Ҷашни муҳофизони қонуну адолат
- Информация о материале
- Просмотров: 160
Ҳар сол санаи 14-уми март кормандони мақомоти Прокуратураи Тоҷикистон иди касбии худро таҷлил менамоянд.
Санаи 8-уми апрели соли 2015 Маҷлиси намояндагони Маҷлиси Олии Ҷумҳурии Тоҷикистон ба Қонуни Ҷумҳурии Тоҷикистон «Дар бораи рӯзҳои ид» тағйирот ворид намуд, ки тибқи он дар мамлакат 14-уми март Рӯзи кормандони мақомоти прокуратура таъйин шуд.
Таҷлили Рӯзи кормандони мақомоти прокуратура аз он ибтидо мегирад, ки санаи 14-уми марти соли 1992 Қонуни Ҷумҳурии Тоҷикистон «Дар бораи прокуратураи Ҷумҳурии Тоҷикистон» қабул гардида, тибқи он вазифаи Прокурори генералии Ҷумҳурии Тоҷикистон таъсис дода шуд.
Имрӯз мардуми кишвар ба хубӣ дарк менамоянд, ки таъмини қонунияту адолат, амният, сулҳу субот ва ризоият дар ҷомеа аз фаъолияти самараноки ин ниҳоди бонуфуз низ сахт вобастагӣ дорад.
Дастгиру муттакои мардум
- Информация о материале
- Просмотров: 121
Зани болобаланду қавиирода бо ваҷоҳати ҷиддӣ сари мизи корӣ андармони кор буд.
–Ассалому алайкум муаллима, идҳои баҳорӣ муборак бошад.
–Ташаккур, ба Шумо ҳам,–гуфт ӯ ва боз машғули кор шуд.
Пас аз фурсате сӯҳбати мо, ба қавле, қӯр гирифт.
Муҳаббат Ӯрунова. Ин ном барои онҳое, ки ӯро мешиносанду эҳтиромашро ба ҷо меоранд, азиз аст. Ӯ ҳар субҳ ба ҷои корӣ–ошёнаи ҳафтуми бинои мақомоти иҷроияи ҳокимияти давлатии шаҳри Хуҷанд мешитобаду бегоҳ бо табъи болида назди пайвандон бармегардад. Пайроҳаи фаъолияти ин зани шуҷоъ намунаи ибрати дигарон аст, зеро барои Зан-Модар фаъолият доштан дар мақомоти ҳифзи ҳуқуқ масъулияти гаронеро тақозо дорад.
Эҳтироми қонун мароми ман аст
- Информация о материале
- Просмотров: 81
Мақомоти прокуратура ҳамчун ниҳоди мустақили давлатӣ, ҳамчун рукни тавонову пурқудрат дар Ҷумҳурии Тоҷикистон манзалати хоса ва эътибори махсус дорад. Дар даврони соҳибистиқлолии кишвар мустақилияти пурраи мақомоти прокуратураи Тоҷикистон таъмин ва самтҳои асосии фаъолияти он, вазъи қонуният ва тартиботи ҳуқуқӣ муайян гардидаанд. Бо дастгирии бевоситаи Асосгузори сулҳу ваҳдати миллӣ–Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон фаъолияти самараноки прокуратураро заминаҳои устувори ҳуқуқӣ ташаккул дода, ҷойи он дар низоми мақомоти давлатӣ муайян ва ваколатҳои он дақиқ шудаанд.
Пешвои миллат муҳтарам Эмомалӣ Раҳмон хидматҳои кормандони мақомоти прокуратураро дар назди давлат ва миллат борҳо қайд менамоянд: «Кормандони прокуратура ҳанӯз аз ибтидои таъсисёбии он ба шароити вазнини сиёсӣ, иқтисодӣ ва иҷтимоии он солҳо нигоҳ накарда, вазифаҳои хизматии худро бо ҳисси баланди масъулият, кордонӣ ва садоқат ба халқу Ватан иҷро карда меоянд».
Матбуот - чароғи роҳи рушд
- Информация о материале
- Просмотров: 137
Бахшида ба Рӯзи матбуоти тоҷик дар маркази вилояти Суғд–шаҳри Хуҷанд чорабинии ботантана доир гардид, ки дар он пешсафони соҳа ва собиқадорони қалам бо мукофотҳои соҳавӣ сарфароз шуданд.
Ин ҳамоиш бори дигар собит намуд, ки нақши рӯзноманигорон дар инъикоси воқеияти ҷомеа ва таҳкими пояҳои давлатдорӣ ниҳоят муҳим мебошад.
Матбуот ва воситаҳои ахбори омма дар ҷомеаи муосир вазифаи пурмасъулияти таърихӣ ва иҷтимоиро бар дӯш доранд. Ходимони қалам бо нигоҳи тоза ва таҳлилҳои амиқи худ дар татбиқи сиёсати созандаи кишвар ва баланд бардоштани маънавиёти мардум саҳми арзишманд мегузоранд.
Страница 24 из 35
