Тақвияти корҳои кабудизоркуниву хуррамгардонӣ дар шаҳри Хуҷанд

Подробности статьи

16 январ бо иштироки Раиси вилояти Суғд Раҷаббой Аҳмадзода дар доираи маъракаи кабудизоркуниву хуррамгардонӣ дар майдони назди театри Хоҷа Камоли Хуҷандӣ зиёда аз 50 бех ниҳолҳои ороишию ҳамешасабз шинонида шуд.

Бояд қайд намуд, ки тибқи тавсияи мутахассисон беҳтарин давра барои шинонидани дарахтони ороишӣ, ҳамешасабз ва мевадиҳанда моҳҳои январ ва феврал мебошад. Зеро дар ин муддат ҳолати оромиши ниҳол дар зери хок гузашта, он барои сабзиши оянда хубтар мутобиқ мегардад.

Раҷаббой Аҳмадзода дар Хуҷанд бо раванди корҳои азнавсозӣ дар Беморхонаи клиникавии шаҳрии №1 шинос гардид

Подробности статьи

16 январ Раиси вилояти Суғд Раҷаббой Аҳмадзода бо ҷараёни таҷдиду азнавсозӣ дар бинои асосии ҷарроҳию табоботии Беморхонаи клиникавии шаҳрии №1- и шаҳри Хуҷанд шинос шуд.

Иттилоъ дода шуд, ки бинои чорошёнаи ҷарроҳию табобатии Беморхонаи клиникавии шаҳрии №1 дар асоси дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба таҷдиду азнавсозӣ фаро гирифта шудааст. Бинои мазкур ҳанўз соли 1972 мавриди баҳрабардорӣ қарор гирифта, то ҳол аз таъмири куллӣ бароварда нашудааст. Дар бинои номбурда шуъбаҳои қабул, эҳё, ҷарроҳҳии фасоднок, ҷарроҳии калонсолон, осеби хурдсолон, осеби калонсолон, бемориҳои сўхта, ҷарроҳии бачагона, корпуси ҷарроҳикунонӣ ва ғайраҳо ҷойгир карда шуда, маҷмуан беш аз 250 кати табобатӣ дорад.

Шиносоӣ бо сохтмони иншооти гуногун ва ҷараёни корҳои ободонӣ дар ноҳияи Мастчоҳ

Подробности статьи

Раиси вилояти Суғд Раҷаббой Аҳмадзода зимни сафари корӣ ба ноҳияи Мастчоҳ, ки рӯзи 15 январ сурат гирифт, бо рафти таъмири пойгоҳи обкашӣ, омодагиҳо ба мавсими нави киштукор ва бунёди иншооти гуногуни иҷтимоӣ шинос гардид.

Боиси зикр аст, ки дар минтақаҳои кишоварзии вилояти Суғд омодагӣ ба давраи нави обрасонӣ ҷараён дорад. Бо ин мақсад дар пойгоҳҳои обкашӣ корҳои омодагӣ ба мавсими нав идома дошта, дастгоҳҳо ва иншооти обрасонӣ омода карда мешавад. Аз ҷумла, дар ноҳияи Мастчоҳ таъмиру барқарорсозии пойгоҳи обкашии «Янтоқ-2» ҷараён дорад. Пойгоҳи обкашии «Янтоқ-2» 7 адад агрегат дошта, тавассути он наздик 5 ҳазор гектар замин обёрӣ карда мешавад. Айни замон корҳои таъмирии пойгоҳ 90 дарсад анҷом ёфтааст.

Мастчоҳ. Раиси вилоят дар маъракаи ниҳолшинонӣ иштирок намуд

Подробности статьи

15 январ Раиси вилояти Суғд Раҷаббой Аҳмадзода дар ноҳияи Мастчоҳ дар маъракаи ниҳолшинонӣ иштирок карда, ба корҳои ободонию кабудизоркунӣ дар ноҳия оғоз бахшид.

Бо иштироки роҳбари вилоят, роҳбари ноҳия ва кормандони ташкилоту идораҳо дар ду мавзеъи ноҳия-Боғи фарҳангӣ ва фароғатии "Тоҷикистон" ва қароргоҳи мақомоти иҷроияи ҳокимияти давлатии ноҳия ниҳолҳои ороишию мевадиҳанда шинонида шуд.

Аёдати собиқадорони меҳнат дар ноҳияи Мастчоҳ

Подробности статьи

15 январ Раиси вилояти Суғд Раҷаббой Аҳмадзода дар ноҳияи Мастчоҳ собиқадорони меҳнат Сафарбой Сафаров ва Раҷаб Ниёзовро аёдат кард.

Дар сӯҳбат бо собиқадорон Раҷаббой Аҳмадзода таъкид кард, ки роҳбарияти вилоят дар партави дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳаёту фаъолияти собиқадорон таваҷҷуҳи зарурӣ зоҳир карда, мунтазам онҳоро дастгирӣ менамояд.

