Солимии ҷомеа – солимии миллат
- Информация о материале
- Просмотров: 658
Ҳангоме ки маводро омода месохтем, хушхабаре расид: Дар фарорасии мавлуди Абӯалӣ ибни Сино ва ба муносибати Рӯзи кормандони тибби Ҷумҳурии Тоҷикистон Мунира Вализода - сартабиби Таваллудхонаи вилоятии ба номи Ӯғул Шамсиддинова ғолиби озмуни вилоятии “Беҳтарин сартабиби муассисаи нигаҳдории тандурустии вилоят дар соли 2026” дониста шуда, бо Дипломи дараҷаи III ва туҳфаи хотиравӣ қадрдонӣ карда шудааст.
Ба ин муносибат мо сартабиби Таваллудхонаи вилоятии ба номи Ӯғул Шамсиддинова Мунира Вализодаро муборакбод намуда, дар бораи дирӯзу имрӯз ва фардои ин муассисаи табобатӣ ҳамсӯҳбат гардидем, ки фишурдаи онро пешкаши муштариёни рӯзнома мегардонем:
Оинаи ҳақнамои ҷомеа
- Информация о материале
- Просмотров: 552
“Ҳақиқати Суғд” яке аз муқаддамтарин рӯзномаҳои қаламрави кишвар маҳсуб ёфта, алҳол таърихи наздик садсола дорад ва ҳамчун нашрияи Мақомоти иҷроияи ҳокимияти давлатии вилояти Суғд минбари бонуфуз ва оинаи ҳақнамои ҳаёти муосир, рӯзгори даврони соҳибистиқлолӣ мавқеъ ва рисолат дорад.
“Ҳақиқати Суғд” ҳамчун дастгоҳи тарғиботу ташвиқот баҳри амалигардонии сиёсати Ҳукумати Ҷумҳурии Тоҷикистон, ҳидоятҳои саодатбор ва дастуру супоришҳои нусратбор, қарорҳову Амру Фармонҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, вазифаву қарорҳои бунёдсози Раиси вилоят, дастоварду нақшаҳои дурнамои вилояти Суғд хизмати касбӣ менамояд.
Меҳнати фидокорона баҳри фардои дурахшон
- Информация о материале
- Просмотров: 545
Яке аз муқаддасоти Тоҷикистон Истиқлоли миллӣ аст, ки маҳз тавассути он мо кишвари азизи худро аз паҳну парешоншавӣ ҳифз карда, имрӯз бо қадамҳои устувор раҳ ба сӯи фардои дилхоҳу дурахшон пеш мегирем. Воқеан, ин файзу баракати ҳаёти имрӯзаи мардуми азиз аз шарофати ин муқаддасоти бузург аст, ки дар кишвар ҳар пиру барно эҳсос мекунанд.
Ин ҷост, ки мардуми шарафманди мо Истиқлолиятро рамзи тинҷиву оромӣ, хушбахтиву хушнудӣ, сулҳу суботи тамоми қишрҳои ҷомеаи кишвар, умед ба оянда, рушди соҳоти мухталифи Тоҷикистон арзёбӣ мекунанд. Ҳамзамон, созандагиву эҷодкорӣ, ободониву бунёдкориро мардум аз шарофати Истиқлоли миллӣ медонанд. Месазад ин ҷо оид ба созандагиву ободкориҳо дар Тоҷикистони соҳибистиқлол ҳарф зад, ки ҳар яки он ба 35-солагии Истиқлоли давлатии Ҷумҳурии Тоҷикистон бахшида шуда, аз ҳукмрон будани сулҳу ободӣ дар кишвар дарак медиҳанд.
Сутуни зиндагонӣ одамони пок мегўянд…
- Информация о материале
- Просмотров: 545
Зиндагиро инсонҳои нексиришту бомаърифат маънӣ мебахшанду рангин месозанд. Инсон аз суҳбати чунин шахсони соҳибзаковату хирадманд, фурӯтану самимӣ нерӯву тавон мегираду ба зиндагӣ дил мебандад. Ташаккул ёфтан ва камолоти шахсият аз муҳити хонадон ва тарбияи волидон пайвастагии амиқ дошта, он дар тору пуд ва сиришт ҷойгузин мегардад. Хушбахтона, ҷомеаи имрӯзаи мо аз ин гуна инсонҳои нек орӣ набуду нест. Агар ин хислатҳои олии инсонӣ ба масъулияту рисолати касбӣ тавъам бошанд, пас инсон соҳибэҳтирому азизи дилу дидаи мардум мегардад.
Яке аз касбҳои пуршараф, ки барои ҳама хурду бузург–аз рӯзи тавлид ва дами вопасин роҳнамо буда, ҳар сухани ҷонбахши соҳибони ин касб бо зарҳал навишта мешавад, табиб аст. Табибе, ки садоқат ба касб дораду онро дӯст медорад, пеш аз ҳама, бо сухани накӯ ба бемор дармон мебахшад.
Страница 7 из 53
