April 2016

15 April 2016

«Луғати фурс» - и Асадии Тӯсӣ - бо хатти кириллӣ

«Луғати фурс» - и Асадии Тӯсӣ китоби чаҳорум аз силсилаи фарҳангҳоест, ки таҳти унвони «Ганҷи сухан» дар Донишгоҳи давлатии ҳуқуқ, бизнес ва сиёсати Тоҷикистон ба табъ расид.

Луғатномаи мазкур сеюмин луғати тафсирӣ дар таърихи фарҳангнигории тоҷикӣ - форсӣ ва аввалин луғати дорандаи шоҳиди  то замони мо расида маҳсуб мешавад. Муаллифи фарҳанг баробари тадвини луғатнома қоида ва қонунҳои фарҳангнигории форсӣ - тоҷикиро барои чандин садсолаҳо мушаххас сохта, имрўз он ба ҳайси сарчашма ва маъхази мўътабару  илмӣ маъруф аст.

Қобили зикр аст, ки луғатномаи мазкур якчанд маротиба бо хатти форсӣ интишор ёфта, то имрўз нашри илмию интиқодии он бо хатти кириллӣ сурат напазируфта буд. Бо саъю эҳтимоми устоди донишгоҳ, муҳаррири масъули маҷаллаи илмию назариявии «Ахбори ДДҲБСТ», номзади илмҳои филология, дотсент Ғиёсов Нурулло Исматович нахустин маротиба дар кишвар нусхаи илмию интиқодии луғатнома таҳия ва нашр гардид. Ба ин муносибат, дирўз дар донишгоҳ маҳфили рўнамои китоби тозанашри «Луғати фурс» баргузор гардид. Дар ҳамоиш олимону устодони донишгоҳ, мутахассисон аз Донишгоҳи давлатии Хуҷанд ба номи академик Б.Ғафуров ширкат варзиданд.

Маҳфилро сардори раёсати илми донишгоҳ дотсент Саидумрон Саидов ҳусни ифтитоҳ бахшида,  оид ба моҳияти баргузории чунин маҳфилҳо ва ҳадафҳои муаррифии китоби  тозанашри «Луғати фурс» - и Асадии Тӯсӣ сухан кард.

Ректори донишгоҳ, доктори илмҳои таърих, профессор  Ҷамшед Ҷӯрабоев  сухан намуда, роҷеъ ба анъанаҳои китобу китобдорӣ,  нақши китоб дар ташаккули тамаддуни тоҷикон, китоб ҳамчун мояи наҷоти маънавии инсон ибрози андеша намуда, бо хатти кириллӣ таҳия ва ба нашр расидани ин луғаномаи арзишмандро аз падидаҳои муҳими илмӣ дар донишгоҳ ва ҷумҳурӣ арзёбӣ намуд.

Баъдан дар маърўзаи худ “«Луғати фурс» - нахустфарҳанги адаби форсӣ-тоҷикӣ” мураттиб ва таҳиякунандаи луғатнома, дотсент Н.Ғиёсов доири масоили марбут ба раванди баргардон, таҳия ва танзими матни интиқодии луғатнома ва амсоли инҳо ҳарф зада,  ба кулли онҳое, ки дар кори таҳияи ин сарчашмаи муҳими илмӣ кӯмаку дастгирӣ намуданд, миннатдории хешро баён намуд.

 Дар идомаи маҳфил дотсентон С.Саидов дар мавзӯи «Арзиши илмию адабии осори куҳан дар суханшиносии муосири тоҷик»,  Ислом Раҳимов таҳти унвони «Аз таърихи саҳми тоҷирон дар интишори китоб” маърӯза намуданд.

Дар фарҷом меҳмонони ҳамоиш - профессорон Абдуҷамол  Ҳасанов,   Абдусаттор Абдуқодиров,  Атахон Сайфуллоев ва Туғрал Шокиров дар бораи аҳамият ва арзиши нашри кириллии ин китоб, ташаккули раванди таҳия, баргардон ва нашри манобеи илмию адабӣ дар ҳавзаи илмии Хуҷанд дар мисоли интишори силсилаи осори мондагори луғавӣ, адабию таърихӣ ва амсоли инҳо сухан карданд.

