April 2016

28 April 2016

Мулоқоти Ёрдамчии Президент бо фаъолони ноҳияи Б. Ғафуров оид ба омодагиҳо ба раъйпурсӣ

Санаи 26 апрели соли равон дар маҷлисгоҳи калони мақомоти иҷроияи ҳокимияти давлатии ноҳияи Бобоҷон Ғафуров ҷаласаи корӣ оиди омодагӣ ба раъйпурсии умумихалқӣ доир гардид.

Дар ҷаласаи мазкур Ёрдамчии  Президенти Ҷумҳурии Тоҷикистон оид ба масъалаҳои ҳуқуқӣ - Ватанзода Маҳмадалӣ, раиси Комиссияи маркази интихобот ва райъпурсии Ҷумҳурии Тоҷикистон - Худоёрзода Бахтиёр ва муовини Раиси вилоят Назира Ғаффорӣ иштирок ва суханронӣ  намуданд. Ҳамчунин дар вохӯрӣ роҳбарони ташкилоту корхонаҳои ноҳия, раисони ҷамоатҳои шаҳраку деҳот, раисон ва котибони учаскаҳои райъпурсии ноҳия, сарварони муассисаҳои таҳсилоти миёнаи умумӣ, сардухтурони беморхонаҳо ва дигар шахсони дахлдор иштирок доштанд.

Ватанзода Маҳмадалӣ Маҳмадулло доир ба ворид намудани тағйиру иловаҳо ба Конститутсияи Ҷумҳурии Тоҷикистон суханронӣ намуда, аз ҷумла иброз дошт,  ки баъд аз қабули лоиҳа  мафҳуми «Сарқонун» аз Конститутсия гирифта мешавад. Таъкид гардид, ки тағйиру иловаҳо барои таҳкими равандҳои демократикунонӣ,  ҳуқуқу озодиҳои инсон, низоми мақомоти ҳокимияти давлатӣ, таъмини амнияти Ваҳдати миллии мардуми Тоҷикистон, дар маҷмӯъ ба рушди ҷомеа нигаронида шудаанд.

Раиси Комиссияи маркази интихобот ва райъпурсии Ҷумҳурии Тоҷикистон - Худоёрзода Бахтиёр доир ба раванди омодагии учаскаҳои райпурсӣ ба райъпурсии умумихалқӣ суханронӣ намуда, изҳор дошт, ки дар миқёси ҷумҳурӣ 68 ҳавза ва 3239 учаскаҳои райпурсӣ амал мекунад, ки онҳо барои гузаронидани райъпурсии умумихалқӣ дар ҳолати омодабош қарор дорад.  Аз иштирокдорони вохӯрӣ даъват ба амал овард, ки дар рӯзи райъпурсии умумихалқӣ, ки санаи 22 майи соли равон баргузор мешавад, фаъолона ширкат варзида, ба хотири ояндаи дурахшони кишвар барои тасдиқи лоиҳаи тағйиру иловаҳо овоз диҳанд.

Хадамоти матбуоти
Раиси вилояти Суғд

Читать далее

Омодагӣ ба маъракаи муҳим

Барои дар сатҳи баланд гузаронидани раъйпурсии умумихалқӣ оид ба “Тағйиру иловаҳо ба Конститутсияи (Сарқонуни)  Ҷумҳурии Тоҷикистон” дар шаҳри Гулистон корҳои омодагӣ рӯз то рӯз вусъат меёбад. Ҳавзаи раъйпурсии Гулистон №29 дар бинои шуъбаи Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон дар шаҳр, кӯчаи Истиқлол 61 “а” ҷой гирифтааст.

Ҳуҷҷатҳои зарурӣ таҳия, участкаҳои раъйпурсӣ муайян, барӯйхатгирии шаҳрвандоне, ки дар раъйпурсӣ иштирок мекунанд тартиб дода шуда, аъзоёни комиссияи участкавии раъйпурсӣ ташкил ва ҷараёни корҳои тарғиботӣ муташаккилона тибқи Қонуни Конститутсиони Ҷумҳурии Тоҷикистон “Дар бораи раъйпурсии Ҷумҳурии Тоҷикистон” ба роҳ монда шудааст. Теъдоди умумии иштирокчиён дар раъйпурсӣ 19 ҳазору 277 нафарро ташкил медиҳад. Онҳое, ки бори аввал дар ин маъракаи муҳими сиёсӣ иштирок менамоянд 329 нафар буда, шаҳрвандоне, ки дар муҳоҷирати меҳнатианд 2173 нафар мебошанд.

