January 2021

20 January 2021

ТАРБИЯИ НАСЛИ НАВУ СОЛИМ БО ДИДИ НАВ

Маориф яке аз соҳаҳои афзалиятноки ҷомеа ба шумор рафта, рушду такомули он ба рушди ҷомеа тавъам аст. Дар кишвар баҳри пешрафти ин соҳаи ҳаётан муҳим чораҳои зарурӣ андешида мешавад. Зеро таълиму тарбияи насли наврас ба он мусоидат менамояд, ки хонандагон дар ҷомеа ҳамчун шахси босавод ба воя расанд.

Аз ин рӯ, баҳри пешбурди соҳаи ин ҳаётан муҳим чандин барномаҳо ба тасвиб расидаанд, ки баҳри баланд бардоштани вазъи соҳа мусоидат менамояд. Яке аз ин барномаҳо “Барномаи рушди таҳсилоти томактабӣ ва миёнаи хусусӣ барои солҳои 2014- 2020” аст, ки барои иҷрои он дар ноҳияи Мастчоҳ корҳои зиёде бомаром ҷараён доранд.

Тибқи барнома, дар ин давра бунёди як қатор иншооти хусусии соҳаи маориф роҳандозӣ гашта, чандин муассисаҳо дари худро барои толибилмон боз намуданд. Дар ин ҷода дар ноҳия як қатор корҳо ба анҷом расида бошанд ҳам, иҷроиши он ба мақсад мувофиқ нест.

Тибқи қарорҳои раиси ноҳия оид ба бунёди кӯдакистони хусусӣ ва муассисаҳои таҳсилоти миёна, ба 5 нафар соҳибкор қитъаҳои замин ҷудо шудааст. Онҳо дар мӯҳлатҳои наздиктарин ба бунёди он оғоз хоҳанд кард. Ҳамзамон, дар ин мӯҳлат дар ноҳияи Мастчоҳ ду кӯдакистони хусусӣ дари худро барои тарбиятгирандагон боз намуд. Муассисаи таълимии томактабии хусусии «Ваҳдат» яке аз онҳо дар Ҷамоати шаҳраки Бӯстон буда, барои 160 нафар бо харҷи 1,5 миллион сомонӣ аз ҷониби соҳибкор Абдуваҳҳоб Ҳасанов бунёд гардид.

Бино бо тарзи бунёди биноҳои муосир сохта шуда, барои тарбиятгирандагон тамоми шароитҳо муҳайёст. Муассисаи таълимии томактабии “Ваҳдат” санаи 14 - уми сентябри соли 2020 бо иштироки Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон мавриди истифода қарор гирифт. Ҳамчунин, дар маҳаллаи «40-солагии Дилварзин»-и Ҷамоати деҳоти Палдорак муассисаи таълимии томактабии хусусии “Насли Ориё” аз ҷониби соҳибкор Оймаҳмад Шарифов ба маблағи зиёда аз 1 миллион сомонӣ барои 120 нафар хонанда бунёд гардид. Он ҳам санаи 14 – уми сентябри соли 2020 бо иштироки Раиси вилоят Раҷаббой Аҳмадзода ва Вазири маориф ва илми Ҷумҳурии Тоҷикистон Инъомзода ифтитоҳ гардид.

Айни замон дар ин муассиса се гурӯҳ амал мекунад, ки 76 нафар кӯдаки аз сесола то шашсоларо фаро гирифтааст. Бино ба гуфти мудири кӯдакистон, Раиса Шарифова муассиса тибқи ҷадвали тасдиқгардидаи идораи маорифи ноҳия фаъолият намуда, баҳри тарбияи онҳо аз тамоми таҷрибаҳои пешқадам истифода мекунанд. Кӯдакон бо дарсҳои саводомӯзӣ, шиносоӣ бо муҳит, ташаккули оддитарини тасавуроти математикӣ, забони русӣ, гулмонӣ, суробсозӣ (пластилин), расмкашӣ фаро гирифта шудаанд. Аҳли кӯдакистон кӯшиш доранд, ки кӯдаконро ҳамаҷиҳата бо таълиму тарбия фаро гирифта, баҳри дар руҳияи ватандӯстию хештаншиносӣ тарбия намудани онҳо кӯшиши зиёд ба харҷ диҳанд.

Ҳамзамон, дар ноҳия боз сохтмон ва бунёди як қатор иншооти соҳаи маориф дар назар аст. Айни замон дар Ҷамоати деҳоти Мастчоҳи ноҳия аз ҷониби соҳибкор Ш.Мирзоев сохтмони бинои кӯдакистони хусусӣ оғоз гардидааст. Дар Ҷамоати деҳоти Оббурдон сохтмони 2 муассисаи таълимии хусусии дигар дар арафаи оғозёбӣ буда, тибқи нақша, онҳо бояд дар арафаи 30-солагии Истиқлолияти давлатии Ҷумҳурии Тоҷикистон ба истифода дода шаванд.