Дар интиҳои маҳфил якчанд нафар сарпарастон, аз ҷумла соҳибкор А.Исмоилов,  ки дар нашри “Луғати фурс” ва дигар китобҳо  саҳм гирифтаанд, бо Сипосномаи раёсати ДДҲБСТ қадршиносӣ гардиданд.

Мавзуна РАҲМОНОВА,
мутахассиси бахши занони ДДҲБСТ

Читать далее

Муҳофизати табиат-муҳофизати Ватан аст…

Асосгузори сулҳу ваҳдат, Пешвои миллат, Президенти кишвар, мӯҳтарам Эмомалӣ Раҳмон дар ҳар як вохӯриву баромадҳои пурмӯҳтавои худ, хоса ба насли ҷавони миллат таъкидан мегӯянд: «Тоҷикистон алҳақ як неъмати худодод, як мӯъҷизаи табиат, як порча биҳишти рӯи Замин аст. Мисли сарзамини мо табиати нотакрор, обҳои софу зулол, чашмаҳои шифобахш, кӯҳҳои сарбаланди дорои сарватҳои зеризаминӣ дар ягон гӯшаи олам нест – пас месазад, ки шукри ҳар як замини ҳосилхез бикунем ва ин ҳама дороияшро, ки сарчашмаи ҳаёти мост, ба наслҳои оянда ба мерос гузорем».

Ин суханони хирадмандонаи Асосгузори сулҳу ваҳдатро мантиқан дарк намоем, ишора бар он аст, ки гузаштагонамон дарахт шинониданд, мо меваи онро хӯрдем ва ҷавобан ба ин заҳмати авлодони пешин мо низ дарахт шинонем, боғ бунёд кунем, ки меваҳои шаҳдбори онро наслҳои оянда истеъмол намоянд. Яъне шинониданд, хӯрдем, шинонем, ки хӯранд. Дар ҳақиқат, агар ба табиати зебои Тоҷикистон, боғу гулгаштҳо, ҷангалҳои табиии он, боғҳои доманакӯҳҳо, дар ду тарафи роҳҳо сабзидани дарахтони зиёди сӯзанбарг ва беду сафедорҳои ороишӣ, гулу гиёҳҳои шифобахши он назар афканем, ҳамаи ин сарсабзу хуррамиҳо бо меҳнату заҳматҳои зиёди деҳқонони асил, бобову бобокалонҳои мо, авлодони некноми мо ба вуҷуд омадааст ва чуноне дар боло ишора рафт, ба гуфти Пешвои миллат ин боигариҳоро оқилона истифода барем ва ба наслҳои минбаъда мерос гузорем.

Ман ҳамчун омӯзгори илми ҳаётшиносӣ (биология) солҳои зиёдест, ки бо як меҳру муҳаббати модарона ба фарзандон – шогирдони азизи худ муҳаббати зиёд доштан ба Ватан, ба табиати зебои он, ихлосу иродат, саодату рисолати ватандорӣ ва табиатдӯстиро меомӯзонам. Борҳо оид ба аҳамияти дарахт ва дарахтшинонӣ барояшон таъкидан гуфтаам. Дарахт барои инсон аз оғоз то охири ҳаёт лозим аст. Табиати нотакрор моро модарвор мехӯронаду мепӯшонад. Аз ин рӯ, мо омӯзгоронро, алалхусус, омӯзгорони  фанни биологияро зарур аст, ки ба шогирдон моҳият, аҳамият ва ҳифзи онро ҳамаҷиҳата фаҳмонем. Истеъмоли меваҳои шаҳдбори себ, нок, олу, зардолу, ангур, писта, бодом, чормағз, тут, хӯришҳои болаззат аз қабили кашниз, райҳон, занҷабил, помидор, бодиринг, карам, бехмевагиҳои сабзӣ, пиёз, картошка, лаблабу, шалғам, ки манбаъҳои асосии таъмини витаминҳо ба организми инсон мебошанд, чун маҳсули табиати нотакрор ва асоси тансиҳативу солимии инсон ба ҳисоб мераванд. Чунин таъминоти солимии инсон ба нигоҳдошти солимии наслҳо ва фардҳои солим, ки аз он ҷомеаи солим сарчашма мегирад ва ташаккул меёбад, барои ҳар як шахси покдилу покният ва насли инсон зарур мебошад.