Зафаробод. Раиси вилоят Раҷаббой Аҳмадзода​ собиқадорони меҳнатро аёдат кард

Подробности статьи

14 январ Раиси вилояти Суғд Раҷаббой Аҳмадзода зимни сафари корӣ ба ноҳияи Зафаробод ду нафар собиқадорони меҳнатро аёдат карда, ба онҳо кӯмакҳои модии худро расонд.

Раиси вилоят нахуст ба манзили Гайнанова Алфия ташриф овард. Ин бонуи собиқадор соли 1973 Донишкадаи иррегатсионии шаҳри Тошкандро бо ихтисоси муҳандис-барқчӣ хатм намуда, то соли 2012 дар вазифаҳои гуногуни соҳаи обтаъминкунӣ дар идораи давлатии беҳдошти замин ва обёрии ноҳия фаъолият бурдааст. Дар ҷараёни фаъолияташ якчанд кадрҳои лаёқатмандро тарбия намудааст, ки имрўз дар соҳаҳои гунонуни хоҷагии халқ фаъолият мебаранд. Меҳнатҳои Гайнанова Алфия бо чандин ифтихорномаву сипосномаҳои вилоятӣ ва ноҳиявӣ қадрдонӣ карда шудааст.

Сафари кории Раиси вилоят Раҷаббой Аҳмадзода ба ноҳияи Зафаробод

Подробности статьи

14 январ Раиси вилояти Суғд Раҷаббой Аҳмадзода ба ноҳияи Зафаробод сафари корӣ анҷом дод.

Зимни сафар роҳбари вилоят аз пойгоҳҳои обкашии "Мирзочӯл-1" ва "Мирзочӯл-2" боздид намуда, рафти корҳои таъмиру омодасозии пойгоҳҳои обкаширо мавриди таваҷҷуҳ қарор дод. Заминҳои ноҳияи Зафаробод пурра тавассути пойгоҳҳои обкашӣ обёрӣ гардида, кори деҳқонон аз фаъолияти бенуқсони пойгоҳҳо вобастагӣ дорад.

«КАМОЛНОМА» НАШР ШУД

Подробности статьи

Бино ба иттилои директори Муассисаи давлатии «Маркази илмии Камоли Хуҷандӣ», бо ташаббус марказ китоби нав - силсилаи нахустини «Камолнома» нашр шуд, ки муаллифи ҷилди аввали он камолшиноси варзидаи Тоҷикистон Бадриддин Мақсудзода мебошад.

Ҷилди аввали «Камолнома» – таҳқиқот перомуни Камоли Хуҷандӣ ва шеъри ӯ буда, аз 25 мақолаи устод Бадриддин Мақсудзода иборат аст. Муҳаррири асари мазкур ва муаллифи пешгуфтори он професссор Абдунабӣ Сатторзода мебошад.

Дар асар мақолаҳои дар замонҳои гуногун навиштаи муаллиф гирдоварӣ шудаанд, ки «Зиндагиномаи илмии Камоли Хуҷандӣ», «Воқеиятҳои рӯзгори Камоли Хуҷандӣ дар қитъаҳои ӯ», «Осори Камоли Хуҷандӣ», «Ашъори тозаёфти Камоли Хуҷандӣ», «Латофатнома» ва интихоби он ба Камоли Хуҷандӣ», «Мулоҳизае чанд дар бораи матни ғазали «Ғарибӣ»-и Камоли Хуҷандӣ», «Ғазал ва таҳаввули он то асри Камоли Хуҷандӣ», «Хоҷа Ҳофиз ва Хоҷа Камол (Таҳқиқи биографӣ ва муқоисаи халлоқияти адабӣ)», «Ирфони Камоли Хуҷандӣ», «Афкори иҷтимоӣ, ахлоқӣ ва тарбиятии Камоли Хуҷандӣ», «Мавзуъҳои эътироз дар ғазалиёти Камоли Хуҷандӣ», «Хоҷа Камол аз мавқеи диди нақшбандияи Мавлоно Ҷомӣ», «Таҷнис дар шеъри Камол», «Тозакориҳои Камоли Хуҷандӣ дар ташбеҳсозӣ», «Тавсиф дар шеъри Камоли Хуҷандӣ», «Рамзи бадеии «Остона» дар ғазалиёти Камоли Хуҷандӣ», «Ёри дигари камол кист?» ва чанде дигар аз зумраи онҳо мебошанд. Гуфтанист, ки «Силсилаи китоби камолшиносӣ» аз даҳ ҷилд ва бист китоб иборат хоҳад буд ва таҳқиқоти гузашта ва ҷадидро ба ҳам хоҳад овард.

