- Информация о материале
- Просмотров: 146
Дар толори калони Раёсати Муассисаи давлатии таълимии «Донишгоҳи давлатии Хуҷанд ба номи академик Бобоҷон Ғафуров» таҳти унвони «Нақши Пешвои миллат дар гиромидошти қаҳрамонони миллат ва эҳёи адолати таърихӣ» ҳамоиши илмӣ-сиёсӣ ва тарбиявӣ баргузор гардид.
Дар ҳамоиш олимону муҳаққиқон, ректорони муассисаҳои таҳсилоти олии касбии вилояти Суғд, устодон ва донишҷӯён иштирок намуданд.
Ректори донишгоҳ Набизода Мирзотоҳир Сайфиддин ҳамоишро ифтитоҳ бахшида, қайд кард, ки дар даврони соҳибистиқлолӣ таҳти роҳбарии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон масъалаҳои эҳёи хотираи таърихӣ, гиромидошти фарзандони содиқи миллат ва таҳкими худшиносии миллӣ ба яке аз самтҳои муҳими сиёсати давлатӣ табдил ёфтаанд.
Дар ҳамоиш сиёсатшинос Абдуллоҳи Раҳнамо суханронӣ намуда, оид ба аҳамияти таърихиву сиёсии гиромидошти қаҳрамонони миллат ва нақши он дар таҳкими ваҳдати миллӣ ва тарбияи ҷавонон андешаҳои судманд баён кард.
Аз ҷумла таъкид намуд, ки арҷгузорӣ ба хизматҳои шахсиятҳои барҷастаи миллат, аз ҷумла Нусратулло Махсум, Шириншоҳ Шоҳтемур, Нисор Муҳаммад ва дигар фарзандони фарзонаи тоҷик, нишонаи эҳтиром ба таърихи давлатдорӣ ва қадршиносии хизматҳои содиқонаи онҳо ба Ватан мебошад. Иқдоми таърихии Пешвои миллатро оид ба овардани муште аз хоки оромгоҳи ин чеҳраҳои мондагор ба Ватан ҳамчун намунаи олии эҳёи адолати таърихӣ ва эҳтиром ба арзишҳои миллӣ бояд шинохт.
Абдуллои Раҳнамо таъкид намуд, ки омӯзиш ва таблиғи корномаи фарзандони фарзонаи миллат барои баланд бардоштани ҳисси ватандӯстӣ, худшиносии миллӣ ва тарбияи насли ҷавон дар руҳияи садоқат ба давлату миллат аҳаммияти муҳим дорад.
Сурайё Ҳакимова,
“Ҳақиқати Суғд”
- Информация о материале
- Просмотров: 101
Дар Театри мазҳакаи мусиқии ба номи Камоли Хуҷандӣ бахшида ба 80- солагии Нависандаи халқии Тоҷикистон Маъруф Бобоҷон ҳамоиши фарҳангӣ баргузор гардид. Дар маҳфили бошукӯҳ аҳли илму адаб, дӯстдорони каломи бадеъ ва меҳмонон аз шаҳру навоҳии вилоят иштирок намуданд.
Чорабиниро раиси бахши суғдии Иттифоқи нависандагони Тоҷикистон Аҳмадҷони Раҳматзод ифтитоҳ намуда, аз саҳми арзишманди Маъруф Бобоҷон дар рушди адабиёти миллӣ, тарбияи маънавии ҷомеа ва ғановати фарҳанги тоҷик ёдовар шуд. Зикр гардид, ки осори нависанда бо рӯҳи ватандӯстӣ, инсонпарварӣ ва бозтоби воқеияти зиндагӣ миёни хонандагон маҳбубияти хоса дорад.
Дар ҷамъомад мудири шуъбаи рушди иҷтимоӣ ва робита бо ҷомеаи дастгоҳи Раиси вилояти Суғд Тоҷибой Султонӣ, муовини раиси шаҳри Хуҷанд Азамат Азимӣ, муовини раиси ноҳияи Бобоҷон Ғафуров Дилором Турсунзода ва аз номи раиси Иттифоқи нависандагони Тоҷикистон нависанда Равшани Махсумзод суханронӣ намуда, соҳибҷашнро ба муносибати 80-солагӣ самимона муборакбод гуфтанд.
Ҳамчунин аз номи адибони ҳавзаи Зарафшон шоир Исмоил Зарифӣ андешаҳои худро доир ба фаъолияти пурсамари эҷодии Маъруф Бобоҷон баён кард.
Қисмати фарҳангии чорабинӣ бо иҷрои суруду таронаҳои дилнишин ва намоиши порчаҳо аз асарҳои адиб рангу таровати тоза касб намуд.