Тибқи нақша, дар давоми амали барнома бояд дар ноҳия 5 муассисаи таълимии хусусӣ сохта, ба истифода дода мешуд. Айни замон ду муассиса амал мекунад, ки дар маҷмуъ иҷроиш 40 фоизи нақшаро ташкил медиҳад.

Гулҷаҳон МАҲКАМОВА,

“Ҳақиқати Суғд”

Читать далее

ОБОДОНӢ МӮҶИБИ ФАРАҲМАНДӢ

Дар шаҳри Конибодом ба истиқболи ҷашни 30 - солагии Истиқлолияти давлатии Ҷумҳурии Тоҷикистон сохтмони 506 иншоот ба нақша гирифта шуда, то имрӯз 406 иншооти гуногун мавриди истифода қарор гирифтааст. Имрӯз дар шаҳр сохтмони иншооти боқимонда идома дошта, мақомоти иҷроияи ҳокимияти давлатии шаҳр ва сокинону соҳибкорон барои таҷлили шоистаи ҷашни таърихӣ заҳмат кашида истодаанд.

Солҳои охир дар ҳудуди шаҳр барои муҳайё намудани шароити мусоиди кору хизматрасонӣ ва идомаи босуръати корҳои ободонию созандагӣ чандин иншооти наву замонавӣ, аз қабили марказҳои саломатӣ, мактабу синфхонаҳои иловагӣ, корхонаҳои хурду миёна ва биноҳои баландошёнаи хуштарҳи истиқоматию хизматрасонӣ бунёд ва мавриди истифода қарор гирифтанд. Сокинони меҳнатдӯсти шаҳр ва соҳибкорону саховатмандони маҳал дастуру супоришҳои Асосгузори сулҳу ваҳдати миллӣ – Пешвои муаззами миллат муҳтарам Эмомалӣ Раҳмонро сармашқи кору фаъолияти худ намуда, кӯшиш ба харҷ медиҳанд, ки ҷашни миллиро бо меҳнати шоиста ва дастовардҳои арзанда истиқбол гиранд.

Дар ин самт соҳибкорон бо ҳисси баланди ватандӯстӣ ва саҳмгузорӣ дар корҳои ободонӣ фаъолона ширкат намуда, то имрӯз чандин иншооти замонавиро сохта, ба истифода супориданд. Айни замон сохтмони иншооти гуногун дар шаҳр идома дошта, баъди ба истифода додани иншоот сокинон бо ҷойи корӣ таъмин хоҳанд шуд. Ҳангоми сафари хизматӣ аз рафти корҳои сохтмонии чандин иншооти ҷашнӣ, аз ҷумла бинои муассисаи таҳсилоти миёнаи умумии рақами 15, бинои маъмурии Кумитаи иҷроияи ҲХДТ дар шаҳр, майдони Нишони давлатӣ, марказҳои хизматрасонӣ ва тарабхонаву бинои бисёрошёнаи истиқоматӣ дидан намудем. Боиси зикр аст, ки бинои МТМУ №15 дар маркази деҳаи Маданияти Ҷамоати деҳоти ба номи Эргаш Шарифов ҷойгир буда, он барои 320 хонанда дар як баст пешбинӣ шудааст. Фармоишгари иншоот Раёсати маорифи шаҳр буда, пудратчӣ ҶДММ «Канд - сохтмон» мебошад. Бинои маъмурии Кумиҷроияи ҲХДТ бо фармоиши Кумиҷроияи ҲХДТ дар шаҳр сохта шуда истодааст ва он дар шафати майдони Парчам қарор дорад.

Сохтмони майдони Нишони давлатӣ низ дар маркази шаҳри Конибодом ҷараён дошта, он бо маблағгузории буҷети маҳаллӣ бунёд мешавад. Фармоишгари иншоот мақомоти иҷроияи ҳокимияти давлатии шаҳр ва пудратчӣ ҶДММ «РС Барқарор» аст. Баҳри ободу зебо ва гулзор намудани кӯчаву хиёбонҳои шаҳр низ аз ҷониби кормандони идораи хоҷагии манзилию коммуналии шаҳр як қатор корҳо ба сомон расонида шуданд. Ҳангоми ба шаҳр ворид шудан эҳсос мегардад, ки кӯчаҳо тозаву озода буда, дар канори кӯчаҳои шаҳр дарахтони ҳамешасабз ва гулҳои мавсимӣ шинонида шуда, рУҳияи мардум бо меҳнати созанда ва эҳсоси шаҳрдорӣ болидаву афзун аст.

