April 2021

30 April 2021

МУЖДАИ УМЕДВОРКУНАНДА. Президентҳои Тоҷикистон ва Қирғизистон вазъ дар марзро баррасӣ намуданд

30 апрел Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Қирғизистон Содир Жапаров суҳбати телефонӣ анҷом доданд.

Дар ҷараёни суҳбат сарони давлатҳо оид ба ҳодисаҳои ахири низоъбарангези ноҳияҳои сарҳадӣ ибрози андеша намуда, вазъи сарҳадоти байни Тоҷикистону Қирғизистонро мавриди муҳокима қарор доданд.

Читать далее

Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Ӯзбекистон Шавкат Мирзиёев суҳбати телефонӣ анҷом доданд

30 апрел Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Ӯзбекистон муҳтарам Шавкат Мирзиёев суҳбати телефонӣ анҷом доданд.

Дар ҷараёни сӯҳбат сарони ду давлат рӯйдодҳои як рӯз пеш дар марзи Тоҷикистону Қирғизистон ба амал омадаро муҳокима карданд.

Пешвои миллат ба Президенти Ҷумҳурии Ӯзбекистон дар бораи чораҳои андешидаи ҷониби Тоҷикистон дар самти рафъи ташаннуҷ дар хатти сарҳад ва ҳалли вазъ бо роҳҳои дипломатӣ маълумот доданд.

Читать далее

Саймумин Ятимов ва Раҷаббой Аҳмадзода ба аёдати ҷароҳатдидагон рафтанд

Нимаи дуюми рӯзи 30 апрел Раиси Кумитаи давлатии амнияти миллии Ҷумҳурии Тоҷикистон Саймумин Ятимов ва Раиси вилояти Суғд Раҷаббой Аҳмадзода дар Беморхонаи марказии Исфара сокинони бар асари даргириҳо захмбардоштаро аёдат намуданд.

Аёдати мазкур тибқи супориши Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сурат гирифта, ҷароҳатёфтагон таҳти назорати табибон қарор доранд.

Читать далее

МУНОСИБАТҲОИ ҲАМСОЯГӢ БОЯД ХАЛАЛ НАЁБАД

То ин муддат мо, сокинони Ҷамоати деҳоти Овчи-Қалъача бо мардуми ҳамсоямарзи қирғиз дар дӯстиву ҳамсоягӣ ва муросову ҳамкорӣ зиндагӣ доштем. Рӯзи гузашта, яъне санаи 29-уми апрели соли равон якбора дар маҳаллаи мо-Овчӣ нотинҷӣ шуда, садои тирпарронӣ ба амал омад. Ҳамин тавр шуд, ки аз хавотирӣ мардум-занону бачаҳои маҳаллаҳо ба ҷойҳои дигари бехавф кӯчонида шуданд-мегӯяд Мавҷуда Ғафурова, мудираи кӯдакистони рақами 13, деҳаи Овчӣ.

Рӯзи гузашта пас аз нисфирӯзӣ ва тамоми шаб бо ҳарбиён тинҷиву оромии маҳалларо нигоҳ доштанд.

Имрӯз бошад, ҳама ҷо ором аст ва мардум ба манзилҳои худ баргашта истодаанд. Ба ҳар ҳол барои эҳтиёт имрӯз бачагон ба мактаб ва кӯдакистон нарафтаанд.

-Аслан сокинони деҳаи Овчӣ ва мардуми қирғизро канали калон ҷудо мекунад.  Вале бояд гӯем, ки мардуми ду халқ ягон маротиба бо ҳам муноқиша накардаанд. Ҳатто, қирғизҳо тамоми хариди озуқаи худро аз бозори деҳаи Овчӣ мекунанд. Мо, сокинони деҳа ба омаду рафти қирғизҳо  ягон норозигӣ ва ё нобоварӣ ифода накардаем. Мо ҷонибдори робитаҳои неки ҳамсоягием. Ва боварӣ дорем, ки барои идомаи ин дӯстиву ҳамсоягӣ, ки асрҳои аср давом карда меояд, мардуми қирғиз низ кӯшиш карда, барои халалдор нагаштани муносибатҳо мекӯшанд - афзуд мавсуф.

Читать далее

ЧУНИН ҲОДИСАРО ДАР МОҲИ ШАРИФИ РАМАЗОН ҲЕҶ ЧАШМДОР НАБУДЕМ

- Рух додани чунин ҳодисаро дар моҳи шарифи Рамазон ҳеҷ чашмдор набудем, - мегӯяд муаллимаи мактаби махсуси Ҷамоати деҳоти Хистеварзи ноҳияи Бобоҷон Ғафуров Гулчеҳра Мӯсоева, - дар мактаби мо толибилмони нуқсондор аз шаҳру навоҳии вилоят таҳсил мекунанд. Баробари шунидани садои тиру туфанг барои бехатарии толибилмон онҳоро ба яке аз мактабҳои Ҷамоати деҳоти Зарзамин ҷой кардем.

Аз маҳаллаҳои хавфноки деҳа сокинон ба дигар мавзеъҳо сари вақт кӯчонида шуда, бахатарии онҳо зери назорати доимии масъулини ҳифзи ҳуқуқ ва хешовандон қарор дорад.

- Бароям чунин ҳодиса ношуниданист, - мегӯяд пири деҳа Биадолат Шарифоваи 95 сола, - зеро солҳои пешин барои лолачинӣ мо ба «Дашти Амин», ки дар наздикии маҳалли қирғизҳо қарор дорад, мерафтем. То дирӯз бошад, қирғизҳо аз бозори мо харид мекарданду инчунин молу маҳсулоти кишоварзии хешро ба савдо мебароварданд.