Ҷашни 80-солагии Маъруф Бобоҷон ба маҳфили гарму хотирмон табдил ёфта, нишони арҷгузорӣ ба аҳли қалам дар рушду нумӯи адабиёти тоҷик гардид.
Сурайё Ҳакимова,
“Ҳақиқати Суғд”
- Информация о материале
- Просмотров: 136
Абдушукур Бобоҷонов аз зумраи инсонҳоест, ки ба донишу таҷриба ва масъулиятшиноӣ такя карда, барои рушди соҳаҳои мухталиф солҳои беҳтарини умрро бахшидааст. Корномаи ӯ беш аз ним аср давом ёфта, фарогири бахшҳои савдо, молия, идоракунии давлатӣ, ҳифзи иҷтимоӣ, кишоварзӣ ва маориф аст. Мавсуф имрӯз низ бо истифода аз кӯлбори таҷрибаву дониш фаъолиятро ҳамчун директори Парки технологии Муассисаи давлатии таълимии “Донишгоҳи давлатии Хуҷанд ба номи академик Бобоҷон Ғафуров” идома медиҳад. Мо бо корномаи эшон ошно шуда, зимнан, дар бораи густариши фаъолияти Парки технологӣ ҳамсуҳбат шудем.
Абдушукур Бобоҷонов баъди хатми синфи ҳаштуми мактаби миёнаи рақами 5 –и шаҳри Хуҷанд соли 1972 ба техникуми кооперативӣ дохил шуда, онро бо ихтисоси молшинос хатм мекунад. Таҳсилро дар шуъбаи шабона идома дода, ҳамон сол ба кор оғоз менамояд. Дар солҳои аввали фаъолият ҳамчун шогирди фурӯшанда ва баъдан молшинос кор кардааст. Соли 1975 техникумро хатм намуда, таҳсилро дар факултети иқтисодии Донишгоҳи давлатии Тоҷикистон ба номи В. И. Ленин (ҳоло Донишгоҳи миллии Тоҷикистон) идома медиҳад.
- Информация о материале
- Просмотров: 50
Зиндагиву ҷомеа бо нафарони хирадманду дурандеш, дурбину фазилатпеша, соҳибкасбу дӯстдори ҳаёт нуру зиёи нав пайдо мекунад ва рангину зебо мегардад. Шахсият дар рушду пешрафти ҷомеа метавонад нақши бузургу мондагор гузорад, хоса нафаре, ки тамоми ҳастияш, қалбаш, вуҷудаш саршори самимияту лутфу меҳрубониву некбиниву накӯкорист. Бошад, ки дар зиндагӣ мо ҳамеша ҳамсуҳбат, ҳамнишин, ҳамсафар, ҳамкор, шогирди чунин шахсоне бошем, ки зиндагиашон намунаи ибрату омӯзиш ва сабақи пурҳикмат аст. Чи хеле ки мегӯянд:
Гар ният покасту дил покасту пок аст орзу,
Ҳарчӣ аз Яздон, ки мехоҳӣ, ба дастат мерасад.
Ғайрату хастанопазирии ходими ҳизбиву давлатӣ, сиёсатмадори ботаҷриба, идеологи варзида, устоди устодон, зиёии ҳақиқӣ, омӯзгори асил, ҳамсари вафодор, падари ғамхор, бобои меҳрубон, инсони ҳалиму хоксор Абдуҳаким Шарифов барои мо, шогирдон намунаи ибрат буданду ҳастанд.
- Информация о материале
- Просмотров: 140
Абдуманнон Қамарович Ҳусейнов зодаи шаҳри бостонии Хуҷанд аст ва ӯ ҳамчун идомабахши амалҳои неки ниёгони худ, ҳамчун фарзанди барӯманди халқу ватани худ буданашро борҳо бо кирдору рафтори худ ба ҳама исбот кардааст.
Ҷашни 60-солагии доктори илмҳои иқтисодӣ, профессори Университети технологияи шаҳри Москва Абдуманнон Ҳусейнов, ки 16-уми майи соли 2016 дар яке аз ёдгориҳои таърихию меъмории бошукӯҳи Федератсияи Русия, яъне дар Қасри Екатеринаи шаҳри Москва баргузор гардид, боз як далели гуфтаҳои болост. Чунки дар ин воқеаи муҳими ҳаёти пурҷӯшу хурӯши Абдуманнон Ҳусейнов натанҳо хешу табор, олимону соҳибкорони шинохта, дӯстону ҳамкорон ба табрику муборакбодии ӯ омада буданд, балки зумраи ашхоси касбу кори мухталиф низ ҳузур доштанд, ки арзи сипосу миннатдории самимии худро ба соҳибҷашн изҳор кардан мехостанд. Чунки Абдуманнон Ҳусейнов солҳои тӯлонӣ дастгиру мададгори беминнати онҳо буд…