Бо мақсади баланд бардоштани маданияти шаҳрдорӣ, ободу зебо гардонидани гирду атроф дар ҳудуди шаҳру ҷамоатҳои деҳот, ташкилоту муассисаҳо ниҳолҳои сояафкан, ҳамешасабзу ороишӣ, мевадиҳанда, гулу гулбуттаҳо шинониданд. Директори корхонаи давлатии фаръии хоҷагии манзилию коммуналии шаҳр Шукур Ҷӯраев гуфт, ки баҳри ободониву кабудизоркунӣ аз тарафи корхона якчанд корҳо ба сомон расонида шуд. Аз ҷумла дар кӯчаҳои Камоли Хуҷандӣ, 8-уми Март, Айнӣ ва Ленин ниҳолҳои ороишиву ҳамешасабз ва гулҳои мавсимӣ шинонида шуда истодааст. Ҳамчунин, дар нақша аст, ки дар назди мақомоти иҷроияи ҳокимияти давлатии шаҳр гулҳои мавсимии тагес, карамгул ва дар кӯчаҳои асосӣ, бахусус кӯчаи Исмоили Сомонӣ 400 бех ниҳоли ороишӣ шинонида шавад. Бояд гуфт, ки дар соли 2021 дар нақша аст, ки Боғи маданият ва истироҳатии шаҳр пурра азнавсозӣ карда мешавад. Бо назардошти беҳтар намудани вазъи таълиму тарбия ва баланд бардоштани сатҳу сифати таълим дар шаҳр якчанд иншооти соҳаи маориф бунёду нав-созӣ мегардад. Қомат афрохтани иншооти замонавӣ дар маркази шаҳр ва деҳот боиси фараҳмандӣ ва хушҳолии сокинон гардидааст.

Зеро ин ҳама тадбирҳои ободонӣ барои беҳтар шудани шароити кору зиндагии мардум пешбинӣ шудаанд. Сокинони шаҳр, хусусан соҳибкорону саховатмандон ба истиқболи ҷашни 30 - солагии Истиқлолияти давлатии Ҷумҳурии Тоҷикистон камари ҳиммат баста, мехоҳанд дар ободонии Ватан саҳми худро гузоранд.

Нодир ТУРСУНЗОДА,

«Ҳақиқати Суғд»

Читать далее

НАҚШИ БОРИЗ ДАР ШУКУФОИИ КИШВАР

Баҳри рушди корхона, тақвияти касб ва барои ба дастовардҳои зиёд ноил гардидан мебояд дар баробари замон қадам ниҳода, аз навовариҳои ҷаҳон огоҳ шуда, то қадри имкон аз шароити фароҳамомада истифода бурд. Танҳо дар ҳамин ҳолат ҳар як корхона, ташкилот метавонад, дар ҷомеа устувор бимонад. Нисбат ба фаъолияти пурсамари Ҷамъияти дорои масъулияташ маҳдуди «Спитамен - текстайлз», ки дар Ҷамоати деҳоти Куркати ноҳияи Спитамен арзи ҳастӣ дорад, метавон чунин баҳогузорӣ кард. Фаъолияти ҷамъият тариқи комплексӣ ба роҳ монда шуда, қисми бештари маҳсулоти дар хоҷагӣ истеҳсолгардида дар дохил коркард шуда, ба бозорҳои хориҷи мамлакат пешниҳод мегардад.

- Дар назди коргоҳ ҳамагӣ 7100 гектар замини кишоварзӣ буда, аз он 3344 гектар замини корам, 409 гектар майдони боғ, ки дарахтони бисёрсола дорад, 1827 гектар замини чарогоҳ мебошад. Соли 2019 дар майдони 1985 гектар донаи умед пошида, 3761 тонна «тиллои сафед» ҷамъоварӣ намуда бошанд, соли сипарӣ аз ду ҳазору сад гектар замин 3850 тонна ҳосил ба даст оварданд, ки ин аз ҳар гектар 18,7-сентнериро ташкил медиҳад, - гуфти зимни пурсиш иқтисодчии агроучасткаи Куркати ҶДММ «Спитамен – текстайлз» Абдумалик Абдурасулов.

Барои тақвияти суханаш А. Абдурасулов аз боби таъмиру тармим ва насби дастгоҳҳои муосир дар коргоҳ ёдовар шуд. Ҷамъият ҳанӯз соли 1996 – ум дастгоҳҳои хешро ба талаботи замон мувофиқ гардонда бошад ҳам, аммо чанд сол пас, яъне соли дуҳазорум комилан аз нав таҷҳизонида, дастгоҳҳои муосири истеҳсоли давлати Туркияро насб карданд. Вале соли дуҳазору нуздаҳум бошад, коргоҳ боз таъмири куллӣ ёфта, бо дастгоҳҳои истеҳсоли давлати Италия таъмин шуда, бо ҳидоят ва иштироки Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон ба фаъолият шуруъ карда буд.

Дар ҳамон давра, тибқи дастуру супоришҳои Президети мамлакат фаъолияти хешро ба таври комплексӣ ба роҳ монд. Бо мақсади ба пуррагӣ истифода бурдани ашёи хом дар асоси нишондоди Пешвои муаззами миллат коргоҳи коркарди пахта таъсис гардид. Моҳи апрели соли дуҳазору нуздаҳум бошад, боз бо дастур ва ҳидояти Пешвои муаззами миллат ба беш аз 2100 гектар замини кишоварзии коргоҳи номбурда донаи умед пошида, ба кори деҳқонӣ, ба кишти пахта ҳусни оғоз бахшида буданд.