Имрӯзҳо ки тавассути хизматҳои бузурги Падаронаву хирадмандонаи Асосгузори сулҳу ваҳдат, Пешвои миллат мӯҳтарам Эмомалӣ Раҳмон Тоҷикистони соҳибистиқлол - Ватани азизамон ин қадар ободу зебо ва мулки дилписанду гулафшон гардидааст, аз ҳар як насли солимфикру солимақл талаби онро дорад, ки табиати зебои онро оқилона истифода бурда, чун гавҳараки чашм ҳифз намоянд. Зеро ҳар як қатраи оби софу зулоли Ватан, ҳар як каф хоки муқаддасу дорои ганҷҳои Ватан, ҳар як гулу гиёҳ ва меваҳои шифобахши Ватан барои фарзандони азизи он неъмати бебаҳои табиат буда, барояшон чун ҷону дил азизу муқаддам мебошад.

Ҳамин аст, ки бузургон гуфтаанд:

Моҳӣ бе об, парранда бе ҳаво, ҳайвонот бе ҷангалу кӯҳсор, одам бе Ватан зиндагӣ карда наметавонад, яъне «Муҳофизати табиат муҳофизати Ватан аст».           

Табиат холиқу парвардигор аст,

Саногӯи сафои рӯзгор аст.

Табиатро бибояд пос дорем

Чу модар мо ба ӯ ихлос дорем.

Саиднисо Зарифова,
омӯзгори фанни биологияи гимназияи давлатии №1
ба номи Абдурасул Нозиров, ноҳияи Бобоҷон Ғафуров

Читать далее

14 April 2016

Қарори Раиси вилояти Суғд аз 8 апрели соли 2016 № 170

Дар бораи даъвати иҷлосияи шашуми Маҷлиси вакилони халқи вилояти Суғд, даъвати панҷум

Мутобиқи моддаҳои 12, 20 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ»

қарор  мекунам:

  1. Иҷлосияи шашуми Маҷлиси вакилони халқи вилояти Суғд, даъвати панҷум 22 апрели соли 2016, соати 9:00 дар шаҳри Хуҷанд даъват карда шавад.
  2. Ба баррасии иҷлосияи шашуми Маҷлиси вакилони халқи вилоят, даъвати панҷум масъалаҳои зерин пешниҳод карда шаванд:

       - оид ба рафти иҷрои Амри Президенти Ҷумҳурии Тоҷикистон аз 24 феврали соли 2016, № АП-681 «Дар бораи шаҳр, ноҳия, шаҳрак, деҳот, деҳа, маҳаллаи беҳтарин, хона ва оилаи намунавӣ дар Ҷумҳурии Тоҷикистон» дар вилояти Суғд.

      - ҳисоботи комиссияи доимии Маҷлиси вакилони халқи вилояти Суғд оид ба масъалаҳои илм, маориф, фарҳанг ва сиёсати ҷавонон.

      - ҳисоботи вакили Маҷлиси вакилони халқи вилоят аз ҳавзаи интихоботии «Шаҳристон», № 70 Ёқубзода Умар оид ба рафти иҷрои ваколати вакилӣ.

      - дар бораи пеш аз мeҳлат қатъ намудани ваколати вакилии вакилони Маҷлиси вакилони халқи вилоят дар ҳавзаҳои интихоботии алоҳида.

      - дар бораи таъин намудани интихобот ба ивази вакилони хориҷшудаи Маҷлиси вакилони халқи вилоят.

      - дар бораи ташкили комиссияи вилоятии интихобот ба Маҷлиси вакилони халқи вилояти Суғд, даъвати панҷум.

      - оид ба номгузории объектҳои физикию ҷуғрофӣ.

      - оид ба тасдиқ намудани қарори Маҷлиси вакилони халқи ноҳияи Ашт аз 2 июли соли 2015, № 20 «Дар бораи Нақшаи генералии маркази ноҳияи Ашт – шаҳраки Шайдон».

      - тасдиқи  қарорҳои Раиси вилоят.

