Шаҳри зебои сайёҳӣ
- Информация о материале
- Просмотров: 187
Дар нишасти матбуотии раиси шаҳри Гулистон оид ба ҷамъбасти фаъолияти соҳаҳои хоҷагии халқи шаҳр давоми соли 2025 барои рӯзноманигорон маълумоти муфассал пешниҳод карда шуд.
Сараввал раиси шаҳр Илҳом Пӯлотзода оид ба ҷамъбасти фаъолияти соҳаҳои хоҷагии халқи шаҳр сухан гуфта, зикр намуд, ки Гулистон яке аз шаҳрҳои саноатӣ маҳсуб ёфта, дар коргоҳҳо давоми соли рафта ба маблағи 4 миллиарду 871 миллиону 516,6 ҳазор сомонӣ (124,8 фоиз) маҳсулот истеҳсол гардид, ки ин нишондиҳанда ба маблағи 136,9 ҳазор сомонӣ зиёд мебошад.
Ба қисми даромади буҷети давлатӣ 297,6 миллион сомонӣ маблағ ворид шуд. Нақшаи даромади буҷет 106,6 миллион сомонӣ буда, 117,3 миллион сомонӣ (110 фоиз) ба иҷро расонида шуд.
Кишоварзӣ - пояи амнияти озуқаворӣ ва рушди устувори давлат
- Информация о материале
- Просмотров: 381
Паёми навбатии Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии мамлакат бори дигар собит сохт, ки соҳаи кишоварзӣ дар сиёсати давлатии кишвар мавқеи калидӣ ва афзалиятнок дорад. Дар шароите, ки ҷаҳон бо буҳронҳои ғизоӣ, тағйирёбии иқлим ва номутавозунии бозорҳои байналмилалӣ рӯ ба рӯст, таваҷҷуҳ ба рушди устувори кишоварзӣ ҳамчун кафили амнияти озуқаворӣ ва суботи иҷтимоӣ аҳаммияти дучанд пайдо мекунад.
Соли 2025, бо вуҷуди таъсири манфии омилҳои табиӣ, аз ҷумла ҳарорати ғайримуқаррарӣ, камборишӣ ва хокборишҳои шадид, кишоварзони мамлакат бо заҳмати содиқона ва ҳисси баланди масъулият тавонистанд суръати рушди соҳаи кишоварзиро ба 8,5 фоиз расонанд. Ин нишондиҳанда далели равшани он аст, ки сиёсати дурандешонаи давлат дар самти истифодаи самараноки обу замин, дастгирии истеҳсолкунандагони ватанӣ ва ҷорӣ намудани усулҳои муосири хоҷагидорӣ натиҷаҳои назаррас ба бор овардааст.
Саломатӣ дар мадди аввал
- Информация о материале
- Просмотров: 271
Саломатӣ барои инсон давлати бузург ва аз зару зевар қиматтар буда, онро маҳз табибон ва кулли кормандони муассисаҳои нигаҳдории тандурустӣ ҳифз мекунанд. Баҳри шинос шудан бо фаъолияти Беморхонаи минтақавии Ғулакандози ноҳияи Ҷаббор Расулов бо сардухтури он Абдусаттор Усмонов суҳбате оростем. Аён гардид, ки беморхонаи мазкур аз соли 1993 инҷониб фаъолият дошта, то ҳадде саҳми худро дар сиҳатмандии ҷомеа мегузорад. Дар суҳбат мусоҳиби мо аввалан шукргузорӣ аз ободиву озодӣ дар кишвар намуда, чунин иброз дошт: - Ҷаноби Олӣ муҳтарам Эмомалӣ Раҳмон ҳини мулоқот таъкид мекунанд, солимии миллати тоҷик дар сиҳатии ҷомеа мебошад.
Равнақи соҳаи тиб рукни муҳими сиёсати иҷтимоии давлати мост. Иҷтимоӣ будани соҳаро Конститутсияи Ҷумҳурии Тоҷикистон эълом доштааст. Президенти мамлакат дар сиёсати оқилонаи хеш ба рушди иҷтимоиёт ва иқтисодиёти кишвар таваҷҷуҳи хоса зоҳир намуда, чунин гуфтаанд: «Агар ҳадафи мо бунёди ҷомеаи солим ва соҳибмаърифат бошад, пас таваҷҷуҳамонро ба ҳифзи саломатии ҳар як инсон равона намоем. Дар хотир дорем, ки танҳо насли аз ҷиҳати ҷисмонӣ ва маънавӣ солим метавонад бунёдгузори ҷомеаи нав бошад». Ин аст, ки сол аз сол вазъи муассисаҳои тиббӣ беҳтар, муҷаҳҳаз кардани муолиҷагоҳу ташхисгоҳҳо бо воситаҳои тиббии навтарин муташаккилонатар мешавад. Кормандони соҳаи нигаҳдории тандурустӣ барои баланд бардоштани дараҷаи хизматрасонии тиббӣ ва дар ҳаёт татбиқ кардани тарзу усулҳои нав ба нави муолиҷа, мустаҳкам гардонидани саломатии халқ, пешгирии бемориҳо кӯшиши бештар ба харҷ медиҳанд.
Барори соли аспи сурхи оташин
- Информация о материале
- Просмотров: 246
(1906, 1918, 1930, 1942, 1954, 1966, 1978, 1990, 2002, 2014, 2026)
Нафароне, ки дар соли асп таваллуд шудаанд, шахсони машҳуранд. Онҳо шахси бодиққат, хушзеҳн, шӯхтабиат буда, саводи хуби молиявӣ доранд. Баъзан чунин ҳам мешавад, ки бисёр суханиашон боиси дилбазании атрофиён мегардад. Агар бо “аспҳо” муддати бисёр сухан накунед, онҳо худро гум мекунанд, зеро сукут кардан барояшон азоби сахттарин аст.
Инсонҳое, ки ба соли асп мансубанд, соҳиби ҷозибаи махсус буда, ба қавле “хунашон ҷӯшидааст”. Онҳо нисбат ба атрофиён боэътибору мафтункор буда, хислати хуби ба кас ёрирасониро доранд ва маҳз бо ҳамон хислаташон аз дигар зодагони бурҷ фарқ мекунанд. Аммо ҳаминро бояд донист, ки онҳо худпараст буда, якравӣ хоси онҳост. Аспҳо ба қавле характери зинда доранд. Онҳо мехоҳанд, ки ҳамеша дар маркази эътибор ва таваҷҷуҳи атрофиён қарор дошта бошанд, баҳсу мунозира барояшон бегона нест. Бар замми он ки нутқашон буррост, соҳиби ақлу ҳуш ва истеъдод ҳастанд. Ҷиҳати ҷолиби зодагони ин бурҷ дар он аст, ки онҳо поку ҳалол гаштанро меписанданд, ростгӯӣ хислати онҳо бошад, ҳазлу мутоиба ёри ҳамешагии онҳост. Лекин бо вуҷуди шӯхтабиату савохатманд будан табиати руҳафтодагиву пессимистӣ онҳоро водор месозад, ки ба нафарони дастгир эҳтиёҷ дошта бошанд. Ҳарчанд симои зоҳириашон худбоварии онҳоро нишон диҳад ҳам, аммо дар асл ба худ бовар надоранд, онҳо дар ҷустуҷӯи такягоҳ буда, ёрии дигаронро интизор мешаванд.
Страница 60 из 61