Барои гузаронидани раъйпурсии умумихалқӣ 20 участкаҳои раъйпурсӣ ташкил карда шудааст. Абдумуталиб Абдуллоев, раиси комиссияи ҳавзавии раъйпурсии Гулистон №29 тавре иттилоъ дод имрӯзҳо 11 нафар ҳайати комиссия бахри татбиқи нақшаи чорабиниҳои асосӣ доир ба тайёрӣ ва гузаронидани раъйпурсии умумихалқӣ 22-юми майи соли 2016 саъю талош доранд.

kairokkum.tj

Читать далее

Мичуринҳои тоҷик чӣ ҳол доранд?

Ё изҳори нигаронии Раиси вилоят аз фаъолияти институти боғпарварӣ.

Самти асосии филиали суғдии Институти боғпарварӣ, сабзавоткории Академияи илмҳои кишоварзии Тоҷикистон аз бурдани корҳои илмӣ-тадқиқотӣ дар соҳаи боғу токпарварӣ, ниҳолпарварӣ ва сабзавоткорӣ иборат мебошад. Бобати шиносои вазъи имрӯзаи Институти мазкур Раиси вилоят Абдураҳмон Қодирӣ дирӯз ба ноҳияи Бобоҷон Ғафуров сафар корӣ анҷом дода аз филиали суғдии Институти боғпарварӣ, сабзавоткорӣ дидан кард.

Тавре аён гардид, Филиал дорои чор шўъба, ду озмоишгоҳ буда, шўъбаҳои мевапарварӣ, ниҳолпарварӣ, ангурпарварӣ, сабзавоткорӣ, озмоишгоҳи коркард ва нигоҳдории маҳсулоти кишоварзӣ, озмоишгоҳи агрокимиёвӣ ва шўъбаи механизатсия мебошад.

Читать далее

Малах: майдони паҳнгаштаи он 4470 гектар!...

Малах ҳашароти зараррасони майдонҳои кишт ва дарахтзору чарогоҳҳо буда, ҳамасола баҳри пешгирии он тадбирҳои амалӣ андешида мешаванд. Бо мақсади шиносо шудан аз фаъолияти мутахассисони соҳа ва чигунагии ин намуди ҳашарот сўҳбате доштем, бо сардори КВД «Мубориза бар зидди малах» Абдухолиқ Бобоҷонов.

Ба ҳамагон маълум аст, ки аз давраҳои қадим одамон малахро ҳамчун зараррасон ва офати асосии табиии зироатҳои кишоварзӣ ва чарогоҳҳо ҳисоб мекарданд. Паҳншавӣ ва зарароварии малах пеш аз солшумории мелодӣ дар Мисри қадим ва баъдтар дар Fарби наздику давлати Чин маълум гардидааст. Дар Тавроту Инҷил бошад, малах ҳамчун касалии вабо дарҷ шудааст. Дар асри ХIХ паҳншавии малах дар ҳудуди cалтанати рус, Қазоқистон ва Осиёи Марказӣ ҷой дошта, соли 1864 киштзору чарогоҳҳо дар ҷанубу шарқи Қазоқистон аз зарари малах ба нестӣ расида буданд.

Читать далее

Хизмати Ватан – ифтихори шаҳрвандӣ

Дар ин навбат 21 нафар фарзандони мансабдорон  барои хизмат фиристода шуданд. 

Ватан ҷойгоҳи муқаддасест, ки аҷдодони мо онро мерос гузоштаанд. Пас пос доштан, ҳимоя намудан ва азизу муқаддас доштани он барои ҳар яки мо ҳам қарз асту ҳам фарз. Монанди шахсиятҳои барҷастаи миллат Исмоили Сомонӣ, Садриддин Айнӣ, Шириншоҳ Шоҳтемур, Нусратулло Махсум, Пешвои миллати тоҷикон Эмомалӣ Раҳмон ва дигар қаҳрамонони миллати тоҷик Ватани азизи худро ҳимоят намоем. Имрўз низ ҷавонони баору номус ва далеру шуҷои кишварамон барои ҳифзи манфиатҳои миллӣ хизмат намуда истодаанд.