      3. Назорати иҷрои қарори мазкур ба зиммаи муовини Раиси вилоят Файзуллозода З.Қ. ва роҳбари дастгоҳи Раиси вилоят Зоирӣ F.М. гузошта шавад.

Читать далее

Милитсия хабар медиҳад!

шаҳри Конибодом: Куштори падар аз ҷониби писар

Дар ҳудуди вилоят боз як ҳолати ҷинояти одамкушӣ дар заминаи муноқишаи оилавӣ содир гардид. 21-уми марти соли равон, тахминан соати 20.00 дақиқа марди 30 сола, сокини Ҷамоати деҳоти Ортиқови шаҳри Конибодом дар хонаи истиқоматиаш дар ҳолати мастӣ бо падараш марди 54 сола муноқиша карда, бо воситаи бели хоҷагӣ ба узвҳои ҳаётан муҳими падараш, аз ҷумла мавзеи сар, гардан ва қафаси сина якчанд маротиба задааст, ки дар натиҷа падараш аз ҷароҳатҳои вазнини бардоштааш дар ҷои ҳодиса ба ҳалокат расидааст. Оид ба ин ҳодиса бо моддаи 104 Кодекси ҷиноятии Ҷумҳурии Тоҷикистон (одамкушӣ) парвандаи ҷиноятӣ оғоз карда шуда тафтишоти пешакӣ идома дорад.

ноҳияи Бобоҷон Ғафуров: Мусодираи маводи мухаддир

Кормандони Шуъбаи ВКД Ҷумҳурии Тоҷикистон дар ноҳияи Бобоҷон Ғафуров зимни коркарди ахбороти оперативӣ ва амалинамоии чорабиниҳои махсуси дастгиркунии шахсони ба хариду фуруши маводи мухаддир дастдошта ба натиҷаи назаррас ноил гардиданд. Милитсияи ноҳия зимни гузаронидани чорабиниҳои оперативӣ-ҷустуҷeӣ марди 37 сола, сокини шаҳраки Ғафурови ноҳияро, ки соли 2007 бо ҷурми ба муомилот баровардани маводи мухаддир суд шудааст, дастгир намуданд. ҳангоми кофтуков аз e ба миқдори 3 бастаи селофанпечи дорои маводи фишурдашудаи чоркунҷашакли бeи махсусдошта дарёфт ва мусодира карда шудааст. Ташхис муайян намуд, ки маводҳои мазкур мухаддароти навъи «ҳашиш» буда, вазни хосашон 12 кг 105 гр мебошад. Аз рeи далели мазкур нисбати дастгиршуда бо моддаи 200 қисми 4 Кодекси ҷиноятии Ҷумҳурии Тоҷикистон (муомилоти ғайриқонунии воситаҳои нашъадор) парвандаи ҷиноятӣ оғоз карда шуда, корҳои тафтишотӣ дар самти муайян намудани дигар шарикони ҷиноии дастгиршуда давом дорад.

шаҳри Хуҷанд: Амалиёти махсус натиҷа дод

ҳафтаи сипаришуда кормандони милитсияи шаҳри Хуҷанд бо баргузории амалиёти махсус дар ҳудуди шаҳри Душанбе ба муваффақият ва натиҷаи баланд ноил гардиданд. 27-уми марти соли равон кормандони Шeъбаи ВКД дар шаҳри Хуҷанд зимни мушоҳидаву коркардҳои оперативӣ ва гузаронидани амалиёти махсус дар ҳудуди шаҳри Душанбе марди 55 солаи шаҳри Кeлобро, ки соли 2004 бо ҷурми нашъаҷаллобӣ суд шудааст, дастгир намуданд. ҳангоми кофтуков аз e ба миқдори 9 адад бастаи селофанин бо маводи ҷигарранги бeи махсусдошта дарёфт ва мусодира карда шудааст. Мувофиқи маълумотномаи Шeъбаи ташхиси криминалистии Раёсати ВКД дар вилояти Суғд маводи мазкур воситаи нашъадори навъи «ҳашиш» буда, вазни хосаш 9 кг 04 грро ташкил медиҳад. Аз рeи ин далел нисбати дастгиршуда, бо моддаи 200 қисми 4 Кодекси ҷиноятии Ҷумҳурии Тоҷикистон (муомилоти ғайриқонунии воситаҳои нашъадор) парвандаи ҷиноятӣ оғоз карда шуд. Дар ин хусус тафтишоти пешакӣ бурда мешавад.