ҶДММ «Спитамен – текстайлз» асосан ба хоҷагии тухмипарварӣ нигаронида шуда, аз 3140 гектар замини обии дар ихтиёрдоштаашон ба қисми муайянаш чигити тухмӣ кишт карда, ҳар сол аз ҳар гектар ба ҳисоби миёна то 25 сентнер ҳосил ҷамъоварӣ менамоянд. Соли 2020 –ум ба коргоҳи мазкур аз замини худӣ ва дар асоси шартномаи тарафайн аз хоҷагиҳои деҳқонии пахтапарвари ноҳия ба миқдори 2273 тонна «тиллои сафед» ворид гардид. Дар натиҷаи коркарди ашёи хом ба андозаи 745,9 тонна нахи пахта, 126,5 тонна чигит, 37,3 тонна тибит, 13,3 тонна торак (навъи дуюми нахи пахта) ва 8,9 тонна пат истеҳсол гардид. Соли ду ҳазору нуздаҳум бошад, аз 1985 гектар замин 3761 тонна «тиллои сафед» ҷамъоварӣ намуда буданд.

- Боиси хурсандист, ки, - мегӯяд сарвари ҶДММ «Ситамен - текстайлз» Бобокалон Шукуров, - якуми апрели соли 2020 дар идомаи боздиди кориашон аз ноҳияи Спитамен Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон дар заминҳои кишоварзии коргоҳи мо донаи умед пошида, ба киштукори «тиллои сафед» фотеҳаи нек дода буданд. Дастур ва ҳидояти Пешвои муаззами миллат буд, ки соли сипарӣ анҷомбахши корҳои кишоварзӣ ва коркарди ашёи хом назаррас буданд. Соли ду ҳазору нӯҳум низ Пешвои муаззами миллат ба коргоҳи мо ташриф оварда буданд ва ҳоло ҷамъият фаъолияти худро ба таври комплексӣ ба роҳ мондааст. Аз ин рӯ, солҳост, ки пахтаи истеҳсолнамудаи хешро дар дохили коргоҳ коркард намуда, ба бозорҳои хориҷи давлат низ пешниҳод менамоем.

- Коргоҳ дар Ҷамоати деҳоти Куркати ноҳия чойгир буда, дар мавсими корӣ беш аз ҳаштод нафар дар ду баст соҳиби кор гардида, бо ду маҳал хӯроки гарм таъмин мебошанд. Ҳисоби миёнаи маоши онон аз ҳазор сомонӣ зиёд аст, - мегӯяд Улуғбек Эшназаров, иқтисодчӣ оид ба коркарди ашёи хоми ҶДММ «Спитамен - текстайлз». Метавон гуфт, коргоҳ яке аз бузургтарин ҷамъияти кишоварзӣ буда, то шашсад нафар ва дар мавсими киштукор ва ҷамъоварии ҳосил шумораи кормандон то ба ҳазору дусад нафар зиёд мешавад. Бо вуҷуди доштани замини кишоварзӣ ва ба даст овардани ҳосили дилхоҳ баҳри равнақи кор ва фаъолияти самаранок ҳар сол мунтазам бо хоҷагиҳои деҳқонии ноҳияҳои Бобоҷон Ғафуров, Зафаробод, Ҷаббор Расулов ва бо беш аз сад нафар иҷоракорони соҳаи кишоварзӣ, ки бо кишти пахта машғуланд, шартномаи тарафайн баста мешавад.

- Ҳар як шахси ватандӯсту ватанпарвар баҳри ободонии кишвараш бояд ҷидду ҷаҳд намояд, тавре дар ин бобат дар ҳар як мулоқоту вохӯриҳояшон, хосатан дар Паёми навбатиашон ба Маҷилиси Олии Ҷумҳурии Тоҷикистон 26-уми декабри соли 2019 -ум Пешвои муаззами миллат ёдовар шудаанд: «… мо бояд суръати ободонӣ ва бунёдкориро боз ҳам вусъат бахшем, мушкилоти ҷойдоштаро бартараф созем ва барои рушди деҳот, сайёҳӣ ва тақвияти омӯзиши ҳунарҳои мардумӣ тадбирҳои иловагиро роҳандозӣ намоем».

Мо низ бо назардошти ҳамин гуфтаҳо ва ба истиқболи ҷашни бузурги миллӣ – 30 солагии Истиқлолияти давлатии ҷумҳурӣ ва дар пайравии солҳои 2019 – 2021 «Солҳои рушди деҳот, сайёҳӣ ва ҳунарҳои мардумӣ» деҳотро ободу зебо намуда, аз ҳисоби даромадҳои худ дар маркази ҷамоат як майдони болопӯшида барои бозии футбол, майдончаи муосири бозии кӯдакон, чароғонкунии кӯчаҳо, 300 метр роҳравро сафолакпӯш, Парчами давлатӣ, ду фаввора, беш аз 300 ниҳоли сояафкан шинонидем, - қайд кард дар хотимаи суҳбат сарвари ҶДММ «Спитамен - текстайлз» Бобокалон Шукуров.