Читать далее

Арҷгузорӣ ба фарҳанги миллӣ

Бахшида ба 25-умин солгарди Истиқлолияти давлатии кишвар Вазорати фарҳанги Ҷумҳурии Тоҷикистон дар ҳамкорӣ бо Кумитаи телевизион ва радиои назди ҳукумати Ҷумҳурии Тоҷикистон аз моҳи март то моҳи августи соли 2016 бо иштироки ҳаваскорони санъати тамоми шаҳру ноҳияҳои мамлакат Фестивал-озмуни ҷумҳуриявии телевизионии эҷодиёти халқ «Анделеб-2016»-ро эълон намудааст.

Санаи 25.04.2016  даври аввали фестивал-озмуни мазкур дар байни ташкилоту муассисаҳо ва ҷамоатҳои деҳоти шаҳри Конибодом оғоз гардид. Аз ҷумла, дар озмун санаи 25-ӯvӣ апрел дастаи ҳунарии коллеҷи тиббии шаҳр иштирок ва баромад намуда, аз рӯйи 12 номгӯи барномаи «Андалеб» ҳунарнамоӣ карданд.

Дастаи ҳунарии литсейи касбии саноати кишоварзии шаҳр ҳунарнамоӣ карда, шартҳои «Андалеб»-ро бо маҳорати хос иҷро намуданд. Дар маҷмӯъ барномаи ҳунарии дастаҳо аз ҷониби ҳакамон ҳамаҷониба баҳогузорӣ карда шуданд. 

Баргузории намоишҳо дар давраи шаҳрӣ то санаи 4-уми майи соли равон сурат гирифта, ғолиби даври шаҳрӣ дар даври вилоятӣ ва ҷумҳуриявӣ ширкат менамояд.

Парвина Абдуллоева,
шаҳри Конибодом

Читать далее

Ба раъйпурсӣ омодаанд

Комиссияи участкавии раъйпурсӣ оид ба ворид намудани тағйиру иловаҳо ба Конститутсияи Ҷумҳурии Тоҷикистон №61 воқеъ дар Ҷамоати деҳоти Унҷии ноҳияи Бобоҷон Fафуров ба раъйпурсӣ омода аст.

Раиси участка, директори гимназияи № 2-юми ноҳия Муҳаббат Абдулакимова изҳор дошт, ки масъулон тамоми 2682 нафари ба раъйдиҳӣ ҳуқуқдоштаро ба рӯихат гирифтанд. Аз онҳо 16 нафар барои райъдиҳӣ  бори аввал ба участка  меоянд. Тамоми ҳуҷҷатгузориҳо дар участка ба анҷом расидааст. Кабина барои раъйдиҳӣ бо лавозимоти зарурӣ таъмин, хонаи модару кӯдак, нуқтаи тиббӣ ба хизматрасонӣ пурра тайёр аст.  

32 нафар таблиғотчӣ вазифаи худро нағз медонанд ва онро бе таъхир иҷро мекунанд.

М.ВАЛИЕВ

 

Читать далее

27 April 2016

Раванди таъмини амнияти озуқаворӣ

Дар даврони соҳибистиқлолии кишвар бевосита бо ибтикори Пешвои миллат, Президенти Тоҷикистон Эмомалӣ Раҳмон, ҷиҳати таъмини амнияти озуқаворӣ, ки дорои аҳамияти муҳими стратегист, иқдомҳои зиёде роҳандозӣ шуда, самар мебахшанд.

Ва ин ҳадаф дар Паёми имсолаи Президенти Ҷумҳурии Тоҷикистон ба Маҷлиси Олии кишвар низ ҳамчун вазифаҳои аввалиндараҷаи яке аз се ҳадафи миллии эълонгардида: таъмини амнияти озуқавориву дастрасии аҳолӣ ба ғизои хушсифат ба таври равшан баён шудааст.