ноҳияи Бобоҷон Ғафуров: Расонидани зарари вазнин ба ҳамсар

Дар ҳудуди ноҳияи Бобоҷон Ғафуров бар асари латукeб зан аз ҷониби ҳамсараш ҷароҳати вазнини ҷисмонӣ бардошт. Аниқтараш 26-уми марти соли равон, тахминан соати 19.00 дақиқа бо сабаби муноқишаи оилавӣ марди 29 сола, сокини Ҷамоати деҳоти Исфисори ноҳия дар хонаи истиқоматиаш бо ҳамсараш зани 24 сола ҷанҷол намуда бо корди хоҷагии дар дасташбуда як маротиба ба шиками охирон зада ҷароҳати вазнин расонидааст. Ташхиси судӣ-тиббӣ муайян намуд, ки ҷароҳати бардоштаи ҷавонзан зарари вазнин ба саломатӣ мансуб мебошад. Аз рeи ҳодисаи мазкур нисбати ин мард бо моддаи 110 қисми 3 Кодекси ҷиноятии Ҷумҳурии Тоҷикистон парвандаи ҷиноятӣ оғоз шуда, гумонбаршаванда дар ҳабси пешакӣ қарор дорад.

шаҳри Хуҷанд: ҳаракати бадахлоқона аз ҷониби фолбин

Кормандони мақомоти корҳои дохилӣ дар вилояти Суғд зимни гузаронидани чорабиниҳои оперативӣ-ҷустуҷeӣ як ҳолати ба сеҳру ҷодугарӣ, фолбинӣ ва гарму хунуккунӣ машғул шудани марди 61 сола, сокини деҳаи Учбоғи Ҷамоати деҳоти Ёваи ноҳияи Бобоҷон Ғафуровро ошкор намуданд. Бар замми ин зимни мушоҳидаҳои оперативӣ муайян карда шудааст, ки ин марди сеҳркушо ва фолбину ҷодугар бо истифода аз боварии динии муроҷиаткунандагон нисбати онҳо ҳаракатҳои бадахлоқонаро анҷом медодааст. Чунончӣ, 28-уми марти соли равон зани 28 сола сокини шаҳри Хуҷандро дар хонаи истиқоматиаш қабул намуда, бо баҳонаи аз хонаи истиқоматии муроҷиаткунанда тоза намудани сеҳр ба шаҳри Хуҷанд-хонаи истиқоматии ин зан рафта, пас аз “дуохонӣ ва тоза намудани сеҳру ҷоду” бо охирон алоқаи ҷинсӣ ва дигар ҳаракатҳои хусусияти шаҳвонидоштаро анҷом додааст, ва дар ин лаҳза аз ҷониби кормандони милитсия дастгир карда шудааст. Аз рeи далели мазкур нисбати дастгиршуда бо моддаи 142 иловаи 1 қисми 1  Кодекси ҷиноятии Ҷумҳурии Тоҷикистон (ҳаракати бадахлоқона) парвандаи ҷиноятӣ оғоз карда шудааст ва тафтишот идома дорад.

ноҳияи Ашт: Худсаронаи ишғол намудани қитъаи замин

Милитсияи ноҳияи Ашт дар натиҷаи гузаронидани чорабиниҳои оперативӣ-ҷустуҷeӣ як ҳолати худсарона ишғол намудани қитъаи заминро ошкор намуд. ҳангоми санҷиш муайян карда шудааст, ки марди 54 сола, сокини Ҷамоати деҳоти Ориёни ноҳия моҳи декабри соли 2015 худсарона аз мавзеи заминҳои кишоварзии Хоҷагии деҳқонии “Зоир”-и деҳаи Қалами ноҳия ба масоҳати 91 метри мураббаъ қитъаи заминро ғайриқонунӣ ишғол намуда, хонаи истиқоматӣ сохтааст. Оиди ин ҳодиса бо моддаи 338 қисми 2 Кодекси ҷиноятии Ҷумҳурии Тоҷикистон (худсарона ишғол намудани қитъаи замин) парвандаи ҷиноятӣ оғоз гардида ва тафтишот давом меёбад.

