Конибодом гулистон мешавад

Details

Published on Thursday, 12 October 2017 13:37

Тибқи дастуру супоришҳои Раиси вилоят Абдураҳмон Қодирӣ имрўзҳо дар шаҳру ноҳияҳои вилоят корҳои ободонӣ ва шинонидани гулҳои мавсимӣ бомаром идома доранд.

Дар ин самт корхонаи давлатии хоҷагии манзилию коммуналии шаҳри Конибодом ба натиҷаҳои дилхоҳ ноил мегардад. Имрўзҳо 66 нафар кормандони муассиса барои шинонидани гулҳои мавсимӣ дар хиёбон ва майдонҳои асосии шаҳр пурмаҳсул фаъолият мебаранд. Ҳамасола кўчаҳои Ленин, Камоли Хуҷандӣ ва даромадгоҳи шаҳр ба масоҳати 20000 метри мураббаъ кабудизор ва гулкорӣ мешаванд. Дар шаҳр аллакай 3000 бех гули мавсимии карамгул шинонида шудааст.

Бояд зикр дошт, ки ободонию гулкорӣ натанҳо дар маркази шаҳр, балки дар аксарияти ҷамоату деҳот низ ба назар мерасад.

Нодир ТУРСУНЗОДА,
«Ҳақиқати Суғд»