифта, инфрасохтори иҷтимоиву иқтисодии худро бунёд кардааст.
Ин ҳақиқатро сафари рӯзноманигорони вилоят ба ноҳияи Шаҳристон бори дигар собит намуд. Ин дафъа низ ҳадафи сафар шиносоӣ бо раванди корҳои созандагиву ободонӣ, дастовардҳои соҳаҳои гуногун ва инъикоси зиндагии мардуми меҳнатқарини ноҳия дар арафаи ҷашни 35-солагии Истиқлоли давлатии Ҷумҳурии Тоҷикистон буд.
- Информация о материале
- Просмотров: 558
Бо фаро расидани тирамоҳ саҳроҳои пахтаи вилоят ранги дигар мегиранд. Ин давра барои кишоварзон аҳамияти хос дорад, зеро натиҷаи заҳмати чандмоҳа акнун бояд бо масъулият ва дар муҳлати мувофиқ ҷамъоварӣ шавад.
Пахта барои иқтисоди кишвар маҳсулоти муҳими кишоварзӣ маҳсуб ёфта, истеҳсол, ҷамъоварӣ, коркард ва истифодаи он бо фаъолияти соҳаҳои гуногун пайванди мустақим дошта, ба рушди саноати сабук, ташкили ҷойҳои корӣ ва афзоиши ҳаҷми истеҳсолоти дохилӣ мусоидат менамояд. Аз ин рӯ, ҷамъоварии саривақтӣ ва босифати ҳосили пахта вазифаи муҳимми мавсими имсола ба шумор меравад.
- Информация о материале
- Просмотров: 624
ё ин ки усули нави кишт чӣ афзалият дорад?
Дар калонтарин ноҳияи ҷумҳурӣ ба номи Бобоҷон Ғафуров дар майдони 6489 гектар пунбадона киштанд. Бино ба гуфти муовини якуми раиси ноҳия Абдуаҳад Қурбонзода айни ҳол чеканкаи ниҳоли пахта вусъати тоза гирифта, беш аз 70% пахтазорон аз чеканка бароварда шудааст. Як навид аз ин ноҳияи калонтарини пахтакорӣ он аст, ки дар баъзе қитъаҳо пахта ба шукуфтан оғоз кардааст.
Мо дар кооперативи тиҷоратии ба номи Ҷаббор Расулови ноҳия меҳмон шуда, аз ҷараёни нашъунамо, нигоҳубин, ғиззодиҳӣ ва обёрии пахтазорон шинос шудем.
- Информация о материале
- Просмотров: 531
-Ҳаҷми умумии маҳсулоти кишоварзӣ дар ҳамаи шаклҳои хоҷагидорӣ дар нимсолаи аввали соли ҷорӣ ба 272 миллиону 178,2 ҳазор расид, ки нисбат ба ҳамин давраи соли гузашта 54 миллиону 306,3 ҳазор сомонӣ зиёд мебошад,-гуфт Муқим Муродзода, раиси ноҳияи Зафаробод, зимни нишасти хабарӣ. Ҳамзамон, таъкид кард, ки вазъи обрасонӣ низ беҳтар шуда, пойгоҳҳои обкашӣ пурра аз таъмир бароварда шуданд.
Дар ин давра, дар майдони 28 ҳазору 800,4 гектар, аз он ҷумла, дар 10 ҳазору 80,3 гектар зироати хӯроки чорво, дар 10 ҳазору 70,9 гектар навъҳои гуногуни пахта, дар 7 ҳазору 134,3 гектар зироати ғалладонагӣ, дар 810,4 гектар полезӣ, дар 374,4 гектар зироати техникӣ, дар 254,2 гектар сабзавот ва дар 70 гектар картошка кишт карда шуд.
-Соҳаи чорводорӣ низ яке аз соҳаҳои асосӣ дар ноҳияи Зафаробод ба ҳисоб рафта, дар давраи ҳисоботӣ дар ҳамаи шаклҳои хоҷагидорӣ 46 ҳазору 545 сар моли калони шохдор, 100 ҳазору 768 сар моли майда, 59 ҳазору 516 сар паранда, 1833 оилаи занбӯри асал ва 174 сар асп ба қайд гирифта шуд, ки нисбат ба ҳамаи давраи соли гузашта зиёд аст,-гуфт ӯ.
Истеҳсоли маҳсулоти чорво низ тадриҷан рушд намуда, дар ин давра 1470,8 тонна гӯшт, аз он ҷумла, 374,9 тонна гӯшти паранда, 10 ҳазору 551,2 тонна шир ва 2 миллиону 193,2 ҳазор дона тухм истеҳсол шудааст.
Дар қисмати саволу ҷавоб, ба суоли хабарнигори рӯзномаи “Ҳақиқати Суғд” дар мавриди фермаҳои чорвопарварӣ иттилоъ дода шуд, ки айни замон дар ноҳия 2 фермаи парвариши моли калони шохдор ва 1 фермаи парвариши моли майдаи шохдор фаъолият мекунад, ки маҳсулоти гӯштӣ ва ширии онҳо ба шаҳру ноҳияҳо фиристода мешавад Ҳамзамон, 6 фермаи парандапарварӣ амал мекунад, ки 4 адади он ба истеҳсоли тухм ва 2 ададаш ба истеҳсоли гӯшти мурғ равона шудааст.
-Айни замон дар ноҳияи Зафаробод 6626 субъекти хоҷагидор ба қайд гирифта шудааст, ки аз ин 6233 соҳибкори инфиродӣ мебошад. Дар ноҳия барои ташкили хоҷагиҳои деҳқонӣ, фермерӣ ва ҳама намуди фаъолияти соҳибкорӣ шароити зарурӣ муҳайё карда шудааст,-дар фароварди нишасти матбуотӣ таъкид кард Муқим Муродзода.
Амони МУҲАММАД,
“Ҳақиқати Суғд”