шаҳри Конибодом: Куштори амма

Ин дуюмин ҷинояти вазнин аст, ки дар ҳолати мастӣ дар даҳаи севвуми моҳи марти соли равон дар ҳудуди шаҳри Конибодом содир гардидааст. ҳодисаи мазкур 27-уми марти соли равон тахминан соати 01:00 дақиқаи шабона рух додааст. Дар ин вақт марди 41 сола, сокини деҳаи Ниёзбеки Ҷамоати деҳоти Э.Шарифов дар ҳолати мастӣ ба хонаи истиқоматии аммааш зани 62 сола, сокини деҳаи зикргардида омада, бе ягон сабаб ба вай, ки дар ҳолати беморӣ дар хонаи алоҳида хоб буд, дарафтода, ба болои бадани e бо зону нишаста, гулeяшро буғӣ карда, мавриди латукeб қарор додааст. Аз ин ҳолат писари аммааш бохабар гашта, онҳоро аз ҳам ҷудо карда марди дар ҳолати мастӣ қарордоштаро латукeб намудааст. Дар натиҷа ин зан ҷароҳати ҷисмонӣ бардошта, ба Беморхонаи марказии шаҳри Конибодом бистарӣ гардид, ки 28-уми март, ҳамагӣ пас аз як рeзи ҳодиса аз ҷароҳатҳои вазнини бардоштааш ба ҳалокат расидааст. Оиди ин ҳодиса нисбати ин мард бо моддаи 110, қисми 3 Кодекси ҷиноятии Ҷумҳурии Тоҷикистон (қасдан расонидани зарари вазнин ба саломатӣ, ки аз беэҳтиётӣ боиси фавти ҷабрдида гардидааст) парвандаи ҷиноятӣ оғоз гардида, гумонбаршаванда дар ҳабси пешакӣ қарор дорад.

Маркази матбуоти Раёсати ВКД
дар вилояти Суғд

Читать далее

Ҳадаф: татбиқи лоиҳаҳои бузурги инвеститсионӣ

Бобати огаҳӣ ёфтан аз рафти фаъолияти имрўзаи Минтақаи озоди иқтисодии “Суғд” дар тақозо бо солҳои гузашта, ҳамчунин аз ҷараёни корҳои истеҳсолии субъектҳои он маълумоти бештар пайдо намудан бо роҳбари он Фирдавс Алимов ҳамсўҳбат шудем.

Ў изҳор дошт, ки алҳол дар Минтақаи озоди иқтисодии “Суғд” 27 субъект ба қайд гирифта шудааст. Тибқи ҳисоботи омории охирин 13 субъект бо фаъолияти истеҳсолӣ, хизматрасонӣ ва савдо машғул буда, боқимонда бо корҳои сохтмонӣ, ворид намудани таҷҳизот, ба кор андохтани иқтидорҳои нав ва корҳои ободонӣ машғуланд. Давоми соли 2015 маҷмўи умумии маҳсулоти саноатӣ, хизматрасонӣ ва амалиёти воридоту содиротӣ ба 57,3 млн. сомонӣ баробар гардид, ки ин нишондиҳанда нисбат ба соли 2014-ум 12,3 млн. сомонӣ зиёд аст.

Читать далее

Миробҳои Спитаменро чӣ ташвиш медиҳад?!

Миробҳои ноҳияи Спитамен соли равон тибқи шартномаҳои баста бо хоҷагиҳои деҳқонӣ бояд ба 10,5 ҳазор гектар об расонанд. Дар ин бора ба мо сардори Идораи давлатии беҳдошти замин ва обёрии ноҳия Шавкат Норалиев иттилоъ дод.

-Дар ноҳия 9 Ассотсиатсияи истифодабарандагони об амал мекунад,- гуфт дар идомаи сўҳбат сарвари миробҳои ноҳия,- бо 7 адад пойгоҳи обкашӣ аз 2 то 3 зина обро кашида, ба кишоварзон медиҳем. Айни ҳол бошад, об ба деҳқонон тавассути сойи «Оқсу» тариқи худҷорӣ расонида мешавад. Аммо оби мавҷуда ҳамагӣ ба 2300 гектар басандагӣ мекунаду халос.