Силсилаи ҷадиди «Камолнома», ки бо пешниҳод ва ибтикори устод Бадриддин Мақсудзода омода шуд, пайомадҳои илмии хуб хоҳад дошт. Баҳром Раҳматзод гуфт, ки муассиса ният дорад, дар ин силсила маҷмӯаи мақолоти камолшиносони дигар, ки паҳлуҳои гуногуни камолшиносӣ, аз ҷумла ирфони шоир, забони шеъри ӯ, масоили таърихии замони зисти шоир, фалсафаи ӯ ва амсоли инҳо таваҷҷуҳ доранд,нашр намояд.

Муассисаи давлатии «Маркази илмии Камоли Хуҷандӣ» тайи чанд соли охир дар рушди камолшиносӣ ва умуман адабиётшиносӣ дар кишвар саҳм мегирад. Чопи ин китоб барои адабпажӯҳон, донишҷӯён ва оммаи васеи дӯстдорони каломи бадеъ армуғони хубест.

Сурайё ҲАКИМОВА,

«Ҳақиқати Суғд»

ТАҲСИЛОТИ ФОСИЛАВӢ ДАР МАКОТИБИ ОЛӢ

Подробности статьи

Бо авҷи тараққиёт ва пешрафт дар соҳаи илм низ ҳамасола дигаргунӣ ворид мегардад. Аз ҷумла таҳсилоти фосилавӣ ҷараёни нави таълим барои донишҷўён мебошад. Аслан таҳсилоти фосилавӣ навгонӣ набуда, он солҳои пеш ҳамчун шуъбаи ғоибона шинохта мешуд. Ҳоло он ба таҳсилоти фосилавӣ табдил ёфта, низоми худро дигар кардааст. Маркази таҳсилоти фосилавӣ зинаи нави рушди ғоибонаи таҳсил буда, он бо технологияҳои иттилоотӣ таъмин гардидааст.

Фарқияти он аз намуди ғоибонаи таҳсил дар он аст, ки қисми муҳими маводи таълимӣ, муносибат байни омўзгор ва донишҷўён, машварат бо воситаи почтаи электронӣ, семинарҳо дар режими онлайн ва офлайн ба воситаи интернет аз худ мешавад. Маркази таҳсилоти фосилавӣ тарзи амалигардонии раванди таълим бо истифодаи технологияҳои муосири иттилоотӣ ва телекоммуникатсионӣ таълимро дар масофаи дур бе иштироки шахсии омўзгор ва донишҷў имконпазир мегардонад. Тамоми макотиби олии кишвар низоми фосилавиро қабул карда аз рўи он корбарӣ карда истодааст. Аз ҷумла дар Донишгоҳи давлатии Хуҷанд ба номи академик Бобоҷон Ғафуров соли 2021 соли рушди таҳсилоти фосилавӣ эълон гардида, дар ин самт корҳои назаррас ба роҳ монда шудааст. Абдуҷаббор Абдуллоев, мудири шуъбаи таҳсилоти фосилавии ДДХ ба номи академик Бобоҷон Ғафуров иттилоъ дод, ки шуъбаи таҳсилоти фосилавӣ дар донишгоҳ аз соли 2017 ба фаъолият оғоз кардааст.

- Соли аввал ба таври таҷрибавӣ 4 факултетро фаро гирифтем, ки аллакай онҳо хатм карданд. Дар 16 факултаи донишгоҳ зиёда аз 6 ҳазор донишҷў дар шуъбаи таҳсилоти фосилавӣ таҳсил доранд. Дар таҳсилоти фосилавӣ донишҷў дар ҷое, ки имконият дорад, дарсашро мехонад ва мо дастурҳоро омода карда, ба донишҷўён ирсол мекунем. Донишҷўён тамоми супоришҳоро аз сомонаи шуъбаи таҳсилоти иловагии донишгоҳ тариқи технологияҳои иттилоотӣ аз худ карда ба иҷро мерасонад. Таҳсилоти фосилавӣ хароҷоти донишҷўро то ду се маротиба кам мекунад ва ё агар донишҷў дар ягон ҷо кор кунад, якбора метавонад таҳсилашро низ идома диҳад. Аз рўи низомномаи таҳсилоти фосилавӣ агар донишҷў барои фаҳмиши технологияи муосир душворӣ кашад ё бо технологияҳои нав кор карда натавонад, курсҳои омўзишӣ гузаронида мешавад, ки донишҷў метавонад, давра ба давра онро аз худ кунад.

Барои пешрафт дар самти илм Вазорати маориф ва илми Ҷумҳурии Тоҷикистон тамоми тадбирҳоро андешида, роҳандозӣ менамояд. Ҳар як пешрафт дар низоми таҳсил метавонад, ояндаи ҷавононро беҳтар ва қадами устуворе ба самти муваффақият раҳнамо созад.

Суман Ҳомидова,

«Ҳақиқати Суғд»