Феълан дар ҳудуди шаҳри Гулистон 5 корхонаи ордбарорӣ: Ҷамъиятҳои дорои масъулияташ маҳдуди “Хубон”, “Чархи гандумин”, “Муфаззал”, “Зарфишон” ва “Фаровон-1”амал мекунанд. Тавре мудири бахши энергетика ва саноати мақомоти иҷроияи ҳокимияти давлатии шаҳр Фазлиддин Орифов иттилоъ дод корхонаҳои номбурда дар семоҳаи аввали соли равон ҳаҷми истеҳсоли маҳсулотро нисбат ба ҳамин давраи соли сипаригардида бо нархҳои муқоисавӣ аз 133,6 то 259,4 фоиз таъмин намуданд. Теъдоди умумии кормандон дар коргоҳҳои ордбарорӣ 118 нафар буда, иқтидори истеҳсолӣ дар як моҳ 1187,3 тоннаро ташкил медиҳад. Ҷоизи зикр аст, ки Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон ба ҶДММ “Фаровон-1” ду маротиба ташриф оварданд.

Корхонаҳои номбурда аз ягон намуди андоз қарз надоранд ва дар реҷаи муайян маблағро пардохт менамоянд. Баробари ин маблағҳои истифодаи қувваи барқ ва дигар навъҳои хизмати коммуналӣ сари вақт супорида мешавад.

Чунон, ки Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ҳидоят менамоянд, ҷорӣ намудани техникаву таҷҳизоти ҳозиразамон имкон фароҳам меоварад, ки ба истеҳсоли маҳсулоти хушсифату рақобатпазир мусоидат карда шавад.

Боиси хурсандист, ки роҳбарияти корхонаҳои номбурда  баробари саҳмгузорӣ дар корҳои ободониву созандагӣ ҳамчунин, ба табақаҳои нодори ҷомеа мадад мерасонанд.

Ҷомеаҳои меҳнатии корхонаҳои коркарди орд дар ҷаҳду талоши онанд, ки баҳри сазовор истиқбол гирифтани ҷашни 25-солагии Истиқлолияти давлатии Ҷумҳурии Тоҷикистон ба нишондиҳандаҳои боз ҳам хуби истеҳсолӣ ноил гарданд. 

Рустамҷон ОДИЗОДА

Читать далее

Бо азму нияти нек

Бо фарорасии фасли баҳор баробари ба табиати афсункор рангу нумӯи тоза бахшидан, дар ҳамаи самтҳои хоҷагиҳои кишоварзӣ корҳои ниҳолшинониву кабудизоркунӣ, кишти зироатҳо, кишти ғалладонагиҳо босуръат ҷараён мегирад. Кишоварзони ноҳияи Шаҳристон имрӯзҳо баҳри ободу зебо ва пурнозу неъмат гардонидани дастархони мардум меҳнати софдилона доранд.

Ҷиҳати иҷроиши қарори ҳукумати Ҷумҳурии Тоҷикистон «Дар бораи Барномаи рушди соҳаи боғу токпарварӣ дар Ҷумҳурии Тоҷикистон барои солҳои 2016-2020» ва қарори Раиси вилояти Суғд «Дар бораи  Барномаи рушди соҳаи боғу токпарварӣ дар вилояти Суғд барои солҳои 2016-2020» ва дар ин замина қарори Раиси ноҳияи Шаҳристон «Дар бораи  рушди соҳаи боғу токпарварӣ дар ноҳияи Шаҳристон барои солҳои 2016-2020» дар ноҳия тадбирҳои зарурӣ амалӣ мешаванд. Дар ин марҳала дар ҳудуди ноҳия дар майдони 36,9 гектар боғҳои нав бунёд карда шуд.

Дар маъракаи бунёди боғҳои нав саҳми хоҷагиҳои ноҳия назаррас аст. Масалан, ки «Шаҳристон» ба майдони 5 гектар, ки ба номи М.Шукуров дар майдони 4 гектар, КИ «Холдорқипчоқ» ва «Қӯшқӯрғон» дар майдони 2,5 гектар, хоҷагиҳои ба номи Рӯдакӣ, Сулаймонов ва «Қарабчӣ» дар майдони 2 гектарӣ боғи нав бунёд намуданд. Аз нияти боғпарварон самараҳои хуб мебахшанд. 