Читать далее

Рисолат: Ба хизмат тайёр кардани ҷавонон

Барои кормандони комиссариати ҳарбии шаҳри Истаравшан маъракаи даъват ба хизмати ҳарбӣ мавсимӣ набуда, балки ба кори ҳаррўза мубаддал гардидааст.

Бо мақсади бурдани корҳои фаҳмондадиҳӣ байни волидайн ва ҷавонон тарғиб намудани ҳисси ватандўстӣ, хештаншиносӣ, содиқ будан ба Ватан комиссариати ҳарбӣ «Нақша-чорабинии вохўрӣ бо волидайни даъватшавадагони соли таваллудашон 1989-1998 барои тайёр намудан ба хизмати ҳарбӣ дар даъвати баҳории соли 2016 дар моҳҳои апрел-май»-ро таҳия намуда, аз моҳи январ то имрўз дар Ҷамоатҳои деҳоти Гули Сурх, «Зарҳалол», Пошкент, Қалъачаи Калон, Нофароҷ, Ниҷонӣ, Қалаи Баланд, Ҷавқандак, Чорбоғ, Сабристон ва дар 22 кумитаи маҳаллахона тадбирҳои мушаххасро амалӣ намуданд.

Дар асоси мактуби комиссариати ҳарбии шаҳр ба ҷамоатҳои деҳот, бобати иҷрои Фармони Вазири мудофиаи Ҷумҳурии Тоҷикистон «Дар бораи омўхтани шаҳрвандоне, ки бояд ба хизмати ҳарбӣ даъват карда шаванд ва интихоб намудани онҳо ба Қувваҳои Мусаллаҳи Ҷумҳурии Тоҷикистон», кормандони ҷамоатҳои деҳот, алалхусус сардорони Мизи бақайдгирии ҳарбӣ кор бо тарзи ҳавлӣ ба ҳавлӣ рафтан ва гузаронидани сўҳбатҳои инфиродӣ ба роҳ монда шудааст. Ба мисли ҳарсола ҷавонони даъватии бо хоҳиши худ ба хизмати ҳарбӣ омодабудагон дар Ҷамоати деҳоти Ниҷонӣ пешсаф мебошанд. ҳар сол  ҷавонони ин деҳа бо хоҳиши худ ба хизмат мераванд ва волидайни онҳо ифтихор мекунанд, ки фарзандонашон баҳри ҳимояи Ватани азизи худ хизмат карда истодаанд.

ҳамин гуна пешравиҳо дар Ҷамоатҳои деҳоти Нофароҷ, Қалъачаи Калон, Чорбоғ, Зарҳалол ба назар мерасанд. Дар ин ҷамоатҳои деҳот бақайдгирии ҷавонони даъватшаванда хуб ба роҳ монда шудааст. ҳар як даъватшаванда аллакай медонад, ки кай ба комиссариати ҳарбӣ омада, аз комиссияи ҳарбӣ-назоратӣ мегузарад ва ба хизмати ҳарбӣ мераванд. Ингуна чорабиниҳо барои сари вақт иҷро намудани нақшаи даъват кўмак мерасонад.

Бино ба гуфти комиссари ҳарбӣ полковник М.Ихтиёров, натиҷаи ҳамин чорабиниҳо буд, ки онҳо тавонистанд 65 нафар ҷавонони ихтиёрии ба хизмати ҳарбӣ равандаро аз комиссияи назоратӣ-тиббӣ гузаронида, ҷои хизматашонро муайян кунанд. Аввали ҳамин моҳ онҳо ба хизмат сафарбар гардиданд.

Дар даъвати тирамоҳӣ комиссариати ҳарбии шаҳри Истаравшан нақшаи даъвати ҷавононро ба хизмати ҳарбӣ барзиёд ба иҷро расонида соҳиби «Ифтихорнома»-и Вазорати Мудофиаи Ҷумҳурии Тоҷикистон гардида буд.

