Президенти мамлакат Эмомалӣ Раҳмон дар шаҳри Гулистон корхонаи истеҳсоли ноқили барқӣ ва луларо ифтитоҳ намуданд
7 сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар минтақаи саноатии шаҳри Гулистони вилояти Суғд бо бардоштани парда аз рӯи лавҳаи рамзӣ корхонаи истеҳсоли ноқили барқӣ ва лула (шланг)-и Ҷамъияти дорои масъулияти маҳдуди “Абдуллоев Саидбой”-ро мавриди баҳрабардорӣ қарор доданд.
Ин корхона аз ҷониби соҳибкори маҳаллӣ Саидбой Абдуллоев дар доираи “Солҳои рушди саноат” бунёд карда шудааст.
Зимни шиносоӣ бо фаъолияти корхонаи саноатӣ ба Пешвои миллат муҳтарам Эмомалӣ Рахмон иттилоъ дода шуд, ки он дар масоҳати 1 гектару 5 садяк замин бунёд гардида, аз ду коргоҳи истеҳсолии ноқили барқӣ, рӯдаи резинӣ ва гофра иборат аст.
Пешвои миллат Эмомалӣ Раҳмон дар шаҳри Гулистон бинои нави маркази саломатиро ба истифода доданд
7 сентбяр дар доираи сафари корӣ ба вилояти Суғд Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар шаҳраки Сирдарёи шаҳри Гулистон бинои нави маркази саломатиро мавриди баҳрабардорӣ қарор дода, бо шароити кор ва хизматрасонӣ дар ин муассиса шинос шуданд.
Бунёди бинои нави маркази саломатӣ аз моҳи апрели соли 2024 оғоз гардида, дар рафти корҳои сохтмонӣ зиёда аз 30 мутахассиси маҳаллӣ ба кор ҷалб шуданд. Иншоот пурра бо истифода аз маҳсулоти баландсифати ватанӣ ва харҷи 2,5 миллион сомонӣ маблағ бунёд гардид.
Сарвари давлат Эмомалӣ Раҳмон ба вилояти Суғд ташриф оварданд
7 сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо мақсади иштирок дар тантанаҳои идона бахшида ба 33-юмин солгарди Истиқлоли давлатӣ, шиносоӣ бо вазъи зиндагии мардум, ҷараёни корҳои ободонию созандагӣ, ифтитоҳи як қатор иншооти муҳим ва суҳбату мулоқот бо сокинон ба вилояти Суғд ташриф оварданд.
Дар Фурудгоҳи байналмилалии Хуҷанд Президенти Ҷумҳурии Тоҷикистон муҳтарам Эмомалӣ Раҳмонро раиси вилояти Суғд ва дигар шахсони расмӣ истиқбол гирифтанд.
Президенти Ҷумҳурии Тоҷикистон Эмомалӣ Раҳмон Президенти Агентии Корея оид ба ҳамкории байналмилалӣ Ҷанг Вон Самро ба ҳузур пазируфтанд
6 сентябр дар Қасри миллат Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон Президенти Агентии Корея оид ба ҳамкории байналмилалӣ (КОИКА) Ҷанг Вон Самро ба ҳузур пазируфтанд.
Дар мулоқот масоили ҳамкории Тоҷикистон бо Агентии Корея оид ба ҳамкории байналмилалӣ баррасӣ гардид.
Президенти кишвар муҳтарам Эмомалӣ Раҳмон Ҷумҳурии Кореяро шарики боэътимоди Тоҷикистон дар Осиёи Шарқӣ ва КОИКА-ро ниҳоди муҳими тақвияти ин шарикӣ номиданд.
Пешвои миллат Эмомалӣ Раҳмон дар ноҳияи Ховалинг Маркази савдои «Беназир»-ро фосилавӣ мавриди истифода қарор доданд
5 сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар доираи сафари корӣ дар ноҳияи Ховалинг бинои Маркази савдои “Беназир”-ро фосилавӣ мавриди истифода қарор доданд.
Маркази савдои “Беназир” бо маблағи 5,5 миллион сомонӣ аз ҷониби соҳибкори ватандӯст Зафар Сафаров бунёд шудааст.
Бинои марказ аз ду ошёна иборат буда, масоҳати он 2200 метри мураббаъро ташкил медиҳад.
28-уми марти соли 1955 дар шаҳри Хуҷанд, дар оилаи хизматчӣ таваллуд шудааст.