Мастона КАРИМОВА

Читать далее

Ҷавонон фардои миллатанд

Бо мақсади дар амал татбиқ намудани дастуру ҳидоятҳои Асосгузори сулҳу ваҳдати миллӣ, Пешвои миллат мӯҳтарам Эмомалӣ Раҳмон бобати фароҳам овардани ҷойҳои нави корӣ бо иқдоми Раёсати Донишкадаи политехникии Донишгоҳи техникии Тоҷикистон ба номи академик М.С.Осимӣ бори нахуст дар шаҳри Хуҷанд ярмарка таҳти унвони  «Интихоби мутахассисони арзанда» доир гардид. ҳадаф аз баргузории чорабинии мазкур нишон додани самараи фаъолияти Маркази мартабаи донишкада ва робитаи онҳо бо корхонаву ташкилотҳо маҳсуб меёфт. 

Дар ярмарка ҳамаи кафедраҳои донишкада дастовардҳои илмию истеҳсолии худ, фаъолияти пойгоҳу озмоишгоҳҳо, муваффаққиятҳои собиқ хатмкунандагони худро пешкаши ҳозирин намуданд. Барои дарёфти мутахассисони арзанда зиёда аз 60 коргоҳу ширкатҳо аз ҷумла, ширкатҳои сохтмонии «Тиниал», «Равзана пласт», «Старпласт», бонкҳои «Спитаменбонк» «Бонки байналмилалӣ», «Агроинвестбонк», «Матин», коргоҳҳои истеҳсолии «Дӯсти Амирхон», «Зода», «Яхмоси 33» «Ҷавонӣ», Ҷамъияти саҳомии «Сорбон», «Барқи тоҷик», Маркази забономӯзии «Аркон», ширкати манбаҳои энергияи азнавбарқароршавӣ, ширкати таҷрибаи пешкадам дар бизнес ва молия  дар ярмарка ширкат доштанд.

Дар расми ифтитоҳи чорабинии мазкур директори донишкада, номзади илмҳои техникӣ Дилафрӯз Сангинова таъкид дошт, ки бо ҷойи кори доимӣ таъмин намудани шаҳрвандон яке аз масъалаи муҳим ва омили пешравии иқтисод ва беҳбудии зиндагии аҳолӣ ба ҳисоб меравад. Ва ин нукта пайваста дар суханронии Асосгузори сулҳу ваҳдати миллӣ, Пешвои миллат, мӯҳтарам Эмомалӣ Раҳмон зикр мегардад.

Донишкадаи политехникии Донишгоҳи техникии Тоҷикистон аз рӯзҳои аввали таъсисёбиаш фаъолияти худро танҳо ба як ҳадаф-баланд бардоштани сифати таҳсилот ва ба хоҷагии халқи кишвар омода намудани кадрҳои арзандаи соҳа нигаронидааст. Ва дар ин самт муваффақ ҳам гардида истодааст. 

ҳоло шогирдони донишкада дар беҳтарин ширкатҳои алоқавию бонкӣ, коргоҳҳои истеҳсолӣ фаъолияти босамар дошта, бо таъсиси Маркази мартаба мо фаъолиятамонро дар ин самт тақвият бахшидем.

Мудири шӯъбаи агентии меҳнат ва шуғли аҳолӣ дар шаҳри Хуҷанд Калонова Гулчеҳра дар баромадаш нақши донишкадаро дар самти омода намудани мутахассисони варзида нек арзёбӣ намуд.

Сипас мулоқоти озоду шаффофи масъулини корхонаҳо бо беш аз 1142 хатмкунандаи донишкада сурат гирифт. Кордиҳанда, яъне ташкилоту корхонаҳо фаъолияти худро бо назардошти имкониятҳо ва афзалиятҳо нишон доданд ва барои ишғоли вазифаҳои муайяншуда мутахассисони варзидаро интихоб намуданд.

Абдусабури Абдуваҳҳоб,
котиби матбуоти Донишкадаи политехникии
Донишгоҳи техникии Тоҷикистон ба номи академик
М.С. Осимӣ дар шаҳри Хуҷанд

Читать далее