Сайфулло МАХКАМОВ,
шаҳри Истаравшан

Читать далее

13 April 2016

Аз фаъолияти семоҳаи соҳаҳои хоҷагии халқ натиҷагирӣ шуд

Имрӯз, 13 апрел дар Мақомоти иҷроияи ҳокимияти давлатии вилояти Суғд машварати корӣ вобаста ба ҷамъбасти нишондиҳандаҳои иқтисодиву иҷтимоии хоҷагии халқи вилоят дар семоҳаи аввали соли равон баргузор гардид.

Дар ҷаласаи корӣ, ки таҳти раёсати Раиси вилоят Абдураҳмон Қодирӣ доир гардид, нишондиҳандаҳои хоҷагии халқи вилоят мавриди таҳлилу баррасӣ қарор дода шудаанд. Вобаста ба мавзӯъ сараввал муовини Раиси вилоят Файзуллозода Заробиддин Қудрат ҳисобот дод. Таъкид гардид, ки дар ин давра рушди бонизоми иқтисодиёти вилоят таъмин гардида, нақшаи қисми даромади буҷети маҳаллии вилоят ба андозаи 103,4 дарсад иҷро шудааст ва ба бучет 300 миллион сомонӣ ворид гардидааст, ки 31,2 миллион сомонӣ назар ба ҳамин давраи соли гузашта зиёд мебошад. Танҳо шаҳрҳои Исфараю Истаравшан нақшаи ҷамъоварии андозро таъмин карда натавонистаанд.

Читать далее

Шиносоии раисони шаҳру навоҳӣ бо хоҷагиҳои деҳқонии пешқадам ва «Афзали Зарзамин»

Қабл аз машварат раисони шаҳру навоҳӣ ва роҳбарони раёсатҳои кишоварзӣ таҳти роҳбарии Раиси вилоят Абдураҳмон Қодирӣ бо таҷрибаи корҳои ободонӣ ва фаъолияти кишоварзон дар чанд хоҷагиҳои намунавии ноҳияи Бобоҷон Ғафуров аз наздик ошно шуданд.

Нахуст ободонии шоҳроҳи Хуҷанд-Ғафуров мавриди боздид қарор дода шуд. Бояд гуфт, ки тайи ду соли охир бо ташаббусу дастгирии роҳбарияти вилоят ин роҳи назоратӣ азнавсозӣ карда шуда, имрӯз ба як хиёбони зебову дилрабо табдил ёфтааст. Бо ин мақсад дар ду тарафи шоҳроҳ дарахтони ороишӣ шинонида шуда, миёни он сабзпӯш ва дар он гулҳои мавсимию ҳамешасаб корида шудаанд.Шоҳроҳи Хуҷанд-Ғафуров бо усули замонавӣ чароғон гардида, онро инчунин лавҳаҳои иттилоотию таблиғотӣ бо чеҳраҳои зебои ҷавонони Суғдзамин, ки таҷассумгари маданият ва анъанаҳои миллии тоҷикон мебошанд, зебу оро додаанд.

Читать далее

Рӯзҳои фарҳанги вилояти Суғд дар Бадахшон доир мегардад

Тибқи нақшаи Ҳукумати Ҷумҳурии Тоҷикистон ба муносибати рӯзи Ваҳдати миллӣ санаҳои 26-30  апрел дар Вилояти Мухтори Кӯҳистони Бадахшон рӯзҳои фарҳанги вилояти Суғд баргузор мегардад.

Бино ба гуфти сардори Раёсати фарҳанги вилоят Ориф Набиев барномаи калони фарҳангӣ бо иштироки санъаткорони вилоят таҳия гардидааст.

-Дар баробари ҳунармандон гурӯҳи шоирон, занҳои ҳунарманд ва маҳсулоти дастӣ пешниҳод карда мешавад. Ҳамзамон, намоишномаи Театри давлатии шаҳри  Бӯстон ба номи А.С.Пушкин, намоишномаи театри «Лӯхтак»  аз рӯи асари Мирсаид Миршакар «Гулранг ва хушранг» ба сокинони Бадахшон ҳамчун армуғон эҳдо мешавад,- гуфт зимни сӯҳбат О.Набиев.

Читать далее