Тавҳида ҶӮРАЕВА,

«Ҳақиқати Суғд»

Читать далее

ИФТИХОР АЗ ТАЪРИХИ КУҲАН ВА РУШДИ ДИЁР

Дар замони соҳибистиқлолӣ шаҳри бостонии Панҷакент дар баробари дигар шаҳру ноҳияҳои кишвар хеле рушд карда, дар ҳудуди он корхонаҳои истеҳсолии хурду бузург, садҳо иншооти иҷтимоӣ, аз ҷумла муассисаҳои таълимиву тандурустӣ ва марказҳои савдову хизматрасонӣ бунёд гардиданд. Корҳои ободонӣ, хусусан дар давраи омодагӣ ба ҷашни 5500-солагии Саразм вусъати бесобиқа пайдо карданд.

Ҳукумати мамлакат дар даврони Истиқлолияти давлатӣ ба рушди иҷтимоиву иқтисодии шаҳр ва беҳтар гардидани ҳаёти сокинони он аҳамияти доимӣ зоҳир намуда, барои ноил шудан ба ҳадафи олии давлат – баланд бардоштани сатҳу сифати зиндагии мардум аз тамоми захираву имкониятҳо истифода карда истодааст.

Бо ин мақсад танҳо дар бист соли охир аз ҳисоби буҷети давлатӣ зиёда аз 1 миллиарду 200 миллион сомонӣ равона гардидааст. Шумораи аҳолии Панҷакент соли 1991-ум 162 ҳазору 235 нафар буда, 1-уми январи соли 2020 ин нишондиҳанда ба зиёда аз 303 ҳазор нафар расидааст, ки нисбат ба соли 1991 – ум 87 фоиз ё қариб ду баробар зиёд мебошад. Илова ба ин, аз ҷониби Ҳукумати кишвар дар шаҳри Панҷакент 18 лоиҳаи давлатии сармоягузорӣ ба маблағи беш аз 1 миллиарду 300 миллион сомонӣ татбиқ гардида, дар доираи онҳо сохтмону таъмир ва муҷаҳҳаз намудани муассисаҳои таълимӣ, бунёду таҷдиди роҳҳои автомобилгард, кам кардани талафоти неруи барқ, дастгирии хоҷагиҳои деҳқонӣ, соҳилмустаҳкамкунӣ ва пешгирии зарари офатҳои табиӣ анҷом дода шудааст. Ҳоло дар шаҳр 9 лоиҳаи давлатии сармоягузорӣ ба маблағи 330 миллион сомонӣ амалӣ гардида истодааст.

Дар давраи соҳибистиқлолии кишвар бо дастгирии Ҳукумати Ҷумҳурии Тоҷикистон ва ҷалби сармояи дохиливу хориҷӣ дар шаҳр 50 корхонаву коргоҳҳои нави истеҳсолӣ бунёд гардида, дар онҳо ҳазорон нафар сокинони шаҳр ва деҳоти он бо ҷойи кор таъмин шудаанд. Дар ин давра дар ҳудуди шаҳр ду неругоҳи барқи обии хурд бо тавоноии ҳар кадом 500 киловатт, 444 километр хатҳои интиқоли барқи 0,4 – киловолта, 91 километр хатти интиқоли барқи баландшиддати «Айнӣ - Панҷакент», 425 нуқтаи трансформаторӣ ва 1 зеристгоҳи барқии 35-киловолта бунёд гардида, зеристгоҳи барқии 220 - киловолтаи «Рӯдакӣ» ба маблағи 260 миллион сомонӣ таҷдид карда шуд.

Бо дастгирӣ ва маблағгузории Ҳукумати мамлакат дар ин давра дар шаҳри Панҷакент азхудкунии заминҳои нав ба роҳ монда, дар натиҷа майдони кишти шолӣ ба 1800 гектар ва картошка ба зиёда аз 6600 гектар расонида шуд, ки барои зиёд намудани ҳаҷми истеҳсоли шолӣ то ба 9000 тонна ва 102 ҳазор тонна картошка замина гузошт. Инчунин, дар ин давра 580 гектар боғу токзори нав бунёд гардидааст, ки зиёда аз 20 гектари он боғҳои интенсивӣ мебошад. Дар ин муддат аз тарафи кишоварзони шаҳр 39 гармхона ба масоҳати қариб 11 ҳазор метри мураббаъ ва 4 сардхона барои нигоҳдории 1130 тонна меваю сабзавот бунёд гардида, пурсамар фаъолият доранд. Таҷдиду азнавсозӣ намудани роҳи мошингарди Айнӣ - Панҷакент ба масофаи 113 километр ба маблағи 770 миллион сомонӣ яке аз корҳои муҳими барои мардуми Панҷакент анҷомдодаи Ҳукумати мамлакат дар замони истиқлол мебошад, ки дар натиҷа мушкилоти сокинон дар ин самт бартараф гардид. Илова бар ин, дар зарфи солҳои охир беш аз 30 километр роҳҳои дохилӣ тармиму таҷдид гардидаанд. Бо дастгирии Ҳукумати мамлакат ва бо ҷалби соҳибкорон дар шаҳр 43 бинои нави муассисаҳои таълимӣ ва 51 маркази саломативу бунгоҳҳои тиббӣ сохта, ба истифода дода шудаанд.

