05 May 2021

Дар шаҳри Истиқлол кӯдакистони замонавӣ бунёд мешавад

4 майи соли 2021 Раиси вилояти Суғд Раҷаббой Аҳмадзода дар шаҳри Истиқлол ба бунёди кӯдакистон санги асос гузошт.

Иншооти томактабӣ дар доираи омодагиҳо ба ҷашни 30-солагии Истиқлоли давлатии Ҷумҳурии Тоҷикистон ва бо мақсади таъмини иҷрои дастуру ҳидоятҳои Пешвои миллат муҳтарам Эмомалӣ Раҳмон аз тарафи ҶДММ “Ширкати кӯҳӣ-саноатии Тоҷикистону Хитой” бунёд карда мешавад.

Читать далее

Раиси вилоят дар шаҳри Истиқлол собиқадорони меҳнатро аёдат намуд

Дирӯз Раиси вилояти Суғд Раҷаббой Аҳмадзода зимни сафари кории худ ба шаҳри Истиқлол собиқадорони меҳнат Баҳриддин Нишонов ва Назира Каримоваро аёдат кард.

Аснои суҳбат бо собиқадорон роҳбари вилоят аз саҳми онҳо дар рушди соҳаи саноат ёдовар шуда, ба онҳо саломативу саодати рӯзгорро таманно намуд.

Читать далее

«ЛОЛАИ БОМИ ВАТАН»

Шоир Нусратулло Бобоев, ки бо тахаллуси "Тилло" шеър мегӯяд, китоби савуми худро бо номи "Лолаи боми Ватан" рӯйи чоп овард. Бояд гуфт, ки китоби нахустини ӯ бо номи “Соянури офтоб” соли 2003 ва китоби дувум бо номи “Дабистони Ишқ” соли 2015 рӯйи чоп омадаанд.

Дар китоб асосан шеърҳо оид ба ватану ватандӯстӣ чой дода шудааст. Агар ба мазмуну муҳтавоҳои шеърҳои китоб назар афканем дарк мекунем, ки муаллиф дар ғарибӣ мебошад, вале дар қалби ӯ фақат як калима ҷой дорад, ки воҷаи "Ватан" аст:

Ба ростӣ, ки Ватан як биҳишти дастрас аст.

Зи кулли даҳр маро кунҷаки диёр бас аст.

Басо, ки гулшану гулгашт дидаам, бар ман,

Роҳи Ватан бинамоед, гарчӣ хору хас аст.

Чунин мисраъҳо дар китоби Нусратулло Бобоев хеле ва хеле зиёданд ва ҳар чакида, дар китоби мазкур дардҳои дили шоири муҳоҷир мебошанд.

Нушервон АШӮРОВ,

донишҷӯи шуъбаи рӯзноманигории Донишгоҳи

давлатии Хуҷанд ба номи академик Бобоҷон Ғафуров

Читать далее

Пешвои миллат Эмомалӣ Раҳмон бо Раиси вилояти Суғд Раҷаббой Аҳмадзода гуфтугӯи телефонӣ анҷом доданд

5 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси вилояти Суғд Раҷаббой Аҳмадзода гуфтугӯи телефонӣ анҷом доданд.

Нахуст Сарвари давлат ҳисоботи Раиси вилояти Суғдро дар бораи вазъи кунунии тадбирҳои барқарорсозӣ дар манзилҳои истиқоматӣ, ки бар асари муноқишаи марзии охири моҳи апрел рухдода хароб гардида буданд, шуниданд.

Читать далее

ҲАДАФ - БАРҲАМ ДОДАНИ БЕМОРИИ СИЛ

Санаи 4-уми майи соли равон дар толори асосии меҳмонхонаи «Баҳористон»-и шаҳри Гулистон тибқи лоиҳаи USAID оид ба барҳам додани бемории сил дар Осиёи Марказӣ миззи мудаввар баргузор гардид.

Дар кори он муовини Раиси вилоят Зайнура Азимӣ, роҳбари  минтақавии лоиҳаи USAID оид ба барҳам додани  бемории сил дар Осиёи Марказӣ Дилором Қосимова, директори Маркази ҷумҳуриявии ҳимояи аҳолӣ аз бемории сил Аслиддин Раҷабзода, муовини сардори Раёсати иқтисод ва молияи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Саидалӣ ҳафизов, роҳбарони муассисоти соҳаи тандурустии шаҳру навоҳии вилоят, соҳаи силшиносӣ ва воҳидҳои сохтории санитарӣ эпидемологӣ, масъулини молияи шаҳру ноҳияҳои вилоят ва намояндагони васоити ахбори омма ва дигарон ширкат доштанд.

