- Информация о материале
- Просмотров: 217
Конститутсияи Ҷумҳурии Тоҷикистон ҳанӯз сию ду сол муқаддам – 6-уми ноябри соли 1994 тариқи раъйпурсии умумихалқӣ қабул шуда, бо талаботи замон солҳои 1999, 2003 ва 2016 ба он тағйиру иловаҳо ворид гардидааст. Дар моддаи якуми Конститутсия чунин омадааст: “Ҷумҳурии Тоҷикистон давлати демократӣ, ҳуқуқбунёд, дунявӣ ва ягона буда, барои ҳар як инсон шароити зиндагии арзанда ва инкишофи озодонаро фароҳам меорад”.
Вожаи “Конститутсия” чист? “Конститутсия” калимаи лотинӣ – “constitutio” буда, маънояш “муқарраркунӣ”, “сохтор”, “барпо намудан” ё “таъсис додан” мебошад.
Дар ҳақиқат пас аз соҳибистиқлолии кишвар, ки солҳои нахустинаш хеле вазнин омада буд, хеле мушкилиҳоро аз сар гузаронидем.
- Информация о материале
- Просмотров: 339
Ҳар сол дар кишвар санаи 9-уми сентябр Рӯзи Истиқлолияти давлатии Ҷумҳурии Тоҷикистон ҷашн гирифта мешавад. Истиқлолият яке аз идҳои асосии расмии давлати тозаҷавони мо аст.
Аз рӯзи Сарвари давлат интихоб гардидани фарзанди барӯманди халқ, Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар тамоми фишангҳои ҳокимият меъёрҳои танзимкунандаи ҳаёти иқтисодӣ, иҷтимоӣ ва фарҳангии кишвар паҳн гардида, пули миллӣ ба муомилот баромад ва шиносномаи миллӣ дар арсаи ҷаҳонӣ эътироф гардид.
- Информация о материале
- Просмотров: 403
Ба мардуми шарифи кишвари мо неъмати бебаҳои соҳибихтиёрӣ, соҳибдавлатӣ насиб гардид, равзанаи саодатмандӣ, бахту иқбол боз шуд. Вале, ин рӯзҳои пурсаодат дер давом накард. Ба дӯши мардуми шарифи кишвари мо ҷанги таҳмилиро бор карданд. Дар мамлакат бесарусомониҳо сурат гирифт. Он рӯзҳои аввали солҳои навадум зиндагӣ чигуна талх буд, вазнин буд, мо, насли калонсоли кишвар хеле хуб медонем, заҳру талхии он рӯзгорро чашидаем. Ба тақдири фардои худ умеду боварӣ надоштем. Ҳар лаҳзаи умрамонро бо хавотирӣ мегузаронидем. Марҳалае буд, ки ба гирду атроф нигарӣ, ҳама вазъ касро ба ноумедӣ мебурд. - Заминҳои киштношудаи ғаллазор, гандумзор, дигар зироатҳо, мағозаҳои холӣ, нигоҳҳои маҳзуну ҳузнангези мардум, чашмони пурашки тифлон.
Бо умеди он, ки тавассути симо ягон муждаи нек мегӯянд, шабона чашм ба телевизор медӯхтам. Он рӯихат, ки аз телевизор намоиш дода мешуд, дар коғази сиёҳу бо ҳарфҳои сафед навишташудаву беохир гузаронида мешуд, рӯихати онҳое буд, ки гурезагони иҷборӣ шудаанд ва ё фирор кардаанду пайвандонашон онҳоро меҷӯянд. Диламро он лаҳзаҳо хавфи беҳудуд пахш мекард. Бачаҳоямро ба оғӯшам пахш карда, хомӯш ашк мерехтам. Дар андешаам он фикр чарх мезад, ки оё ин ҷигарбандони ман ба воя мерасанд, оё айёми тифлии беғаш мебинанд...
- Информация о материале
- Просмотров: 573
Раиси вилояти Суғд,
муовини якуми Раиси Маҷлиси миллии
Маҷлиси Олии Ҷумҳурии Тоҷикистон муҳтарам Раҷаб Аҳмадзода
Бо камоли эҳтирому самимият Шуморо ба муносибати 55-умин баҳори умр аз номи ҳайати эҷодии нашрияи Мақомоти иҷроияи ҳокимияти давлатии вилоят - “Ҳақиқати Суғд” самимона табрику муборакбод менамоем. Ба Шумои азизу гиромиқадр тансиҳативу саодатмандӣ, хонаободӣ ва дар ҷодаи иҷрои рисолати муқаддас – сарварӣ ба вилояти овозадори Суғд комёбиҳо таманно менамоем.
Дар ин лаҳзаҳои таърихӣ, ки мардуми шарафманди кишвар зери таассуроти неку хотирмони ҷашни 35 - солагии Истиқлоли давлатии Ватани азизамон қарор доранд, рост омадани мавлуди мубораки 55 - солагии Шумо рамзи нек аст.
- Информация о материале
- Просмотров: 572
Чист Истиқлол? Ҳаққи бенаво пардохтан,
Аз саховатмандии ҳаррӯза дунё сохтан.
Мактуби хунолуду сарду сияҳро ошкор,
Бурда бар ҷайби ниҳони рӯдҳо андохтан.
Қонуни бинвиштаро муҳри абад бинҳодан аст
Парчами таърихамонро дар само афрохтан.
Қарзи мо дар назди кишвар низ бо ин зайл шуд,
Шукроҳанги сад истиқлолро бинвохтан.
Ҳеч тарсе нест моро, дар раҳи ҳифзи Ватан,
Нест дар хуни тани мо кору бори бохтан.
Пос медорем, гар доне зи дасти кас расид,
Дар дили мо ҷо набошад қисмати нашнохтан.
Мақсади мо дар раҳи қисмат ҳамин аст, одамон!
Тоҷиконро аз замини Тоҷикистон ёфтан.
Сӯҳроб ОТАЕВ,
“Ҳақиқати Суғд”