Ҳамчунин, 40 марказу бунгоҳҳои саломатии деҳот таъмир гардида, ба истиқболи 30 - солагии Истиқлолияти давлатӣ сохтмони 12 бунгоҳи тиббӣ идома дорад. Умуман, дар доираи нақшаи корҳои бунёдкорӣ ба муносибати ҷашни бузурги миллӣ аз 405 иншооти ба нақша гирифташуда то ба имрӯз наздик 300 иншооту биноҳо мавриди истифода қарор дода шудаанд. Мавриди зикр аст, ки аз ҷониби Ҳукумати мамлакат илова ба корҳои то ба ҳол иҷрошуда ба хотири боз ҳам ободу пешрафта гардонидани шаҳр ва деҳоти он то ҷашни 30 - солагии Истиқлолияти давлатӣ як силсила чорабиниҳои дигар низ ба нақша гирифта шудаанд. Раиси вилоят Раҷаббой Аҳмадзода ба наздикӣ дар доираи сафари навбатии корӣ дар шаҳр беморхонаи замонавӣ барои 200 кат, мактаби навбунёд барои 1280 нафар хонанда, якчанд корхонаи истеҳсолӣ ва иншооти маъмуриро ифтитоҳ намуд.

Солҳои охир дар соҳаи фарҳанги шаҳр низ корҳои назаррас ба анҷом расида, дар ҳудуди мамнӯъгоҳи Саразм осорхона ва дар маркази шаҳр китобхона бунёд гардида, дар иншооти зикршуда барои баргузории ҳама гуна чорабиниҳои фарҳангиву маърифатӣ ва хусусан, қабули сайёҳону меҳмонони ин шаҳри бостонӣ имконияти мусоид фароҳам оварда шудааст.

Мардуми бонангу номус ва шарафманди шаҳри Панҷакент имрӯзҳо аз таърихи пурифтихор ва ниҳоят қадимаи худ ва дигаргуниву ободиҳои имрӯза неруи тоза гирифта, баҳри истиқболи сазовори ҷашни 30 – солагии Истиқлолияти давлатии Ҷумҳурии Тоҷикистони азизамон, пешрафти минбаъдаи диёри худ, ҳифзи ёдгориҳои таърихиву фарҳангӣ ва суннатҳои арзишманди аҷдодӣ саъю талоши комил доранд.

Мухтори АБДУЛЛО,

«Ҳақиқати Суғд»

Читать далее

19 January 2021

Захарова рассказала о Русском культурном центре в Таджикистане

Официальный представитель Министерства иностранных дел России Мария Захарова на последнем брифинге рассказала о культурном сотрудничестве России и Таджикистана

Читать далее

Кабири - адвокат дьявола

 

 

 

(об интервью уголовного беглеца - Мухиддина Кабири,

скрывающегося в Европе)

Заведомо не буду акцентировать внимание дорого читателя на подробный анализ содержания интервью Кабири, данное журналисту «Независимой газеты» Андрею Серенко, лишь потому, что большая  его часть,

Читать далее

Новые сказки от холуя М. Кабири

 

 

 

Читая интервью М. Кабири, которое издано на сайте Центразия, непроизвольно поймал себя на такой прозаичной мысли – на что готовы пойти люди чтобы привлечь к себе внимание. Неужели для привлечения внимания обязательно необходимо лицемерить, лгать и искажать факты.

Читать далее

МУҲАССИЛИН АЗ ОМӮЗГОРОНИ РОССИЯ САБАҚ МЕОМӮЗАНД

Дар саводнокии хонандагон ва тарғиби илму дониш мактаб нақши муҳим мебозад. Калиди ҳама гуна дастоварду пешравӣ ва истиқлолияти фикрӣ омӯзгор ва хазинаи маънавию илмии ӯ ба шумор меравад. Аз ин рӯ, самаранок ба роҳ мондани корҳои таълиму тарбия аз ҷониби омӯзгор имкон фароҳам меорад, ки сатҳи мафкура ва донишу ҷаҳонбинии толибилмон боло равад ва онҳо ҳамқадами замон гарданд.

Қайд кардан бамаврид аст, ки дар ин раванд чанде қабл Раиси вилояти Суғд Раҷаббой Аҳмадзода бо омӯзгорон аз Федератсияи Россия, ки дар муассисаҳои таълимии вилоят ба таълиму тарбияи толибилмон машғуланд, мулоқот гузаронида, ҳамкориҳои самараноки дуҷонибаро иқдоми саривақтӣ арзёбӣ намуд.