Сараввал муовини Раиси вилоят Зайнура Азимӣ ба ташкилкунандагони ҷаласаи мазкур ва намояндагони Вазорати тандурустӣ ва ҳифзи иҷтимоии аҳолии ҷумҳурӣ, ки дар амалисозии лоиҳаи мазкур ба барҳам додани бемории сил дар кишвари мо саҳм мегузоранд, аз номи роҳбарияти вилоят миннатдорӣ намуда, ба кори мизи мудаввар ва ба ҳадаф расонидани лоиҳа барору комёбиҳо таманно намуд.

Сипас роҳбари  минтақавии лоиҳаи USAID оид ба барҳам додани  бемории сил дар Осиёи Марказӣ Дилором Қосимова маърӯза намуда, оид ба лоиҳаи мазкур ва вазифаҳои он маълумот дод. Мавсуф таъкид дошт, ки лоиҳаи USAID барои барҳам додани бемории сил дар Осиёи Марказӣ - давлатҳои Тоҷикистон, Ӯзбекистон, Қазоқистон, Қирғизистон ва Туркманистонро дар бар мегирад. Татбиқи лоиҳа барои солҳои 2021 - 2025 пешбинӣ гардида, барои амалишавии он наздик 32 миллион доллари ИМА ҷудо шудааст. Вазифаи асосии лоиҳа дарёфти бештари беморони аз ташхис дур монда, беҳтарсозии раванди табобати навъҳои мухталифи беморӣ ва фароҳам овардани муҳити мусоид ва устувории молиявии барномаҳои марбут ба соҳа мебошад.

Директори Маркази ҷумҳуриявии ҳимояи аҳолӣ аз бемории сил Аслиддин Раҷабзода иброз дошт, ки мақсади асосӣ аз чорабинии мазкур дар ҳамкорӣ бо шарикони рушд, намояндагони сохторҳои молия ва тандурустӣ  ҳалли муаммову норасоиҳое, ки дар соҳаи силшиносӣ вуҷуд дошта мебошад.

- Бемории сил сироятӣ буда, хушбахтона таи солҳои соҳибистиқлолӣ мо бо як қатор дастовардҳо расидаем, ин ҳам бошад коҳиш ёфтани беморӣ, камшавии сафи беморони сил дар сатҳи ҷумҳурӣ ва хусусан дар вилояти Суғд мебошад. Соли 2003 нахустин Барномаи ҳифзи аҳолӣ аз бемории сил дар Ҷумҳурии Тоҷикистон оғоз гардида, зина ба зина то соли 2007 тамоми ҷумҳуриро фаро гирифта буд. Сатҳи баланди гирифторони бемории сил дар ҳамон сол, яъне  78,5 нишондод ба сад ҳазор аҳолӣ ба қайд гирифта шуда буд. Соли 2020 ин нишондод ба 40,5 ба сад ҳазор аҳолӣ, яъне зиёда аз 38 нишондод коҳиш ёфтааст. Агар дар алоҳидагӣ ин нишондодро дар вилоят гирем, ба 27,1 ба сад ҳазор аҳолӣ, яъне беш аз 50 нишондод коҳиш ёфтааст,- изҳор дошт Аслиддин Раҷабзода.

ҳамчунин мавсуф қайд намуд, ки тӯли солҳои истиқлолият аз ҷониби  ҳукумати ҷумҳуриявӣ таваҷҷуҳи хоса дода, дар ин раванд ҳамкорӣ бо ташкилотҳои байналҳалқӣ дар сатҳи хуб ба роҳ монда шудааст. Ин омил даст дод, ки алҳол заминаи ташхиси соҳаи силшиносӣ пурқувват ва васеъ шуда, воситаҳои наву пешрафтаи ташхиси бемории сил дастрас гардад.