Гарчанде то соати 9- субҳ садои тир ба гӯш мерасид, аммо боварии комил дорам, ки ин ҳодиса ба тезӣ ҳалли худро меёбад.

Читать далее

Муноқишаҳо бояд ба зудӣ ҳалли худро ёбанд

Истиқоматкунандаи шаҳри Хуҷанд – Шаҳодат Махфиралиева  чанд рӯз пеш ба дидорбинии хешовандон, ки дар Ҷамоати деҳоти Хонободи шаҳри Исфара зиндагӣ мекунанд, рафта буд. Баъди мулоқот ва дидани пайвандону хешовандон хост ба зодгоҳ баргардад. Ӯ аз воқеаҳои наздисарҳадӣ, ки субҳи санаи 29-уми апрел рух дода, то соати 8-и пагоҳӣ давом кард, воқиф шуд.

- Оини ҳамсоядории тоҷикона намегузорад, ки риштаҳои дӯстию рафоқати ҳамсарҳадҳо канда шавад. Давоми солҳои Ҷанги  Бузурги Ватанӣ на танҳо ду халқ, балки даҳҳо миллату халқиятҳо бо ҳам дӯстона муносибат карда, бар адӯ ғолиб омадаанд. Мехоҳам, ки муноқишаҳо ба зудӣ роҳи ҳалли худро ёбанд.

Саҳарии барвақт – санаи 30-юми апрел ба роҳ баромадам, то ба зудӣ ба макони зист равам. То маркази шаҳри Исфара омадам, мутаассифона, ягон нақлиёт наменамуд, ки ҷониби Хуҷанд равам. Дубора ба хонаи яке аз хешовандон баргаштам. То ба эътидол омадани вазъият дар ин ҷо хоҳам буд, ҳарчанд бисёр мехоҳам дар ҳалқаи оила ва фарзандонам бошам, - гуфт холаи Шаҳодат.

Читать далее

Раиси вилояти Суғд Раҷаббой Аҳмадзода аз ҳоли ҷароҳатбардоштагони даргириҳои рӯзи гузашта хабар гирифт

Бо дастури Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон субҳи барвақти рӯзи 30 апрел Раиси вилояти Суғд Раҷаббой Аҳмадзода аз Беморхонаи марказии Исфара боздид карда, аз ҳоли захмиёни даргириҳои рӯзи гузашта хабар гирифт.

Раиси вилоят зимни аёдат таъкид кард, ки бо супориши махсуси Президенти мамлакат барои барқарорсозии саломатии ҷароҳатёфтагон мутахассисони варзидаи соҳаи тиб аз маркази вилоят сафарбар гардида, вазъи беморон таҳти назорати ҷиддии масъулон қарор дорад.

Читать далее

Машварати кории Раиси вилояти Суғд Раҷаббой Аҳмадзода бо фаъолони шаҳри Исфара

Субҳи рӯзи 30 апрел бо супориши Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар толори мақомоти иҷроияи ҳокимияти давлатии шаҳри Исфара бо ҳузури фаъолони шаҳру деҳоти Исфара машварати кории Раиси вилояти Суғд Раҷаббой Аҳмадзода баргузор гардид.

Дар машварат таъкид карда шуд, ки бо ташаббуси ҳукуматҳои Ҷумҳурии Тоҷикистон ва Ҷумҳурии Қирғизистон комиссия оид ба ҳалли низои мусаллаҳона таъсис ёфт.

Читать далее

ДАР ҲАМА ҲОЛАТ ТАҲАММУЛПАЗИРӢ ЗАРУР АСТ!

Бино ба иттилоъи Гулрухсор Бобоева, сармутахассиси омори Ҷамоати Ворух имруз санаи 30-юми апрели соли 2021 дар қаламрави деҳот вазъият ором ва зери назорат аст. Ёдовар мешавем, ки муноқиша дар як минтақа сар зада чандин нафар захмӣ  гардидаанд.

Ҳарчанд айни замон вазъ дар ин мавзеъ  то андозае оромтар аст ва намояндагони мақомоти дахлдори ду давлат барои муътадил сохтани вазъият миёни аҳолӣ корҳои фаҳмондадиҳӣ бурда истодаанд, ҳамоно мардуми ин ҷамоату деҳа умеди ҳарчи зудтар ҳал шудани масъалаҳои баҳснокро доранд. Чунин амалҳои иғвогарона ва халалдоркунандаи зиндагонии ороми мардуми ин мавзеъ бори аввал набуда, давоми чанд соли охир ба вуқӯъ пайваста истодааст. Тааҷҷубовараш он аст, ки тарафи қирғизҳо худ иғвоангезиву тирпаррониро оғоз намуда, тариқи воситаҳои ахбори дохили кишварашон ҷониби Тоҷикистонро айбдор мекунанд.

Алҳол вазъият дар деҳоти Ворух мӯътадил буда, нуқтаҳои савдову хизматрасонӣ, ташкилоту муассисаҳо фаъолият доранд. Боварии комил дорем, ки барои аз байн рафтани масоили муноқишаҳои марзӣ амиқан ақли солим ғалаба менамояд ва дар заминаи таҳамулпазирию ҳамдигарфаҳмӣ, гузашткунӣ бо назардошти дурнамои рушду нумӯи ҳаёту рӯзгори халқи тоҷику қирғиз ҳалли адолатноки худро меёбад.

Читать далее

Маҷлиси Ҳукумати Ҷумҳурии Тоҷикистон баргузор гардид

29 апрел таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор гардид.

Дар кори маҷлис нахуст Дар бораи натиҷаҳои рушди иҷтимоию иқтисодии Ҷумҳурии Тоҷикистон дар семоҳаи якуми соли 2021 ҳисоботи вазири рушди иқтисод ва савдо Завқӣ Завқизода шунида шуд.

Читать далее