Алҳол 14 нафар омӯзгор аз Федератсияи Россия дар баробари таълими фанҳо ва таҳкими муносибатҳои дӯстонаи мардуми тоҷику рус сидқан фаъолияти хешро баҳри омӯзонидани забони русӣ ба толибилмони муассисаҳо равона намудаанд.

Яке аз чунин нафарон Половинкина Екатерина Сергеевна омӯзгори фанни забон ва адабиёти рус буда, зодаи вилояти Ниҷний Новгороди Федератсияи Россия мебошад. Боиси қайд аст, ки Екатерина Сергеевна дар асоси шартнома аз моҳи сентябри соли 2019-ум дар МТУҒ "Гулчини маърифат" ба ҳайси омӯзгори фанни забон ва адабиёти рус дар синфҳои 6 ва 10 – ум таълим медиҳад.

 - Бино ба гуфти директори МТУҒ "Гулчини маърифат" Матлуба Муинова дар муддати фаъолият Половинкина Екатерина Сергеевна ҳамчун омӯзгори фаъол, эҷодкор ва масъулиятшинос байни омӯзгорони муассиса шинохта шуд. Боиси таҳсин аст, ки дар ин муддати начандон тӯлонӣ омӯзгори сермаҳсул чандин дарсҳои намунавӣ ва чорабиниҳо дар мавзӯъҳои "Тоҷикистон, Ватани азизам!", "Победа-одна на всех", "Сделаем вместе", "Тоталҳнқй диктант", викторинаи "Все о Есенине" семинар дар мавзӯи "Классификаӣия ошибок при проверке и оӣенке контролҳнқх и творческих работ по русскому язқку и литературе" ва ғайра бо ҳамроҳии хонандагони муассиса баргузор намудааст. Екатерина Сергеевна бо Маркази фарҳанги Россия дар шаҳри Хуҷанд ҳамкории зич дорад ва муносибаташ бо ҳамкорон самимӣ аст.

Мо аз он қаноатмандем, ки имрӯз бо раҳнамоиҳои Раиси вилоят дар қаламрави вилоят тамоми шароитҳо фароҳам оварда шудааст ва ин имконияти мусоид ва дастгириву ғамхориҳо моро вазифадор мекунад, ки дар ҷомеа масъулиятшинос бошем, то ки воқеан маориф ва сатҳи дониши хонандагон ҷавобгӯи меъёрҳои замона гардад, – иброз дошт Матлуба Муинова.

Шаҳноза ҲОМИДОВА,

“Ҳақиқати Суғд”

Читать далее

БЕЭҲТИЁТӢ БОИСИ СИРОЯТЁБӢ ХОҲАД ШУД!

Чанд моҳ аст, ки ҷаҳон зидди вируси нави COVID – 19 COVID – 19 мубориза бурда истодааст.

Боиси таассуф аст, ки вақтҳои охир бархе аз сокинон риояи қоидаҳои беҳдоштиро сарфи назар мекунанд. Аз ҷумла риояи масофа дар ҷойҳои ҷамъиятӣ, истифода аз ниқоби муҳофизатӣ ва безараргардонии дастон бо маҳлули антисептикӣ сарфи назар шуда истодааст. Тавре аз мушоҳидаҳо бармеояд, дар дохили нақлиёти мусофиркашони ҷамъиятӣ аз ниқоб истифода намекунанд. Онҳо бар он ақидаанд, ки шумораи гирифторшавӣ ба вирус кам гаштаасту зарурати пӯшидани ниқоб аз байн рафтааст.

Бино ба гуфти муовини сардори Раёсати тандурустии вилоят Маъруф Ҳоҷибоев, дарвоқеъ, дар вилоят нисбат ба моҳҳои пештара шумораи гирифторшудагон ба вируси нави корона кам гаштааст, вале ин маънои онро надорад, ки мо дар ин самт саҳлангориро пеша кунем. Новобаста аз он ки вирус кам шудааст ё не, ҳар як нафаре, ки дар ҷойҳои ҷамъиятӣ гаштугузор мекунад, бояд масофаро риоя ва аз ниқобҳои муҳофизатӣ истифода барад.

То ба имрӯз аз ҷониби Ташкилоти Умумиҷаҳонии Тандурустӣ бобати бе ниқоб дар ҷойҳои ҷамъиятӣ гаштугузор кардан дастур пешниҳод нашудааст.