Муовини сардори Раёсати иқтисод ва молияи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Саидалӣ ҳафизов қайд намуд, ки ҳарчанд вилояти Суғд дар ҳамаи самтҳо, аз ҷумла дар коҳишёбии беморӣ, фавт аз он ва ҳам инфраструктураи тамоми таҷҳизот  нисбат ба дигар минтақаҳои кишвар пешрафта аст, ягона норасогие, ки дар сатҳи кишвар ба назар мерасад маблағгузории соҳаи силшиносӣ мебошад. Чуноне ҳамагон медонанд, табобати бемории сил натанҳо аз маводи дорувории  зиддисилӣ вобастагӣ дошта, хӯроки серғизо зиёда 50 фисади табобатро дар бар мегирад. Аз ин лиҳоз аз масъулини мақомоти молияи шаҳру навоҳии вилоят даъват ба амал оварда шуд, ки бобати  табобату ғизонокии хӯроки беморон маблағи бештар ҷудо карда шавад.  

Дар фарҷоми кори мизи мудаввар аз ҷониби иштирокдорону масъулин табодули афкор сурат гирифт.

Маъмурахон САМАДОВА,

«Ҳақиқати Суғд»

Читать далее

«ГӮШВОРИ ГЕЛОС»

«Гӯшвори гелос» барги сабзе маҷмӯаи чакидаҳои кӯтоҳи шоири хушқареҳа Сурайё Ҳасансултон бо таҳияи номзади илмҳои филолгӣ Сабур Носиров нашр шуд, ки беҳтарин сурудаҳои кӯтоҳи муаллифро дар бар мегирад ва барои дӯстдорони ашъори дилангези шоир метавонад, туҳфаи хубе бошад. Маҷмӯа ба рӯҳи поки дӯсти муштараки муаллиф ва мураттиб Иқбол Илёсзода бахшида шуда, он дар матбааи ЭР-граф – и Душанбе чоп шудааст.

Китоб бо хати - сирилик ва форсӣ пешниҳоди хонанда шудааст. Бояд гуфт, ки то ин дам ашъори дилангези Сурайё Ҳасансултон дар чаҳор маҷмӯа бо номҳои «Даричаи умед», «Даст ба дасти орзу», «Хаёли обии Сайҳун», «Чил дарси камол» пешкаши хонандагону ҳаводорон гардидааст. Чакидаҳои ин бонуи сухан дар саҳифаҳои матбуоти даврӣ ва шабакаҳои иҷтимоӣ зиёд нашр шудаанд.

Шеърҳояш аз қалби поку беолоиш ва ботини комилу болиғи ӯ бархоста, ба дилҳо менишинад, қалби ӯ саршор аз муҳаббат, дарди ишқ, зиндагӣ ва ҷомеа аст. Сурайё Ҳасансултон чӣ дар қолабҳои суннатии арӯзӣ ва чӣ дар қолабҳои нав зебову гуворо шеър мегӯяд. Ғазал, мухаммас, рубоӣ, дубайтӣ ва шеърҳои сафеду чакидаҳои кӯтоҳи шоир ҳамагӣ латифу дилпазиранд.

Шаҳноза ҲОМИДОВА,

“Ҳақиқати Суғд”

Читать далее

Президенти Ҷумҳурии Тоҷикистон Эмомалӣ Раҳмон бо намояндаи махсуси Штатҳои Муттаҳидаи Америка оид ба мусолиҳа дар Афғонистон Залмай Халилзод мулоқот намуданд

4 май мулоқоти Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Эмомалӣ Раҳмон бо намояндаи махсуси Штатҳои Муттаҳидаи Америка оид ба мусолиҳа дар Афғонистон Залмай Халилзод, ки бо боздиди корӣ ба Тоҷикистон ташриф овард, баргузор гардид.

Дар рафти мулоқот доир ба ҷанбаҳои гуногуни вазъи имрӯза дар Афғонистон, бахусус раванди барқарории сулҳу субот дар ин кишвар, ҳамчунин масъалаҳои мубрами минтақавию глобалӣ суҳбати пурмуҳтаво сурат гирифт.

Читать далее

Фармонҳои Президенти Ҷумҳурии Тоҷикистон

ФАРМОНИ

ПРЕЗИДЕНТИ ҶУМҲУРИИ ТОҶИКИСТОН

Дар бораи аз вазифаи Ёрдамчии Президенти Ҷумҳурии Тоҷикистон

оид ба масъалаҳои рушди иҷтимоӣ ва робита бо ҷомеа

озод намудани Раҳмонзода А.А.

Мутобиқи моддаи 69 Конститутсияи Ҷумҳурии Тоҷикистон фармон медиҳам :

Раҳмонзода Абдуҷаббор Азизӣ бо сабаби ба кори дигар гузаштан аз вазифаи Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа озод карда шавад.

Читать далее