 Боиси ташвиш аст, ки имрӯз новобаста аз гузаронидани корҳои ташвиқотию тарғиботӣ ва иттилоотонии сокинон аз оқибатҳои нохуши гирифторшавӣ ба вируси нави корона дар ин самт беаҳамиятии бархе аз шахсон ба назар мерасад. Масалан, дирӯз ба дохили нақлиёти мусофиркашони микроавтобус чанд нафар мусофирон бе истифода аз ниқоб ворид гардиданд. Дар ин маврид яке аз кормандони Маркази вилоятии ташаккули тарзи ҳаёти солим ба ронанда муроҷиат кард, то шахсони бениқобро ба дохил роҳ надиҳад. Вале ронанда ба сухани корманди соҳаи тиб аҳамияте надод. Боиси қайд аст, ки кормандони Маркази ташаккули тарзи ҳаёти солим ҳамарӯза баҳри пешгирии ин беморӣ корҳои ташвиқотию тарғиботӣ гузаронида, варақаҳои иттилоотиро паҳн мекунанд. Чунин корҳои фаҳмондадиҳӣ дар тамоми шаҳру навоҳии вилоят гузаронида мешаванд. Сарвари Маркази ташаккули тарзи ҳаёти солими ноҳияи Зафаробод М.Холбекова иттилоъ дод, ки аз рӯзи аввали ҳолати сироятёбии сокинон ба вируси нави корона кормандони марказ барои пешгирӣ ва сироятёбӣ дар ташкилоту идора, корхонаҳо, хоҷагиҳои деҳқонӣ, муассисаҳои таълимию фарҳангӣ ва тиббӣ вохӯрию суҳбат ва семинарҳои омӯзишӣ гузаронида истодаанд. - Баробари ин дар гӯшаву канори шаҳр, ҷамоату деҳот ва маҳаллаву хоҷагиҳои деҳқонӣ, қасри фарҳанг, клубу китобхонаҳо, муассисаҳои таълимӣ, марказҳои савдо ва нуқтаҳои хизматрасонӣ, «Дӯкони саломатии сайёр», аксияҳо оид ба роҳҳои сироятёбӣ ва пешгирӣ аз вируси нав ташкил шуда, ба аҳолӣ варақаҳои маслиҳатӣ, маълумот оид ба бемории коронавирус ва роҳҳои пешгирии он дастрас шуданд, - изҳор намуд ӯ.

Ҳамзамон, иттилоъ дода шуд, ки барои боз ҳам ҷоннок кардани фаъолият дар ин самт гаштугузори хонагӣ ҳамҷоя бо ҳамшираҳои тибби оилавӣ гузаронида шуд. Аз ҷониби сироятшинос А.Маъмуров ва эпидемиолог Фурӯзон Раҳмонзода дар толори маҷлисгоҳи Беморхонаи марказии ноҳия бо ҳамшираҳои тибби оилавӣ мулоқоту вохӯриҳо гузаронида шуданд. Боиси қайд аст, ки кормандони марказ дар рӯзҳои вазнини сироятёбӣ аз вируси нави COVID – 19 то ба имрӯз ҳамарӯза бидуни истироҳат фаъолият бурда истодаанд.

- Ҳар нафарро мебояд барои саломатии худ ва атрофиён беаҳамият набошаду ҳамарӯза барои пешгирӣ кардан аз сирояти нави корона ва ҳифзи саломатии худ қоидаҳои санитарию гигиениро риоя намояд. Аз ҷумла дар мавзеъҳои ҷамъиятӣ аз ниқобҳои муҳофизатӣ истифода бурда, барои тоза кардани дастон бо маҳлулҳои антисептикӣ, ҳамчунин ба риоя кардани масофа эътибор диҳанд, - гуфт М.Холбекова.

Шаҳбону ОЛИМОВА,

«Ҳақиқати Суғд»

Читать далее

МУЛОҚОТИ МУФИД ВА САРИВАҚТӢ

Бино ба иттилои дафтари матбуоти Кумитаи иҷроияи Ҳизби Халқии Демократии Тоҷикистон дар вилояти Суғд дар шаҳри Панҷакент мулоқоти навбатии вакили Маҷлиси намояндагони Маҷлиси Олии Ҷумҳурии Тоҷикистон Парвиз Шодизода бо кормандони Кумитаи иҷроияи Ҳизби Халқии Демократии Тоҷикистон дар шаҳри Панҷакент доир гардид.

Дар мулоқот Парвиз Шодизода доир ба сиёсати Ҳукумати Ҷумҳурии Тоҷикистон ва нақши Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар таъмини сулҳу субот ва баланд бардоштани сатҳи некӯаҳволии сокинон ибрози андеша намуд.

Ӯ ҳамчунин доир ба зарурати истифодаи сарфакоронаву самаранок ва оқилонаи неруи барқ, самаранок истифода бурдани заминҳои наздиҳавлигӣ, заминҳои хоҷагии ёрирасон, заминҳои хоҷагии деҳқонӣ, дар бораи пешгирии таъсири бемории сироятии COVID-19 андешаронӣ намуд. Ҳамзамон, дар шаҳри Панҷакент тибқи дастури Кумитаи иҷроияи вилоятии ҳизб бо олимони ҷавон мулоқот баргузор шуд. Раиси Кумитаи иҷроия, узви Маҷлиси миллии Маҷлиси Олии Ҷумҳурии Тоҷикистон Мурод Шукурзода иштирокчиёни мулоқот-устодон, олимони ҷавон, аспирантҳо ва магистрантҳои Донишкадаи омӯзгории Тоҷикистон дар шаҳри Панҷакент ва Коллеҷи омӯзгории шаҳрро ба ҳамкории судманд даъват намуд.

Сурайё Ҳакимова,

«Ҳақиқати Суғд»

Читать далее